明記飯店

Open Now

Now Closed

難得過海，朋友介紹去大排檔搵食最緊要係可以泊車(´･ω･`) 好方便呢😗有冷氣嘆🤍同朋友聚會超推介炸子雞（半隻）炸子雞嘅皮都好脆，肉質幾軟（無上幾篇食評講嘅好鞋既問題喎）不過調味就唔均勻 第一塊勁咸以為重伏 但食第二、三塊味道又正常喎小炒王材料足 食落鹹香惹味好好咬口 韭菜花好好味金銀蛋白菜仔鹹蛋白、皮蛋調味 配上清淡既白菜仔依道菜好開胃(⁎⁍̴̛ᴗ⁍̴̛⁎)勁快清碟椒鹽豆腐豆腐炸得幾鬆化 香脆可口我哋當日係門口等咗一陣，9點幾入座點餐店員熱情款待 間中會嚟傾偈 不過環境比較嘈吵 我哋自己傾偈都有啲辛苦食物價錢亦唔算貴(´･ω･`)

Dai Pai Dong in Causeway BayMany people know Causeway Bay as a place for shopping and branded goods. What if we tell you that there is this gem near Times Square that you should try.Located near the Bowrington Road Wet Market, this dai pai dong serves live seafood and other authentic local hk food.🍽️ Salt and Pepper Squid🍽️ Black Bean Clams🍽️ Salted Egg Shrimp🍽️ Oyster Pancake🍽️ Steamed Shrimp🍽️ Salt and Pepper Tofu🍽️ Vegetables with Egg🍽️ Dou Miao🍽️ Crispy Chicken

因為放完工之後要上堂落堂已經10:00 而家已經冇乜食肆，係開到咁晏所以近近地搵咗喺鵝頸橋底食大排檔其實嗰度附近有兩間大排檔但我個人鍾意食明記我哋叫咗個豉汁蒸大鱔好夠味 鱔肉係爽口嗰隻超好撈飯另外仲叫咗個鹹蛋蒸肉餅肉餅唔算太肥 調味好夠仲有個炒芥蘭因為有落到蝦乾炒完出嚟勁香芥蘭都唔算老同場其實仲有好多其他海鮮但因為今次得我哋兩個人食唔到咁多我哋見到好多枱，都叫咗豉油王炒麵出嚟勁大碟好吸引下次可以試一試呢一個

【灣仔區】【明記海鮮飯店】有啲餐廳我係比較少寫嘅，都希望大家理解，好多時我都係自己一個人食飯，所以種類上一定係有所局限。而今次就同之前電台啲舊同事食飯，有四大一小，因此食呢啲平時比較難食到嘅打冷小菜，我都會欣然赴約嘅。首先係想講 $98 嘅「蒜蓉豆苗」，年紀大咗之後，冇得好似以前咁一味嘲笑啲食菜嘅人係弱者，自己都要食吓。而佢呢度係炒得幾正，啲豆苗索晒啲蒜蓉味，相當夾。之後 $88 嘅「豉椒炒蜆」略嫌失色，好似殼多過蜆，麻麻。個 $128 嘅「炸子雞」半隻雖然有蝦片有分加，但係啲雞都幾鞋，炸得又唔太好，唔太推薦。而 $78 嘅「香煎蠔仔餅」唔係潮式蠔餅嘅整法，整到好似蛋餅咁，唔討好。反而之後 $108 嘅「椒鹽鮮魷」就唔錯，炸到外脆內嫩。追加咗個 $98 嘅「白灼東風螺」，白灼嘅東風螺加埋個醬汁，都幾突顯到個鮮味，一粒粒咁食係幾滋味嘅。講到食呢啲大牌檔風味，又點可以缺少酒精飲品，不過大家只係淺嚐，叫咗枝 $26 嘅大「生力啤酒」就算，冇特別。仲有叫嘅飲品係罐裝嘅「玉泉忌廉」同「加多寶」，加埋 $16。咁都隊唔飽四大一小嘅，用多 $48 叫三個白飯，咁就得喇。餐飯加埋 $688，我唔覺得好

