淼ひよう壽司日本料理 (Closed)

今晚去咗鳳琴街找吃，附近多咗好多新開食店， 我哋目標係食日本嘢🏯🍣店舖唔算大，但勝在好有日本屋酒屋feel👍價錢唔算離地， 食物種類款式多， 還有是日新鮮推介😙·黑松露帶子沙津~ 真係好香， 帶子厚切、鮮甜、 而且分量唔少， 沙律菜新鮮，整體甜甜酸酸，作為好開胃菜~正👍燒魔鬼魚翅~ 有焦香味， 厚身得嚟好有口，唔錯唔錯， 幾好味😋壽司~ 帶子…好厚身、鮮甜~灸燒左口邊...焦香、有魚油 ~ 鰻魚... 勁厚身、好肥美一夜乾燒魚~ 馬友魚魚身燒到金黃， 魚皮爽脆，魚肉白滑，魚油十足同好鮮甜😍雜錦天婦羅~ 五種炸物， 蕃薯、南瓜好好食👍吉列廣島蠔~ 熱辣辣好大隻， 好鮮😚材料新鮮，價錢合理，服務好好，難怪八點幾我哋走時，差不多坐滿曬客人😎

放工之後，同朋友一齊試下呢間日本餐廳。餐廳嘅地址有小小難搵，唔係係大路側邊，係要轉入小巷入面，去既途中都兜左一陣先搵到。門面都好似一般居酒屋既設計，可能我地book既時間比較早，唔洗等位就可以入坐。裡面嘅環境都幾寬闊，見到有好多張卡位都有人book左，應該平時都幾多人幫襯。侍應嘅服務態度好好，好有禮貌。上菜嘅速度都好快。因為我地都好肚餓，差唔多每個column都order左一至兩款。🤣特別推介 : 刺身 | 壽司好高質‼️我地叫左三文魚同牡丹蝦刺身，好肥美、新鮮，一定要試！👍🏼👍🏼壽司方面，油甘魚真係值得一讚。🥰牛油果軟殼蟹卷都不錯～～好滿足，下次會再幫襯。😋😋

元朗多野食就係人都知啦今次揀係yoho附近既墟，正正係新b 仔後面就有間日本野如果係大街行入去係有d 難搵既，要係大街轉入條細行再直行就見到鋪頭唔算大，不過都坐得舒服闊落，唔會太逼首先叫左兩款刺身三文魚就必嗌啦！仲有赤蝦兩樣都好厚身，雖然得3件，但好大件然後有油甘魚同帶子壽司同樣好鮮甜呀！！😍😍燒雞翼共有3隻全部都起左一支骨，所以好容易食，貼心呀！炸蠔好大隻，炸粉唔會過厚，配埋個千島醬就一流土佐豆腐係豆腐配上木魚絲既炸物出面脆，入面滑不過如果浸個汁太耐就會林身哂，冇咁好食軟殼蟹壽司亦係必食啦！鰻魚壽司超厚身，醬汁濃，正呀😍😍😍😍全程侍應都好好招呼，食完之後更主動幫我地收野亦叫我地慢慢坐下傾下偈！仲有其他款式都好想試，下次要再黎食先！

元朗區呢一間睇似小小既日式餐廳，原來帶著大大既驚喜。一般和風式既裝修，厚重純樸既感覺，坐落都好舒服。沙律方面，輕輕煎過既帶子味道更加濃郁香口，配合黑松露，更有不同層次的味道，加上清爽怡人帶有微酸既沙律菜，係一道十分開胃既前菜😍😍刺身方面，新鮮厚重既池魚肉，好似會係口入面不斷游黎游去，紮實既魚肉真係帶黎一流既口感🐟🐟壽司方面，我地叫左四款，當中有最令人愛不釋手既帶子bb，鮮甜美味，加上最搭既黑松露，完全係無得輸既組合。三文魚淨係睇都知油脂分佈好，一咬落去成口都係omega 33🥳🥳炸物方面，好大盤脆薄既天婦羅炸醬包裹著甜美魚香既穴子，沾一沾咸咸既淡醬油，又係另一番既風味，食返兩條貼心附有既天婦羅秋葵，咁就無咁易膩啦！😊😊我地仲叫左個吉列蠔，外脆內嫩，新鮮肥美，就係用黎形容呢盤邪惡既吉列廣島蠔，一咬落去爆曬啲蠔汁出黎，真係夠曬「豪」😂😂再加上特配既微酸醬汁，食多幾隻都唔會厭啊！大食既我地仲叫左個丼飯，丼丼丼，鋪滿住一層豐盛既魚生，魚生既比例仲多過啲飯，樣樣都咁新鮮，真係唔知食邊樣先好啦，超超超級超值😣😣同朋友兩個人食都係七百蚊左右，價錢公道合理，食物質素同價錢成正比，鍾意食日本野既你又多個

