明閣 (鷹君中心)

好耐冇同班姊妹去飲茶，想食好啲、高質啲，於是決定去灣仔明閣。幸好一早打電話訂位，星期六真係要預早訂位先有得入。首先極品蜜汁叉燒係必叫，個麥芽糖汁上得十分好，增加甜味之餘幫助叉燒保留肉汁，加上本身豬肉部位肥瘦適中，本人至愛。另外點心叫了鹹水角、期間限定賽螃蟹餃、羊肚菌香辣上素粉果等。鹹水角做得香口而不油膩，要提提大家新鮮做起好熱，食嘅時候要注意下唔好太心急。另外蒸餃類皮薄餡靚，水晶皮薄之餘有Q彈口感，配上明閣自家特製XO醬，巧滿足啊!隨後點了魚湯米線，魚湯熬到白雪雪、女士最愛，睇顏色已經知道夠足料，飲一啖全身暖晒。我食完米線全部湯都飲晒，讚👍🏻最後甜品點了未試過嘅綠茶十勝紅豆卷，不太甜，綠茶帶有少少甘味配上日本紅豆蓉，個個姊妹都喜歡。食完呢餐個個都話要下次encore，睇來以後聚會都會經常嚟啦👍🏻

公司提早慶祝中秋食餐好, 放工去左附近星級中菜明閣食飯。一如以往, 保持水準。特別推介巧手醋香黑豚肉同頭抽生浸鼓油雞呢兩味餸。醋香黑豚肉, 上台熱辣辣, 食落香口。酸酸甜甜醋汁, 配埋咀嚼爽口黑豚肉, 非常開胃。頭抽生浸鼓油雞, 雞肉十分嫰滑, 件件都好入味, 食到唔停口。食飽後當然唔少得甜品上場, 美點雙輝, 係芒果布甸+黑芝麻燸米糍, 擺碟好精緻, 下面是用乾冰CHILL 住, 2款都甜度適中, 呢餐好滿足。

今年中秋 因鐵路有了會展站 所以無揀國金軒，食下好耐無食既明閣中秋節只做一個特定的set明閣三小碟醬燒脆皮乳豬件 香脆而不會太多脂肪薑蔥蓉元貝粉皮 元貝鮮甜，加埋薑蔥蓉同吃令元貝增添風味開心果蓉醋香風鱔球 風鱔球外皮香脆 酸酸甜甜的醋香十分開胃川貝海底椰花膠筒燉螺頭湯一入口有感滋潤口腔喉嚨 ，花膠筒口感爽滑 芙蓉金沙虎蝦球虎蝦肉質爽甜，配以金沙鹹蛋黃吃夠滋味，不過成件食到一半覺得略咸，底部有芙蓉蛋白伴吃能減去金沙虎蝦球的咸同油膩感 翡翠白玉廿八頭南非乾鮑扣鵝掌南非乾鮑色澤深褐，鮮甜味美，口感有嚼頭實淨鵝掌也炆得油潤爽口頭抽油浸龍躉柳龍躉柳肉質细嫩，味道鲜美 配以頭抽大口大口魚肉吃很滿足，可是我們一行四人每碟的龍躉柳的size都不勻一 程度有一碟係得半塊 佢可能見到我哋食到呢度開始飽了吧雲吞魚湯浸時蔬 魚湯都幾咸 同埋由龍躉柳開始啲碟有啲油跡 ，所以只吃了幾口鮮花蟹肉燴伊麵花蟹肉食到鮮甜味，但伊麵淡而無味 而且又係見到隻碟。。。如此賣相真的吃不下了 所以最後打包最後甜品時間陳皮紅豆沙湯圓 紅豆入口軟腍，芝麻湯丸一啖一粒甜甜蜜蜜鴻運山楂卷 煙靭而且酸甜可口，健胃助消化古法黃糖糕 彈牙鬆

只係食咗tasting menu, 食了7件單件預先整好晒嘅點心，只需要返熱或者炸，但係等了75分鐘，食嘅時間只需20分鐘完成。叫埋單加水過咗15分鐘之後要自己提醒伙記，啲伙記先去搵返個茶壺出嚟。個tasting menu要$408一位再加$50茶錢再加一。食物一般，得叉燒食得過。以後不了。

朋友介紹我食呢間中菜真係好正喎！砵酒雜菌鍋燒生蠔焗蠔大大隻食落結實甘香，帶微微的砵酒香，而不太濃，送飯一流巧手醋香黑豚肉黑豚肉外脆內嫩，一啲油膩感都冇，可能因為加咗黑醋中和返，味道有啲酸酸甜甜，都幾開胃喎鮮蝦荷葉飯想飽肚啲叫咗一個鮮蝦荷葉飯，鮮蝦爽脆彈牙配埋炒香左再蒸過嘅荷葉飯，好味😋睇落份量唔算好大，但係食落又原來好足料，都好飽肚生磨蛋白杏仁茶甜品叫左我最鍾意嘅蛋白杏仁茶，杏仁茶係新鮮磨，甜度剛剛好，好正！

