明明車仔麵專門店 (軒尼詩道) (Moved) New Location

今日有個舊同事過開嚟灣仔搵我食飯我問佢想食啲乜? 佢話好耐冇食過車仔麵 於是帶佢去明明車仔麵嗰度食 這間係我經常去食lunch 所以好多送菜我都食過 ，各款餸都有D水準 所以我叫個friend 自己鍾意食乜就點就可以 我點左油麵 加牛腩 、豬紅 、豬大腸 及一罐可樂 。我推介個friend 食牛腩及豬大腸 因為兩款特別出色 ，牛腩好入味(霖)及 鮮甜，豬大腸爽(霖)而且冇騷味 ，我最怕啲大腸有陣味 真係食唔落 特別一提係佢自家製啲辣醬好好味， 落單時 記得叫會令麵特別惹味 可能我哋食得早 ，唔使排隊 廿分鐘食完埋單走人 每人$50蚊有找算幾抵食

出街食嘢食得多，嘴尖起上來自己都驚，驚中伏，驚選擇困難症，仲有女人成日掛係嘴邊嘅：澱粉質肥啊～～（注意拖長個尾音讀）只不過，餓起上來點到妳唔四維搵嘢食？明明由得十幾個位發展到而家double咗座位，係呢個以時速變化嘅灣仔來講，確實值得大家佩服。一個冇圖冇真相嘅社會仍保留住一份純文字嘅點菜紙咖喱魷魚唔會冇鬚，廚務部嘅細心；炸魚皮係另外上嘅，避免擺入湯變淋，細心再加分。朋友仔嘅車仔麵揀咗河粉，食到頂到上頸，份量十足！順帶一提，店內冇紙巾提供，嗜辣又怕辣嘅朋友仔最好帶定紙巾，辣汁好味得來都幾勁。夜深，食個宵夜車仔麵，盛惠$50，性價比極佳。

Lunch都係想食麵多所以就行左過黎食間平價車仔麵Lunch時段人好多，全場爆哂所以都要等一陣，坐低就自己畫單車仔麵種類都算多堂食仲有即沖飲品叫，而外賣只有樽仔奶茶（我叫左凍0茶少甜，茶味重都好飲既）4餸一麵$42（豬大腸好大粒，洗得乾淨豬紅好入味瑞士雞翼超入味，肉好嫩滑超好食必點，通菜唔會老都好食）我揀左辣汁超好食好夠辣，叫多辣就更辣三餸一麵$37（芝士腸食得出係豬仔麥魚皮餃新鮮正常野）朋友揀左蒜辣汁，蒜味唔太重都辣既另外如果要紙巾收費$3

不知道可不可以用简体字打食评，但是真的很想推荐这一家呀【推荐理由】：搭配多样又美味走进这家店，你可以看到菜单就在桌上的笔筒内，是自助下单的，菜单上写的所有食物都可以按照自己的喜好自由搭配，种类非常丰富，自由度极高1）首先你可以选面的种类，一共有8款面任你选择，分别是米线、米粉、河粉、公仔面、油面、幼面、粗面和乌冬（具体这些面的区别我会找时间专门写一篇的）。这里面我吃过米线、河粉、油面和幼面，比较推荐河粉和油面，河粉就是那种有点半透明的扁扁的滑溜溜的，配这家的汤底很好吃；油面是清晰的一根根的，不容易涨，我最近都吃油面，哈哈，据说河粉最胖了。2）接下去可以选酱汁，也就是汤底，有3种：腩汁、咖喱汁和卤水汁。一般我都会选腩汁，咸淡刚好，我觉得整碗咖喱汁有点太浓郁了，非常喜欢咖喱的朋友可以试试，卤水汁就是一般的卤水汁啦，可能比腩汁要清淡一点，咖喱和卤水汁我好像都没试过，钟爱腩汁。3）然后就是下方有个“可选”，有三种：辣汁、沙爹汁和蒜辣汁。这是额外加的（不需要额外的钱），就是在比如你选了沙爹汁，会用一个勺子装一些沙爹汁放在你的碗里，让你自己搅拌。4）最后重头戏就是中间这密密麻麻，非常丰富的颂了，我

