Mint & Basil (鯉景灣)

Open Now

Now Closed

趁天氣還未太差又無落雨即刻帶維伯伯出街街、陪食飯～今晚就去咗鯉景灣SOHO東呢間泰國餐廳🐶小狗有袋就唔使outdoor~無就可以坐室外～ 🥗《 越南雞絲沙律 💲98 》幾開胃～ 有紫椰菜絲、橙肉、菠蘿、洋蔥🧅etc，當然仲有雞絲～ 雖然餐牌上寫唔辣，但係事實上都係帶點微辣，不過幾醒胃～🐟《 梅薑肉沬蒸盲鰽魚 💲248 》魚大條，肉又好嫩滑👍🏻 湯底清，有淡淡梅酸味，湯中仲有好多菇同椰菜～ 🍍《 波蘿海鮮炒飯 💲158 》有粟米粒、炒蛋，提子，魷魚、車厘茄、肉鬆、蟹柳肉、大蝦肉、腰果同埋菠蘿肉～ 炒飯有薑黃味，可刮啲菠蘿汁撈勻食仲正～ 🍮《 椰絲斑蘭丸子布丁 💲78 》斑蘭味嘅西米包住好似蛋黃味嘅丸子，外層再放上鮮椰子片～幾特別又唔會甜膩～ d staff幾nice，上菜亦快～ 3人行，包埋加一，平均每人$200～喺openrice訂枱仲有88️⃣折👍🏻

再訪鯉景灣，已經無以往咁熱鬧，多間餐廳食肆都無太多顧客用餐。部分嘅餐廳亦都已結業，新開嘅亦都係連鎖店或者唔再係特色嘅餐廳🍴.今次選擇咗呢間泰菜，都只係隨心，半戶外嘅空間可以帶寵物一同用餐，環境昏暗燈光，食物選擇同味道屬正常，不過定價略微過高，動輒已經幾百起跳，不太抵食🍴.———————————————————————————🍽泰式拼盤💬有豬頸肉、米網春卷、柚子沙律、炸蝦餅、炸豬肉卷，算係豐富，應有盡有，最緊要係啱食啱心水🍴.🍽青咖喱雞配蒜蓉包💬青咖喱一大盤算份量足，配料同雞肉都唔少；但蒜蓉包要另外點選，$58一份得4塊，相信舖租同環境嘅成本💰相當之高🍴

年初二想出街chill下，諗起呢間海旁既餐廳既南瓜布丁，就約埋朋友一齊黎。可能我地早到，冇咩人，唔駛等位就直接坐低。泰式牛肉沙律牛扒是煎到5成熟剛剛好，配埋旁邊酸辣既青瓜沙律啱啱好可以解膩黃咖喱蟹配蒜蓉包最鍾意有蛋既黃咖喱，配蒜蓉包超好味。黃咖哩咸淡適中，就咁食都唔會太咸，贊Pad Thai味道賣相都很好，可惜d面好硬，唔啱我口味，sad左服務同水準都同以前一樣，得閒會再番去幫襯😄可惜佢地已經冇賣南瓜布丁，希望將來有機會再食番啦

外母屋企樓下發現有一間泰國嘢，即刻去試吓。我哋一家六個人去食。6:00入座，所以算係唔使等位食物質素其實可以接受，一般泰國菜應有嘅味道都會有我哋叫左個炒通菜非常之有鑊氣。 服務服務水平就好差了，叫極都冇人應，全部都係要自己嚟。黑面不特止，唔會有下次

今日去咗Mint & Basil食晚餐，呢度西灣河鯉景灣，全海景餐廳，可以帶埋狗狗一齊共餐，燈光環境比較柔和，好有西餐格調。我試咗佢哋嘅越式生牛肉湯粉，湯底好香濃，牛肉又好嫩，不過河粉我個人覺得比較普通。另外，我都試咗佢哋嘅飛天通菜，菜葉爽脆，配上魚露汁好開胃。我仲試咗佢哋嘅蒜蓉包，包皮鬆軟，蒜味香濃，好好味。越式生牛肉湯粉$148飛天通菜$98蒜蓉包$58Mint & Basil (鯉景灣) (西灣河)西灣河鯉景灣太康街55號蘇豪東A期地下GA04-07號舖

這間餐廳嘅菜式好多其他泰國餐廳都沒有，所以食得好開心，好傳統嘅泰式餐館，生嘅蝦好新鮮，炒菜好有鑊氣，炸蟹肉粟米餅好特別。生菜包肉碎非常Juicy，唯一美中不足係四川辣鹅沒有辣味。甜品點了炸香蕉也非常好味。仲有好多唔同Cocktail，Spicy Martini值得一試。八點前 happy hour八五折。平均$68-$88一杯。餐廳位於鯉景灣海濱，環境優美，從太古地鐵站經過海濱長廊行過去15分鐘或者西灣河地鐵行過去都可以，記得坐靠路邊位置。

今晚一家人食飯，坐低後，侍應只係畀set dinner menu。要問才有其他餐單。menu相片與文字不相符。叫食物時要小心，落咗單之後佢話冇落錯，係你自己叫嘅。侍應態度超差。 blacklist。希望大家以後唔好幫襯。幫襯都要小心啲。上菜混亂，冇次序，前菜啲沙律都未嚟，就上主菜，自己都唔知，話畀佢聽，佢仲覺得自己沒問題。簡直係一間x店，咁嘅服務態度，仲話想振興經濟，成個香港，成個飲食業，畀你影衰曬。black list

多次在這餐廳午膳堂食，一向食物與服務都滿意。但是， 今次晚市堂食，晚間果 Team 人絕對唔掂。首先係部長先話搵唔到我喺openrice嘅預訂， 好唔願意咁先畀張枱我，但之後又話見到我的 booking.落單方面，四個菜兩個都出錯。以後唔會再去 Dinner 。

