Mint & Basil (鯉景灣)

Open Now

Now Closed

同朋友係東區海廊慢步🚶🏻‍♀️‍➡️，行到鯉景灣這個美麗而休閒既地方，呢度有多露天座位既餐廳，氣氛就好似泰國布吉島般熱鬧🎉，我地就選左間食泰菜既餐廳去享受一下🤗裝修簡單，地方優雅舒適，播放著很有情調既音樂；餐廳員大部份係泰國人，非常熱情而且有禮貌，難怪吸引不少外國人光顧，生意超好，差不多全場爆滿💥越式軟殼蟹米紙卷米紙軟綿，唔太厚，咬落煙韌! 內裡包住香口既軟殼蟹、綿密質感既牛油果及爽脆沙律菜口感層次豐富，味道清新，配上wasabi醬汁，真是不得了的美食享受💥羅望子麻辣鴨鴨肉鮮嫩，肉質彈牙；用羅望子炒香，味道似山渣，香酸有層次，帶點果香，亦食到果肉! 有少許麻辣味，叫個白飯配呢個餸，係不錯的選擇💥炭烤香茅西冷牛肉炭燒既西冷牛肉片捲住原條香茅，食落好香嫩而且多汁唔乾；仲有檬粉和生菜伴碟，加上酸辣汁，食法似生菜包包埋一齊食，酸酸甜甜，可以平衡番濃味既牛肉，真係美味既一道菜💥泰式蝦河粉伴碟相當精緻，而且大碟! 用了幼身既河粉為基底，炒得好惹味；仲有大蝦、芽菜和花生碎，增加次感；旁邊有少少辣椒粉，帶點辣口，好開胃望著海，再同朋友一齊飲飲食食，真係相當relax；餐廳食物份量相當大份，好食又抵食，咁就

有啲餐廳坐得舒服,地點好, 環境開陽甚至乎可以帶狗狗, 已經好多客排住隊去食, 更何況今次發現這間鯉景灣的泰國菜質素一流。串燒沙嗲 來之前望過食評基本上係必叫菜式， 豬肉,牛肉,雞肉各兩大串， 份量豐富不特止， 味道嘅豐盛先係這份串燒的精髓， 串燒都做到外層焦香酥脆， 不同肉類用了不同醃料 突顯其鮮美， 配搭有花生粒的花生醬更加是靈魂， 絕對是香港食過頭三名的串燒。泰式牛肉沙律極其軟淋多汁加鮮嫩滑的牛扒切片配上酸汁， 連 同充滿泰國特色的蔬菜，香葉， 紅辣椒及洋蔥等， 開胃清新！越式黃咖哩雞越式黃咖哩比較濃味而且厚身， 第一啖放入口已經充斥椰汁香味， 配搭 感覺應該是慢煮過的鮮雞扒， 味道比例剛好。蒜蓉包香脆蒜味香而不過份濃郁， 配搭較厚身的越式咖哩絕配。Banana Shake Watermelon Smoothie 西瓜Smoothie真係最適合夏天嘅飲品, 清甜而冰亦都打得幼細。 香蕉Shake 細滑充滿奶香， 非常配合濃味菜式。

曼谷排檔名物［蟹肉奄列］，唔使咁辛苦排隊幾個鐘呀，香港有得食，位於鯉景灣的 Mint & Basil 做得唔錯，有蛋香，蟹肉又夠多，絕對可以頂癮！位於鯉景灣太康街的 Mint & Basil，門口可以泊車，落地玻璃門開放，寵物友善，周日晩上氣氛熱鬧，六點鐘左右到已經大半滿，乜現在啲人咁早食飯嘅🤔 記得預先訂位。我推薦：🥚蟹肉奄列 $168煎至金黃焦脆，有蛋香，蟹肉份量足，配辣茄醬及酸甜醬合拍。🥩炭烤香茅西冷牛肉 $138賣相好，富創意，完整大片牛肉卷在蕉枝上，烤香肉香並存，味道濃郁，肉質豐腴鬆軟；配檬粉、生菜、濃郁燒汁及魚露酸汁。此外，亦嚐了：🫔越式軟殼蟹米紙卷 $108素或蝦的米紙卷比較多，不妨試試軟殼蟹，添酥脆層次，軟殼蟹份量不多不油膩，整體仍以素菜為主，清爽的前菜。🥢泰式濕炒河粉 $138有雞牛豬選擇，我揀了牛肉，水份足，味道好。🍮黑糯米燉蛋 $78創意甜品，如果你鍾意食燉蛋、又鍾意黑糯米，正中下懷！

