名苑酒家

Open Now

Now Closed

今早去飲早茶，問佢地點解星期五用星六日點心紙，一個話放錯左，一個話了解下走左去。原全冇答問題。d職員完全不知所謂，十問九唔應。仲話以禮待人。d點心好細份。不會再去。

本人無言！酒樓侍應一流，無道歉，無表示，唯一要讚系能極速收走小強飽，還提醒本人他會取消這項，但其他點心會正價不變，真系多謝哂，絕對和前面評論的食客一樣，對這間無下次 x3次!😡

第一次名苑點心，真是不錯。今天公司內部有活動進行，所以一大清早很多同事都已經回到店舖，怎知原來公司準備了名苑的點心，給我們吃早餐。吃過之後，覺得他的點心也不錯。先說一下我吃得比較多的是蝦餃 ，因為蝦餃的蝦幾大隻，哈哈，所以我夾了幾件來吃。蝦餃的蝦，有彈性，新鮮。菜苗餃，亦都很不錯。菜苗餃裏面亦都有鮮蝦。鮮蝦的size就比蝦餃少一些。但是菜苗十分之多，所以每一隻菜苗餃都是飽滿的形狀。鮮蝦腸粉，這個十分之喜愛吃。腸粉入面的蝦很大隻。而且蝦的彈性十分之好。又新鮮。加上腸粉皮和甜豉油，一起吃下去，我個人覺得十分美味，嘻嘻。還有珍珠雞，即是糯米雞，珍珠雞裏面的餡料比例很多，材料豐富，糯米飯包着餡料一起吃，有飽肚的感覺。還有其他的燒賣，牛肉腸粉，小籠包等等，味道都很不錯。所以對這間點心十分滿意 。

去咗銅鑼灣飲茶✌🏻✌🏻 朋友約左好耐，又唔知咩地方坐得耐，所以就去左飲茶呢度係朋友即興去，話除咗starbucks之外搵個想傾耐啲既地方我都好早，所以去到唔洗等太耐，大概半個鐘到就有位啦!! 我地叫咗蝦餃，燒賣，蘿蔔糕，鳳爪排骨飯等點心~ 不過酒樓就好似稍為人手唔太夠，我朋友不嬲冇所謂，所以我地就自己去啲櫃度拎筷子匙羹，洗完碗就自己去倒🤣🤣 好似當自己老闆咁親力親為，笑死 我地一路傾一路等，點心黎到，我覺得味道中矩中規，冇話特別好食既點心，一般食到既味。燒賣彈牙既，蝦餃既料好足，排骨最好味，可能蒸飯蒸得好食掛。整體唔算差，係服務有待進步

家父70大壽, 諗住開開心心擺幾圍等佢同d 親友聚下...千揀萬揀揀左呢間名苑...結果超級強差人意....無人暈低都真係好彩!擺左3圍, 酒樓在大廳間左個廳, 事前睇過都覺ok, 但係估唔到咁大間酒樓, 中央冷氣壞左都照營業, 又唔早d通知客人, 黎到先知(仲要唔係當日壞), 五點幾已反映好焗好熱, 要求職員開大d 冷氣, 職員答話中央冷氣壞左幾日, 跟進緊....已放左兩把風扇係度俾你地用....我地呆哂...以為你岩岩開冷氣未凍, 點知是壞冷氣....咁大個廳放得兩把直立風扇點會夠, 我地要求加d 風扇, 回覆係...你地呢個廳得一個插蘇位, 已插左兩把, 再問可否用拖板, 佢答無拖板, 即使有都加唔到, 因其他廳d 人都熱, 無更多風扇了...約哂親友, 唔通我地走咩...唯有焗住留底...賓客慢慢到齊, 問題就愈嚴重, 到食野時簡直感覺是收買人命....個個一路食一路抹汗, 一路拎d 扇拎d 紙撥...作為主人家都真係覺得唔好意思, 仲好擔比大家身心頂唔順...70歲壽宴請d 客人, 長者佔大部份, 仲有孕婦小孩, 睇見成班長輩食到大汗淋漓, d 親友熱到食唔落, 細路變哂濕

真心，我都未試過咁嬲要上黎話間餐廳！諗住開開心心同老人家食餐生日飯！點知食到一肚氣！咁大個集團，人手少就諗下辦法啦！我成餐飯都冇要求你地做D咩！只係到最後，話起壽飽！我地追左三次，三次都有人應我地話蒸緊，到半個鐘之後，再追都有人話等多五分鐘！再過多五分鐘之後再追，就同我地講，你個餐冇壽飽！大佬，我地唔地嬲有冇壽飽，而係嬲，你唔夠人，都唔好亂答客人啦！冇一句，我地唔洗等個半個鐘至9個字呀！浪費我地時間！我知我地食一個二千八蚊的餐，唔夠散叫黎得貴！但呢餐都成二千幾八蚊架！二千八蚊，我寧願食自助餐！唔洗係呢度受氣！浪費時間！呢間野D部長係亂答客人！咁先嬲！壽飽幾多錢呀！唔好要我地等完話冇呀！爽爽快快送我地走仲好啦！

