名苑酒家

Open Now

Now Closed

屋企有長輩生日，所以就食得豪啲，叫咗嗰「鮑魚魚翅餐」（$298）。 第一味餸係「厚切黑豚叉燒皇伴貓耳朵」。先講嗰叉燒，半肥瘦，切得好厚但入口淋身；蜜味好濃，燒得好香。跟住係啲「貓耳朵」（雲耳），爽口清新，唯獨係有啲芫莤伴碟，唔食芫茜嘅可能會唔鐘意。 第二味係嗰湯，即係「桃膠藜麥燴生翅」。魚翅份量好足，而且有好多桃膠，好滋潤、好養生。 不過大家未飲完嗰湯，佢就上咗第三味餸，算係小插曲。 第三味餸係「蠔皇扣六頭鮑魚伴玉掌」。鮑魚好大粒，好淋身，有少少溏心。伴碟嘅西蘭花煮得好爛，唔推薦。小弟唔食鵝掌嘅，所以就唔評價啦。 第四味餸係「金蒜銀絲蒸元貝」。元貝好鮮甜，唯獨係粉絲會癡埋一堆咁，算係少少嘅美中不足。 第五味餸係「海皇粒粒泡南瓜麵」。其實呢個唔似南瓜麵，反而似係淮山麵。嗰麵爽口嘅，但係湯底好鹹。海鮮有沙，而且好腥。而且，餐廳冇提供匙羹，所以啲粟米粒好難食，有啲唔係太細心。 其實食完嗰麵，細食嘅已經會有少少飽。 跟住係第六味餸，「潤燒石歧乳鴿」，有半隻。小弟唔鐘意食乳鴿，所以唔識欣賞。不過隻乳鴿就好油，跟住「乳鴿有乳鴿味」，就係咁～ 第七味餸係「鮮蟲草花百合泡菜苗」。嗰菜係白菜仔，而且仲有

疫情下，反反覆覆的限聚令，使到酒樓食肆叫苦連天，只好各出奇謀，吸引食客，希望捱過難關，重見天日。其中平靚正的限時中式點心放題就非常奏效。我們幾個好友也不甘後人，追隨潮流，聽聞名苑酒家有口碑，昨天就結伴前往銅鑼灣廣場分店吃午餐。我們十二畤去到，已見十枱九滿，耆英居多。一看餐牌，六十多款點心，任叫任吃，除此，每人還奉送一份蒜蓉粉絲蒸扇貝。我們各有心頭好，盡情點叫，非常豪氣，不用像平日飲茶那樣就住就住，真的別有一番輕鬆。鹹鹹甜甜二十多款點心擺滿一桌，非常壯觀。我們開懷大嚼，感到異常滿足。名苑的點心的確有水準，碟碟好味，沒有因為做放題而馬虎求其。其中最值得推薦的包括蝦餃、極品花膠灌湯餃、鶉𪂹蛋燒賣、燒汁牛仔粒、黃金牛油焗海蝦、黑金流沙奶黃包、杏仁茶等等，佳作太多，不能盡錄。我們吃了第一輪，已飽了一大半，第二輪也只是重點叫多三兩碟，眼濶肚窄，吃不下呀！大家決定另外擇日再來encore，實在是平靚正！

今日同屋企人訂8個人9點， 我早左到酒樓， 父親節爆晒預左要等1陣。 但裡面d阿姐借晒聾耳陳隻耳，講咩都聽唔到。有d客當大陸酒樓1入即坐又得， 咁我地book位黎做咩， 除左我地，成班人外面等位，唔知等咩野。同阿姐講點解人地可以直入， 明明望住佢地黎得遲過我地， 拎飛又後過我地，阿姐都可以扮聽唔到。坐低左25分鐘都可以冇野食， 又漏單，d野食好唔好食都係重點， 成肚氣。除左我地， 好幾枱都不停狂催單， 同阿姐講幫我地跟1跟， 未講漏咩又走左去，咁跟麥野呀。8個人埋單可以500蚊唔洗， 我就未試過食咁平飲茶，漏晒單又唔飽，成肚氣。

