Mimila (Closed)

依間平時經過見到都好多人等，今次就訂咗位嚟所以好快就入得。呢家餐廳有雞湯、豬骨雞湯、喇沙湯既粉麵，唔同口味任君選擇。🔸馬來蝦湯配手撕雞摻摻 $88呢個湯底真係勁重蝦味，因為我唔係太鍾意蝦湯，所以依個麵我就麻麻地。不過見佢啲料都好多，手撕雞都唔止幾舊。🔹豬骨雞湯配豬頸肉摻摻 $88呢個豬骨雞湯清清地就比較啱我，不過睇落去啲料就比上邊嗰個好似少啲咁。🔸香炒肉碎飯配扎肉 $88肉碎撈飯幾好味，但係個扎肉就好似冇咩特別咁樣。🔹新加坡白胡椒肉骨茶 $88好重白胡椒味，啲肉煲到好腍，面頭嗰啲就係一嚿嚿肉，但係下邊嗰啲肉就碎濕濕，唔係好夾到黎食。個人覺得都係馬來西亞嗰啲肉骨茶好味啲。🔸沙嗲串燒 6串 $78可以係豬雞牛入邊任揀兩款，各三串。🔹生菜米網春卷 $68個皮好脆，口感好得意。🔸Mimila檸茶 $32🔸雙檸桔子蜜茶 $36雖然唔係好清楚兩款有咩分別，賣相都係差唔多，但係飲落就係雙檸桔子蜜茶好飲好多。🔹Damm lemon $38呢款啤酒有淡淡嘅檸檬味，好好飲，飲完都即刻上網搵吓邊度有得賣。

點了三蝦撈麵（$98+10%） 就只點了一個麵已經百幾蚊埋單，相信要好好食啲先住呢個價。首先講下環境服務，可以話係乾淨的茶餐廳格局，侍應係有禮貌的但服務就唔算做足啦，埋單都要行出去自己黎，咁即係茶餐廳啦，收咩加一。食物方面，份量足夠的，唔算好飽，大食最好叫多個小食。蝦子撈麵係好食但不是驚為天人，配菜有牙菜同蔥算夾，跟五隻蝦，但煮得過老。食完感覺唔值成嚿水。覺得最多賣$68碗，而家太貴。味道無問題，係貴啫。

沙田友一定知呢一間餐廳，位於新城市廣場7樓，Mimila以新派南洋風麵店為噱頭，Mi 嘅馬來話係“麵”意思，以鮮、香、辣元素，用心製作特色南洋麵食。今日就同朋友一齊食晚飯，我哋叫咗一個白胡椒肉骨茶、海鮮拼盤、白灼油麥菜。特別推介白胡椒肉骨茶：呢個肉骨茶好特別，有豬手、排骨、豆卜，胡椒湯味好香，豬手滿滿嘅骨膠原，排骨好入味，yummy 😋海鮮拼盤賣相好吸引，都幾新鮮，蝦🦐大大隻、啖啖肉。 👍🏼👍🏼👍🏼

本身唔食得辣，咁咪叫個豬骨雞湯，完全無味，啲牛肉鞋到食香口膠咁。叫埋個單骨雞翼，都講明唔食得辣，隻雞翼完全食唔到。咁樣就$113。貴到呢😢早知去隔離壽司舖到食，差唔多價錢。😰😰😰

每次經過沙田都會幫襯。印象中對上幾次黎果陣，俾我既感覺都係食物偏淡。因為好耐冇食過肉骨茶，印以特登點黎試下。食落去好重胡椒味，同我期待既肉骨茶味道好唔同。可能因為新加坡口味唔同？雖然咁講，但整體黎講唔差的。肉既份量都幾多，冬天食應該幾暖胃，岩晒中意胡椒既朋友。同行既朋友點左個撈面，我試左少少，味道都唔錯，有幾隻飽滿既大蝦。至於白咖啡，每次黎都有點到，可以飲返係檳城飲過既味道。但今次可能沖都唔均勻，俾我發現左原來係用粉沖，結左一塊塊咁，有少少失望。不過飲落唔似係雀巢牌，似自己當時係檳城買既手信既味道。咁就放過佢啦。不過如果有得跟餐，唔洗散叫就好了。

