炑八韓烤 (Closed)

Personally, I really like korean barbeque. However, this restaurant disappoints me a lot. The beef here is too rough, it does not have any taste of beef. It only have the taste of soy sauce. The only thing i can eat here is pork. The staff are also quite rude. I have ro wait for an hour to sit in. Very angry!!

自從有幾個新同事同我食午餐都好耐無寫意地在午飯時間寫食評了，呢間韓國餐廳我寫過嫁啦，同啲同事都成日去。今日做野做晏左，去到有下午茶食，下午茶58蚊，有餃子有湯有前菜有飲品，超值，個主菜都仲係好大碟，大食既男女都一定夠飽，而且配菜任添。加8至25蚊仲可以加野食。好多選擇，大家可睇下下面我影左餐牌。我同同事都覺得佢既泡菜好好味。我鍾意食佢既流心蛋飯。係值得推薦一間有心又大方的餐廳。每次去都唔滿座好快有位。

星期五晚上, 特別想大吃特吃, 食肥膩, 重口味既野食! 於是在附近搵左間韓式燒烤, 上OPENRICE見倒都幾多好評, 門口又竟然冇人等位, 就入左去食.餐廳裡面其實同一般既韓燒/日式燒烤一樣, 枱凳都係細細窄窄, 每張枱都有長條形既抽油煙機. 可能我地比較早入去, 所以唔係好大陣油煙味, 感覺OK乾淨.首先要提既係, 佢泡菜係特別好食. 我本身唔喜歡食泡菜又霉又辣又酸, 但唔知點解呢度既泡菜味道特別清爽, 好好味! 身為食肉獸, 叫左特級蔥蒜牛五花餐, 油脂分佈平均, 而且個汁好入味, 煎完之後, 入口即溶, 味道岩岩好, 好味到我地特別叫多左碟, 超好味!!另外叫左五花腩, 一大片黎, 然後自己切, 肉汁鮮味冇雪味, 口感十足十半肥瘦燒肉咁肥瘦均稱, 入口有少少咬口又夠林, 又係特別叫多左碟, 超正! 另外叫左個牛仔骨, 肉質鬆軟唔鞋, 質素幾好! 蛋同沙律係送既, 蛋加左芝士同埋粟米好好味, 粟米粒唔覺有雪味, 沙律材料OK新鮮, 爽口, 顏色望落唔覺有瘀黑. 蛋我地特別REFILL左一次, 因為真係好好味!總結黎講, 我覺得呢度食物味道真係好唔錯, 而且個賣相/味道都幾用心,

只有小貓三四隻食客，大量座位隨便坐，環境更清靜、更通爽、更舒適、更有私人空間，夫復何求啊 ﹗新 promotion 喎，擇日不如撞日，就試試。活海女鮑魚，其實即係九孔鮑；元貝蟹膏燒，其實即係帆立貝。又有新菜色，八爪魚生蠔湯及韮菜生蠔煎餅，梗係要試啦 ﹗我曾經講過點都要試一次原塊牛扒，緣份終於到喇，就食特級牛肉眼跟美女分享。還有每月當造海鮮併盤都非常吸引呢，但兩口子又食到幾多喎，都係等緣份到再嘆吧﹗兩口子隨便叫叫就好，量力而為不要浪費。真露原味，韓烤當然唔係韓啤就真露啦，更能特顯烤肉的味道 ﹗而且我怨氣爆鏢要飲酒減壓，真怒 ﹗先飲為敬，飲勝﹗韓國生啤 hite，味淡清爽易入口，夠冰凍透心涼，燒肉配啤酒天作之合。次次都真露有點悶，轉下飲啤酒啦。泡菜，酸酸甜甜辣辣爽脆，每口充滿菜汁，撈飯好味，夾烤肉捲成生菜包更好食 ，如果淨食味道有點太濃。白菜仔，十分少出動的前菜，麻香爽嫩多汁不苦澀但無咩甜味，水潤無比都幾好食。辣味魚蛋，韓國魚蛋長長扁扁的，咸咸地、油油地、少少辣，不愛。胡麻醬雜菜沙律，我一向對此道菜麻麻地，而且味道及食材都普通平凡，我要留肚肉肉肉啊，食肉獸是也﹗大豆芽，油鹽咸番爽爽多汁，其

去完韓國後，好掛住韓燒；立即去炑八止止癮一直都覺得分店多，方便就腳，而又唔係粗製濫造既韓燒就係佢。之前只係食晚餐多，今日試午餐價錢原來好驚喜，可以用抵食黎形容3大1小去食，點左3個午餐，有腩肉既炑八拼盤、蔥蒜牛肉、同埋豚肉，一坐低就上左海帶湯、醃物前菜，每個餐再有飯跟，我們加左$25要左蟹膏伴飯估唔到午餐都咁齊全咁足料，3個大人平均只係$120，果晚真係飽到晚餐都食唔落午餐咁抵，咁就可以去食多啦！