星期六在銅鑼灣行街，上了銅鑼灣二期七樓名苑酒家晚飯，四人點了四款小菜，有波士頓龍蝦上湯焗伊麵，百里香雪花牛肋排，鮮竹笙鷄宗菌泡勝瓜，清蒸沙巴龍躉。這個上湯焗龍蝦伊麵很好吃，龍蝦鲜甜，伊麵也香滑。百里香雪花牛肋排，很淋，也有鮮甜味，份量也不少，混和足夠的醬汁，十分和味！鮮竹笙鷄宗菌泡勝瓜，如果平時吃得肉類多，這個算是素菜，平衡一下飲食習慣也不錯，很清新開胃的配搭！清蒸沙巴龍躉，上碟配蔥絲和蒸魚鼔油，外觀好似幾好，但吃到口就覺得條魚不夠新鮮，而且魚肉沒有彈性、有些霉霉地，我們吃了一半就放棄了！順帶一提，這裡座位不太多，所以員工足夠，工作也算投入和有禮貌，這𥚃茶$16一位、前菜$28一碟，下欄錢都不算便宜！

嚟過3次，每一次比一次衰，好少員工，得45個，態度勁差，黑口黑面，特別係著白衫光頭佬，乞人憎到爆！價錢茶位唔平，壺水都自己斟！受氣兼激氣！食物幾好食都唔會再來！！

我平時去開杏花邨嗰間飲茶食飯，第一次嚟銅鑼灣，因為朋友上網買咗個四人套餐，哩度環境幾好，唔會好迫。套餐有冷盤:口水雞、拍青瓜。湯:冬瓜盅。小菜: 蜜豆炒象拔蚌、 芥末明蝦球、清蒸沙巴龍躉、 蟲草花泡田園青菜。甜品: 小米糕、杏仁茶，套餐價$498。另外叫多個海參瑤柱炆伊麵$98。都好好食。每個菜都好食，可惜條魚唔新鮮，但整體係ok嘅。最正嘅係杏仁茶(生磨)同芥末蝦球。員工服務都好好。498套餐值得一試。今餐:$710

大約上午11點走進去，等位嘅大約有十零人。等咗10分鐘都冇人招呼，知客唔知去咗邊，但內𥚃見有好多吉枱，但未有人清理。好明顯人手不足😅卒之可以坐低喇！見到成場得2-3人做嘢！好啦！講返食嘢先，叫咗：蝦餃～大蝦勁爽燒賣～食落好香有咬口蘿蔔糕～料比較少，但勝在多蘿蔔。幾香灼菜心～太淋了，失敗牛肉球～不過不失鹹水角～香脆、略嫌九菜太少乳鴿～炸得香，肉夠嫩整體食物質素平均，但招呼有代改善😊

成間野 我估有成50張枱 職員就得3 4位 個個都係經理 吾經過,就吾理 經過,都未必理首先 門口係無知客既 你想攞位 都無人俾飛黎 你入去 問每一個職員 都無人想理你 幾經辛苦入到去啦 寫完點心紙 想揾人落單 又係無 諗住自己拎埋張點心紙俾職員啦 佢都吾係好想收 覺得你煩住佢 直頭好似向佢地乞食咁好啦 你飲哂d茶 要加啦 都係吾會有人幫你 全餐飯 都無人加過一次茶 但都好彩 我發現到個水壺喺邊 全程自助 d茶客見我拎住個水壺 直頭想叫我加茶 但佢地都吾係儍既 見到咁勤快既服務態度 都知道吾係呢度既職員 呢度既加水服務 係我最滿意既 起碼吾洗乞 我建議酒樓呢 不如將d點心放埋出黎 等d客人可以自助 仲有d摺櫈呀 摺枱呀 都放埋出黎 客人又可以自己拎位 咁就perfect啦