有晚放工連同幾位同事，全部土生土長嘅香港人，以土生土長嘅香港人嚟講，什麼叫大排檔風味點會唔知。去咗標榜主打係大排檔嘅日月言己食宵夜，點了啲大路嘢：豉椒炒聖子，椒鹽九肚魚，煎蠔餅等…（此時大量直升機飛出嚟），老老實實最對版就係嗰幾支嘉士伯啤酒。完全煮出意想不到嘅家庭小菜味道… 仲要係家傭姐姐出品嘅味道！ 嗱嗱聲食飽就算，埋單比錢走人一定唔會再嚟（直升機留返比遊客算了）🚁🚁🚁🚁🚁🚁

我鐘意黎呢度，上菜快、有鑊氣、又好味，海鮮又新鮮，係人多時會嘈d。我尋晚來食，唔知點解會失準，個腐乳炒通菜勁咸，真係食唔到入口果種，同待應講，佢：「哎呀」一句就走左去。但其他菜都一如以往咁好👍🏼最近至愛係虎皮尖椒，加左豆豉炒勁好食。個東風螺又鮮甜，我朋友平時唔食東風螺既都話佢好味😋

久違了的同學及久違了的排檔依家好多有鑊氣嘅排檔好食嘅已經買少見少。。。今日嚟到呢間明記飯店，我覺得有驚喜。唔知係因為我太耐冇食🤔蒜蓉開邊蝦，蝦夠新鮮所以好好味。仲有推介 小炒皇 。前菜嘅雞腳送酒一流。同埋嗰個啫啫通菜煲都好夠鑊氣。整體感覺良好，下次會再幫襯。今日仲好彩食到老闆即炸蝦片同埋即炸薯條簡直冇得彈

这家餐厅主营广式炒海鲜，我是自取的外卖，叫了他们的避风塘虾和豉椒炒蛤蜊。不到十五分钟两道菜已经炒好了，味道非常鲜美，油而不腻。他们啤酒的选择也比较多，除了常见的蓝妹和哈尔滨还有日本麒麟啤酒。门面不起眼但值得推荐！

限聚令期間十點後要搵地方飲野食野只會諗起呢條街，平時同同事朋友多數食隔離果間，今次同另一個同事傾計飲野食少少就是但行左入明記。因為得兩個人唔係叫到好多野食，而且係飲啤酒為主，所以叫了個炸子雞同小炒王。味道上中規中矩啦，菜式都係傳統普通既大路野，如果認真比較，隔離果間係好食d。隻炸子雞都feel到係脆皮既，但我本人就無乜quota 所以選擇性地唔食皮既，味道我記得係ok咁囉，肉質就比較鞋，咁送酒既野係咁上下啦。另一款小炒王基本上我去到邊都必點既，因為點都要食d菜，而呢個小炒王都幾足料啊，送酒都係一流，我印象中係夾完又夾，係好食既自然反應。如果要讚同隔離唔同既係portion 大d，印象中價錢都好似平少少。個人意見評分如下:出品40%: 30分服務20%：15分環境20%：10分衛生10%: 5分性價比10%：6分總評分: 66分

是咁的，我在22~08~2021(星期日)晚上5:45去到灣仔明記，照舊入去坐低飲杯啤酒後出門口選海鲜，因朋友想食瀨尿蝦，諗住叫個油鹽水瀨尿蝦食吓先，但眼见放在門口的一盤瀨尿蝦不太新鲜和十分細隻，而且又無寫明價錢，當諗住選其他海鲜之際，朋友看见入門口的走廊位置放左另一盤很新鲜又大隻的瀨尿蝦在當眼處，而且还字明例牌$138,咁我哋當然後滿心歡喜地要個例牌食吓啦，跟住好戲在後面，瀨尿蝦上枱後竟然係放在門口不新鲜又細隻嗰盤，而不是我哋選較大隻而新鲜嗰盤，當時我行出去兩次追問，分別問左員工和老板，佢哋二口同声都話兩盤係一樣的，但明眼人一睇就知係唔同啦，仲佢當我哋係白痴，再爭論落去都無用，只好在無辨法之下只好用$138呢個價錢食一碟又唔新鮮又细隻嘅瀨尿蝦，被骗的感覺真不好受。 總結一下，我以前常到灣仔明記食小炒和海鮮，但經過呢次之後，我以後都唔會再來，因為佢哋的行為另我太失望了。現在香港的經濟環境那樣差，佢哋仲可以這樣欺騙客人，真是不知所謂。 如果明記老闆看见這篇食評，真的好希望你好好地反省一吓。

