炑八韓烤 (Closed)

跟家人愛來這裡，絕對是因為有泡菜爐邊蛋跟芝士粟米(可無限添加!!)這晚一邊討論旅行，一邊就試新出的套餐冰夏鰻魚套餐(3-4人份量)有鰻魚，厚切牛舌，豬五花，LA骨，護心肉五花肉肥瘦分明炎熱天熱先送上柚子冰茶冰茶沒有過甜，很解渴沙律也有用上水果 賣相好，也非常消暑最愛爐邊蛋跟芝士粟米芝士蛋卷用蛋當飯，特別又好吃乾冰八爪魚冷麵冷麵更有不少碎冰，很冰凍上面更有清爽的青瓜加上爽口八爪魚更可按自己喜歡加上入醋跟芥末拌入煙韌的冷麵內五花肉油份充足燒到焦香更可用生菜包其他伴菜同吃腌過的護心肉嫩滑軟熟入口偏甜鰻魚煎到兩邊焦香再剪成小塊 反覆烘烤，味道不錯 吃完烤肉當然要食甜品作最後結尾西瓜冰沫，無敵透心涼 尖沙咀金馬倫道5號太興廣場2樓

荔枝/ 菠蘿梳打 $36烤烤當然要配清爽的飲品，荔枝梳打蜜甜，有荔枝果肉及香橙粒，味道甜思思；菠蘿梳打比較淡甜、清新，十分消暑解膩。柚子沙律「夏日奇幻燒烤套餐」前菜是柚子沙律，是不錯的開胃菜，酸甜多汁的柚肉，配上黑醋生菜，感覺清新。燒烤拼盤十分豐盛，有厚切豬五花、春川辣雞肉、霜降牛小排、厚切牛舌、紅魚扒、大蝦，加上乾冰的煙霧效果，配合「夏日奇幻」主題。店員先在爐邊倒上泡菜蛋漿及芝士粟米，在烤肉的過程中，可以慢慢品嚐。厚切豬五花厚實、肥美，先放在爐上慢烤，釋出肉汁香油，滋潤著其他烤肉。春川辣雞肉入口嫰滑，雞皮焦脆，微微泛辣的口感，非常吸引! 豬五花燒至金黃，用較剪剪成一口SIZE，四邊快炒至均勻受熱，入口軟腍，肥膏位置香糯而不油膩，包在生菜中吃，加上蒜粒，更加惹味! 霜降牛小排油花均勻，輕輕烤至兩邊金黃，入口質感嫰滑，肉汁香郁，滋味誘人。厚切牛舌已𠝹成網紋，燒至肉身微微彎曲，味道Juicy，口感飽滿。燒完肉扒，還有海鮮的誘惑，紅魚扒魚皮脆卜卜，魚肉滑溜挺身，啖啖肉；大蝦肉質彈牙，只是份量略少，令人意猶未盡。乾冰八爪魚冷麵冰涼的冷麵在炎炎夏日，引人食慾，清涼的湯頭有青瓜片及醃蘿蔔，水冷麵彈

夜晚同老公兩個去搵食，行完尖沙咀，經過金馬倫道，見到有間木八韓燒，諗諗吓兩個都好耐冇食過韓國燒烤，就想去試吓。坐低一陣，侍應介紹我哋食二人餐，二人餐個Menu有厚切豬五花、香川辣雞肉、霜降牛小排、厚切牛舌、大蝦通宵紅魚扒。煮食仲有乾冰八爪魚冷麵。首先我哋燒牛小排，牛小排肉汁鮮嫩，而且好淋好好食。香川辣雞肉亦都非常惹味，牛舌勁大塊又夠厚。大蝦亦非常新鮮又夠大隻。紅魚扒大大塊又新鮮，仲幫你起晒骨，啖啖肉好好食！最後，個超有份量嘅五花腩，分量十足，一路燒一路聞到香噴噴，燒到咁上下，剪細再用山菜包住食，一啲都唔覺得太肥或太油，生菜中和返，恰到好處！乾冰八爪魚冷麵亦非常特別，八爪魚新鮮，冷麵又彈牙。食到好飽，仲黎多個西瓜冰沬，西瓜清甜配入牛奶雪糕同椰子沙冰係底，真係好消暑。總括今次冇揀錯呢間韓國燒烤，抵食又好味，下次會再光顧！

