炑八韓烤 (蝴蝶廣場) (Closed)

本來想去屯門市廣場嗰間食嘅，但係因為星期日，我知道實在太多人排隊啦，所以選擇了這間沒有太多人排隊的蝴蝶邨炑八幫襯， 正如我所料真的不用排隊一去到 大約有五成都是吉枱， 入座後服務生很快便上了配菜、沙律等等， 我們一行三人點了一個豬厚切五花腩，和一個牛五花肉， 淨係食爐邊蛋和粟米芝士都夠飽了， refill速度尚算可以，冷氣都好足夠，友人食到後段覺得有啲凍添。總結， 如果唔係太好食肉，兩個人叫一點肉都夠了，三個人叫兩碟剛剛好，不用叫太多肉食，食食配菜、粟米芝士和蛋都夠了，大滿足。

一直都想試炑八韓烤，但初時實在太多人所以未有試過。不過隨住分店愈開愈多，舖面人流亦得以分流。幾喜歡呢度烤爐爐邊一邊注有蛋漿，另一面有芝士粟米。食材方面呢度值得一提既係有韓牛供應，我就推薦炑八牛臉肉，幾腍滑好食小食方面泡菜餅都唔錯，生牛肉就一般了。

今日又和爸爸吃午餐， 來這裏吃當然等下午茶啦，48蚊價錢合理而且不用加一，飲品方面加六蚊上可接受因為都幾大杯 。烤牛肉蛋包飯 配 菠蘿梳打 $54蛋包飯蛋煮得吾錯，但入面飯凍有失望，味道似淡蕃茄醬飯。牛肉作甜但煮得幾入味，有肉香。菠蘿梳打只有一片冇咩味菠蘿片，但飲品的確吾錯又吾太甜，每次來到必叫。五花肉流心蛋飯 ，流心蛋都算嘅流心蛋味都幾香，花肉有泡菜味道書帶點辣但係唔太油，味道唔錯，可以混和飯一起吃就更好，因為有唔少嘅菜喺度所以感覺上唔會話好滯。

諗起好耐冇食韓燒，就同屋企人嚟食☺️9點鐘嚟到，入到入面聽到好多韓文，有兩枱都係韓國人嚟食，唔通都算係幾正宗😂😂入到嚟待應問我哋係咪韓燒，答咗佢之後都未叫嘢食，就已經上咗前菜。我哋三個人，叫咗三款肉，一個安東燉雞配飯。前菜我自己就覺得不過不失，屋企人就鐘意佢個蘿白，覺得佢酸酸地，好開胃。肉我哋叫咗 柚子果汁雞肉，豬肩肉，兩款肉都唔錯。前菜同爐邊蛋，芝士粟米都可以無限加。睇落好似唔係叫咗好多嘢，但加埋前菜，爐邊蛋好快就飽晒，燉雞都食淨好多！睇到食評話服務好差，但嚟到又唔見，待應好主動幫我哋換盤，加水，又會主動問要唔要加蛋！整體嚟講都幾好！

屯門蝴蝶已經冇咩好食，間中真係太餓就會去食炑八，雖則話五六十蚊食個飯係貴，但起碼好食飽肚坐得舒服嘛同事明明叫泡菜牛肉飯，但呢左呢個，睇返原來直情落錯單，是但啦，太餓，咩都食啦！一上枱時笑左，個碗已經好大，碗面鋪滿菜，真心以為係沙律😂同事話豚肉好淋好入味，菜好爽好新鮮，最重要都係夠大碗嘛，佢食得好開心加$48叫左個紫菜卷，呢份係外賣俾另一位同事嘅，但其實炑八係不設外賣，所以佢都要上碟先，然後再俾膠盒我地自己入。紫菜卷咪即係卷壽司囉，不過韓式嘅多數會用泡菜、醃蘿蔔，所以唔駛點醬油都好惹味，酸酸辣辣係開胃嘅到我喇，餓得很，叫左個牛肋骨煲，份量好足，牛肉超入味，未食已經聞到好羶香嘅牛肉味，第一啖咬落去都怕佢韌，但原來係爽架，大舊肉大舊骨，女仔食都好容易，煲裡仲有蘿蔔都係好好味，然後再用啲汁撈飯，簡直人間美食午市套餐跟前菜、湯，加$6有特式飲品過左午飯時間，舖面就會得返三四個人，但佢地好忙，又要吹水又要講電話，有個仲講得太投入整到個喇叭掣，突然轟炸起黎，佢仲傾電話傾到眉飛色舞，嚇到其他人即刻衝去閂返細聲

