淼ひよう壽司日本料理 (Closed)

今日又來元朗搵食，住元朗的朋友話鳳琴街開咗間唔錯嘅日本料理，一於去試試先。元朗站行過來都執係5min，店內座位唔多，大約只有6張四人檯，因為不用搭檯，所以都坐得好舒服。日本鯛魚刺身唔係好多餐廳有得吃，即刻叫一客(3片)，可以選擇厚切或薄切，超鮮甜，師傅用火槍燒過邊位，口感即刻豐富咗。赤貝鮮甜爽口，後悔只叫了兩隻，$54真係抵食。👍👍喜歡吃刺身嘅我當然會試下魚生丼啦！$98真係超值，每片魚生都係厚切，而且好新鮮，仲有大大粒三文魚籽，勁滿足。😋😋跟飯仲有碗麵鼓湯，好膿味，一點都唔馬虎。吉列廣島蠔($68)有4隻大大隻，炸漿調得好好，一點都唔油膩，外層好酥脆，入面夠肥美，正！👍👍朋友同我都勁讚食物有質素，服務都好好，店員好nice，會推薦朋友來，當然我都會再來啦！😋😋😋

依間餐廳價位適中😎，唔係sell大舊飯果啲，但又唔係穴果類。食物質素幾好，魚生厚切🥰。食物款式多，豐儉由人🙂，有around $100的丼、$200內的一人餐、$200幾一條魚... 午餐就大概$68-108一個set，有齊主菜、蒸蛋、湯～佢新開唔係好多人知🙈 推薦大家試下👍🏻，去開果邊我都會再食🤤（個人覺得元朗唔多依個價位既日本野～）🔸一人樣刺身會席 | $178（前菜、和風沙律、刺身三品、雜錦天婦羅、鯛魚奶湯、御飯、甜品）魚生都新鮮，擺盤都幾靚😆 成個餐超豐富😍🔸極上魚生丼 | $128海膽正常，其他碎魚腩、碎蝦蓉、帶子都好食。餸多過飯🤣，雖然飯量係少左啲😂🔸油甘魚刺身 | $58🔎 總結：以上樣樣都好食😂

元朗新開，網上好多好評就唔抵得去試，一開門已經有bb family係度，今次我都有帶女去，Staff 都好友善移開枱椅。坐好就睇menu,Set lunch 除左丼飯，刺身，亦都有熟食牛扒，吉列豬扒......夏天對我黎講一定食魚生啦，叫左個$108 set:前菜有蒸蛋，漬物，沙律呢d就比較普通，有魚腩蓉、甜蝦、帶子、三文魚籽、仲有海膽，出乎意外之外咁鮮甜！全部都好新鮮，量多，性價比高，另外一個牧丹蝦雜錦丼，試左一舊火灸唔知咩魚，勁好食，整體係性價比高，係d飯少d咁囉。

近排天氣好熱，係雞地行一圈，見呢度日本直送飛機貨，有幾款選擇又有埋價錢（明碼實價）， 就入去試下呢度最好係可以一魚兩食，好抵食👍🏻店員好清楚推介每款魚既特點，今次試左笛鯛，新鮮滑嫩，點剌身嘅醬油，唔太咸，另外有醋汁及wasabi 又有兩款:手磨新鮮wasabi及正常wasabi(粒粒蓉，唔係吱吱牙膏裝）👍🏻另半邊魚，亦燒香脆鰻魚飯👍🏻，魚身肥厚，飯粒粒分明呢度質素不錯，比起同區高質曰本料理，價錢亦好貼地

朋友話元朗新開左間日本野一齊來試下 每份午餐附送有：沙律 泡菜 面豉湯 茶碗蒸 好好味好開胃的前菜！Lunch set 有勁多款式選擇 見到魚生飯好吸引但因為早兩日先食完魚生所以今日揀左滑蛋吉列豬扒飯 😋😋超大份！而且好好味 係真。黑豚豬扒 肉質好juicy好香口 蛋漿同炸豬扒perfect match 而且份量超多 有成8-10舊 我比左2舊朋友食都好飽呢 個汁超好送飯呢 成碗飯食哂朋友點的壽司set 我無試 不過睇個樣好得 Lunchset 70蚊到 我覺得好抵食 員工亦好friendly 係咁問食物意見 抵讚 希望長做長有

去食咗真係幾好食 質素係中上， 元朗區好多日本嘢， 一係就貴到離曬大譜有啲就好似好快餐feel， 呢間個人覺得價錢同質素都好合理， 一個午餐只係收你幾十蚊至100蚊， 如果喺第二度食正常應該要百五蚊至200蚊嘅級數

今日晏晝經過元朗，見到有間新開的日本餐廳，入去試下，點知又幾好喎，服務態度又好，連米都係日本米，中午食個餐都有前菜，沙律菜，蒸蛋，麵豉湯，仲可以添飯，值得一讚，嘢食方面賣相同質素非常高，我叫左個牛扒餐和牛肉煱，D牛排肉都好淋，中午我俩人都係百零蚊埋單。呢間真係有良心價，我見到隔離枱叫左個銀雪魚餐，好正呀⋯⋯好想食但自己已經食飽了唯有下次再去食啦，重點係食物質素非常好，睇得到老闆好有心去做，值得回頭。