一人燒烤餐先128有前菜有湯仲可以揀兩種似再加埋一個飯超級超級抵同好味佢個下午茶都勁抵 一個lunch set先至$50有找強烈推薦佢個雞排飯同埋一人燒烤餐！ 肉質幾好 而且店員服務態度好好 會再黎食！

第一次食唔係任食既韓燒本身諗住都會幾貴 點知又幾抵食叫左個韓牛餐千幾蚊話3-4人份量但我地5個人食都好夠 咩都有雖然太飽 最後都心思思額外加左醬油蟹同鰻魚同埋原來會不停加前菜同芝士 加到我地食到要話唔加美中不足既係BK枱果陣只係記得留左2隻蟹黎到果陣想叫多隻都冇 因為已經賣晒抵讚既係 咁多枱燒野食又唔大味又唔熱

意想不到竟然能夠請到廣州塔羅女神降臨尖沙咀共渡韓燒呢，感動不已。我當然要自動自覺搶先到達，坐定定打點一切及諗好菜單啦。七點未夠已入座，還未有食家進場，任坐唔嬲 ﹗專登揀張邊位靠牆，有少少私人空間，不會人來人往，而且較靜傾到計架呢。從未試過炑八出品既醬油蟹，就決定由您做主角，再加幾款高檔牛肉，最後來兩客麵條，撐檯腳應該足夠有餘喇。眾醬油蟹聽住，今晚唔係您死就我亡，嘩哈哈！地方十分寬敞，密度不算高，空氣流通，冷氣夠勁，內籠格局不錯。肥姐、瘦姐、後生仔、妺妹都有禮熱誠，服務滿意。女神真的有點慢，我都係飲住酒、食點前菜先喇。原味真露，食燒肉梗係要嘆燒酒啦 ﹗不過未有肉食就要慢慢品嚐，不能狂 shot 呢 ﹗質地幼滑，味道醇厚，冰涼順喉，奇魔知架呢。辣大豆芽，淨飲又悶又寡，咬多注大豆芽送酒，微辣多汁只是有點濁，沒有撈辣粉的更好味。醬油凍豆腐，女神降臨前已經被我完全消滅，冰涼滑滑豆腐搭上鰹魚汁又幾好食喎。胡麻醬雜菜沙律，胡麻醬酸酸甜甜，味道陰沉加上室溫沙律我一向都麻麻地，寧願等一陣食烤肉生菜包啦。烤雞蛋泡菜粒，我真係非常鍾意食雞蛋架，太陽蛋、荷包蛋、炒蛋、烚蛋、溫泉蛋、奄列、蒸水蛋、等等，每日最少

返工食個下午茶，同一間店係唔同嘅位置都有唔同價錢，依咖尖沙咀b出口嘅炑八真係好平好抵食！💰💰👍🏻👍🏻，一泥到就有例牌韓式前菜，個魚糕同泡菜都好好食😋，我嗌左個雞扒蛋包飯，個蛋勁滑，啲雞又夠多汁，仲要嗌特飲都唔洗加錢！

今日媽媽繼續不在家，所以好有口福地出街揾兩餐食下，今次就特登兩點半去到呢間韓式餐廳食嘢。不得不提嘅就係佢真係超級抵，我食完真係飽到上心口。佢有幾款前菜，芽菜、魚仔、仲有唔少得嘅泡菜。本身唔知佢個飯真係有咁多份量，所以仲refill左泡菜過吓口癮。其他兩樣本人就唔好，不過屋企人睇落就好中意咁話佢扺除左因為有湯有前菜之外，係因為佢仲送多杯野飲我叫左牛肉豆腐湯配飯，而屋企人就要左雞扒蛋包飯同牛肉蛋包飯。由於一上黎就超級興奮，整爛左個飯影相唔好睇所以就唔放上黎。但係佢既蛋包飯真係唔差值得一試再試。四十八蚊係尖沙咀食飯仲可以長坐，對我呢d小薯黎講已經五粒星lu

