名苑酒家

Open Now

Now Closed

見到4人餐團購$5xx，之前食過名苑杏花邨覺得好食，所以下單買了，我地訂了星期三，平日到銅鑼灣試食，個場未見爆滿，4人食到好飽味道都不錯，虾醬排骨和冬瓜盅覺得有啲咸，其他都不錯，埋單要補多百幾蚊，都值等一試

星期日通常都會飲早茶,平時去開megabox,最近想換下口味,朋友介紹之下就去咗呢一間.呢度都幾特別,唔會明文規定話星期日早茶一定要幾多點前交枱.有時係10:30, 有時係11:00,總之係入座嗰陣知客會根據客人量同你講幾時交枱.可能因為老闆都知道冷氣唔多夠,放咗一部風扇喺近收銀位附近,都算肯補救,但始終都係好焗.離遠望過去,見到風扇較咗25度,咁樣梗係熱啦.可能因為今日特別多人,夥記唔夠,搵人落單都用咗幾分鐘.反而落單之後點心好快就出到嚟.山竹牛肉球食太淋,馬蹄唔夠,得我阿媽食嗰嚿先有一粒仔.咸魚肉餅飯嘅肉餅睇戲呢好實淨,食落都係好實淨.咸味.鹹肉粽好細隻,好似用五穀米嚟整嘅,食到五香粉嘅味道,好軟熟,唔錯.蒸蘿蔔糕顏色太過淡,而且非常削,冇乜葱花,細心觀察之下,總算發現有兩粒蝦米.炸兩最平淋到入口即溶,油炸鬼好煙靭.排骨切得太大舊,而且實在太多肥膏.舖係底既芋頭諗住慢慢食,但係夥記問都冇問就收走咗.淮山粥都算多淮山粒,明明有豬骨,但係粥嘅顏色真係好白,味道都幾淡,都適合老人家既.

12點左右同屋企人出去cwb飲茶，第一次黎名苑，2個人唔使等位即入。叫左8碟點心，整體味道合格有餘。/以燒賣蝦餃為例，蝦大隻又爽口，咬開一半都唔會散曬，呢到已經令我對名苑有好感。不過我個人感覺蝦餃個皮有啲厚。/我真係好肚餓，所以叫左碗燒鵝賴粉。特別一講係講湯底，唔知加左牛奶定咩，味道好滑，幾特別。/出面既流沙奶皇包一定唔流沙奶過野既你實明呢到我終於食到唔係一Patpat既餡啦！不過唔知係咪放得耐，個皮有點乾。/飲茶我一定食紅棗榚，係我最愛，可惜係唔係到到有，就算有都唔好食嗱如果有同好既我林你地可以黎呢邊試下，我就覺得合格既，俾6/10，有一分係佢加左椰汁係入面，我覺得幾特別出面冇食過，而且都融合到。/ 我對茶就冇咩心得，不過今日黎呢到叫左壺鐵觀音，我呢個行外人都覺得好飲，濃就唔算，但好滑，有點喜出望外/食物就講到呢到，環境我都覺得過得去，乾淨既，服務都ok。一定會有下次Btw埋單係3百頭，食到我勁飽

向來午餐响名苑都係食點心，今日試下例湯同炒飯⋯⋯即刻出事！南北杏萍果煲唐排水汪汪，冇味燒排骨拼拍靑瓜，不過不失，排骨唔多夠香。福建炒飯....唉。一pat pat而無香味！好彩我加咗點心，南乳豬手香濃嘅南乳味加上彈牙嘅豬手四寳雞扎部門0k

一個星期，竟然來第二次。當然要叫唔同嘅點心山竹牛肉球，軟硬適中，彈牙貴妃咸肉粽，唔知點解有個咁嘅名冇味，食咗2啖，放棄！义燒包略為乾，吃了一個，放棄！棉花雞！用雞脾肉，滑！下次再叫其他點心

$80 都唔洗，2個人酒樓飲茶坐成朝。食物普普通通個炸靚魚球算係最好味。鮮蝦菜苗餃個皮太厚。淨係見到菜搵唔到蝦。果皮好似棉胎咁厚，有啲失望。古靈精怪嘅紅油抄手竟然一啲油都冇點解叫紅油呢？下次都係去返隔離。

晨早流流食點心，叫咗4樣嘢！其實食唔晒，打包咗4個包包。葱花炸兩，腸粉內的油炸鬼是脆的！！是匪夷所思的好味！豉油調製得咸甜適中棉花雞都算美味，但係果2件竽頭有D乾，扣少少分。

