名館 (Closed)

今晚同同事收工食飯，希慎呢頭已經食到厭，於是今日試下呢間餐廳啦。希慎廣場14樓餐廳樓底好高，睇落闊落好多！仲有一排對住玻璃窗既座位，自己一個食都唔會尷尬！餐牌價錢都合理，所以叫左點心同小菜。不過我真係要讚下呢度d茶水，用既係即泡蕎麥茶！飲落好香口，正！原來仲可以買它d茶返屋企沖！鮮肉一口小籠包$58細細個容易食！皮薄餡靚，啖啖肉，好多汁啊！好好食！自製菌皇醬蒸鮮腐竹$58呢道菜都幾特別，腐竹平時食都無味，但加左醬料之後好特別，都幾好食，幾惹味！蜜椒土豆安格斯牛柳粒$98安格斯牛柳粒好腍好好味，一D肉味都無，仲有薯仔粒炸過，所以好脆口。本身以為要肥牛肉，原來係薯仔，實在太正啦！和風櫻花蝦炒飯$98食落好特別！櫻花蝦有D脆，有咬口，而且碟飯幾大碟，味道夠！

在銅記逛街選擇了在希慎晚餐商場頂層是個好選擇這家餐廳餐具非常有心思頭盤先來特製五香牛展下單五分鐘後極速送上牛展很薄沒有口感但味道不俗再來是蜂蜜柚子蝦球混合了蜂蜜和柚子的醬汁酸甜蝦球外層脆脆蝦肉味鮮甜真的是愈吃愈有胃口然後是自制菌皇醬蒸鮮腐竹味道非常特別感覺新鮮腐竹清淡跟鹹鮮味很配合鮮肉一口小籠包體型迷你入口一咬湯汁在口內爆發最後點一客和風櫻花蝦炒飯炒飯乾身配上蝦乾有鹹香星期二有美味食物陪伴是幸福的

閒日晚上餐廳都開始多人好彩仍有部分座位 唔需要等好耐餐廳闊落舒適 裝修雅致而且有落地玻璃可以欣賞銅鑼灣夜景鮮肉一口小籠包 $58小籠包湯汁澎湃 咬開嘅時候務必小心內餡嘅肉鮮味十足 充滿肉汁正式係皮薄餡靚！香煎黃子小米糕 $48另一半特色點心估唔到咬落去表面煎得好香脆識落仲有淡淡嘅米味質感鬆軟可口 頗有特色厚切叉燒皇 $78呢間餐廳另一主打就係自家製嘅叉燒一上枱香氣撲鼻 望落去亦都好有光澤食落肉質都好鬆化叉燒唔算太肥 個人覺得有啲瘦得制忝 哈哈不過醬料非常香甜 令人回味石鍋鮑魚雞粒炒飯 $108呢一款係認真必試！真係真材實料冇欺場石鍋飯令到飯粒略帶焦香 脆卜卜每啖都有一隻鮑魚咁制 鮑魚口感彈牙 雞肉香滑味道真係相當唔錯！雖然每位茶要＄8但係飲嘅係好特別嘅蕎麥茶有益之餘出邊比較少飲到所以都可以接受

剛剛去完旅行返黎，第二日就約左個朋友食飯，順便轉交返d「旅行水貨」比佢，唔少得當然係屈佢一餐。呢間名館，比人一種中式餐廳既感覺，但又帶點不甘於傳統既新意。餐牌上既多道菜式都有夾雜一些創新既念頭。厚切叉燒皇。當得叉燒皇既名號當然要有返咁上下質素。叉燒既肥瘦適中，肉與肉中間夾住肥膏，食落帶有油脂香，送飯一流。蜂蜜柚子蝦球。十分推薦既一道菜式。第一眼睇落有d炸雲吞，但其內餡卻釀滿蝦肉。外層仲淋上油子汁，酸酸甜甜 但又帶有柚子獨特既清香，十分開胃。鮮蝦野菜春卷。同樣係一道炸物而裏面亦裹著蝦肉。春卷亦炸得脆口，但調味上卻略遜柚子蝦球，味道不夠搶胃。金銀蒜蒸勝瓜金菇。我地亦點左一點菜平衡一下油膩感。滿滿既蒜容同蔥花令一道平淡既菜瓜變得好惹味，特別係金菇索滿醬汁，令人眼前一亮。最後一道菜，和風櫻花蝦炒飯。飯粒粒粒分明，櫻花蝦既味道偏鹹，配上炒飯剛剛好。一路傾下近況，一邊傾下旅行見聞，令整頓晚餐更加美味。

