Meraviglia Bar e Ristorante (Closed)

估唔到喺科學園入邊有間親子嘅餐廳，可以滿足小朋友同大人嘅願望，由於餐廳地方好大，可以放到好多小朋友嘅玩具，戶外仲有地方比小朋友玩兒童汽車，滑梯，就算唔同年齡嘅小朋友都啱玩，可以嚟個戶外大解放室內亦都好適合同小朋友搞生日派對🎉，約埋幾個family 一齊過嚟食飯傾偈都冇問題，下次我都可以建議哥哥嘅小朋友過嚟搞生日party有機堅果及乾果意式田園沙律伴牛油果 $238個沙律菜好新鮮，菜嘅款式除咗羅馬生菜，仲有火箭菜，乾果有合桃同杏仁，仲有芒果，加上橄欖油同黑醋汁，沙律酸酸甜甜好開胃意式香烤乳豬配有機瓜菜 $428乳豬外皮燒到好香脆，切落去「嗦嗦」聲，乳豬一層肥膏一層肉，肉質好嫩滑，好juicy ，聽餐廳職員講食材用天然無激素肉，蔬菜大部份都係有機，唔怪得連配菜都爽甜海鮮意大利飯 $298 海鮮超足料，帶子大大粒和厚肉，仲有好多隻蜆同青口，意大利飯用海鮮加蕃茄湯煮成，飯質感煮到剛剛好，唔會太硬或太軟，大人同小朋友都啱食總括嚟講，呢間餐廳真係好適合一家大細過嚟食飯，玩樂，小朋友玩得盡興，大人都可以放心一路傾偈，一路睇住小朋友喺戶外玩都唔使擔心

在中大醫院打完疫苗後，近近地就在附近位於科學園內的Meraviglia Bar e Ristorante吃晚餐。位於科學園人工湖旁邊的親子餐廳，分為室內室外用餐區。還可飽覽園内人工湖清幽美景，兩旁種滿綠樹，一片水光山色帶來寫意自在的綠野氛圍。餐廳靠近科學園著名地標 - 巨型金蛋，充滿未來感的搶眼造型亦是香港人氣打卡熱點。室內外設有多項讓小朋友玩耍的遊樂設施及玩具，戶外有充氣滑水梯、鞦韆、木製攀爬架、不同類型的溜滑梯等。室內則有煮飯仔、小木屋、大船模組等靜態設施，不論是好動或好靜的小孩，也能找到自己喜歡的玩意。內裡樓底夠高，加上一列偌大的落地玻璃窗，透進了柔和的自然光，感覺開揚舒服。餐廳面積廣闊，環境寬敞，相當適合作為生日派對及聚餐場地。餐牌主打經典意大利菜，選擇繁多，只用全天然無激素肉，採用自家種殖香草，蔬菜大部份是有機。點菜後，侍應就會奉上烘得暖暖的餐包，拌以橄欖油及黑醋。意大利巴馬火腿配蜜瓜 $228蜜瓜與parma ham 向來是最傳統的搭配，蜜瓜果肉多汁清甜，甜中帶鹹，夏天吃特別開胃。切得厚薄均一的parma ham肉質柔軟細膩，而且鹹度不高，不會蓋過蜜瓜果香。海鮮意大利扁麵

呢一間位於科學園嘅親子餐廳《Meraviglia Bar & Ristorante》喺三年前都曾經去過嗰陣孩兒先得幾個月 未能夠玩到裏面嘅遊玩設施而家四歲了 可以好好享受 玩返夠本呢一間餐廳非常親子friendly落地大玻璃可以一邊食一邊望住外面玩嘅小孩先講下小朋友嘅重點 『玩』室有唔同造型嘅小屋 煮飯仔戶外更設有吹氣嘅彈床揸車車 同埋可以玩足一個晏晝嘅迷你版水上樂園今次我哋就喺下午茶嘅時段嚟有tea set menu《炸魚手指配薯條》 即叫即炸炸魚手指外脆內軟 粉漿唔會太厚而且分量都幾多 啱曬一家大細分享薯條方面 有薯條同埋橙色嘅蕃薯薯條蕃薯條甜甜地 小朋友至愛另外呢度一定要叫嘅係pizza《十吋pizza meat lover》 餡料豐富有齊香腸 火腿 辣肉腸呢度有個特製pizza嘅烤爐Pizza嘅底部非常鬆軟水牛芝士又能夠做到拉絲嘅效果大人細路都食到舐舐脷 最後就叫返個幾乎每枱必點嘅甜品《有機香蕉船》香蕉船賣相非常精美有童年嘅回憶紙遮仔香蕉方面有 脆卜卜嘅焦糖喺上面而且又有馬卡龍雪糕有齊士多啤梨朱古力同雲呢拿三個口味實在係大大大滿足一間餐廳非常之受家庭客歡迎假如想book節日或者