今次訂左11點，5個人食商務午餐，餐廳裝修好靚，坐得好舒適。餐廳提供了兩個餐牌，一個是今期特色點心，一個是常用餐牌。最好味係牛油果春卷，外脆內軟的感覺。牛油果軟淋淋，再有肉肉的咬口，加上春卷皮炸得好脆，又唔油，推介推介。一枱後生仔，當然係唔怕熱氣，叫多個脆紅米腸粉，腸粉皮用紅米製造，入面係平時春風得意腸粉的餡料。由於腸粉皮好滑，我們也加單叫多個叉燒腸粉。要highlight一下，佢個叉燒好味，下次再去要單點一碟燒味-叉燒。其他點心，包括鮑魚汁鳳爪，蝦餃，燒賣，每一樣都好精緻，好味。要特別講一下蝦餃，佢係真正的皮簿餡靚。個皮係簿到見到內餡，又唔會咬唔開，推介我哋食完點心，再叫了一個咕嚕肉，粒粒肉，唔會太酸，每粒個皮炸到脆口，又沾滿橙色的咕嚕汁。好味。至於干炒牛河，正常，牛肉唔會乾晒 👌🏻👌🏻

Our group came here on a weekday for lunch. We all decided to do the lunch - dimsum tasting menu. Which was $388 HKD per person. Collectively we all agreed on the quality of the food we had. So delicious, and filling. The service & ambiance was great too. My personal favourites were (all of it). It was all so delightful. I loved the variety too. If you’re a fan of milk pudding; definitely don’t skip on the dessert!

東方美人養顏套餐，又正又抵食！因為疫情關係難得同朋友見面，當然想搵間好食嘅中菜聚下啦，朋友介紹呢間餐廳所以即刻訂位試吓：頭盤-《明閣.三小碟》話梅柚皮車厘茄，酒香海蜇醉鮑魚及極品蜜汁叉燒 。作為頭盤呢個真係好清新開胃，車厘茄酸酸甜甜好醒胃，酒香醉鮑魚，鮮甜好味 ，蜜汁叉燒鬆軟肉味濃郁，正！《鮑汁脆皮花膠素千層》作為養顏系列一定有花膠啦，估唔到花膠都可以脆皮上，入口鬆化入邊係滿滿嘅骨膠原，配上鮑汁味道剛剛好喎！《紅棗杞子蒸龍躉球》另一養顏系列就係魚，仲要係龍躉球，用紅棗杞子蒸養顏補身，好鮮味！《桃膠薑黃湯圓，棗皇糕》甜品桃膠薑黃湯圓，甜到剛剛好唔會太甜，飲完好暖胃，棗皇糕煙煙韌韌，好味！整體個餐真係超值同行朋友都覺得好正，已經想再encore希望之後快啲再推出啦!

平時忙住湊細路, 黎到暑假尾聲,  朋友介紹明閣美人餐做緊限時優惠, 唔洗1千蚊就食到星級師傅手勢, 我地呢班媽媽緊係唔會錯過, 決定約埋靚媽食個美人餐補番下~上完前菜之後, 黎一碗紅燒蟹肉燕窩羹, 用料豐富, 燕窩滋補養顏, 最啱女士食用。之後既魚子醬雪地明蝦球, 魚子醬鋪滿蝦球表面, 蝦球又大又圓, 咬落去好爽好滑。接住係菜類, 麒麟雲腿翠肉瓜, 翠肉瓜好爽好脆, 配有雲南火腿調味, 味道剛好, 唔會覺得太咸。尾聲緊係要食個飯同甜品先覺得滿足。套餐入面有個窩絲滋補竹絲雞炒飯。小窩上,  保住熱辣辣, 竹絲雞可以延緩衰老, 炒飯又炒到粒粒分明, 呢個配搭, 又補又飽~最後甜品除左食左套餐入面既桃膠薑茶湯圓同棗皇糕之外, 我地另外仲叫左楊枝金露。最近日日30幾度, 冰凍開胃的楊枝金露就可以令身體降溫, 加上芒果夏天當造, 加入楊枝金露入面又唔會太漏而且好消暑, 為呢餐媽媽美人餐劃上美味既句號~ 

用左滙豐premier 卡套餐買一送一，諗住呢間餐廳有米芝蓮都唔算差啦，點知原來係咁失望，買一送一埋單每人每人約$1000 但名不符實，首先服務勁差，一入到去個侍應好似睇唔起我地咁，成程無服務可言，擺低菜既人介紹菜式細聲到聽唔到，整跌把遮又唔講聲sorry, 未食哂野就想收碟更重要既係，食品超難食！！！個螺湯好咸，叉燒又唔特別，糖水直情入唔到口，好難飲，全晚只係得個松本茸叫做似樣啲，真係唔明點解有咁多好評