人在 銅鑼灣 - 希慎廣場 , 有長輩想吃既有特色 , 有水準 , 價錢又公道的中菜 , 於是我想起 .... 名館 ~Menu ~ 見到這個碗筷 , 相信很多老江湖都知道是什麼一回事 (笑) ~ 厚切叉燒皇 : 能否稱之為皇 , 真是可圈可點 , 這個叉燒肥瘦均勻 , 在味道上確實是不錯的 , 當然若果可以肥潤一些 , 燒得再焦香一些 , 會更好 ~ 蜂蜜柚子蝦球 : 蝦球煮得爽脆鮮美 , 配上那個蜂蜜柚子醬 , 吃起上來就感覺有點韓國風的 , 真得意 ~ 自製菌皇醬蒸鮮腐竹 : 這一個菌皇醬味道非常有特色 , 配上滿有豆香的鮮腐竹 , 是夜晚我最喜歡的一道菜式 ~ 和風櫻花蝦炒飯 : 香口、惹味、夠鑊氣 , 而且大大兜 , 飽到要用外賣盒帶走 ~本篇完 ~

上年到過位於中環的名館吃晚飯，今年父親節爲了方便兩老，就選擇了銅鑼灣希慎廣場13樓的名館作父親節晚飯地方，吃飯前還可以跟他們逛逛街呢！餐廳內外位置都放有餐桌，而且窗邊更設有二人平排座，飽覽銅鑼灣鬧市景色，甚是拍拖之選。茗茶 $15/位 - 是餐廳的招牌蕎麥茶。前菜 《胡麻醬鮮淮山 $52》一座山的造型有氣勢。開頭以為淮山爽口，入口才知道原來淮山口感內糯，配上胡麻醬頗惹味。點心《鮮肉一口小籠包 $58》一籠有5粒小籠包，皮算是薄，而且湯汁鮮甜。蔬菜《自製菌皇醬蒸鮮腐竹 $58》驚喜在腐竹十分嫩滑，並有豆香，再撞上味道帶咸香的自製菌皇醬，味道即時豐富了。粉麵飯《私房金黃球泡飯 $68》餐牌上看到此飯的圖片頗有趣，原來是將飯捏成球狀然後外層燒成飯焦再放入湯中，所以一將飯焦球拆開，便會成為有口感和焦香的湯飯。小菜《蜜椒土豆安格斯牛柳粒 $98》整體帶蜜椒味，牛柳粒夠腍，肉味尚可，反而炒香了的脆口薯粒更吸引。甜品《金薯棋子酥（半）$68》中環分店曾經出過麻將甜品，今次能在銅鑼灣分店吃到新品 - 金薯棋子酥，實在令人興奮。味道很有酥香，黃色的內裡有已溶的忌廉，而紫色的有紫薯餡，甜度適中完全不會甜膩

朋友住港島區就相約朋友在銅鑼灣吃飯，因今日落雨就選擇在希慎廣場吃晚飯，知道商場里面有好多食肆，又可以舒舒服服坐下傾下計。五仁無骨口水雞，口水雞雞肉嫩滑，又夠入味又不會太辣，辣味適中。鮮肉一口小籠包，一籠五個小籠包皮薄餡多內里又多肉汁，又啖啖肉好新鮮美味可口。鮮蝦野菜春卷，春卷炸得好香口美味，春卷外層脆卜卜，內里包住啖啖蝦肉，蝦肉爽口彈牙。蜂蜜柚子蝦球，蝦子炸完再沾上蜂蜜柚子好香味可口，又有柚子肉蝦又大大隻好彈牙。石窩鮑魚雞粒炒飯，飯炒到粒粒分明，又有細細粒鮑魚又煙韌，又有雞粒炒到好香又夠味。欖角肉崧蒸秋葵，清淡的秋葵配上濃厚的欖角，非常好味道。好味醬秋葵炒海螺片炒到好香好入味。

工作忙了差不多一星期，今晚約honey撐枱腳歇一下。由於連續幾天食西菜，心思思想食下中菜做晚餐。有朋友強烈推介這間位於希慎廣場的中菜小館，今晚一於 試試看。本來一心來試試這兒的皇牌厚切叉燒，點知一早售完，那就試試紅燒乳鴿吧！紅燒嫩滑妙齡鴿$58炸乳鴿細細隻，是妙齡BB鴿。乳鴿雖然小巧，但身子脹卜卜的相當結實。一咬下去，鴿肉皮脆肉嫩，十分juicy, 肉汁豐盛，完全無渣，若能配上准鹽，則更勝一籌。鮮肉一口小籠包$58小籠包十分小巧可愛，一囗一粒，一客有五粒。小籠包飽皮厚薄適中，一口氣整粒放入口中，十分爽快，滿口都是湯汁同肉饀的鮮味，爽呀！蜂蜜柚子蝦球$88這蝦球的炸衣很薄，十分鬆脆可口！蝦肉爽彈而富有蝦味，加上柚子的醬汁，味道酸酸甜甜的，又帶有柚子的清新氣息，減少了炸物的油膩感覺，是十分醒胃的菜式，大家不停搶食，太好吃了！食左咁多肉，要食下菜平衡一下。金銀蒜蒸娃娃菜$58娃娃菜大大棵，爽口多汁，加埋鼓汁同炸蒜，十分可口，蒜香十足，既惹味又健康。石鍋鮑魚雞粒炒飯$108這炒飯材料十足，每口飯都有鮑魚仔和雞肉。炒飯炒得金黃甘香泛油光，飯粒粒粒分明有咬感，加上蔥花、鮑魚同雞粒，味道十分豐富。吃