十點先收工，無飯食，啱啱路經呢間車仔麵，見唔駛等位就入去試下。車仔餸同一般車仔麵選擇差不多，三餸面$37，4餸面$42，響灣仔不算貴。平時食車仔麵我都愛點油麵，貪佢份量夠多，今次也不例外。點左4個餸+可樂.墨魚丸:一D都唔彈牙。牛腩:炆得夠入味，夠腍。豬大腸:每次食車仔麵我必點，大腸洗得乾淨，無肥膏,鹵水味夠，但炆得太腍，失望。咖哩魷魚:冇味，又乾又硬，冇咖哩味。湯底:味道頗淡,無味。咖喱汁:一D咖喱味都冇，唔香唔辣，加左落湯度，變左咖哩水，完全無味。

有時候諗唔到食乜，又想食啲野可以暖肚，我一般都會去食麵，今日介紹嘅呢間明明車仔麵，可以話係我每個星期都會光顧一次。雖然有時門口都會排一條小隊，但大概都係十五分鐘內入到坐。因為上餐速度頗快，所以都唔怕趕唔切番到公司。 車仔麵三餸嘅話都係HKD37蚊，個人覺得係灣仔區食午飯嘅平均消費價格上泥講，呢度都唔算特別貴。而且呢度食物水準表現整體上都非常穩定，所以都幾值得推薦。睇睇點單紙，其實選擇都幾多，所以光顧咁多次都試過唔少餸。如果同行有外藉人士，只要問侍應，呢度都可以提供英文點單紙咖。平時我最常都係柯打油麵，至於鐘意濃味嘅我湯底就會揀滷水汁，濃濃嘅滷水味，係叫餸時再劃埋咖哩魚蛋，增添幾分微辣，立刻味覺層次UP。 除咗湯底濃之餘，每次份量都十分足，絕對唔怕食唔飽！我推薦嘅車仔餸如下：韮菜餃、糖心滷蛋、豬紅、豬大腸、蠔皇花菇、柱候牛腩、蘿蔔、魚蛋，以上只係我嘅精選列。基本上都無食過唔好味嘅車仔餸，有待我繼續試勻佢整個MENU。總結，食物味道水準平穩，價錢唔貴且上菜速度快。真係我地呢啲快靚正打工仔午飯幾好嘅選擇之一！

放工在港島想食得平民啲，男朋友就帶我食了這間車仔麵.店舖裝修不錯，望落食物普通，本身冇抱好大期望.四餸車仔麵+凍豆漿+波菜 4/5我叫了雞翼，雞翼尖，蘿蔔同溏心蛋。小辣，跟河粉。意想不到每樣餸味道都好夠，幾入味，我成碗都食曬！波菜用好香既牛腩汁煮，係街真係少有類似既煮法.值得推介係佢個溏心蛋！5/5分分鐘好食過其他日式拉麵店煮岀黎好濃蛋味，生熟控制得剛好，鐘意食蛋既人一定要黎試下！.上菜快，唔會趕人走，店舖都算乾淨，平食一流！

前天叫外賣，得悉友人叫左明明，心裡一直發毛，但肚餓沒有辦法，誰料叫左的外賣很久也未送到，來了，但麵食也不熱，牛腩硬過化石，湯涼，也難喝，為何還沒有一些改進？真的要那麼難吃嗎？牛腩是雪腩，明白大部份也是，但為何黑得像炭一般？魚旦冇味，淡過樹皮，生菜一個個窿，還有奶茶，D冰融化，像白開水一樣，究竟還要差到一個什麼的程度才有改善？一間服務態度又差，D嘢又難食，湯如水般的劣質麵食，簡直不懂車仔麵！明明車仔麵，冇一樣嘢掂！