一入到餐廳即刻同阿仔辣一辣場先，上次嚟阿仔仲係得一歲鬆啲，好多嘢都玩唔到，而家佢四歲喇，應該可以盡情探索；餐廳入口右手邊嗰堆煮飯仔、小模型屋同埋船仔都已經令佢樂不思蜀，好不容易先至叫到佢埋位開飯。烤天然豬肋骨配薯角，豬軟骨口感軟嫩，本身已經相當好味，若然點埋隨附嘅肉汁，味道層次感提升，薯角作為配菜亦都絕不馬虎，香脆非常，全靠佢引阿仔返嚟食嘢。自家製蕃茄醬、水牛芝士、香腸及辣肉腸薄餅，薄餅上到枱都仲係熱辣辣，芝味濃郁，芝士同埋辣肉腸呢個經典配搭，令人百吃不厭。食飽之後就同仔仔出去户外區玩，户外區有吹氣滑梯、繩網、sir 滑車，仲有上次嚟都未有嘅吹氣迷你滑水池，咁啱上晝同阿仔去完 Art Jam 有帶多套衫，即刻大解放落水玩。留意番大人細路每位低消只係百五蚊所有設施就可以任玩，有食有玩有乾濕埋單都只係四百零蚊，tea time 嚟真係無敵抵。

放假帶小朋友去科學園玩，喺出邊見到呢間餐廳放左好多玩具，小朋友就二話不說食呢間。一坐底店員遞上麵包，麵包係自家製，都有好幾款唔同味道，鬆軟麵包加上牛油好食。意大利煙肉配忌廉蛋汁意大利麵呢個意大利粉10分濃郁，煙肉香，忌廉加蛋汁好creamy，醬汁完全同意粉融為一體。白酒煮蜆蜆肉粒粒都肥嘟嘟，無沙，鮮味十足，加左蕃茄同白酒好香。家鄉風味乳豬配松露薯蓉及有機蔬菜乳豬好多肉，肉質嫩唔鞋，咬落去個皮脆卜卜，薯角新鮮炸起熱辣辣，蔬菜微微烤過，清甜美味。特色芝士餅甜品係我地第二個胃，呢個芝士餅係店員推介，芝士味濃厚，加左雪糕一定食唔會咁膩。

星期六約埋朋友去屋企附近間親子餐廳食Lunch，順便比小朋友放下電❤️好多唔同種類的玩具比小朋友玩，室內室外都有，但剛剛落完雨就留係室內玩。Fresh vongole cooked with cherry tomatoes and white wine sauce蜆肉肥美鮮甜，蒜蓉包烘得香脆可口，沾上醬汁一齊食👍🏻Italian roasted baby pig with grilled organic vegetables and potato wedges乳豬燒到個皮脆卜卜，肉質嫩滑，肥瘦適中，有機菜真係甜d。Pizza Hawaiian 薄餅底香脆，加上自家製蕃醬，酸甜開胃。Handmade cheese cake芝士味十分濃郁，好creamy，唔會太甜，加左雪糕同果仁增加口感。

白石角意大利美食 天氣陰晴不定，同朋友相約到科學館的意大利餐廳，挑高的樓底，所有窗用上落地玻璃，日光溫柔的灑進餐廳，充裕的空間感讓人一下了放鬆下來，難得一見這裡是寵物友好的家庭餐廳，天氣無咁熱帶埋毛孩一起也不錯。意式燒走地雞配有機串茄 火候拿捏絕佳、雞皮香脆嫩滑，充滿香草氣息，旁邊的配菜同由出色，有機串茄解膩，大家也很喜歡，推薦貓耳麵配自家製豬肉腸很少有機會吃到這麼可愛的貓耳朵，新鮮製作，麵筋很有嚼勁，鮮茄汁醬濃厚，加上新鮮的羅勒和火箭菜，口感更清新Tiramisu 不可不提這裡的甜點也不錯，rum酒的比例來得洽好，遇上微苦的可可粉，層次豐富充滿空氣感。餐廳內外有不少森系兒童遊戲設施，兒童繪本，小廚房、室外繩網、充氣彈床，有機食材健康食物好吃，沒得伏，總算值回票價。—————————————————Meraviglia Bar e Ristorante (沙田)沙田白石角香港科學園第二期科技大道西10號浚湖樓地下S040號舖—————————————————⠀⠀⠀⠀⠀⠀⠀⠀⠀#hkfoodie #hkfood #hkfoodporn #hkfoodblogger #hkfoodpic