元朗區一向都唔小日本料理既舖頭，呢次同朋友黎鳳琴街呢邊食好西🥰我一共叫左幾樣野食。用餐方式：提供堂食。輪候時間：平時約5-10分鐘；食品方面：黑松露帶子沙律（$68 )：帶子表面有微微咁煎過，食落充滿煙燻嘅味道，配埋黑松露，個味道好夾。推薦👍👍👍🥳刺身：大池魚刺身（3片）（$168） 厚切既刺身，淡淡既魚鮮味。咬落去啖啖肉，正！壽司：金目鯛壽司（2件）（$70）帶子壽司（2件）（$50 ）油甘魚壽司（2件）（$48）三文魚腩壽司（2件）（$38)我就叫左上面呢幾款壽司，魚生好新鮮，鮮甜美味，物有所值👍👍特別要讚既係油甘魚，非常鮮甜美味同新鮮。因為市面上其他店舖比較少見到靚既油甘魚。推薦👍👍👍☺️炸物：穴子天婦羅（$108）味道甘甜，可口，個味道其實幾特別，好食。值得一試！吉列廣島蠔（4隻）（$68）肥美嘅廣島蠔，一向都係我嘅至愛。值得一提嘅係提供左特別嘅醬汁(由豬扒汁加上沙律醬整成），超級推薦👍👍👍淼魚生丼（$98）魚生新鮮又肥美，分量十足，CP值超超超高。超推薦👍👍👍👍👍相比起區內既日本野，價錢中等，人均消費：150-350蚊左右。總括而言，係一間高質素既日本理料店。

今日中午同同事去元朗工作，好耐無來元朗但真係太忙都無時間周圍行找食。在回程去港鐵站的期間經過呢間應該係新開的日本餐廳，打算食埋個便飯就回家。點知比我們發現到好野。我們叫左個海鮮丼，所以入面的刺身都有兩份，我覺得最適合分來食，咁就可以叫多幾款壽司試下。。鰻魚壽司，仲要厚切的鰻魚，完全無失望。。要加多左份軟殼蟹手卷，上面有滿滿的牛油果簿片，就唔會太膩喇。最後雖然好飽，但見隔離枱個赤蝦刺身好吸引，就林走前都叫左碟。大大隻一啖都末必食得哂。完成左一日繁忙的工作，再咁有運氣找到間令人大滿足的餐廳。如果下次出開元朗都要encore!!!

牛肉壽喜燒 $88滾至熱辣辣牛肉壽喜燒，在秋天吃特別暖笠笠。色澤嫰紅的牛肉，在湯內滾燙十多秒，入口軟腍，肉汁鮮甜美味。壽喜燒鍋底味道甜而濃郁，牛肉吸收了湯內精華，再蘸上生雞蛋汁，質感更順口細嫩，十分吸引。湯中還有金菇、蔬菜及粉絲吸嗦甜湯，清新解膩。牛油果軟殼蟹卷 $98飯卷包裹著脆卜卜的軟殼蟹，表面鋪滿蟹籽和牛油果，配搭清新，混合沙律醬，口感飽滿之餘帶卜卜脆，滋味誘人。三文魚刺身 $40三文魚新鮮肥美，鮮嫩啖啖肉，質感滑溜，一口氣吃了幾片! 燒日本芝士年糕 $38年糕圓潤、脹卜卜，咬開煙韌的外皮，中央流心芝士傾瀉出來，順滑“芝”味，啖啖窩心!鯛魚奶湯 $48鮮魚湯名不虛傳，色澤奶白，傳來陣陣鮮甜魚香，湯中大量蔬菜雜菇，再呷一口魚湯，有一種溫暖的感覺。

淼ひよう壽司日本料理 (元朗)元朗鳳琴街22號金龍樓2座地下15B號舖牛肉壽喜燒呢排涼涼地 最岩食熱野呢個鍋入面好足料 而已份量都多另外佢底入面有粉絲 所以多數飽牛肉線條都幾靚 完全唔似出面配埋最近既天氣 一流啊 記得要飲佢d湯 好正架鰻魚飯鰻魚飯係出面食正正常常都過百係呢到唔洗$100都食到 原條既鰻魚味道方面鰻魚汁落得好到位唔會太多 又唔會太小 簡簡單單 已經帶出左鰻魚同飯既味道配埋個麵豉湯好出色雜錦天婦羅不過不失 反而對佢既蝦 好有印象因為唔會好粉 蝦肉好爽口 好彈另外南瓜 薯片都係好好食 金錩魚腩卷一份6件 每件既金錩魚都好足夠 而且賣相精緻 有心設計過味道好新鮮 應該係即日開既