天氣悶熱想飲過湯滋潤一下，家姐真了解我，帶咗我去名館食飯兼飲湯。呢度有四款功夫湯水，都是滋潤之寶，全部都是＄88盅，我哋揀了糖心黒蒜燉響螺，一般響螺湯都會好甜好潤，而且黑蒜有益，好美味。淮山非常有益，而家我們常常當菜食，唔需要擔心佢冇味道，呢款自製菌皇蒸淮山，醬汁味道濃，本來無味的淮山食得到滋味。雖然天氣時熱，中國菜都是熱吃好食，石鍋鮑魚沙薑炆雞，用石鍋炆嘅雞原來好惹味，食到沙薑香，仲有好多鮑魚，仔細細粒好得意，好好食。

打風先黎落雨，唔通連個天都想我出街食？收工仲掛緊三號波但無阻同朋友嘅飯聚，朋友又去完日本旅行，大家相約老銅飯聚順便拎手信，所以食中菜就最啱了。呢度雖然位處銅鑼灣，但食物價錢非常親民！柚蜜炸蝦球。醬汁味道略酸偏甜柚子味好清香，炸皮好薄所以唔吸油，加上蝦仁大大粒又爽口。雖為油器但不油膩。和風炒飯。炒得乾身所以飯粒食落彈牙，調味用上照燒汁之類嘅醬料，味道唔會好重／咸（雖然睇落好濃味）春卷。炸得好香口同乾身，入面嘅蝦肉餡調味重啲啲，平衡返春卷皮清淡嘅味道。蒜苗蒸勝瓜。雖然用左幾多蒜泥鋪面，但味道唔嗆。勝瓜本身好甜加上少少上湯調味，好好食。同埋唔可以錯過墊底嘅金針菇，佢吸收晒勝瓜同蒜香味，入味非常。厚切叉燒。色澤紅潤肥瘦相間，蜜糖上色得均勻，一睇就知道係靚叉燒。入口肉嫩多汁仲有少少燶邊，就正正係燶左嘅部分增添左叉燒嘅口感同味道，正。有時食飯唔需要大魚大肉嘅，同朋友簡簡單單食個飯就係生活中的小確幸。

今日係一年一度嘅大日子，就係小弟媽咪嘅生日，所以就帶佢去食大餐！今次就帶咗佢去位於銅鑼灣希慎廣場嘅名館，我哋都叫咗幾多野食㗎！五仁無骨口水雞呢個口水雞好滑，最緊要係無骨，食落有小小辣，幾惹味，連埋脆卜卜嘅五仁食，口感豐富。名館蝦餃皇蝦餃可以話係皮薄餡靚，蝦肉好爽口，食完一粒想再食多一粒鮮蝦野菜春卷春卷嘅餡料好健康，除咗有蝦之外，有好多蔬菜喺入面，幾fresh下自製菌皇醬蒸鮮腐竹呢個蒸鮮腐竹好特別，上面嘅菌皇醬，好香，清清淡淡嘅腐竹竟然變得好鮮味，好好食雲南涼拌貓耳朵貓耳朵即係雲耳，酸酸辣辣嘅，好開胃蜂蜜柚子蝦球呢個蝦球非常鬆化，有淡淡柚子香味，非常夾蜜椒土豆安格斯牛柳粒安格斯牛柳粒好稔，薯仔粒佢預先走咗油，所以食落好爽口，其他配料都唔錯和風櫻花蝦炒飯櫻花蝦粒粒都炒香咗，再拎去炒飯，脆卜卜，多多都食到溏心黑蒜燉響螺呢個燉湯真係不得了，非常鮮甜，響螺肉比我食哂，媽咪都大讚四隻特價炸乳鴿媽咪對今次嘅生日飯好滿意呀，大家一定要去食呀！

For rainy days, all I want to do is not to get wet (serious concern). A restaurant inside a mall connected to the MTR sounds like a perfect idea! Located in the heart of #cwb, Hysan mall is known for its humongous 3-story eslite bookstore, and its wide selection of restaurants. The restaurant is nicely decorated, and the food is of great quality! My favorite was the tofu skin marinated with homemade-mushroom stake paste. A great vegan combo! Also I have never seen #seagrapes in a Chinese restaur

