Video
Introduction
The restaurant is very spacious and you can have a good sea view. It specializes in Thai and Vietnamese cuisine and offers a wide range of Southeast Asian-inspired meats and seafood. The restaurant is very atmospheric at night and is perfect for gathering.
continue reading
Additional Information
Dine in time 90 mins
Opening Hours
Today
11:30 - 22:00
Mon - Sun
11:30 - 22:00
Public Holiday
11:30 - 22:00
Public Holiday Eve
11:30 - 22:00
Above information is for reference only. Please check details with the restaurant.
About Reward Scheme
同朋友係東區海廊慢步🚶🏻♀️➡️，行到鯉景灣這個美麗而休閒既地方，呢度有多露天座位既餐廳，氣氛就好似泰國布吉島般熱鬧🎉，我地就選左間食泰菜既餐廳去享受一下🤗裝修簡單，地方優雅舒適，播放著很有情調既音樂；餐廳員大部份係泰國人，非常熱情而且有禮貌，難怪吸引不少外國人光顧，生意超好，差不多全場爆滿💥越式軟殼蟹米紙卷米紙軟綿，唔太厚，咬落煙韌! 內裡包住香口既軟殼蟹、綿密質感既牛油果及爽脆沙律菜口感層次豐富，味道清新，配上wasabi醬汁，真是不得了的美食享受💥羅望子麻辣鴨鴨肉鮮嫩，肉質彈牙；用羅望子炒香，味道似山渣，香酸有層次，帶點果香，亦食到果肉! 有少許麻辣味，叫個白飯配呢個餸，係不錯的選擇💥炭烤香茅西冷牛肉炭燒既西冷牛肉片捲住原條香茅，食落好香嫩而且多汁唔乾；仲有檬粉和生菜伴碟，加上酸辣汁，食法似生菜包包埋一齊食，酸酸甜甜，可以平衡番濃味既牛肉，真係美味既一道菜💥泰式蝦河粉伴碟相當精緻，而且大碟! 用了幼身既河粉為基底，炒得好惹味；仲有大蝦、芽菜和花生碎，增加次感；旁邊有少少辣椒粉，帶點辣口，好開胃望著海，再同朋友一齊飲飲食食，真係相當relax；餐廳食物份量相當大份，好食又抵食，咁就過左一個好chill 既一天~
continue reading
有啲餐廳坐得舒服,地點好, 環境開陽甚至乎可以帶狗狗, 已經好多客排住隊去食, 更何況今次發現這間鯉景灣的泰國菜質素一流。串燒沙嗲 來之前望過食評基本上係必叫菜式， 豬肉,牛肉,雞肉各兩大串， 份量豐富不特止， 味道嘅豐盛先係這份串燒的精髓， 串燒都做到外層焦香酥脆， 不同肉類用了不同醃料 突顯其鮮美， 配搭有花生粒的花生醬更加是靈魂， 絕對是香港食過頭三名的串燒。泰式牛肉沙律極其軟淋多汁加鮮嫩滑的牛扒切片配上酸汁， 連 同充滿泰國特色的蔬菜，香葉， 紅辣椒及洋蔥等， 開胃清新！越式黃咖哩雞越式黃咖哩比較濃味而且厚身， 第一啖放入口已經充斥椰汁香味， 配搭 感覺應該是慢煮過的鮮雞扒， 味道比例剛好。蒜蓉包香脆蒜味香而不過份濃郁， 配搭較厚身的越式咖哩絕配。Banana Shake Watermelon Smoothie 西瓜Smoothie真係最適合夏天嘅飲品, 清甜而冰亦都打得幼細。 香蕉Shake 細滑充滿奶香， 非常配合濃味菜式。
continue reading