餐廳細細間， 裝修有日本居酒屋感覺， 價錢親民，食物質素 佳和用心， 店員熱情招待，不停為我們添茶 ， 十分推介。鰻魚飯$118鰻魚厚身肥美， 份量十足 ， 賣相非常吸引， 用炭火燒烤， 表面燒到焦香， 香氣四溢， 配上甜甜的燒汁 ，大口咬下去肥美無骨 ，香甜嫩滑， 鮮味突出 ，鰻魚魚身鋪上幼細紫菜 絲和香香的芝麻粒，配埋軟硬適中珍珠米 ，令每口飯口更加豐富， 滋味指數爆燈 ， 必食之選。一夜干燒魚$88一夜干燒魚新鮮煎起，外表煎至金黃帶脆，魚油四溢，入口脆皮酥化，魚肉輕輕一叉便散開， 魚肉雪白， 紋路清晰， 味道鮮而軟嫰，著實不錯。燒雞泡魚乾$70雞泡魚乾入口不硬 ，帶嚼勁， 越越鮮味，滋味過人 ， 燒得出色， 好味到唔停得口， 送酒一流。吉列黑豚肉$80黑豚肉大件厚實 ，外皮炸到金黃色， 脆卜卜， 賣相吸引， 黑豚肉入口鬆軟，啖啖肉汁， 配上沙律菜及醬汁， 十分滋味。燒手羽毛$38雞翼燒至油光亮澤，雞皮微微脆焦， 新鮮燒起， 熱辣辣 ，香噴噴 ， 令人垂涎，雞肉滑溜、油潤， 令人吮指回味

今次故意來到元朗試下呢間新開的日式小店，因為朋友話成日經過都想試，講到今日先有時間去試，我覺得係一間有誠意的日式餐廳。其實入面唔大得幾十個位左右，你的需要絕對被照顧到，點解咁講，哈哈，因為我只是細細聲同朋友講我有點凍，侍應已經立即幫我把冷氣調低。講返食物先，我哋叫左個黑松露海鮮沙律，一放上桌已經好大陣黑松露的味，加上沙律內刺身又好多。我們仲叫左個魚湯，好濃魚味，唔係魚腥味窩，唔係連鎖式的那種隨隨便便。大大件的帶子壽司，鮮味。。再叫左個牛肉的壽喜燒，上桌時牛肉半生熟唔會怕太老，d牛肉好多塊岩哂我呢d食肉獸。唔係加烏東入面d配菜都好夠。仲有個赤蝦刺身，勁大隻，仲已經清哂腸，靚靚乾乾淨淨咁。。正

呢間日本餐廳真係值得推介！！😍食材高質素唔再講，價錢中等，服務好好好好！雖然鋪頭細細間，但係餐廳又想見下至下都絕對唔求其。☺️☺️☺️💕💕💕💕💕💕💕💕💕💕今日係晚餐七點鐘過嚟食，鋪頭都係剩返一兩張枱，感覺上都幾多熟客支持。💕不過因為今晚都唔算太肚餓，所以求其叫咗幾款食物嚟食。🤪叫左款沙律開開胃，雞泡魚乾，同埋牛油果軟殻蟹卷。埋單一個人$200多啲啲。🤑食物質素非常之高。沙律好清新開胃，雞泡魚乾唔係周圍都有得食，點埋沙律醬同七味粉當小食食一流。同埋牛油果軟殻蟹卷價錢一d都唔貴，卷物大大份，而且軟殻蟹好大隻，一啲都唔偷工減料。見到店員、師傅同埋啲食客都有講有笑，感覺係一間充滿人情味嘅餐廳。推薦黎元朗搵嘢食嘅人黎試一下😚😚😚‼️

元朗嘅日式餐廳越開越多，今次比我發現到一間開咗冇耐嘅淼壽司日本料理，門面同入面嘅裝修都好和式，別有一番風味。Menu簡潔清晰，而且種類都非常齊全。我隨便叫左幾款壽司小食同丼飯。和風刺身沙律$52非常惹味，沙律上加咗角切魚生，幾開胃。天婦羅土佐豆腐$52師傅火侯控制得好好，炸到外脆內軟，豆腐熱辣辣，配埋紫菜碎👍🏻👍🏻👍🏻淼魚生丼 $98丼飯有五款魚生：油甘魚、三文魚、鰻魚、帶子同埋三文魚籽，醋飯份量都唔少，一個人食絕對會好飽👻壽司方面點左四款：分別係帶子壽司、三文魚腩壽司、炙燒左口邊壽司同甜蝦壽司。全部壽司都好新鮮，而且甜蝦大大隻，連埋蝦頭一齊上，有驚喜嘅係炙燒左口邊壽司，就算係元朗都唔係好多間日本餐廳有得食。