銅鑼灣廣場名苑飲早茶就平、靚、正。今次見到有團購就試一試。團購的價錢十分低，食九大簋。打電話去book位十分容易，職員講話又有禮貌，不會因你是食團購餐而無禮，到食餐當日亦有電話來確認多一次。入座後先收取團購券，個套餐是4人份量，品質及味道都十分好，份量亦多，因太飽最後個馬拉糕要拎走。全部餸菜都比五星，真的很好。如下次又出團購，又轉了餐單，一定會再買風乾秋葵很好食，好脆口。哈哈……好過平時的花生好多……海母花不知是什麼，不過就好爽口，口感似海蜇，有些少芥末味，又不會太供鼻，外形睇落好似海母的。個燉湯就只是d花膠比較少我就最喜歡這款蜂蜜柚子明虾球，完全不油膩，蜂蜜+柚子的配搭超正條班肉質好滑，夠鮮味醬烤骨剛在廚房拎出嚟時是一件的，好靚好似元蹄，但職員好快手拎起刀义就幫你切開佢，影相都影唔切。食時夾埋饅頭一齊食，又係正……總結嚟講無咩彈的地方，食物品質無五星都有四星半。

一心想和家人飲下茶食點心！但一個帶眼鏡個子不高的男經理硬sell 孖宝！燉湯講講講成五分鐘！我地笑笑口話唔駛！佢都係咁介紹其他小菜！例湯！oh my god.最後話你唔駛再講佢先收口！未完！跟著行過專登踢我家姐張凳、一次當你唔小心！第二次一樣又唔say sorry.我叫佢企係到同佢講其实條路咁闊你係唔咁需要踢張凳呢！佢無奈講句當我唔对！吓你咩態度！即係話你行過踢客人張凳係服務一種。定你說唔到我地叫高價湯、所以整下你都好！不如你設最低消費啦！現在服務行業(server)真係咁難請人咩！唉！名苑不去也吧！

今日去左呢間名苑酒家飲茶，一入到去侍應指住一張枱，示意我地坐。坐低後發現冇點心紙，當然係問侍應攞啦。問第一個侍應冇回應，但眼神同我地有接觸。再問第二個，佢皺一皺眉頭，將點心紙同餐牌大力咁拍落我地張枱。我同自己講"稍安毋躁，好多茶餐廳都係咁架啦。雖然酒樓真係比較少見…"點完嘢食，想話交點心紙俾路過嘅女經理（偏瘦，戴眼鏡，短頭髮），佢話"等等"。點知等左陣，個女經理又路過，企左喺一二邊。我地猜想佢只係忘記了，再同佢講聲"唔該~~"，並遞上點心紙。誰不知佢回應，但眼神有同我地接觸。當時佢只係企喺我地約兩米距離，收張點心紙都懶？之後就有位男經理路過收左我地嘅點心紙。還好上菜都不是太慢，我地食食食。當中仲有好多小插曲，我都無謂再提。食完埋單，走人。價錢唔抵，如果大家認識銅鑼灣廣場2期的話，都會知道名苑酒家的樓上樓下都有其他酒樓。我不是與酒樓業有任何關係的人，但真心覺得廣場2期內其他酒樓都比名苑更抵食，服務態度更好。好歹都是銅鑼灣吧，想不到服務質素竟然咁低。希望名苑酒家能有所改善！

今天長老生日， 原來去煌府，點知未開，所以轉去名苑侍應生帶我地去坐一張剛好肩並肩的枱，雖然有點迫，不過無所謂啦！生日最緊要開心因為是生日第一擊， 我地為左食得高興，這裡的款式種類都ok， 所以我地叫左5個優惠組合，長老按著我地說遲些左叫啦！不過我地說生日點可以點少食物呀！不過好，一陣再叫不過d點心陸續來，就知張枱唔夠放點心，見到無人等枱，附近又有張大枱，問經理可否換張大d枱，一陣還有好多食物來，還有我地都還會叫野食！不過經理回應話唔得，即使無人訂/坐都唔得咁唯有唔左加單，快點食啦！鳳爪排骨飯：骨頭較多，飯較爛紅棗雲耳滑雞飯：哈哈！這碗飯卻是硬的，味道材料ok濃雞湯鮮竹卷：味道一般， 材料只有豬肉同碎雜菜晶瑩鮮蝦菜苗餃： 菜苗多，蝦量ok，不過比較鹹名爐叉燒腸：味道一般，皮較厚，叉燒量一般時菜鯪魚球： 好勁呀！無試過一筷子夾開，裡面就散哂，雖然有陳皮加左鯪魚球內，不過食唔到陳皮香味，反而有苦味煎堆仔：賣相不錯，用嗰古式碟盛載，不過煎堆仔皮好厚，餡料較少宮廷手抓千絲餅：無味，只知一舊餅絲纏左一係炸灌湯餃：材料都不少，有螺片、蝦仔、豬肉，皮比較厚，湯味道ok 後記：我地結賬時，還見張大枱無人