朋友推仲大午餐一人烤肉餐，百幾蚊有烤肉又真心覺得幾抵，兩大一小去幫襯，叫了一客烤牛肉蛋包飯，一人烤套餐，再加一客生伴牛肉。味道不錯，原本應會再去食，但職員的侮辱令我卻步了。烤肉套餐上明明寫住爐邊蛋任加，我只吃了一邊的泡菜蛋覺得好吃，要求只加一邊泡菜蛋，竟被職員拒絕兼侮辱，一句「唔會加蛋比你架，唔通比你食蛋食到飽咩？」自問並非兩大一小只幫襯一人烤啦，又有叫飯餐又有叫生拌牛肉，絕對唔會食唔飽囉！職員仲要大大聲話我地要靠食蛋食到飽，鄰座客人都望晒過黎，勁難堪又尷尬。今次好難忘，原本諗住生日時再來，我怕到時會比職員話我要乞聽生日歌了！

參考了其他店舖的評論，帶著點期望來到此店一嚐其韓燒，卻有點失望而回。套餐選擇不多，選了一個$508的套餐，因為其中有蝦、雪魚、牛五花腩、小牛排及牛舌。另外再嗌了醬牛煎餅、蜜糖牛油炸雞、厚切五花腩及辣豆腐海鮮湯等。最令人失望的是那蝦，一點也不新鮮，帶點腥味，肉身不爽也不鮮味。其次那雪魚，魚身夠滑，可是一點魚的味道也沒有，不知是否雪得太耐。最好味的就是那牛舌，爽口不帶「SO」味。 其他食物都很一般。每人平均消費$360，韓燒來說不是最貴的，但論質素，跟價格有點不符。

今日下午興致勃勃好想食韓燒，諗起屋企附近最近開咗間幾出名嘅韓燒， 就拉埋屋企人一齊去食啦～叫咗個炑八牛肋骨煲配飯$72 ，賣相非常吸引，牛肋骨煲到好深色，好爽口彈牙，又滑又嫩，唔會煮得太耐。有好多舊，大大份好抵食。上面有啲蛋絲，仲有湯飲，個湯都幾清。兩個人share one set都夠食，啲飯仲加左啲紫菜，好好食呀。小食叫左個迷你炒粉絲，迷你但係份量都算夠，幾抵食，叫完個飯怕悶可以叫個炒粉絲食～ 粉絲幾彈口，如果多啲牛肉就好喇。我會推介朋友黎食！

今日山長水遠入到屯門搵朋友，同佢晚餐唔知食咩好，佢就話屋企樓下竟然開咗間幾出名嘅韓燒，而佢又未試過咁就陪佢你試吓啦！老實講，我都估唔到呢間咁多分店嘅韓燒，會開喺屯門呢一條屋村嘅商場入邊，黎食嘅時候都有好多人架～ 下午茶餐幾抵食，我哋叫咗個韓國拌飯，賣相都好得啊，撈埋一齊食好夠味，份量有幾多，我哋兩個幾細食嘅女仔一齊食一個餐都夠了。呢個餐仲包埋清湯，前菜，主菜，仲有甜品同飲品簡呀！個湯都幾好飲，仲有啲蘿蔔食下。前菜方面就有泡菜同芽菜，因為本人好鍾意食芽菜，佢啲芽菜又整得幾爽口，加埋少少麻油，非常上癮，好快就食晒啦。

同屋企人去食韓燒，期待左好耐架啦！係屯門住左好耐，除咗出市中心之外都冇咩特別嘅嘢食😖，難得而家蝴蝶邨開咗間韓燒，梗係要來試吓啦！今次就試吓食佢個下午茶餐先。😇環境闊落，可以揀坐卡位或者圓枱，坐得同食得好舒服啊～😉我哋兩個人，就叫左一個黃金芝士炸雞（半隻）😍，係啱啱好兩個人份量架，賣相好吸引啊，啲雞炸到金黃色，加左少少芝士粉係上面，再加左d香草碎，好想快啲戴上手套大啖大啖咁咬啲雞😀。食落啲雞都好滑好嫩😱，唔會炸到鞋颯颯。我哋都食得好滋味，舉晒手指公！👍🏻加錢要咗杯detox water，strawberry and blueberry detox water, 最細心嘅地方係糖漿係自己加落杯野飲到😳，可以自己調較杯detox water既甜酸度，啲生果都幾新鮮幾甜啊，飲落都健康啲！👀對於住屯門嘅人來講，呢間韓燒真係啱晒一家大細黎呀！😍