今日途經鯉景灣，沿途海濱風景優美， 找了 一間路邊店歇歇。點了一個烤墨魚及無酒精雞尾酒。泰式燒墨魚的味道鮮美多層次。墨魚本身帶有鮮甜的海鮮味，經過燒烤後，外層呈現微焦的口感，內部保持著嫩滑的質地。泰式調味料則為這道菜增添了獨特的風味。酸辣醬帶來微辣的刺激感，魚露提供了微咸的滋味，糖和檸檬汁則帶來了酸甜的平衡。這些調味料的組合使得泰式燒墨魚的味道鮮明，令人愉悅。飲料的主要成分為芒果汁，椰汁和橙汁，微微的甜味可解除魷魚的辣味。

週末來到蘇豪東，附近非常chill。這間泰式餐廳提供set lunch，我點了蟹肉奄列配香米飯，和前菜選擇了雞肉魚肚羹。先講講前菜，雞肉魚肚羹有驚喜！湯味濃郁，有點像碗仔翅般。最意想不到的是湯內有多款材料，不只有魚肚和雞絲，還有類似蟹肉的材料。這樣的份量和配搭真的很滿意。至於主菜蟹肉奄列配香米飯，裏面有多多蟹肉。不過，由於奄列本身沒有醬汁，加上我覺得配茄汁也不太合適，所以我沒有加茄汁。結果，口感有點太乾，而且奄列煎得有點油膩，整體來說不太喜歡。如果來到這家餐廳，不妨試這裏的雞肉魚肚羹。

東南亞嘅食物真係食極都唔厭！近來有突然之間好掛住芒果糯米飯，醒起東涌有一間芒果糯米飯非常出色，於是就特登嚟食！順便喺東涌玩吓啦。餐廳位於東涌站行五至10分鐘左右，呢度夜晚都幾有氣氛，不過因為夏天熱，我就比較鍾意坐入邊啦。呢度嘅職員全部都係外國人，感覺好似去咗外國咁。首先叫咗個豬頸肉，然後叫咗個牛油咖喱雞撈飯。豬頸肉爽口，佢嘅醬汁酸酸辣辣咁，好開胃。牛油咖喱雞，好適合怕辣嘅朋友！又可以享受到咖喱嘅美味，又唔使怕辣。雞嘅份量都唔少，呢個汁用嚟撈飯一流！另外我就叫咗個海鮮冬陰功湯，我唔算非常食得辣，個湯唔算好辣，辣到剛剛好，有香辣嘅味道，但係唔算好刺激，我都飲得晒成碗！佢份量好多，好好味。海鮮份量都唔少。最後就係期待已久嘅芒果糯米飯！一樣都係咁高質，芒果超級甜，三種糯米飯各有美味，完美嘅作結。

一開始叫野食已經不耐煩，叫第二碟食物就話等緊你第三樣餸，問佢啤酒係大支裝定細支裝（老人家少食，唔識，自己直接問佢），佢問點樣為之大支？再講我哋一直都係細支，無大支裝，超差超差。

難得平日去到sohoeast 食tea，點知入左間勁串嘅舖頭🙄2:30入去，lunch set 2:30 完，tea set又3:00先有🙄👌🏻 叫住個沙嗲同泰式蝦餅先蝦餅味道正常，反正都係買現成嘅返黎炸😂串燒牛同雞，味道有啲膠膠地，好似有種唔屬於食物嘅味道咁，有啲怪。肉太乾，但係又唔夠熱😑仲要「we don’t serve tap water」🙄，本來叫住一杯橙汁先，打算之後叫tea set，結果最後冇叫只係加多杯橙汁，唔明點解未飲過嘅橙汁仲少過飲過嘅🙄

Lunch set百幾都唔係平，所謂lunch set都係多個湯or沙律，茶啡都要另加$12，水都話要開still water收錢，但明明裝修又舊又殘，叫炒河粉竟然用生菜絲墊底，得勁少河粉仲要勁油，賣單俾visa又係咁問我有冇cash，我問佢係咪唔收卡又話唔係，仲要反問我you dun have cash???而家咩年代仲要人俾現金？仲要態度惡劣，好似我無現金好有問題咁，以後唔會再去！鯉景灣有好多更好CP值更高的選擇！

今日同老公去咗鯉景灣食lunch, 去之前未有計劃去邊間，行行下之後就諗起有間泰國菜Mint & Basil幾好食的😋，於是就決定左去Mint & Basil食泰國菜。好彩不用等位，因為這間泰菜平時都多人黎食，繁忙時間過嚟應該多數會無位的😬。所以大家黎之前最好訂左位先。今日我地點左柚子沙律，我好鍾意食泰式柚子沙律所以我認為勁好味🥳柚子肉好多又大舊啖啖肉超正👍👍👍仲要唔辣更啱我食。第二是黃咖喱雞煲又係我好鍾意的咖哩味道，因為黃咖哩不太辣又甜甜地又係好啱我😅，呢個咖哩入面呢嘅配料竟然有栗子同蓮子未見過，好特別啊！我特別的意思是好的食的，內有大大粒栗子🌰鍾意食栗子的朋友，應該都会鍾意食。第三係印尼炒飯呢個就咸左少少，但這印尼炒飯內有好多料，裡面隱藏了原隻大蝦，如果唔係咸左啲，呢餐就完美了。第四再加多杯芒果奶昔好是沙冰來的，都好有芒果未好飲，再加上最後果碟咸咸地的印尼炒飯是最好的配搭😅映得碟飯無咁咸否則實食唔晒😛