明記飯店

Open Now

Now Closed

今日约朋友去o左食dinner，想尝试一下地道的茶餐厅大排档风味，所以来到明记。由于听到我们讲普通话，伙计即刻让我们去外面点海鲜，我们说不要了，伙计的态度立刻麻麻0地。同时邻桌有说普通话的，但是有几个本地人向导，态度较凶，所以伙计本来还态度不好不肯给他们换大桌，听到本地人说话凶他们，才乖乖的换桌子，态度还很和善，可见真是贱精！一行4人点了椒盐鱿鱼、豉汁蛏子、0者0者滑鸡煲、时菜炒牛肉、还有一个蠔仔鸡蛋饼，说实话，一点儿也不值！豉汁蛏子壳多肉少，一盘子也就10条肉，我看邻几桌的local客人，一盘子堆成小山是我们的2倍多。滑鸡煲和时菜牛肉也是分量很少，比起客家好栈和街市里的大排档，分量可谓极其小气；椒盐鱿鱼和蠔仔蛋饼尚可，但是前面的信心和好评已被消耗殆尽，于是决定下次不会再光顾这家有“狗眼看人低”伙计的餐厅！

架架與好友耐唔耐就要聚一聚，吹吹水BEERBEER佢，呢次一行4人最初諗住去祥正，點知休息，咁最後就揀左隔離既明記，去到差不多8 點，等左大約5分鐘就有位，坐舖入面。坐低左大家都肚餓，當然就見到咩野都想叫喇，最後 我地叫左：蒜茸蒸蝦 - 我覺得唔係好夠香，$150 9隻蝦 -> 18邊，蝦都算新鮮馬拉棧炒通菜 - 份糧大碟，但係比較油椒鹽鮮尤 - 炸得幾好味，鮮尤幾新鮮姜蔥蠔煲 - 味道偏淡 - 同埋D蠔都無咩野味道古嚕肉 - D肉好瘦，唔似真正既古嚕肉肥肥地，所以普普通通總括黎講，普普通通，D送唔算好有應該係呢類舖頭食都既"獲氣"，但係如果同朋友BEERBEER佢就一試無妨最後仲有一樣要講講，就係服務認真麻麻

這間是"黑馬騮"介紹的明記，一行八人打波後老遠走到鵝頸橋試下掂唔惦，到達後見店內和擺滿店外街上的食檯都巳高朋滿座，看來很旺場，不過等了一會就給了我們舖內一張中檯，這店只有很少大檯，檯又擺得很緊密，我們這麼多人坐一張中檯實在太擠迫了，因為人客太多，感到有點悶熬熱，勁食時更加汗流浹背，環境實在唔多掂。 今日柯打了很多味菜，因為是於月前去的，所以記不清楚叫了多少個菜，記憶中有以下的:1. 避風塘炒蜆 - 夠辣味，但唔夠肥大肉厚，下次要叫豉椒炒花甲！2. 開邊蒸蒜蓉蝦 - 味道幾濃，海蝦都很大隻，但差不多二百元一碟，在如此環境下食用，感到定價太高了！3. 椒鹽懶尿蝦 - 普通體型不是珍寶型，但味道及肉質都合格，只是蝦身沒有羔4. 墨魚滑浸娃娃菜 - 墨魚肉夠新鮮彈牙，吃了太多濃味的餸再食番呢類較清淡的菜中和一下都幾適合。5. 白切雞 - 唔會太肥，肉質唔幾鞋味道都合格。6. 煎蠔餅 - 不時不食！ 今日的蠔仔很細隻唔夠厚肉， 食蠔仔在十月時魏最肥美。7. XO醬豬頸肉 - 味都可以不過豬頸肉有些少韌。 整體而言這店的食物都如大牌檔一樣夠鑊氣，有很多不同種類的海鮮放在店外的缸供客人選擇，較冷

還是大家熟悉的明記。還是炒蜆、炒麵、排骨和金威。還是從不厭倦。坐在明記，我的回憶又去到當年你去美國前我們在明記的那餐飯、去到你從日本回來後當時心情低落的我、去到你生日那天我在英國你在明記的那晚。今晚，我再次懷著複雜的的心情來到這裡。赫然，我覺得酒不用多，更不用喝醉，一杯已夠我把最近的心事都告訴你。或許，如酒般，有些事還是需要時間醞釀。