朋友生日飯聚，最終揀左佢最鐘意食既日本菜。元朗日本菜都試吾少，見呢間新開無耐，一於去試下！當晚大約７點入座，店內座位吾算好位，但坐位既空間都算寬敞，都坐得幾舒服。店員好nice ，推介左是晚最新鮮既飛機貨刺身比我地朋友揀左條 bb 池魚 HKD 128 我係第一次食呢種刺身感覺都幾特別，會較濃味，點埋酸酸地既汁，又岩岩好喎！食落完全吾會有腥味，食得出係鮮味鐘意食海膽既我，見到有推介緊係叫返 半板海膽 HKD168入口真係勁鮮甜 完全無苦澀同腥味，好甜，而家睇返Ｄ相口水都不停流師傅仲手握左幾粒好得意波波形狀既壽司飯！再夾埋咁鮮既海膽一齊食，真係おいしい！牛油果軟殼蟹卷 HKD98生日朋友最愛，當然要點返客比佢，一碟都有６件咁多！裡面軟殼蟹炸到熱辣辣，炸粉吾厚，牛油果上面仲加左Ｄ脆卜卜既蟹籽！帶子壽司２客４件 HKD80我地3個都咁鐘意食帶子 緊係叫左2客先夠SHARE !!帶子鮮甜 仲要係好厚切食落口感真係好豐富一夜干燒魚 HKD88熟食就叫左條店員推介既一夜干燒馬友 呢條魚真係燒得好香 一D都吾咸 魚肉好滑溜 一路夾黎食 仲出緊煙架吾駛點附送既汁 已經好快就比我地KO左 魚骨都吾放過

這間日本料理真係值得推介，除了食物質素高，價錢適中同服務好之外，重點係有誠意，雖然店鋪細細，食物一點都唔馬虎。因為新開幾個月，又無搵雜誌做宣傳，應該暫時都係附近吃開熟客多。店員同老闆都好nice，上每道菜都會同你講解(當然唔係太忙的時候啦！)，我都有主動問，佢地都好耐心解答。☺一夜乾燒魚$88(必吃推介)👍👍👍老闆介紹係師傅親自挑選新鮮馬友，返來親自開肚、醃製、風乾才可以做到肉質咁嫩，鹹度剛剛好，外皮脆啵啵，我同朋友連🐠骨都吮埋，喜歡吃🐠的一定要試。淼魚生丼$98(鮮味十足)😋😋大大片厚切魚生，再加大大粒三文魚籽，超級滿足，而且壽司飯一吃就知係用靚日本米，有黏性得來軟硬適中。鯛魚奶湯$48(勁膿味)外面好少可以飲到鯛魚湯，真係好好飲，配料都幾豐富。牛油果軟殼蟹卷$98這是我的最愛，每次吃日本嘢都會叫，雖然唔特別，但味道有驚喜，軟殼蟹好脆，配上脆啵啵鯡魚籽，餡同飯比例啱啱好，讚!👍👍總結，整個晚餐都好滿意，雖然係小店，但味道一點都唔會比排長隆人氣店差，價錢適中，午餐還有套餐，更加抵吃。

元朗多嘢食就係人都知嫁啦今次嚟到門面好的骰，望落有少少似居酒屋feel嘅 淼入面環境唔大，座位唔多，咁啱見到店員清潔緊，都放心嘅因爲有做中場清潔。睇得出有俾心機裝飾～ 有燈籠同酒🥂等等做裝飾有廚師發Menu，見到隔離枱有人嗌有墨西哥海膽我都想試吓墨西哥海膽係咩味荷包....帶子壽司🍣 好大粒好新鮮但壽司飯有點黏赤貝刺身又係好新鮮、爽口旁邊我原本以為係裝飾，總知赤貝包左係入面‼呢個有驚訝味道同脆脆紫菜青瓜夾！就算無食開，都容易令人接受雞泡魚干：略嫌份量有點小同鹹但係點埋蛋黃醬真係食唔停口，中和翻少少鹹味鰻魚飯份量超大啲飯似珍珠米，有咬口，一啖飯一啖鰻魚都絕對夠。 （但有骨要小心一點） 味增湯我個人鐘意呢度既！因為唔咸！平時出面既太咸！吉列黑豚🥩 新鮮炸起，岩岩好，好脆唔老、唔厚粉、有適當既肥肉增加口感其他：店員好nice, 經常加茶收碟, 值得一讚