爹哋腳力不好，約他吃飯只能近近地在銅鑼灣，他一向喜歡希慎廣場內的食肆，因為環境舒適，尢其是名館，價錢親民，而且燉湯出色，是我們家常便飯的好去處之一。我點算的黃金組合， 一家三口，點心、小吃、主菜及飯各一。胡麻醬鮮淮山 差不多每次必點算，先吃健腸胃的淮山，我認為用胡麻醬調味是最簡單亦是最佳之選，酸香爽口，醒胃。大良鮮奶脆網卷 我們是順德人，趁機會回味一下大良鮮奶，不過原來是改良版，網卷包着鮮奶再炸，比起一般的大良炒鮮奶添加酥脆，鮮奶入口即溶，網卷香脆無比，口感非常好。糖心黒蒜燉響螺 ，姬松茸燉花膠主角出場，中式茶壺湯形式是個好主意，每口細細碗，要喝先倒出來，可以保持溫度。清甜足料，各有風味，黑蒜色澤較深，黑蒜依然甜甜地幾好食，松茸花膠湯較淺色，裏面有一件花膠可以吃，還有雞腳及瘦肉的材料。蜜糖豆安格斯牛肉粒 鬆軟肥美的牛肉粒，腍嫩無筋味道豐富，配合蜜糖豆十分合拍。石鍋鮑魚雞粒炒飯 最後的主食是石鍋飯，熱辣辣香氣四溢，超迷你鮑魚仔柔韌入味。平日晚上繁忙時間都要排隊等位，記得要訂位。

今次來到銅鑼灣希慎商場的中菜館，别以為鬧市裡的商場餐廳必定昂貴，其實這裡的價錢也很合理，每人賣單也不用 $300。坐的是對著窗的窗口位，望著醉人的夜景，確是浪漫。先來喬麥茶 ($8/位)，很香很醇，令人喝完一杯又一杯。厚切叉燒皇 ($78) 是我喜愛的半肥瘦，肉脂味濃郁，肉質鬆化又無韌。如果拌碗白飯吃就好了。糖心黑蒜燉響螺 ($88) 是一個湯來的，用茶壺裝著，倒進小茶杯裡喝，十分有趣。湯非常濃郁，喝得岀是很足料的。石窩鮑魚雞粒炒飯 ($106) 份量很大，而炒到粒粒分明，用的是迷利鮑魚，煙韌又爽口。大良鮮奶脆網卷 ($48) 一客有六件，炸得金黃色，而且外脆內嫩，甜甜的作甜品較好。蜜椒土豆安格斯牛柳粒 ($98) 看起來普通，其實驚喜是在薯仔上。這非一般的炒薯仔，而是脆口的薯仔，口感過癮，帶蜜椒味。牛柳粒也炒得腍而入味。自製菌皇醬蒸鮮腐竹 ($58) 剛好中和以上較油膩的菜。這個餐廳自製的菌皇醬，味道有點像 xo 醬般惹味，配上清淡的腐竹，味道很夾。

今日同朋友去銅鑼灣買野，行到好夜，大家都好肚餓。聽朋友講話附近希慎有間好唔錯既中式餐廳，所以就諗住擇日不如撞日，一於今日去試下～名館位於希慎廣場14 樓，一上電梯好快就會見到名館耀眼既招牌。店員為我地安排左面向窗口既雙人卡位，除左坐得舒服自在之外，窗外既景觀開揚，可以眺望遠方，進食既心情自然更好啦！枱面一早佈置好，擺放左餐具、熱茶、紙巾、放骨既桶等，一應俱全 非常貼心☺️ 餐具精緻美觀，碟面有一尾栩栩如生既紅鯉魚，非常可愛 😍糖心黑蒜燉響螺 $88平日屋企有時都會煲下湯水，好味得黎又健康～ 個人好中意飲燉湯，覺得特別入味～ 呢個糖心黑蒜燉響螺好足料，入面放左好多食材，有益健康👍🏼糖心黑蒜燉響螺湯用左茶壺黎做器皿，設計別出心裁。呢個茶壺同普通裝茶既壺唔一樣，佢非常重，亦有保溫作用。我地將燉湯倒入細小精緻既茶杯，慢慢品嚐，直接食完晚餐既時候佢都依然係暖笠笠既。重點當然係佢入面既食材，包括雞腳、雞肉、響螺、雲耳等等，湯既味道甜得黎又帶點微咸，飄出陣陣響螺肉既幽香。我地都係第一次飲呢種湯，冇諗過味道如此鮮甜，湯內既雞肉鮮嫩多汁。金黃球泡飯 $68另一道別具創意既菜式，大廚所用既器皿獨特。上面放左