科學園入邊嘅一間主題餐廳，室內環境寬闊坐得好舒服，有啲感覺似去咗外國嘅餐廳咁。餐廳室外同室內都放置咗好多兒童玩具比大人陪同兒女一齊玩。煙三文魚凱撒沙律大片煙三文魚放係凱撒沙律，沙津菜口感爽脆，夾住薄薄嘅芝士片，食極都唔會厭。三文魚配沙津菜嘅口感好夾。意式燒走地雞半隻配有機時令蔬菜及串茄外皮香脆，肉質嫩滑，賣相吸引之餘，味道亦好吸引。時令蔬菜同串茄上面放左特製醬汁，食點少少同雞肉一齊，係另一種味覺享受。蕃茄汁海鮮意大利麵足料嘅海鮮意大利粉，配有青口，帶子，蜆，每樣海鮮都煮到剛剛好，口感幼嫩，非常好食同有鮮味。蕃茄汁油餐廳特製，配埋意大利粉，正！

值著假日，去了科學園，閒遊了附近和海邊。看到有間親子餐廳，座落金蛋旁邊。餐廳門口已放了很多兒童的玩具，而餐廳有部份是戶外的，設置很多兒童活動的設施，如滑梯，攀繩和玩具屋等。很多客人都一家大細來玩和食野。餐廳是主打有機食材，我們點了-凱撒沙律 有機的羅馬生菜很新鮮和鮮甜-Pizza Four Season（素） 本以為素pizza味會淡，但這個pizza 很好味，是用上水牛芝士，橄欖和番 茄等，非常配合。-家鄉風味乳豬配烤有機蔬菜 乳豬有4大件，烤得很香脆，尤其表 皮烤得很薄很脆，皮下一層肥肉和一 層瘦肉，肉質入味嫩滑- Tiramisu 蛋糕面上放有朵花，非常吸晴。有咖啡和可可味，十分香甜。-青檸梳打

上星期假日第一次來到科學園!! 而家廣場愈來愈多餐廳，我地係廣場同海邊走走拍照後，就來到一間意大利餐廳食晚餐😋 呢間餐廳以親子為主題，一入門口就已經見到小型遊樂場咁，旁邊仲有售賣果乾/有機食品等，直行仲有戶外位置同戶外兒童滑梯，我地就係室內位置食，叫左:..🥗凱撒沙律 Organic Caesar Salad都幾大碟，沙律上邊灑滿大量芝士粉🧀 有機沙律菜好新鮮! 脆卜卜口感，好清爽! 簡單配以脆麵包粒同芝士就已經美味..🍕Pizza Four Season (素)以自家製蕃茄醬、水牛芝士、橄欖、蘑菇同燈籠椒製成既Pizza，以為素Pizza實無咁惹味? 又唔會! 好惹味! 呢度既Pizza既口味好地道，係意大利經典既蕃茄芝士做主打，味道微酸同鹹香為主，唔會似香港普遍既千島醬/多醬/juicy既口味咁。親身去過意大利既我，可以講佢地既Pizza真係同意大利當地既口味似! 而且餐廳都有一角係有玻璃窗俾客人望到廚師係裡面製作Pizza..🍖家鄉風味乳豬配烤有機蔬菜Italian Roasted Baby Pig with Mashed Potato, Truffle Paste and Gr

今日去開科學園到做嘢，做完嘢就同朋友一齊去食飯，咁其實因為朋友幫咗我好多（所以我就揀咗呢一間餐廳，咁其實呢間餐廳自己喺科學園做嘢嗰時都想試，今次有機會試一試，入到去入面比我想像中更加寬敞，而且幾有意大利式嘅情懷， 而且入面有個小playground，都見到有啲小朋友喺嗰度玩耍 ，Anyway大家睇下我叫咗啲乜嘢:有機堅果及乾果意式田園沙律配牛油果: 呢個沙律我覺得酸酸味味，而且啲菜都幾新鮮，咁呢個餐前小食我都幾鍾意，可以清下腸胃。意式燒走地雞半隻配有機時令蔬菜及串茄: 咁呢個走地雞，我覺得個雞都幾滑，而且外面雞皮有啲鹽焗嘅感覺，對!就是似鹽焗雞，啲雞肉我覺得嫩滑及幾好食，而且佢個碟度啲配菜，我得都幾好食，尤其是D蕃茄仔，因為個蕃茄仔幾鮮甜所以我都幾鍾意食呢個走地雞。海鮮意大利麵(蕃茄汁）:講起啲海鮮先， 啲海鮮其實我食落都幾爽口，同埋都算係幾新鮮， 最緊要係煮到啱啱好唔會過火、令到啲青口或者魷魚太"UN"， 個意大利麵其實都幾好食， 因為佢落咗好有蕃茄味，所以食起上嚟個醬汁同埋啲料夾得都幾好。 而且我好鍾意食蕃茄汁、因為好有益。Homemade tiramisu classic :最後