住港島東的朋友介紹，鯉景灣海旁有間出色的泰菜餐廳，今天特來嚐嚐。餐廳臨近海旁，附近的環境不錯，內部裝修簡約而富熱帶風情，用竹牆來裝飾，座位也闊落舒適。見餐牌有午市套餐，有多款主菜可供選擇，便點了兩個套餐。午市套餐包括“前菜”和“主菜”，可用優惠價錢追加“甜品”和“飲品”。前菜：“泰式雜菜燴湯”，材料有西芹、紅蘿蔔、洋蔥等，味道清甜。“切片炭燒牛肉沙律”，牛肉烤得微焦，很香口，肉質軟韌適中，牛肉味豐富，配上辣辣的青紅椒粒，爽口的青瓜，特別醒胃。主菜：“馬莎文燴牛肉咖喱配香米飯”，咖喱以豐富的泰國香料調味，椰香味濃，更有蓮子，香辣惹味。牛肉炆得腍軟入味，口感很好。米飯是泰國香米，粒粒分明，甘香可口。“炒檸檬葉香辣魚配香米飯”，香煎原條紅衫魚，皮脆肉嫩，配上炒香的檸檬葉、青紅椒、粟米芯、紅蘿蔔、磨菇等，香辣之餘，口感也不錯。追加甜品及飲品：“芒果糯米飯”，賣相精緻，分三層，藍、白、紅三色，上兩層是糯米飯，底層是紫米，非常有心思。配上新鮮芒果肉，淋上香濃的椰奶，甜絲絲的口感，是必叫的甜品。“咖啡”，味道濃郁，也不錯。這裏的服務員都是外籍人士，態度友善又有耐性，廚房由泰國廚師主理，味道正宗，值得

Mint & Basil 越式米紙素卷越式米紙素卷係特色嘅傳統越菜，米紙皮帶少許彈牙咬勁，包裹著豐富多樣嘅蔬菜餡料，爽脆嘅沙律菜，蘿蔔絲，粉絲，仲有好受歡迎嘅牛油果。越式米紙素卷搭配上酸甜可口嘅魚露醬，微辣微酸，滋味而清新可口。既美味又健康，而且非常開胃。蒜蓉包蒜蓉包麵團外層金黃酥脆可口，內餡鬆軟，加上適量蒜粒放表面提味，令蒜味香氣濃郁，襯托出麵包嘅醇厚風味，即使係side dish非常出色。鑊仔炒雜菜鑊仔炒雜菜色香味俱全，各式新鮮蔬菜如脆綠嘅西蘭花、菜心、椰菜花、紅蘿蔔條，各種菇類、豆腐、粟米條等，帶鑊氣而鮮甜滋味，簡單而美味。泰式蝦河粉泰式蝦河粉係另一非常受歡迎嘅泰越主菜，幼河粉口感彈牙，蝦肉鮮甜多汁，更加入蛋絲增加口感。泰式蝦河粉以青檸汁，花生碎提味，整體滋味醇厚，清新怡人。色澤鮮艷金黃，再以lemongrass 點綴，更顯風味。芒果糯米飯芒果糯米飯作為今晚嘅甜品，三色糯米飯份外繽紛吸引，淋上椰奶醬料，彈牙滑嫩。另一主角當然係晶瑩剔透嘅芒果果肉，香滑順口，酸甜可口。整個甜品色彩鮮艷動人，令人愉悅。Chocolate milkshake and coconut milkshake

《🌟推介😋 晴晴港飲港食 #misshcfoodie 》泰國菜唔一定要去九龍城，最近去咗西灣河海旁嘅泰越菜館發現一樣可以食到高質泰菜😚除咗嘢食正之外，呢度嘅cocktail絕對係我會再嚟嘅原因🥂價錢抵飲仲真係有酒精唔係糖水🤭附近環境清幽，呢排天氣開始轉涼🍂食完晚飯仲可以去海邊散吓步都幾寫意◆香茅雞翼 $88 👍呢個雞翼真係好好味，直頭係皮脆肉嫩❤️咬落去陣陣香茅味，一碟6隻令人回味無窮◆炭烤香茅西冷牛肉 $138 👍呢個牛魔王一定要叫！真係好正，本身以為係普通西冷，上菜先見到原來係薄切西冷經炭烤後卷住原條香茅😲食落肉質嫩滑，帶有滿滿嘅肉汁仲好惹味😍配生菜同米粉，想講米粉索晒啲牛肉汁同燒汁，可以再點埋魚露酸汁，真係食唔停口❤️◆串燒沙爹 $138 泰國菜經典沙爹串燒，一次過食到牛雞豬🐮🐷🐤🤤全部燒到啱啱好，熱辣辣之餘仲keep到肉汁而且一啲都唔韌🤗配埋個沙爹花生醬好惹味◆泰式椰菜苗 $108唔係好鍾意食菜但對椰菜苗情有獨鍾🤭爽口又蒜味十足◆Blue Hawaii $68👍顏色夢幻💙💙個base係Rum同Vodka再溝菠蘿汁🍍同檸檬汁，酸酸甜甜好易入口◆Mango Margrita $78◆M