又到左難得既星期日，慣左起早床既我繼續陪阿爺去飲早茶。阿爺係銅鑼灣飲早茶呢個集慣我諗都超過三四十年，風雨不改下由利舞臺既敍福樓、鵝頸橋底既歡樂小菜館到珠城既東湖丫鳳城丫都已經關門大吉，所以近呢兩三年開始主要去呢間名苑飲茶躉腳傳統老人家早茶最重要係一杯濃普洱，所以早茶既主角一定係呢杯茶，呢方面名苑都可以算得上合格既，八點開舖既至起碼水滾茶靚，能夠係佔最重要既一環保持穩定已經係選擇早茶時加左唔少分數。至於屬於配角既點心就中規中距啦，當中既手剁牛肉球同炸兩算係比較突出，牛肉球熱辣辣大大粒新鮮唔腥，炸兩內脆外軟，加少少蜜糖既甜味，一個人可以食晒成條。

店內環境舒適，而且枱與枱之間距離足夠，沒有局促的感覺。服務員態度很好，又有禮貌，不時過來問候菜式口味，很親切小食青芥四季豆，四季豆配上微辣青芥末，食落味道清香不刺鼻好醒神，入口咀爵时又充满汁陳醋雲木耳，醋汁滲入木耳有微酸，口感醒胃原盅滋補湯，雞味非常濃郁，湯渣亦有雞腳同好幾件雞肉落足料龍躉二食(古法蒸頭腩-魚腩蒸出來的魚油鮮香味得，食落軟滑，還加了蟲草花，很特別的香味；翡翠炒球-啖啖肉，西芹炒得太諗紅茄鮮竹泡青蔬，普普通通一個青蔬菜，配上濃濃食湯浸煮，加上番茄清新，食落健康又營養豐富甜品鬆化久蛋散 蛋散蘸的是麥芽糖混合蜜糖，不太甜又無咁油膩，蛋散鬆化香口飯後加埋甜品，已經滿足到飽。還要特別介紹就係餐奉送養生黑蒜，我都係第一次嘗試味道比我想像中易入口

星期天，企鵝一家去喝早茶。七時五十分到達名苑，只見員工們圍在一桌吃早餐。約八時，酒樓燈光冷氣漸開，員工們推著餐車出來沖茶。企鵝點了兩樣喜歡吃的，遞給企鵝爸。過了一會，茶客接踵到埗，點心也逐漸上桌。(八時半，酒樓已差不多滿座，茶客多半是長者，但也有一家大小的。)1. 菜乾咸豬骨粥粥底綿，菜乾腍而且香！(而且菜乾也蠻多) 粥裡浸著幾塊很入味豬骨，沒有骨碎。 雖然很入味，但粥不會咸。企鵝爸猜這些豬骨來自乳豬，不知對否，但欣賞這粥雖然以豬骨煲，不會很油膩。2. 五穀雜豆糕企鵝很喜歡這糕。它應該是微微煎過的，吃下去糕的部分質感像煎過的馬蹄糕。但它的層次感比馬蹄糕更要豐富，上層的糕片裡混著薏米，軟軟糯糯，很有嚼口。中層微甜的糕塊裡夾著微鹹的眉豆，加上一些雜豆，令這糕點 軟中有硬，甜中帶鹹，味道和口感都給人一種耳目一新的感覺。3. 原籠馬拉糕馬拉糕一般，微甜，很香而且比較實正。4. 懷舊糯米卷中規中矩，糯米卷也沒有什麼特別。不算油。整體來說點心不算花巧，穩打穩紮。侍應阿姐有的笑容滿面，大多都會主動加茶落單。企鵝爸媽(在銅鑼灣的早茶酒樓中) 都很喜歡名苑。

很久沒有去酒樓嘆茶了，可能因為香港人已經習慣速食文化，現在飲茶已經不用下下去酒樓，有很多林林種種點心店，但今天和我的至愛長輩《嫲嫲》當然要花多點心絲啦，去到cwb的名苑，這𥚃的點心非常出色 叫咗鮑汁鳯爪，鳳爪炆到好淋但沒有梅，而且好入味，牛肉腸粉，皮好薄，好滑，牛肉不是肉碎，是一片片肉好少見，帶子餃，大大粒帶子特別鮮味，原隻蝦肉燒賣是亮點，半肥瘦豬肉包住完隻新鮮蝦肉，一口咬落去肉汁鮮甜，鮮竹卷沒有用蠔油打成茨比較健康，用上湯蒸可以清淡一點，牛肉球不過不失，珍珠雞是嫲嫲大愛，珍珠雞較乾身，蛋黃蝦米雞粒加糯米，飽肚之選