8號風球打唔成，要一早返工，lunch 決定要食餐好味午餐。嚟到灣仔會展站附近，即刻諗起明閣！ 睇下Menu先發現佢哋出咗- 點心嚐味套餐，唔洗用腦諗食咩- 即點！首先，先嚟我最愛既蜜汁叉燒拼麻香海蜇，叉燒超淋，肥瘦適中 🤭！ 之後有是日老火湯 - 瘦肉老黃瓜湯，今日涼涼地，飲完即刻暖左。飲完湯之後，精選signature 點心出場 包括有 帶子滑燒賣，金銀蛋鮮蝦菜苗餃，油雞樅菌素餃，黑松露豚肉芋角，雪山竹炭叉燒包，意大利黑醋鱈魚酥，荷香迷你珍珠雞。不得不讚下 佢哋 design menu 勁細心，個餐有不同類型，各有特色，唔同口感既點心，有香口既芋角同鱈魚酥，又有飲菜必點既燒賣，仲有健康既菜苗餃同素餃 ， 最後仲有炭水化表 - 叉燒包同迷你珍珠雞。所有點心既好味又分量剛剛好！最後最後 - 當然有人人推介嘅甜品： 黑糖桃膠薑汁3.6牛乳奶凍，太正！總括嚟講 係一餐好富豐，可以pamper 下自己嘅lunch 🫶🤣

上次話想嚟試lunch，終於約得成。唔係話好肚餓，三個人叫咗少少嘢食，傾偈為主。原隻鮑魚燒賣鮑魚鮮甜，值回票價陳皮雞湯小籠包(件)淡淡清新陳皮味，皮薄餡靚！可以一次過食幾隻！蟹肉瑤柱上湯餃上湯同餃配合得好好XO醬炒腸粉可能攤凍咗先食，唔算好特別蛋撻仔一碟4件，細細件，當甜品剛好！另外，負責我哋枱嘅Andy招呼十分周到！

話說之前食過明閣精緻中菜後, 經常心思思想再試午市點心, 由於地點方便, 一出會展站就到, 所以擇日不如撞日, 決定再食一次. 果然無令人失望, 不論中菜或點心都驚喜連連先來個老火湯, 生津解渴, 好清甜又暖胃! 正原隻鮑魚燒賣, 聽個名都已覺得浮誇, 一睇個賣相果然如其名, 整隻鮑魚睇落好飽滿, 咬落彈牙, 同燒賣一齊食絕對無違和感, 反而味道仲好夾! 好味!再黎XO醬炒腸粉, 通常係街食都會覺得比較油膩, 但今次腸粉不但炒得夠乾身, 唔油膩, XO醬仲好惹味! 讚!最後食個蛋散作結. 個蛋散整得好酥、脆、入口即化, 超好味! 我本身唔係特別鐘意食蛋散, 因為怕油膩, 但今次真係一試愛上! 回味! 

由於要參觀會展嘅珠寶展，入場前就到隔離嘅明閣飲個茶醫肚打底，因為唔知要行幾耐。侍應介紹明閣招牌炸子雞，所以嗌半隻嚟試吓。的確炸到皮脆肉嫩，伴隨有淮鹽同埋檸檬汁，十分惹味！亦不要小看伴碟嘅炸蓮藕片，食落好似食薯片咁，結果通通俾我哋清晒！炎炎夏日，想飲番個清清地嘅湯，所以嗌咗蟹肉瑤柱燴冬蓉，蟹肉分量十足，成個湯都好消暑清甜。不得不提我最鍾意嘅鹹水角，個皮炸到煙煙韌韌，裏面唔係得個窿㗎！係塞滿晒餡嘅！食飽飽係時候入去會展散步睇展覽。

約咗朋友灣仔明閣飲茶，金鐘返工坐去會展站一個站超快，一出站B3出口行1分鐘就到，地點十分方便。兩個女仔，咩都想試又想飲湯。服務員推介點心嚐味套餐，套餐有一個前菜，一個老火湯，七款點心加一款甜品，位上。感覺衛生，影相打卡又靚。前菜係招牌極品蜜汁叉燒，半肥瘦冇得輸，配埋麻香海蜇絲，水準之作。飲完湯食點心。點心方面有三個蒸點心，三款香口既點心，仲有一個珍珠雞，夠晒飽。同埋點心唔係普通款式，最愛當中一款炸芋角充滿黑松露香氣，香口得尼一啲都唔油膩。另外有一款醋香鱈魚，用蛋撻皮裝住，好好食。最後甜品係桃膠鮮奶奶凍，簡直係我既最愛。大家如果去開會展站，不妨去灣仔明閣一試呢一個點心嚐味套餐，十分推介。