要喺沙田新城市廣場覓食實在有啲難度，因為超多連鎖店，值得支持嘅良心小店就非常少，其中一間係七樓嘅星馬餐廳 Mimila。我叫咗碗特濃蝦湯喇沙摻摻，配料除咗 menu 寫嘅海蝦同越南扎肉外，仲有魚片，豆卜同芽菜。我覺得呢碗麵嘅取分之處係配料，尤其係扎肉同魚片，又厚切又好食，吸汁嘅豆卜亦頗滋味，反而個湯底略嫌稀咗啲，蝦味唔夠濃，喇沙嘅椰汁味亦欠奉，同「特濃」仲有啲距離。對面位叫咗新加坡白胡椒肉骨茶，呢個用瓦煲仔上，份量多到嚇一跳。同一般食開藥材味較濃嘅肉骨茶唔同，呢個主要係白胡椒味嘅湯底，唔係我鍾意嘅口味，所以我只係食咗兩塊肉排，都算幾腍幾入味，唔錯；其餘絕大部份係豬手，對面位話好食，好多骨膠原喎😆。飲品則有驚喜，雙檸桔子蜜茶清新解渴，蜜味香甜，茶味夠濃，雙檸桔仔醒神開胃，好飲👍。

路過新城市買風扇，首站先要醫肚，成個場大多是連鎖餐廳，想找特色一點的，於是便試這間。未進店時好像看到下午茶有八折，結果埋單沒有，看來是我看錯了🤪點了蝦湯麵，小食點了魷魚。蝦麵味道正常，湯有濃蝦味，蝦有鮮味，而牛則是普通肥牛。魷魚味道極介普通... 不值一試！環境方面，吃麵時頭頂冷氣滴水... 結果要自行換位繼續吃。兩個人最後吃了三百多元下午茶😅，很貴！再來的話，會試叻沙，但對小食就無興趣再試了，因為真的不值。

-{黃店💛沙田東南亞菜🍗}依間馬拉菜之前有朋友推介過😚咁啱係沙田食飯 就揀左依間🥳🤤海蝦配手撕雞喇沙摻摻🤤 ($108)椰漿味好香😙不過有啲辣😂個料嘅份量好多 尤其係手撕雞~啲麵好掛湯 不過有啲油🥺同埋隻蝦細隻左啲😌👖褲評: 6.8/10🤤水牛城🤤($78)呢個價錢有六隻 全部都好大隻個醬汁幾惹味 同埋燒得好香🥳有啲肉汁😆👖褲評: 7.3/10當晚想叫埋榴連蛋糕但賣曬😩雖然嘢食幾好味但有啲貴 仲有另外加一 不過沙田黎講都係唔錯嘅選擇😇性價比: 7.8/10服務: 8/10環境: 7.8/10🚩Mimila🚩地址: 沙田沙田正街18號新城市廣場1期7樓704號舖 #fuudjai #fuudjai東南亞菜 #fuudjai黃店 #fuudjai沙田

一路沒有意欲去光顧這店, 覺得價格進取。疫情下, 下午茶時段提供20% off, 又被其貓山王芝士蛋糕所吸引, 所以比個藉口自己去光顧。餐廳座位舒適, 唯滿席時, 客人與客人間距離有點近。1) 特濃蝦湯喇沙湯麵- 海蝦配美國牛肉 $108- 追加食材: 手撕雞 $152) 貓山王芝士蛋糕 $583) 下午茶全單 20% off4) all + 10%特濃蝦湯喇沙湯麵算是餐聽的主打, 所有隔板都是宣傳, 店舖推介海蝦配手撕雞, 但我又想食美國牛肉, 最後點了海蝦配美國牛肉追加手撕雞。預設麵底為摻摻, 米粉佔多, 油麵略少。呷一口湯頭, 味道鮮甜微辣, 可能摻摻索湯, 開初感覺湯量略少, 但食到尾段仍有湯剩。除了牛肉和追加的手撕雞, 湯麵附有魚片, 半蛋, 豆卜和芽菜。魚片厚切, 爽口彈牙。蝦肉厚, 啖啖肉。半蛋蛋黃軟綿, 蠻不錯的。手撕雞雞味濃, 唯牛肉味淡略柴, 豆卜無味, 即使浸入湯中良久也不索湯, 有點出事。貓山王芝士蛋糕榴槤味重, 質感似mousse和布丁, 略嫌餅底偏濕, 味道被榴槤味蓋過。

叫左午餐，手撕雞喇沙湯面摻摻食完既個人感想簡而言之就係無特色，完全無記憶點，麵呀湯呀都Ok，就係個價錢好唔Ok，而間完全唔知邊度值百零蚊，湯又唔係濃，麵又唔係好食，手撕雞又唔係滑，食完覺得我比人昆。唔建議食， 除非你想做老襯打卡哂命貼Ig，唔係既話一律唔建議食。寫唔到多字因為實在係無野好寫。寫到最後已經唔記得碗麵咩味了。