是日同豬仔去銅鑼灣shopping, 預選他的生日禮物。Shopping前打算吃吃下午茶，豬仔話想去《翠園》嘆茶，點知《翠園》呢個時候係無蝦餃燒賣呢類點心食㗎喎 ，咁唯有行過隔離《名苑》 喇！《名苑》都几多人，下午茶時段full house咁滯 ，我哋兩點半入座，剔咗點心後，等咗半個鐘都未有嘢食 , 豬仔仲話: 茅理由 ，駛唔駛蒸咁耐 ？！問咗侍應姐姐，原來漏咗單 ~咁都得 ？！遊緊魂咩 ……再剔過，三點三先有得食~1.宮廷手抓千撕餅 : 我几鐘意愛食手抓餅、薄餅呢類鹹點。呢度嘅手抓餅賣相麻麻 ,  厚厚的一餅 ，要成餅咬食，何來千撕 ？！名不符實 ！有奶油香味，挺不錯，口感亦算酥化，算佢喇……2.葱花炸両腸粉 : 炸両夠鬆脆 ，腸粉夠幼滑。3.海皇醬蒸鮮魷 : 微辣，鮮魷几爽脆。4.鮮肉小籠包 : 皮超薄，要好小心夾起，唔係會爆汁！肉質呈粉嫩色 ，真正小鮮肉 ！5.荀尖鮮蝦餃 : 皮薄，蝦又大又爽口 ！6.鮮蝦燒賣皇 : 有相大家睇，蝦堅大隻 兼爽口 , 但啲豬肉就好膠實 ，口感似魚肉燒賣 ！7.手剁鮮牛肉球 :  牛肉少

星期六，陪同家中兩老去飲早茶；由於銅鑼灣的茶樓在早上有早茶並不多。見到這茶樓在八點左右已經營業，我們就入去了。餐廳地方都頗寬敞，燈光柔和！點左五款點心，但五分鐘就全部點心上菜。另外我地叫濃壽眉,佢地亦無任何微言就給我們。我叫了五款點心，但我集中寫鮮蝦腐皮卷和皮蛋瘦肉粥：先講腐皮卷，上碟的時侯很乾淨，碟內的小位置有落喼汁。一份有三件同出面的酒樓一樣份量：腐皮很脆卜卜仲炸到金黃色(仲要熱的)，內裡有很多蝦。而且不太乾身蝦肉唔梅。食腐皮卷最緊要外表夠脆，蝦肉要夠厚身，無臭亨味，有臭亨味即係蝦有問題。我覺得呢間酒樓的腐皮做得好好。另外，自己就叫一碗皮蛋瘦肉粥，粥裡的瘦肉不是咸瘦肉：粥比較綿，皮蛋就比較淡味。份量的話，一個人食的話，會感覺夠了。只要需要糊椒粉調一調就無得彈啦。

店名:名苑酒家地址：鑼灣駱克道463-483號銅鑼灣廣場2期7樓好味指數:7.8/10價錢：$29小嬌白玉棉花雞棉花雞份量算多，非常入味，有四塊魚肚，很爽口，雞很嫩滑，不錯！店名:名苑酒家地址：鑼灣駱克道463-483號銅鑼灣廣場2期7樓好味指數:7.7/10價錢：$98瑤柱海參炆土豆麵土豆麵份量很少，瑤柱海參亦很少，但味道不錯，像鮑汁的味道。土豆麵賣相像伊麵，食落無伊麵咁腍，比較煙韌。店名：名苑酒家地址：鑼灣駱克道463-483號銅鑼灣廣場2期7樓好味指數:7.6/10價錢：$38潮式脆滷豆腐豆腐本身是滷過的，味道鹹鹹地。外皮炸得脆脆的，內裡軟軟的，沾上酸汁更加好吃。店名:名苑酒家地址：鑼灣駱克道463-483號銅鑼灣廣場2期7樓好味指數:8.2/10價錢：$38鮑魚汁炆鳳爪鮑汁鳳爪一份有六隻，汁很結，鳳爪夠腍且入味，非常好吃。店名:名苑酒家地址：鑼灣駱克道463-483號銅鑼灣廣場2期7樓好味指數:8/10價錢：$118豉椒海班件炒河份量足夠，豉椒味道很濃，而且夠多，能滲透每一條河粉。海班件有炸過的，所以吃上來比較香口，魚質很嫩滑。 

今天為Farewell 親戚，所以來到名苑吃晚餐，當時，想叫小菜吃，店員卻推介圍席，而且他說因小菜份量未必足夠一圍枱人，因考慮人多關係，而圍席的餸菜亦不錯，便點了圍席來吃，頭盆叉燒，海蜇，等等。。。這叉燒香口，海蜇爽口，辣味適中，荷蘭豆炒斑腩，可惜略為太油，龍瑕伊麵，味道不錯，瑤柱蛋白炒飯，吃到有點鹽粒，蛋白杏仁茶，即叫即整！