今日放假好想食韓國野，又訓到好晏，見到炑八有下午茶set就決定自己一個去食。我覺得下午茶餐包埋韓式清湯同前菜真係好抵。個清湯都算多海帶，味道不過不失。前菜係酸蘿蔔，都幾開胃。我好中意我叫左個韓式炒粉絲($48)。上菜果陣都有少少嚇親，因為估唔到咁大碟。個粉絲炒得岩岩好，唔會太乾又唔會太濕。加埋d泡菜一齊食有少少辣都幾惹味。總括黎講都算好味，不過真係太大碟，女仔就未必食得哂喇。所以性價比黎講，都算好唔錯！

今日同朋友心血來潮好想食炸雞，就去左炑八到食。叫左個蜂蜜牛油炸雞二人餐盛惠六十八蚊，不過包埋湯，前菜同飲品都幾抵食。個炸雞唔會話太油，上到台都仲係外脆內軟，隻雞唔會鞋。重點係蜂蜜牛油味好好味！佢另外有個醬加埋都好夾。朋友都好鐘意。我地另外叫左個oreo朱古力迷信冰($48)，果然真係好迷你，都算係一個人既份量，所以價錢算係有啲貴。個冰味道不過不失啦，朱古力同Oreo依個配合真係好難會係難食既哈哈。

炑八係食韓燒嘅 所以張張檯都有個爐 好在張檯夠大 仲有好多位剩lunch過來幫襯午市套餐烤五花肉流心蛋飯 盛惠$52 有酸蘿蔔同大豆芽菜做appetizer啲五花肉無乜膏 啖啖肉 唔油膩 有新鮮生菜墊底 又有隻蛋 好味得嚟有均衡營養口痕加$68要咗蜂蜜咖啡炸雞（半隻） 原來有埋薯條... 雞皮和薯條都炸得超級香脆 調味好香 雖然高油高鹽 但真心好味.....為咗平衡心理、令自己無咁guilty 我加$12要咗杯士多啤梨藍莓Detox Water 多份新鮮水果補充吓dietary fiber同水份 應該無咁熱氣同肥膩掛.....

今日晨早就入屯門做野，早餐都未食，Lunch決定要搵間食飽啲。做完野附近就係蝴蝶廣場，入去兜兩個圈就揀咗食間韓式餐廳。個人食野鍾意清淡啲，健康啲。所以嗌咗依個：韓牛雪濃湯配飯。有湯有飯，係冇食早餐情況下會比較易入口，感覺冇咁傷腸胃。一上菜原來唔只飯同湯，仲有前菜同韓式清湯，視覺上已經好豐富。 雖然餐廳係連鎖，但係野食唔會好馬虎。主菜韓牛湯，牛嘅份量相當足夠，入面亦有粉絲同蘿蔔，粉絲唔會因為浸太耐湯而變得淰身。細食嘅朋友可能淨係個湯都夠食。不過個人認為韓式飯係另一個特點，特點在飯上面嘅紫菜碎，連埋芝麻入口相當香口，如果紫菜碎多啲就咁食白飯都得哈哈。食晒所有野絕對飽過平時係茶記食個碟頭飯！餐廳除咗屯門之外，係港九新界都有分店，屯門個人黎講都叫遠，想再食下次唔洗專登入黎。

女友喜歡食韓國嘢 今日帶佢嚟試新嘢 炑八開到成行成市 佢居然無幫襯過呢度啲lunch set $48-68不等 雖然款式唔算多 但款款都唔錯 又大份 包泡菜、酸蘿蔔或大豆芽菜等前菜我的至愛係雞扒蛋包飯 蛋皮夠濕潤 仲加咗奶 好香滑 賣相似玫瑰花（女友十分喜愛 用手機食咗好耐） 黑椒雞扒有四塊 肉質鮮嫩 伴碟生菜顏色翠綠 口感爽脆飯後 女友order咗Oreo朱古力迷你冰沫 我自己都係第一次食 面頭有五塊Orea 頗為足料 中間刨冰磨得幾綿 可可粉味道濃郁女友對於今餐相當滿意～～