好耐之前帶朋友食個lunch，今次同屋企人又去食多次😋白胡椒肉骨撈蝦子麵，個蝦子麵好好食，啲肉骨好淋，胡椒味又好夠，超正👍🏻荔枝梳打好好飲，佢唔係死甜果種，可能加咗薄荷葉去中和返個甜味，飲落好清新，勁好飲🤤見到佢地餐牌都有好多小食，發現「馬拉拼盤」同「全部都係雞拼盤」有齊哂我想食既野，於是又叫咗嚟試😂😂😂樣樣小食都好邪惡呀😈勁好食牛肉串燒肉夠淋又唔乾，好味😋鬼爪魷魚釀蝦枝，呢個好得意，外皮脆脆地，個餡有啲似墨魚丸口感，唔錯菠蘿雞翼，第一次食雞翼入面放咗菠蘿，個味道又幾夾喎唔錯唔錯，食物質素真係幾好😋👍🏻見到牆上面都仲有啲「有意思」既裝飾💛靚佢地平日有做學生餐添㗎，真好👏🏻#沙田 #新城市#mimila#馬拉菜 #馬來西亞#南洋風味

太耐無得去旅行，好掛住星馬蝦麵同喇沙嘅味道。星期日天氣好熱，要唔塞車又要商場有位泊車都不是容易的事，見沙田新城巿廣場間Mimila有蝦麵同喇沙就揸車入左去試下。同朋友叫左蝦麵同喇沙，蝦麵個湯有D淡，都免強可以接受。但個喇沙我完全唔知自己食緊喇沙，同雞湯麵無分別，以為落錯單或比錯咗, 個待應攞走咗，再攞返出黎， 但都只係個雞湯味再濃咗， 都係完全冇喇沙味，最後為有cancel！ 人生食過最失望的喇沙！無下次！

係沙田新城市裡面搵食，朋友想食特別少少，就揀左呢間馬拉菜黎試下。野飲先到，叫左薑汁薏米水（熱，$28），夠辣唔甜，飲落似係自家煲嘅， 夠晒養生。我叫左特濃蝦湯喇沙湯面，配海蝦、手撕雞（麵底摻摻，$108），摻摻即係油麵加米粉。自己唔食辣，見到咁紅嘅湯都淆淆地，喇沙湯底對我黎講已經算少辣，仲有少少椰漿味同蝦味，算係收貨。手撕雞同蝦都正正常常，配料仲有魚片、蛋、豆卜、芽菜等等，都算豐富。因為係商場舖，都預左價錢唔平，味道正正常常，如果口痕想試馬拉菜都可以考慮。

今日在沙田新城市廣場午餐，7樓的Mimila，店外幾吸引而且坐滿了客人，一定有些優點。海鮮喇沙湯麵 ($118）選了預設的摻摻，即是油麵溝米粉，「摻摻」馬來西亞人解作「兩溝」的意思，材料有海蝦、墨魚仔、魷魚翼、帶子、蟹棒及配上魚片、半隻熟蛋、芽菜和豆卜，湯也算香濃，有幾隻頗大的海蝦，但蝦身硬硬的，無乜味，其他料都ok。新加坡白胡椒肉骨茶($88)這個肉骨茶味道比較簡單，濃濃的白胡椒味使整個湯頭都有香味，排骨的肉好腍，豬手亦鹹香夠腍而且有嚼口，個湯一定要飲完好暖胃。鬼爪魷魚釀蝦枝春卷($58）外型真係有啲似鬼走，吃的時候食味一般，咬下比較空的感覺，但外型取勝。Mimila 服務非常好，待客熱誠，值得一讚。

今日約朋友去新城市食lunch，其實新城市都冇乜特別嘅餐廳係好食嘅價格亦都比較貴！不過見呢一間都比較多人like就試吓Lunch set最平都$98食個湯麵來講算係貴我同朋友分別嗌左兩碗唔同味道嘅湯麵蝦湯麵$98：鮮蝦配美國肥牛，飲咗一啖湯試吓，湯底比較淡但都會有蝦味，但份量就比較細，如果男士一定覺得唔夠飽特龍喇沙蝦湯麵$118：鮮蝦配美國肥牛，湯底明顯比蝦湯嗰款濃一啲，其實湯底味道係唔錯,但牛肉就麻麻哋，蝦就正常，最好食係個豆卜加$15多一款小食小食分別嗌咗春卷及雞翼，味道都唔錯，都應該係即叫即整，因為上碟時係好熱加$10多一杯嘢飲埋單差不多$300，其實以佢嘅環境食個lunch來講算係貴，因為份量好少,其實食唔飽！環境又唔算坐得好舒服，但味道我覺得係OK嘅,冇其他人講到嗰啲評價咁差