今次同我的好朋友豬精俏公主到了明記食飯。我地叫左四個餸，椒鹽懶尿蝦、豉椒炒蜆（原本想要聖子但係冇）、通菜煲、脆皮雞半隻。椒鹽懶尿蝦叫左普通大細的，炒得不夠乾身，懶尿蝦表面都有好多油，但味道及肉質尚可。豉椒炒蜆，蜆太細隻，殼同肉上到台都分開晒，好彩鑊氣搭夠，味道都ok。通菜煲，都係個句，好油。雖然整菜係要多油先好食，但係都唔使咁多掛。最後，脆皮雞，呢個最好食，咬落去有口感，唔會淋pat pat，塊皮好脆，食到最後個舊都係好脆吖。我以前都經常去食，相比起今次，真係比較差了。整體上，用明記的標準，已經唔合格了。但係，俏公主今次係第一次去，所以，她說尚可。當然，我都認同，因為再難食ga，都有大把啦。我會再比機會佢，再去食的。每次去到明記，我都會玩一個遊戲，加上俏公主第一次去，更加要玩啦。每次點餸時，我都會叫同一個伙記的。因為，你問佢有咩菜選擇時，佢都可以用極速，加上一字不漏咁，講出十幾種菜名。攪到第一次去既俏公主笑到唔停口，大家去食飯既時候，記得都要試下。

又一次和我的傻瓜瓜公主來明記試菜，差不多成了我倆的飯堂。今次主要想食聖子。叫了一碟炒聖子、椒絲腐乳通菜，還有我特意點選的沙拉骨。因為之後仲要去食甜品，食住咁多先。炒聖子食落比炒蜆實在，記碼有一條肉食下，今次味略濃，但火氣幾夠，食落都幾野味...仲有...公主始終覺得有幾條係俾個大廚拿左黎試菜。椒絲腐乳通菜的火氣比上次的炒白菜仔的鑊氣較少，但其實我覺得呢味菜咁就己經夠，但如果加多一點點腐乳會更好，個人較喜歡這個比馬拉盞多。最後的沙拉骨，公主認為不夠脆口，可能我平日食既都差唔多係呢個程度，所以我覺得肉的質感可以，但沙拉醬不知為何有一點『傑』，太槳，味道有，但我認為『希』小小會好d，因為但槳的話同塊肉排唔夾。總括而言，今次水準不錯，吃得很滋味，公主也好像很滿足呢。順帶一提，我地竟然發現其中一名其貌不揚的老伙記用日文幫日本食客落單!!!勁!!!

好耐無見老友，終於可以找到今日出來食飯﹗未試過明記，所以專登揀來試下，天氣涼了，成條街開哂，坐滿人，所以我地兩個只可以縮左入去條小冷巷坐﹗點了豉椒蟶子、魚滑雜菜煲、椒鹽骨及佐酒小吃蝦乾腰果。蟶子最緊要係新鮮無沙，呢度做到，豉椒亦都夠味有微辣，正﹗魚滑彈牙有加蔥入去打所以夠香，椒鹽骨熱辣辣不過唔太夠味，功夫有做不過野味不足，如可以再辣及蒜香多一點會更正﹗蝦乾腰果0的蝦乾食粒到好似蝦米咁，呢0的小炒最緊要有咬口，得0個丁屎咁大粒好似差左少少囉﹗呷著啤酒傾下近況，這是樂~~

長洲果碟頹廢的豉椒炒蜆令我和我女朋友心心不憤，幸好女友仔腦裡記起還有一間火辣的炒蜆好去處，聽講仲有一碟鑊氣大到比肯德基炸雞更熱氣的炒清菜，所以尋晚決心去--明記!試一試。<br />一去到咩都唔使講黎一碟豉椒炒蜆、一碟蒜蓉白菜仔，諗多兩下，黎多一個女友至愛魚香茄子煲，我再搵一碟金銀蛋莧菜平和下。<br />豉椒炒蜆----今次個汁就到位喇、味夠重但係又唔會太『傑鐽鐽』，仲有，亦一如其他地方--好多肉炒到唔知去哂邊，哈哈，不過呢個唔係問題，越多肉飛開代表炒得越激，咁先夠野味!不過如果個『獻』汁再落少dd生粉，就會更正~~<br />蒜蓉白菜仔---唔係掛!!!真係食菜都熱氣呀!!食到底果幾條仲係熱架，師父，使唔使炒得咁起勁呀!!佢係兩種蒜一齊用，白生蒜切粒同炸過既醉蒜一齊吊味，唔太咸但係味道唔會寡，我同我女朋友都食到講聲『好味呀!』<br />魚香茄子煲---呢個對我黎講係一個驚喜!!我本身對呢味菜式冇大喜好，但係呢次，同我平時食既個味道有點唔同，特別係肉碎，可能今次呢煲比較乾身，唔會有種好『溜』的感覺，亦保持近大排檔菜式既