早一兩年前經社交平台見到有媽媽推介呢一間親子餐廳，上個星期日踢完波就帶左弟弟入黎high tea😬Meraviglia係一間主打健康嘅意大利餐廳，地方夠大而且樓底好高，空間感一流。一入餐廳門口已經見到好多小朋友玩嘅設施，淨係屋仔都有4間。除咗室內有唔同種類嘅玩樂設施之外，室外仲有車車，滑梯等等。最令我surprise嘅係，佢有個吹氣滑梯係噴住水架!!!咁熱嘅天氣玩水小朋友就最開心😁而食物方面，我地點左兩份下午茶已經包左小朋友玩嘅費用，無須再另外比入場費，呢度望出去仲有條河仔，環境夠大又舒服，真心值得帶小朋友黎放電😌Fish & Chip $188魚塊係finger size，係自家切同炸嘅，咬落外脆內軟，配lemon juice 同他他醬。亮點係雙色chips，除咗薯條之外仲有蕃薯條，弟弟自己食左好多條😂Margherita Pizza $198我地點嘅係素食pizza，蕃茄醬配搭芝士同香草，批底係薄批，焗得夠脆，加埋Tabasco我食左四件😆呢度嘅朱古力亦選用organic coco powder，少甜之選，小朋友都可以放心一齊飲🥰另外，餐廳門口亦售賣唔同種類嘅有機產品同小食，食完玩

每次經過科學園，我同阿女都必定被呢間餐廳既遊玩設施吸引。等佢考完試就同佢黎啦一入到黎佢已經開心到好似女人入左珠寶店咁，兩眼發光。樣樣都想玩，最最吸引出面既彈床有一個仲有水玩，預濕身就記住帶衫黎啦。一早諗住親子餐廳食物質素唔會太高期望啦，點知令我喜出望外。胖料質素其高，大部分都organic 啱晒我呢d奄尖家長，連枝水既pH都係9餐包種類都多，我地2個人都食唔晒。頭盤黎到簡直好似藝術品，有我最鍾意既Parma ham melon 同水牛芝士加沙律，而且份量都好足。Parma ham 鹹香味一食就知靚野女簡左Carbonara 同佢至愛既鮮松露Parma ham pizza. 其實叫一樣都夠晒飽眼濶肚窄，但個pizza 個底夠晒脆，再加上basil葉，一流。意粉好creamy，細食既阿女都食到大半碟。另外想幫餐廳平反，工作人員都好friendly 會主動介紹。見我地出面玩緊都有主動出黎問上得未，亦有睇住我地既進食進度慢慢出，唔會一下次全部黎晒。另外，最正係坐窗邊，我可以涼住冷氣，嘆住coffee 睇住阿女係出面同陽光玩遊戲。

星期五食好啲! 揀咗science park 難得嘅高質餐廳, 環境舒服, 充滿意大利vibes呢🥰平日有set lunch, 麵包熱辣辣好食! 跟餐仲有salad or soup, 一於同同事一人一款, 鍾意個salad 有牛油果同芒果😍 待應都好nice 主動問要唔要分享碟😙意大利肉腸PizzaPortion 大到好似2人份🤣 餅底做得好好, 加埋自家製蕃茹醬冇得頂意式烤羊架有三件羊架咁多, 肉質鮮嫩, 連薯蓉都好出色, 超級推介🥳香草雜果沙律今日甜品係雜果沙律, 健康之選啱晒我地😎

去到科學園搵食 屋企人揀咗喱間。環境幾闊落 , 餐廳近門口有啲好似兒童樂園嘅擺設 應該主打親子類型 不過個裝修我就唔係好識欣賞 。望一望個餐牌,嘩, 唔簡單喎求其一個沙律around $2xx 意粉都$2xx 起跳職員介紹食乳豬或烤雞 我哋叫咗烤雞半隻,田園沙律 ,白酒煮蜆意大利扁面。烤雞味道好 皮脆肉都juicy同滑 田園沙律就正常發揮白酒煮蜆意大利扁面算好食 份量一般整體味道算OK不過價格偏貴 可以話係一般同類食物貴一倍左右如何全單打返6折就先正常D