覺得好食嘅有：✌️即叫即炸嘅乳鴿：熱辣辣又夠脆，同埋唔乾，係回本位😍✌️黃金牛油焗海蝦：出邊係似係鹹蛋黃味道，啲蝦好新鮮彈牙✌️黑金流沙奶黃包：每人半個就啱啱好，包嘅質地好軟綿綿✌️粉絲蒸扇貝：雖然係急凍扇貝，但係啲粉絲都幾有味，回本位，不過食一兩隻就夠✌️小籠包：啲皮都夠薄，不過略嫌薑味重左啲✌️香炸魷魚鬚：熱辣辣又唔太油，完全係合格有餘嘅酒樓水準覺得麻麻地嘅係：😅灌湯餃：啲湯好重魚味，係好飲嘅🥺不過灌湯餃入邊就好重胡椒味，好似係想掩蓋啲唔新鮮嘅蝦肉或者其他餡料😅蘿蔔糕：太多粉😅金沙鳳尾蝦：全部都係粉，食唔到蝦，同埋邊忽係關金沙事？總括來講都有其他正常散叫嘅酒樓嘅九成水準，任食點心呢個價錢性價比OK！

今日同屋企人去食點心放題，呢度唔單止淨係食點心，仲有燒味同炒粉麵，大胃王一定要嚟挑戰首先有一啲炸物，例如炸豆腐，黃金蝦，麥皮蝦，魷魚鬚等等，雖然唔係新鮮炸起，微暖，但口感仍然香脆。黃金蝦非常惹味，相反麥皮蝦個炸粉好厚，不推薦另外亦都有沙薑雞腳，鴨舌海蜇等開胃小菜胡椒豬肚湯，灌湯餃呢啲平日頂點嘅點心亦都有得任食而且仲有蒸扇貝同埋乳鴿任食。蒸扇貝雖然食得出肉質係雪藏貨，但粉絲同調味搭夠，整體不錯。乳鴿更加係新鮮炸起，皮脆肉嫩，超級抵食呢度嘅蒸點心仲要係即叫即蒸，呢度嘅招牌蝦餃亦都可以飲食呢度亦都有炒菜同埋灼菜可以叫最後甜品方面，我叫咗紅棗糕同埋杏仁茶。紅棗糕只有椰汁味，完全冇紅棗味，並唔推薦。但杏仁茶就非常出色，杏仁味香濃，仲有一絲絲嘅蛋白服務方面，人手嚴重不足，成日見到好多枱客揮手的畫面。而且阿姐態度都一般，買單嘅時候一語不發用簽單個黑色套隊埋我手臂，簽完多謝都無句就走咗

平時好少飲茶 都係陪長輩飲經過見到就試下 點知就中晒伏睇落似唔夠侍應 一個人做到黑口黑面 我比點心紙佢我講唔該 佢就一手搶走落左單起碼20分鐘先有野食加水加到成枱都係 枱布濕晒侍應十問九唔應 食到谷鬼氣佢中間上點心時 打算郁一郁一籠點心比多啲位佢擺個侍應唔理人 一野擺新一籠點心上去隻手差啲縮唔切 差啲比佢辣親野食同街邊蒸點心差唔多無話特別好食唔好食之後食燒味飯等極都無黎 叫取消佢又話出緊黎 再等多五分鐘都無 直接埋單取消走人唔會再幫襯

銅鑼灣食中菜真係唔錯嘅選擇,每位包加茶錢約$280有7樣嘢食, 餐前小食,茄汁大蝦麵條,紅燒乳鴿,豆腐配大斑,花膠鵝掌,中式甜點是藍梅蒸飽,遇有杏仁茶,味道不太甜,很好食

一直同屋企人嚟開飲茶既每次同屋企人嚟都冇問題既今次我一個人攞位先一去到 員工係有好多 位都有好多我就企左喺邊等量體溫同帶位等左幾分鐘 啲人都當等透明冇人帶位我唔逐左幾之都冇人理連坐喺度既人都聽到員工偏偏就聽你唔到要我勁大聲唔該先行過嚟發緊夢緊問我咩事我話4大1細唔該之後就是但帶我去張乜都冇既枱之後就掉哂啲餐具喺枱咁就行左去喇 係完全冇人再理過行過既人都完全睇唔到咁唔會去張我張枱既野放好少少但係明明係啲唔太忙既時間 好忙既我都理解呢次我理解唔到

我8:00左右開始點菜，我叫燒鵝有一位女服務員回答買哂，之前隔十分鐘再點乳猪，另一位男服務员提議我order燒鵝🤔，之後回答你同事话無烧鹅，他再查核才知道無，之後乳豬要order半隻才有，没有例牌，order例湯之後又一位待應對買哂得燉汤，order 鱼又话要二味才有，得五個人怎样吃，甜品杏汁仁茶又加桃膠！我從未去過一間酒樓8:00叫嘜無嘜，等個7檯人！我order東就叫人order西，又没有人加水，見到一些熟客三個待應招待😠😠😠😠😠简直係歧視