知道鵝頸橋街市有三間海鮮飯店，每次過嚟食一定食明記小炒出名好食，價錢公道唔貴，大排檔的門面門口有新鮮海鮮選擇，內部裝修簡單，座位都不是太舒適，有電視，有冷氣，有大排檔的感覺，有香港特色，通常都食飯時間都會排隊，建議早點等位豉椒炒鵝腸-平時少食鵝腸，今次朋友點了這個菜式，鵝腸好入味有鑊氣有驚喜👍🏻😋豉椒炒蟶子通常出面的聖子都是細細隻，今次是中size，冇想過每一隻都肥美新鮮，同我蠢一樣都是豉椒炒，一樣出色好食👍🏻😋泰式冰鎮雞腳-開胃餐前食，酸辣帶少少辣辣地，雞腳入味，好拗口不會太林蠔仔粥-入味蠔仔粥每粒蠔仔肉都適中肥美👍🏻啫啫芥蘭煲-鑊氣夠芥蘭剛剛好不太林不太硬，入味

四個人食，好滿足啲野好好味，呢個地段黎講算抵食-黑醋骨，酸酸地咁，好開胃～油浸筍殼魚，皮脆肉嫩，炸得好靚薑蔥炒蟹，大大隻酥炸生蠔，正下次會約埋朋友再黎多次，食得過

第二次嚟呢度食 比起第一次 感覺差好多星期五夜晚大概7:00去食 都唔使等位已經可以入去 不過去到大概八點就開始滿晒人啦 上次冇乜食到海鮮 今次就試吓☝🏼椒鹽小蝦 冇乜驚喜 感覺只有外層有椒鹽味👇🏼同樣下面都係冇乜驚喜👇🏼炒蜆 差唔多有一半都係空殼....👇🏼水煮魚腩 冇乜點食到因為實在太辣👇🏼西蘭花魚 普普通通 黎嗰陣對海鮮有一定期望 不過真係冇乜驚喜 海鮮來講真係唔合格 不過粗粗地食一餐其實都OK嘅 一分錢一分貨 成餐四個人食$700到 以咁嘅價錢來講 可以接受。因為餐廳屬於半露天嘅空間 見到近門口嘅一台係咁食煙 所以食食吓中途聞到煙味 略為無奈 應該冇下次囉

🇭🇰#香港捐窿捐罅記 避風溏炒蟹🦀一直都係香港先有既特產🤤 其他地方都唔會有這種做法🤤 咁尼間就係自己出去揀 唔同大細有唔同價錢🙂 低至二百就已經有😂 咁當然一分錢一分貨 二百果d都比較細☹️ 所以我今次食果隻係三百幾😗😂 仲食左一隻 有我半隻手臂咁長既瀬尿蝦🤤 真係半隻咁長 不過又係要三百幾😂 不過都ok既 相信大家都未見過咁大隻既瀬尿蝦🤙🏻🤙🏻-避風溏炒蟹🦀 唔係好入味☹️ 而且炸蒜唔夠🙄 不過肉係幾鮮甜 係新鮮👍 有好多無良既店 會換左d 死左或比較細隻既蟹😗😗 不過之後我食左間仲正既避風溏炒蟹🦀 之後推介比大家😂瀬尿蝦🤤就正啦 雖然都係炸蒜唔夠 不過肉夠甜 而且實肉 啖啖肉🤤🤤🤤 而且有我成半隻手咁長👍 又滿足到視覺 又滿足到味覺👍墨魚嘴🦑 炸得唔夠爽身 乾身☹️ 好淋 失敗之作☹️☹️☹️☹️☹️魚雲蒸得幾好 又夠辣🤤 又有粉絲係下面吸晒d精華 所以幾好味☺️-🎈灣仔寶靈頓道27-28號地下-平均傷害：$400好味值：6/10

每當有朋友從外地來，我就會帶他們吃香港本地的大排檔。明記坐落在銅鑼灣街市一旁，需要穿越一大片水果方能見到。門口就總有黃色衣服的叔叔們在熱情招攬客人。每次去到都有位置，坐下來自然就忍不住大點特點。一般都會吃的就是炒峴。今晚的分量頗多，而且沒有含沙，只只都有用，食到外地朋友停不了手。然後點了例牌的椒鹽瀨尿蝦，蝦的個頭很小 *（鬼叫我地窮，只叫例牌），但是依然新鮮惹味。隨後點了啫啫通菜，有强烈的蝦醬味，非常有鍋氣。最後的東風螺就一般般，不知爲何紅得緊要。總體來説開懷滿意。