同同事去食，其中一個同事唔食牛，所以除左烤肉之後，我地叫左一份雞肉拌飯，結果黎左雜綿拌飯（有牛）咁我同事就同個職員講番我地係叫雞肉，但好似黎錯左，一同個職員講，個職員就同個好似經理級既人講，個經理級就大大聲問同我地落單既職員，問左好多次：有冇同你講係要雞肉拌飯？仲要問左好多次，但遲遲都冇話換左佢，好似講到我地冇同佢講係要雞肉...隔左一輪個落單職員先同我地講話換俾我地...好似係我地既問題咁...淨係聽同職員話我地冇落雞肉拌飯，就俾面色我地睇...同事都仲記得佢落單時係話雞肉...未講完個職員就話石鍋拌飯？但淨係想換番岩姐...咁如果個同事係食得牛既我地都唔想咁麻煩換啦...仲要有個同事都係食番呢間，都話之後同朋有食都有上錯野食先發現落錯單，上左個比佢地叫既餐貴百幾蚊，原因係佢地冇慣性覆單！所以上次又好，今次都好都上錯...唔止一次（因為有時圖片下附近既名又唔係同一樣野）因為我地個位就係門口位，收銀就係隔離，而換俾我地期間個收銀職員（似管理級）就同果位落單職員講話呢點客唔洗理佢...點點點...我地幾個都聽到佢地講野，唔係細聲...唔理係咪俾說話我地聽，到俾我地感到不舒服😭我仲同同事講

尖沙咀lunch食咩好先呢？哩間通常係我既選擇，快！靚！正！不過成日都好多人，爆哂棚。好采今日12點未夠就入黎座底左啦，唔洗排隊等食🤤🤤🤤哩度午市好多選擇架，通常都係食蛋包飯為主既，哩度既前菜係無限供應，食前菜都飽飽了🤗🤗🤗今日嗌左嗰牛肉石頭飯，豆腐海鮮大醬湯飯，饅魚蛋包飯😋😋😋牛肉石頭飯熱辣辣好味，加埋啲飯蕉好出色，撈埋啲韓式辣醬更加入味。嗰豆腐海鮮大醬湯飯就咸左小小，饅魚蛋包飯嗰蛋永遠都煎得好靚，好滑😍😍😍😍😍

今晚同朋友想食韓燒，因為未試過呢間，所以最後決定去試下。我地book左7點，後尾發覺其實可以walk in，去到都無咩人。 佢套餐選擇唔多，因為我地兩個人，最後都係決定單點。 我地原本嗌左護心肉、五花肉、同牛舌。 雖然佢個熔岩芝士炒飯好吸引，但係我地驚太漏，所以揀左水冷麵。 店面人手其有啲不同，所以落單都要等一段時間。 最後佢只係黎左三樣野，漏左牛舌，不過我地都飽飽地，所以無再叫佢加番。 韓燒其中一個重點就係可以任食泡菜蛋同芝士粟米 我地宜家先知娃娃菜原來都可以包肉食，平時都係用生菜多。另外，如果五花肉可以無骨就好啦🤣

相隔左差唔多個來月先得閒搵番啲相，呢次其實係之前同屋企人食既賀年飯～之前同CHICKEN 黎到炑八冇食到燒肉令我一直念念不忘，因為佢地既燒肉真係一級棒！碰巧果排有新餐牌當然要試新野～沙律菜，生菜新鮮，以胡麻醬做配醬，令人愈食愈開胃。燒烤爐必食既泡菜蛋和芝士粟米粒，以韓式前菜黎講呢兩款真係點食都唔厭～韓式餃子年糕湯，韓國人過年同樣都會食年糕賀年，以石鍋奉上～呢款年糕湯亦都係韓國既新年菜式，湯底由豬骨同紫菜煮成，味道清淡，餃子肉餡以白菜同豬肉為主，不過餃子數量只有三隻：Ｓ湯裡頭會有丸子狀既年糕，口感煙韌。賀年套餐既主角，可以話係今次重頭戲！燒肉拼盤分別有牛五花、牛前胸肉、牛舌、薄切韓牛牛扒、五花腩及大蝦。嚐左多款燒肉過後，薄切韓牛牛扒最心得我心，牛味香濃，而且充滿肉汁，肉質同味道都比牛五花、牛胸肉更加入味同嫩口～ 配搭生菜同食又係另一種燒肉享受~驚喜既係，五花腩意外地好食，自己其實好少食，但烤過之後油脂香味出晒黎，但口感一啲都唔肥膩，好脆身～香烤大蝦，肉質好彈口，而且啖啖肉好滋味～九節坂，係一款韓國古時既皇室貴族過年食品，色彩繽紛，材質用料都好健康材料包括蟹肉、菠菜、牛肉、冬菇、青瓜、雞蛋