上次去過荃新天地分店今日去左荃灣呢一間近荃灣地鉄、千色店側間餐廳係一樓上去之前記得係地下佢地個counter 拎張傳單可以係午市或下午茶免費free 一杯飲品因為佢地D餐唔包drink 要加$8 蚊只是呢間用得一個人慳$8蚊都唔錯架今日叫左烤牛肉半熟蛋蓋飯呢個飯牛肉飯D牛肉勁多Kimchi , 薯仔同大荳牙菜可以免費refill tim 可以再次幫趁雖然荃新天地個間新D、大D但呢間有著數C9 仔、小數怕長計慳得一蚊得一蚊

今日突然間想食韓燒，於是夜晚去咗食呢間第一次黎，入去唔洗等位坐埋位之後，服務員就開始將野食一碟碟咁放上枱。有沙律、薯仔魚、泡菜、蘿蔔、芽菜、蒜頭辣椒、生菜。跟住就倒啲蛋漿同芝士，手腳都幾快點咗兩款豬肉、一款雞肉、蟹膏扇貝豬肉感覺有啲難咬，點完醬都唔太入味雞肉較好食 嫩啲扇貝好鮮甜、蟹膏都好正，新鮮另外，其實芽菜有啲蒜頭味，幾香。沙律有橙同柚子，柚子好酸，食唔到橙就正常，不過冇沙律醬，還可以啦，可以食食下肉食返啲菜，中和返

星期六假期同為食朋友約食午餐，一行三大一小食韓燒，選擇了炑八韓烤，之前食過一次，呢間都係韓燒算是中上味道呀。今次再次去食，午餐款式都幾多，豬，牛，雞，海鮮都可以選擇，朋友點了牛拼，我點了組合（豬，牛，雞）都有，另外個朋友點了黑毛豬。朋友點埋爐邊蛋，一邊泡菜蛋，一邊原味。點套餐會有前菜任食，包一碗湯及一碗飯。重點介紹泡菜，真係好好味。唔會過咸同過辣，超級爽脆，我地未有主菜已經食左兩碟泡菜啦！我地仲加錢$25一碗，另外點了一碗紫菜半熟蛋飯同蟹膏拌飯。主菜黎啦，牛拼盤好靚既色水，唔係凍冰冰的牛肉，豬拼有玻璃肉，我最鐘意食夠爽脆。組合拼盤都好靚，唔會多脂肪朋友鐘意蒜頭夾肉包生菜，但叫左6-7次先黎到一小碟得4-5片蒜片，其他需要叫待應既時候，待應們都好忙好忙，唔得閒理我地......希望可以改善一下啦！

自從同事介紹炑八比我地，一個月總有兩三次食佢，間鋪幾大，可以坐得好舒服。Lunch 大家都嗌午餐較多，今次我就嗌左呢個八爪魚炒拉麵，個麵都有少少辣，個人覺得幾好味，幾鐘意個醬。反而唔知係咪個麵好夠味，相反個八爪魚就無咩味喇，但都幾滿足。而且價錢都唔算好貴，值得一試。

自從好耐之前喺沙田個間分店中過伏後,都好耐無食過, 見佢咁近MTR 就試下間荃灣分店啦入到黎見到個餐牌已經覺得自己大鄉里, 太耐無黎餐牌改左好多,同埋多左新野落完單黎左前菜同湯, 無諗過個湯竟然係熱的,仲有黑椒同瓜,魚干 之前食過咁多次都係微暖既湯, 仲要得紫菜咁大把, 雖然今日好熱好曬,但室內冷氣強勁,所以飲尼碗湯都ok,唔會食到個人更熱另一半叫左個 鰻魚蛋包飯條鰻魚唔細, 飯係蛋加蕃茄炒, 可惜在於個沙律菜, 不夠新鮮我叫既係牛肋骨煲配飯 個汁甜甜地 個牛肋骨都軟身,仲有兩舊蘿蔔同兩舊菇, 入晒味, 唔係恰完就放入去拎出黎個d不過諗住個汁甜撈下飯食,但一撈左,陣甜味就不夠 飲品都係叫d青檸梳打同柚子檸檬梳打至於新野飲,就留待下次再試