朋友帶我來這裏說下午茶很便宜。兩點半來到居然很多人在門口等位。證明所言非虛。下午茶孖寶34.8兩個點心，價錢還是可以的。點了蘿蔔糕，菜苗餃，炸兩，山竹牛肉，潮州粉果，炸豆腐，椒鹽鮮魷和叉燒包等共8個點心。味道最好絕對是叉燒包和山竹牛肉，絕對是香港頂級級數。椒鹽鮮魷和菜苗餃也不錯。特別是椒鹽鮮魷非常惹味。其他的亦算中規中矩。整體服務尚算滿意。最後連茶錢人均約75元。下午茶來說算是便宜，可惜營業時間只到4點。如果能坐久一點應該會更好。

今日大年初一，本應該高興拜年飲中午茶，所以我早幾個星期已訂枱係銅鑼灣名苑酒家，12:30pm十位，重要尋晚已作訂位確實多一次。點知原來係無用，重要一肚氣，所以一定要投訴。首先，點解已訂枱12:30pm，準時到達，都要俾枱其他人，仲大聲話訂咗枱都要等。我想話搵個話得事的經理表達及理論，但無人回應。我都算係熟客，但唔係想攞特權，只係覺得個知客同經理係一齊聯手趕客，訂咗枱都受氣，所以十分不滿意佢哋服務！

收了錢不兌換年糕，無禮貌無答顧客提問就收線。上到酒樓話無糕剩，一張卷換一個糕，我未取為可無剩。以為擁有十一間分店的酒樓會對顧客有禮，食之無味，令人失望，有如此對待顧。永不光顧。

一行3人到訪名苑食下午茶。我們叫了7樣點心，每一樣都冒煙的，未食就給予食客一個鮮製的感覺，同時都加分不少。各樣點心中，最愛的是流沙奶皇包（真正點心名不太記得）。用手撕開那熱騰騰的包時，內裡的奶皇很滿很流沙，超好食😋 另一樣值得一記的是椒鹽豆腐，外皮脆、豆腐滑，但就咸了一點。到另一樣最愛點心燒賣了。要食到好味的燒賣其實都難，雖然各酒樓採用的食材大同小異，但味道總是差別甚多。我覺得名苑的燒賣算是合格。其他點心味道都不差，而且價錢合理。若有機會可再臨名苑飲茶～～

生日🎂聚餐食九大簋 😋某團購網站$498就有九道菜，另外再加一同埋收茶錢total $618，俾埋貼士， 計返每人唔駛$160， 抵食👍最鐘意飲個滋潤花膠響螺湯及好粉清甜的香芋西米露👍😋 蒸魚🐟都大條鮮甜👍😋荷香蒸海蝦擺設好靚，共8隻，每人兩隻，畀本身買coupon個圖份量少一半，可能隻蝦今次較大隻🤣 珊瑚海蜇頭就比較碎， 柚皮扒好冧，但覺得太過冧，好散，少左口感，其他食物都ok。今晚是星期三晚，可能在銅鑼灣區受社會運動影響，少人得約三成客，因此要出團購吸客食。 少人都好，環境變得較清靜舒適，啱傾偈聚餐😁

香港地今時今日被一群大劣人搞衰個市，一班老人家等張台食午飯，最早到卻不停被後來的遲黎先上岸，都要啞忍吞聲！那名的知客不停用身撞我，45分的等後，我倒看看是什麼料子，後來一坐下來未叫點心，著黑衫的部長不停拿人家叫的點心來，叫龍井變滾水，不停出錯。等候45分鐘，熱的主菜不上，即刻上個甜品，那有做飲食的連上菜次序不懂？茶樓最重要茶，點知呢間原來用茶包！茶壺大到水多過茶葉5陪，茶無味的！淮山雞札，唔好被個名欺騙，唔係大家傳統的用淮山包著個種，係求其塞淮山入去當係正貨點心十分離譜，是由某間點心工場交黎的！但價錢係中上環某間茶樓的兩陪！未食完，那名喜歡撞人的知客叫人埋單（結賬)！不停搵機會用滿口鄉音又吵耳的聲浪與茶客挑機！忍不到她唯有出收銀處付款，這名知客故意跑來用身體撞客！420元一餐午餐，給的服務如此！有良心的食客應該勸大家唔好幫襯呢種非正宗茶樓！！好討厭的酒樓，連廁所的衛生都比街上公廁更污糟！周地都係尿和廁紙！幾時見過咁差的地方，今次真係大開眼界！