媽媽韓燒癮起，做細嘅一定要陪吓皇后娘娘，大多數嘅韓燒舖都係任食，係就係抵啲，但肉嘅質素就一分錢一分錢。所以我地今次去試吓食啲單點嘅韓燒，想食靚啲嘅肉。前菜分別有三小碟加一碗麻醬沙津，泡菜好啱我胃口呀，酸酸地帶啲甜味，辣味唔重仲好爽脆。而其他就普通無特別，最緊要係前菜食曬有得refill而爐隔離會有烤泡菜蛋同粟米芝士，粟米芝士可以就咁食，但我覺得包肉食仲好味可以包肉食嘅生菜，減低油膩感，上面嘅青瓜同蘿蔔應該可以沾燒肉醬一齊食。我地叫咗個set係食八爪魚、蠔+肉，其實一望就覺得肉嘅紋路好靚，一定好多油花爆係口入面。佢嘅牛肉牛味好重，亦都好軟嫩，唔稱得上入口即溶，但係每咬一吓都好有牛嘅油脂香，我覺得唔洗包菜食，咁樣可以食到肉嘅原味。豬肉類正正常常，都好好食。蠔、蝦同八爪魚 蠔同八爪魚就麻麻地，隻蝦反而好食喎，雖然佢唔係特別鮮甜，但係肉質好彈牙完全唔霉。套餐仲有個八爪魚湯，我無飲到依到韓燒嘅肉類質素的確高質，我個人嚟講只係覺得套餐分量少咗啲。

近排心血來潮想食韓燒，就諗起炑八韓燒！對上一次食已經係一年之前嘅事，所以都幾期待！我哋兩個人點左牛臉肉，牛舌同芝士蠔，每道菜嘅味道都幾好食，尤其係芝士蠔！ 牛舌都好食，可惜比較薄冇咩咬口，下次點要點厚切先得！每碟肉嘅份量都唔多，本身以為會唔夠食，但食埋任添嘅配菜同爐邊蛋芝士，最後食到好飽！總括而言，呢度嘅嘢食味道唔錯，但又未到激好食嘅水準！人均消費大概＄200。同今次黎唔使等位，唔知係咪又係平日夜晚

今日同左個烹飪達人去韓燒，獲益良多。呢個朋友係外國讀書，自給自足，練得一手好廚藝，燒野食對佢黎講駕輕就熟。佢驚交比我地會糟蹋左d食物，所以全程由佢搞點，我地其他人就樂得乖乖地坐埋一邊，坐享其成。同得烹飪達人食野，所叫既食物一定要有番d水準。呢隻有出世紙既牛牛就係其一。驕傲自滿韓牛拼盤 $862 呢隻韓牛來自濟州島，4歲多，屬於細牛。先黎一份窩蛋牛，要弄穿蛋黃，令牛肉吸晒d蛋汁，牛蛋合一woooo無得輸。咁一隻牛，究竟由邊到開始食起先岩呢？答案係由下半身到頭，由淡味到濃味。牛既下半身d肉較甜，較易入口。牛面，牛酥味重，較重口味，不是人人喜歡。食落又真係覺得講得岩喎，牛面真係好酥，唔太岩我。燒肉既時候，唔好每面都燒下，要燒好一邊才再燒另外一面，咁樣先可以確保個心都熟。長知識了。厚切五花腩配特製韓國魚醬 $128其中一個朋友見到呢個咁肥既柏林圍牆話唔想食，話唔知要跑幾多公里先可以燃燒返d卡路里。烹飪達人安慰佢話其實係燒既過程中，d油會被迫出，成品係唔會太油膩既😏😏而五花腩即係豬腩肉🙄係豬腹部既肉，位於豬前腿和後腿之間，上等部位就係五花腩。靚既五花腩肥肉瘦肉層次分明，肉質比全瘦豬肉仲好，正正就