因為係拍拖週年紀念，阿sir又乘機搵藉口出街食豐富d，平時散叫只可以食到兩款肉，咁啱今期HSBC咭做promotion，有兩款套餐好抵食，一款黑毛豬，另一款係韓牛套餐，因為唔想食雞翼，所以叫咗黑毛豬餐，個餐寫話可以2-4人用，但其實4人用又誇張咗d，3人都勉強夠，所以我哋兩個食呢個餐真係食得超級飽。濟州黑毛豬套餐 $398厚切黑毛豬腩～好好味，肥瘦參半，加大醬包生菜食無得頂呀牛臉肉～我覺得同牛肋骨肉差唔多，同樣有口感同牛味護心肉～口感有d似豬頸肉但無咁爽，而味道又唔太突出豬背肉～口感又係有d似豬頸肉，但味道就有d怪怪地，點多d醬係可以遮蓋到既，不過呢阿sir就幾鍾意食喎牛肋骨肉～同牛臉肉一樣口感，燒耐少少都唔會靭，我覺得好味特上牛舌～係厚切牛舌，好容易燒到靭，建議燒到咁上下剪開一粒粒，咁樣口感會較爽dd荔枝梳打及藍天使梳打～荔枝好好味，大杯又唔太甜仲有荔枝肉；藍天使係波子汽水，我覺得麻麻，可能我唔鍾意飲波子汽水啦兩人共消費 $447後記：１）抽風系統做得非常差，食完係會成頭、成身、成袋都係韓燒味，我搭小巴返屋企全程都覺得非常惡臭２）要讚呢度前菜好好味，麻醬沙律、泡菜同芽菜，另外爐邊既芝

對上食這間炑八韓烤已經是去年的事，今次來到荃灣分店跟朋友下午茶，有二十多款任君選擇，價錢由48～88，包括韓式清湯，前菜，主菜和飲品。特別一讚是下午茶免加一。前菜有泡菜和芽菜，是可以任加, 好喜歡吃的芽菜。餐湯奶白色, 見到有魚乾,黃芽白,芽菜,蔥花。我點了一個辣海鮮豆腐湯配飯, 想不到整個鍋的材料比湯還要多,有蝦，青口，生雞蛋,蜆肉,豆腐,蘿蔔和翠玉瓜片。飯上面有一些紫菜和芝麻,是我最喜愛的珍珠米。餐飲柚子蜜。朋友點的是鰻魚肉蛋包飯, 鰻魚肉很結實, 味道很不錯。因為是女孩子,所以她衹是吃了三分一的米飯,有點浪費囉。這個價錢可以讓你食到捧住肚走, 夜晚都不用吃了,不過這間的油煙味很重,環境要扣少少分啦。滿分為10分(1分最低，10分最高)食物：8.5環境：7衛生：7服務：8價錢: 9舒適度：8總分：8

一向都好鐘意食炑八 午餐同下午茶好扺食 啲野食本身已經好平 又有前菜送又有湯飲 上次經開眾安街分店拎左張傳單有免費野飲送 超值 以後一定會再食 啲員工態度好好 見到後生既客人仲會走黎傾兩句計

新春期間，搵食艱難，睇完戲，見到呢間有開，又見到lunch set 不太貴，最重要即時有位，當然即刻入座啦。重要嘢要前頭講：新春期間lunch 無加一😄叫了兩個set lunch: 雪濃牛筋湯配飯 及 特級泡菜豬肉飯每個lunch set 另包小食及湯，但唔記得影底😅份量足夠，配料足，雪濃牛筋湯好有牛味，加埋飯落去一流。泡菜豬肉飯都足料，豬肉係五花豬肉個隻，連埋配料撈埋一齊食都好味，仲食唔哂添😅另外仲有意外驚喜，餐廳每枱都派兩封大利是，初時以為入面係飲品coupon, 打開原來真金百銀😍， 每封1000韓圜，誠意十足。

好耐冇食過韓國菜，今日心思思好想食下燒肉，又想食下好多芝士嘅泡菜飯，第一時間諗起炑八。呢個叫做芝士熔岩飯，顧名思義佢嘅芝士真係多到好似熔岩咁流落嚟。佢用熱鍋放上芝士粒、泡菜飯、雞蛋等等嘅配料，店員會係你面前將幾樣配料混合，炒呀炒，芝士就會用咗喺飯粒上面，平均咁分布，食落芝士味超級濃郁，而且又有雞蛋嘅香味，加上泡菜大少少辣度，真係食完又想再添，作為一個女生竟然食得落兩碗，我都覺得好神奇。^_^ 呢度嘅燒肉都唔錯，我個人來講就最鍾意牛五花。油脂分布非常平均，我落去滿口油香，好正。