經常經過呢間轉角位既車仔麵店鋪面雖小 但常滿座 吸引我今日黎試本人無辣不歡 所以叫左個辣醬湯底一黎到：依 個湯底甘清既？原來d辣醬放晒係匙更度～狠心地撈晒落湯 然後 我後悔了低估左佢既辣勁好！辣！呀！ 辣到連炸醬都吃不下下次要記得續少加落去呢 但辣味好香 應該是特別秘製不過雞翼略略不夠入味 面量也比較少炸醬就好闊佬地有半碗的份量都值得一試

前晚和友人一同前往該店，叫了紅腸魚蛋粗油麵，麵一上來，不單止份量少，還有是魚蛋凍，麵不熱，湯是溝渠黑色，湯底不滾，而且喝下去，只覺得很咸，很苦，落很重味精，最嚴重的是，紅腸酸廋非常，食物又不新鮮，想必是放很久，這是車仔麵的大忌，而友人那碗也覺難吃，麵質硬生生，更離譜的是，反映一下，竟反被穿黑衫的肥佬店員(不知是店員還是店長)發難，態度非常差劣，不知所謂的一間垃圾食店，咁樣學人賣車仔麵，食杯麵仲好過

本人好少寫食評，呢次真系忍唔住，中午外賣車仔面，四個餸寫明系40文，然後收我42文，唔緊要，但拿到外賣食，食物分量只要外賣盒的一半，完全感覺像櫥餘一樣，又食唔飽又難食，無下次。

是日和friend lunch，說未食過呢間，便選了這間。其實在灣仔食野搵位係好難，加上開學後多了學生，難上加難，幸好今日有早，加上兩人位，好快入座。車仔麵，不像有些賣gimmick的有貴價食材，這間是正常車仔麵的料，這樣反而更考功夫。兩人6個餸，有豬紅、魚蛋、香菇、牛筋、豬大腸、蒜辣雞翼尖，有幾款是邪惡的食物，不過越邪惡越好味。鍾意佢的沙爹醬，一定要試的。看似簡單的車仔麵，越簡單越以味道取勝。服務也好好，冇筆寫食乜會主動搵俾我。唯一不足係店太細，大隻d都坐得幾辛苦。

喺灣仔放lunch絕對係一個惡夢，皆因成街都係人，每間餐廳出面都會有條長長既人龍。就算買外賣，分分鐘都等成十成廿分鐘，lunch time都完咁滯😂本身今日想挑戰lunch去華星食，但條隊真係長得太緊要，最終就入左街口既呢間「明明車仔麵」。明明鋪面細，但勝在落單快上麵快，所以人流多但唔洗排隊👍🏻 一碗三餸車仔麵都係$37，加$8有餐飲，都幾抵食啊👌🏻Taste: 👅👅👅Value for Money: 💰💰💰(on a scale of 0-5 emojis)

見到好多國內人食都覺得有啲問題㗎啦但係因為肚餓見今日冇人做咗入去試下， 點知就中伏， 叫咗油面可能因為太耐冇人食油麵 淋 淋劈劈漿糊 一pat 的油麵，😡 魚蛋 有魚腥味， 大腸更加有臭腥味， 咖哩魷魚 咬一口即刻吐出嚟 霉的，一口就吐出嚟 。 真係食唔到落口，放低筷子……走人。 食過第二間。 後悔去試新嘢，應該走去隔離，華星，食過茶餐，冇咁嬲。門口見到個男人推車仔入店舖，原來佢哋嘅食物，係喺出面加工之後再送入店舖內。 外面加工攞嚟都唔緊要最緊要整得好食真係大失所望。

想平平地求其食碗粉，朋友帶左我黎呢度試。門面睇都幾得意，懷舊設計，外面有好大個麵字，一睇就知係食啲咩。間舖好細，得廿個位咁上下，啲位都幾迫，keep住有人走就有人入，都幾多人黎食，不過好在唔駛等位。 一個餸都$10，都唔平，一定係點夠三個餸，堂食最低消費每人$37。每人自己寫番自己張單，唔怕落錯單碗麵份量都ok，夠飽。點左辣醬，雖然俾左好多，成半隻匙，但唔會好辣，無點野飲都食到，最正係牛腩，好淋好入味