同波友睇完波後去鵝頸橋附近的明記食飯吹水安排個位都OK 起碼有瓦遮頭同有部電視睇下但起菜好慢等左幾個字先上第一碟菜而且份量頗細但味道都尙可首推當然是這的招牌菜黃金球同牙籤骨啦吃完重係果度吹左一陣先走

昨晚一家人吃晚飯，由於年近歲晚，相信比較難找到位，所以就選擇這裡；而且前幾天另一班朋友在隔鄰的鋪頭吃(但無我份)，所以記得這間食店。我們一家三人點了：1.明記黃金球；比以前差！很”銀”，咬不入。2.蠔餅；非常多炸醬，不好吃。3.避風塘炒蜆；好辣，又好細隻(隔鄰碟，明明好大隻)，下次應該叫豉招炒大蜆就正確啦！4.墨魚滑浸娃娃菜；可以啦，最好落多一點味。出菜很久，但唔明點解只係避風塘炒蟹就非常快!可能這次不好彩，其他可能會好味D

早前到惠記食晚飯，走時看到這間食店好多人，心想係唔係這樣好味呢？回家後看看食評，好像又真係幾好喎！早幾日上堂，便來試試了。我們叫了蒜香牙簽骨、鮮蝦琵琶豆腐和椒鹽九肚魚。蒜香牙簽骨- 聽說是豬的一部份(忘記了是那裏)，外皮炸得太韌，味道又太濃，如送酒還可以接受，送飯就真係麻麻。鮮蝦琵琶豆腐- 鮮蝦你在那裏，真係找你都唔容易丫，而且蝦都唔算好新鮮，感覺只像普通的琵琶豆腐，唔多夠豆腐味，炸得都唔太好。椒鹽九肚魚- 粉炸得太厚，外皮感覺像炸鮮奶多一點，內裏的九肚魚味道還算可以，不過不失吧。食完都唔覺得好食，有點失望添！

趁聖誕假又去左幫襯, 今次一行四人叫左沙彊雞腳, 炒蜆, 椒鹽骨, 羊腩煲, 元貝雜菜煲, 三支啤酒, 一支汽水總括來講無上次咁好食, 但以咁既價錢都食得過, 所以下次會再幫襯。

母親生日,一家人去Lee度食飯,D野細細碟,7個人叫左8 樣送,如下:1.白灼蝦-新鮮,幾大只,每人兩只.2.白切雞-1/4只雞,每人一兩舊,多肥膏.3.蒸紅魚-十兩重島,蒸得幾滑,好食.4.椒鹽尤魚-尤魚夠新鮮.5.避風塘炒蜆-好辣,殼多過肉,劣劣劣!6.菜心炒肉片-no comment!7.XO醬豬頸肉-好韌,似吃香口膠.8.蟹肉雙蔬-no comment!總括來說,一般大排木當質素, ok! 6碗飯,2支大嘉仕伯,2罐汽水,埋單$4xx,幾抵.

星期六去食, 坐到滿晒人, 叫左一個$88套餐, 有一碟雞(例)-d 雞幾多肥膏, 蝦(約半斤)-尚算新鮮, 仲有一碟炒白菜仔-我朋友話呢碟係最好味, 之後再另外叫多兩碟, 煎蠔餅-蠔太少, 椒鹽雞軟骨-炸得好正, 送酒一流, 再叫多一碗白飯, 4支大嘉仕伯, 2罐汽水, 埋單$278, 抵

呢度好多人幫襯尋日去到爆滿<br>啤酒$10 支, 抵飲!<br>特價海鮮, 肉蟹$2 一兩, 用唔多似避風塘炒法的避風塘炒法去炒,但係味道又ok 喎。<br>最唔抵食o既係椒鹽尿蝦王, 兩隻要成$300, 而且一隻切開三舊我地四個人點分呀? 個身仲切到鬼咁大, 攪到我冇肉食,嗚~<br>泥猛粥冇乜泥猛味反而我食到有柴魚味, 奇怪也,但係都幾好味。<br>最後食完唔多飽,再叫一個羊腩煲, 羊腩煲不過不失啦, 埋單$6xx, 如果唔叫個尿蝦王都叫做抵啦。<br>但係呢度比較髒, 而且要去街市入邊的洗手間都幾麻煩。