曼谷排檔名物［蟹肉奄列］，唔使咁辛苦排隊幾個鐘呀，香港有得食，位於鯉景灣的 Mint & Basil 做得唔錯，有蛋香，蟹肉又夠多，絕對可以頂癮！位於鯉景灣太康街的 Mint & Basil，門口可以泊車，落地玻璃門開放，寵物友善，周日晩上氣氛熱鬧，六點鐘左右到已經大半滿，乜現在啲人咁早食飯嘅🤔 記得預先訂位。我推薦：🥚蟹肉奄列 $168煎至金黃焦脆，有蛋香，蟹肉份量足，配辣茄醬及酸甜醬合拍。🥩炭烤香茅西冷牛肉 $138賣相好，富創意，完整大片牛肉卷在蕉枝上，烤香肉香並存，味道濃郁，肉質豐腴鬆軟；配檬粉、生菜、濃郁燒汁及魚露酸汁。此外，亦嚐了：🫔越式軟殼蟹米紙卷 $108素或蝦的米紙卷比較多，不妨試試軟殼蟹，添酥脆層次，軟殼蟹份量不多不油膩，整體仍以素菜為主，清爽的前菜。🥢泰式濕炒河粉 $138有雞牛豬選擇，我揀了牛肉，水份足，味道好。🍮黑糯米燉蛋 $78創意甜品，如果你鍾意食燉蛋、又鍾意黑糯米，正中下懷！
continue reading
住港島東的朋友介紹，鯉景灣海旁有間出色的泰菜餐廳，今天特來嚐嚐。餐廳臨近海旁，附近的環境不錯，內部裝修簡約而富熱帶風情，用竹牆來裝飾，座位也闊落舒適。見餐牌有午市套餐，有多款主菜可供選擇，便點了兩個套餐。午市套餐包括“前菜”和“主菜”，可用優惠價錢追加“甜品”和“飲品”。前菜：“泰式雜菜燴湯”，材料有西芹、紅蘿蔔、洋蔥等，味道清甜。“切片炭燒牛肉沙律”，牛肉烤得微焦，很香口，肉質軟韌適中，牛肉味豐富，配上辣辣的青紅椒粒，爽口的青瓜，特別醒胃。主菜：“馬莎文燴牛肉咖喱配香米飯”，咖喱以豐富的泰國香料調味，椰香味濃，更有蓮子，香辣惹味。牛肉炆得腍軟入味，口感很好。米飯是泰國香米，粒粒分明，甘香可口。“炒檸檬葉香辣魚配香米飯”，香煎原條紅衫魚，皮脆肉嫩，配上炒香的檸檬葉、青紅椒、粟米芯、紅蘿蔔、磨菇等，香辣之餘，口感也不錯。追加甜品及飲品：“芒果糯米飯”，賣相精緻，分三層，藍、白、紅三色，上兩層是糯米飯，底層是紫米，非常有心思。配上新鮮芒果肉，淋上香濃的椰奶，甜絲絲的口感，是必叫的甜品。“咖啡”，味道濃郁，也不錯。這裏的服務員都是外籍人士，態度友善又有耐性，廚房由泰國廚師主理，味道正宗，值得稱讚。
continue reading
Mint & Basil 越式米紙素卷越式米紙素卷係特色嘅傳統越菜，米紙皮帶少許彈牙咬勁，包裹著豐富多樣嘅蔬菜餡料，爽脆嘅沙律菜，蘿蔔絲，粉絲，仲有好受歡迎嘅牛油果。越式米紙素卷搭配上酸甜可口嘅魚露醬，微辣微酸，滋味而清新可口。既美味又健康，而且非常開胃。蒜蓉包蒜蓉包麵團外層金黃酥脆可口，內餡鬆軟，加上適量蒜粒放表面提味，令蒜味香氣濃郁，襯托出麵包嘅醇厚風味，即使係side dish非常出色。鑊仔炒雜菜鑊仔炒雜菜色香味俱全，各式新鮮蔬菜如脆綠嘅西蘭花、菜心、椰菜花、紅蘿蔔條，各種菇類、豆腐、粟米條等，帶鑊氣而鮮甜滋味，簡單而美味。泰式蝦河粉泰式蝦河粉係另一非常受歡迎嘅泰越主菜，幼河粉口感彈牙，蝦肉鮮甜多汁，更加入蛋絲增加口感。泰式蝦河粉以青檸汁，花生碎提味，整體滋味醇厚，清新怡人。色澤鮮艷金黃，再以lemongrass 點綴，更顯風味。芒果糯米飯芒果糯米飯作為今晚嘅甜品，三色糯米飯份外繽紛吸引，淋上椰奶醬料，彈牙滑嫩。另一主角當然係晶瑩剔透嘅芒果果肉，香滑順口，酸甜可口。整個甜品色彩鮮艷動人，令人愉悅。Chocolate milkshake and coconut milkshake 朱古力奶昔同椰子奶昔同樣為今晚嘅泰越菜增添風味。朱古力同椰子香濃，奶昔冰涷，夏天喺海邊飲住奶昔，良朋歡聚，十分之幸福。
continue reading