簡單而又開心的晚餐🍹，這餐飯早早已在OpenRice 訂了枱，今晚是約了幾位老同學聚會👭👬，大家都回憶不少往事，滿滿歡樂！環境舒適，我們末齊人，待應都沒有追我們點菜，食物新鮮，每款菜式的味道都很美味🤤，大家都急不及待吃。

📍Mint & Basil 😍西灣河高質素餐廳👍～泰式黃咖喱蟹肉粒😘唔使剝殼勁方便😍蟹肉新鮮嫩滑👍咖喱口感非常香濃☺️配上熱辣辣嘅蒜蓉食真係好正😛～炭燒豬頸肉😍燒得勁香😘豬頸肉肉質非常好🤪份量仲要勁多👍～沙嗲串燒☺️特別推薦大家食豬肉串同雞肉串😘口感非常嫩滑☺️串燒嚟講有90分👍～越式軟殼蟹米子卷😛非常特別嘅菜式😘軟殼蟹勁多肉👍米子卷爽口彈牙☺️入面仲有各種蔬菜，包括我最鍾意嘅牛油果🤪順帶一提😛餐廳環境靚😍食物質素高🥳店員服務態度好👍下次經過呢頭一定再嚟食😎

西灣河嘅蘇豪東一向多好嘢食，環境又舒適，仲要對住個大海景，所以好多人都會專登揸車過嚟食吓飯飲吓酒今次朋友帶咗我去一間幾有人氣嘅《Mint & Basil 》食泰國菜ღ 泰式柚子沙律 $108有一大塊炸咗嘅紫蘇葉好香脆柚子嘅自然酸味入口好清爽，加入花生更帶來額外嘅酥脆感和香味好適合喺炎熱嘅夏天享用，既開胃又能解渴ღ泰式生蝦$158生蝦有8隻蝦肉好厚肉食落滑口又有彈性沾上泰式特製醬汁完全係泰國嘅味道ღ串燒沙爹 $138有雞、牛、豬，每款各兩串雞肉濕潤柔軟好juicy牛肉同豬肉唔會燒得太乾身點埋醬汁食，香口惹味ღTaro Ice Cream $68芋頭味香濃，口感層次豐富ღWatermelon Smoothie $55西瓜沙冰🍉入口綿密順滑夏天來上一口太冰爽了！ღ Yellow Sky $58味道酸酸甜甜帶有濃郁的水果香氣

今晚約咗一個移民嘅朋友食晚飯，特登搵啲平時喺外國食唔到嘅菜式，而且地點專登揀咗鯉景灣，因為貪呢度夠晒Chill。越式軟殼蟹紙米卷 紙米卷外皮輕薄且柔軟，內裡的軟殼蟹則酥脆，入面包有新鮮的蔬菜，增添了清脆的口感。串燒沙嗲串燒有豬牛雞，每款都有軟嫩嘅肉質，串燒外層微微焦脆，而內部仍保持了多汁的口感。沙嗲醬有著濃郁的花生香氣，超級好味道。泰式青咖喱雞 青咖喱的味道香濃，口感滑順，雞肉嫩滑，個汁用來餸蒜蓉包或者白飯都非常合適。蒜蓉包蒜蓉的味道濃烈，外酥內軟，作為小吃或搭配咖喱汁好美味。Yellow Sky 以鳳梨汁、橙汁和新鮮青檸汁為基底，味道酸甜可口，再搭配石榴糖漿的甜味，口感清新。Watermelon Smoothie西瓜冰沙口感清爽，味道鮮甜可口，好味得令人有驚喜。

印象中的越南菜都是生牛肉湯河，是夜好友駕車，帶小妹到鯉景灣食靚靚泰越菜，心情興奮開心！Mint & Basil 環境裝修滿有泰越風情，加上有半露天的戶外座，可帶🐶🐶寶寶一同用餐，份外貼心！先來炭烤香茅西冷牛肉 $138西冷薄切卷成棒棒，輕輕鬆鬆拿著慢慢嘆。燒汁惹味，西冷牛肉零韌度，抵讚！👍👍跟有米粉底，在炸蒜蔥花的點綴下，再配上越式酸汁，味道已十分好，清碟無難度！越式黃咖喱雞 $148，咖哩是泰越菜式的俵俵者，不能不點 😂😂咖喱汁香濃，雞件嫩滑。蒜蓉包 $58，看似平平無奇，實情好食到暈 😋😋法包香脆，蒜蓉夠多夠香夠味，吸滿了咖喱汁後，更是好味到停不了口😍😍😍馬拉盞通菜 $98，通菜鮮嫩翠綠，馬拉盞微辣鹹香😁夾起時有有熱氣噴出，夠鑊氣👍👍泰式黑糯米燉蛋 $78，燉蛋放在黑糯米上，有點點創意的小甜品 🍮，不用每次都是芒果糯米飯 🤣🤣🤣🤣美景美食，共冶一爐，實在感覺良好！🥰🥰🥰

西灣河蘇豪東一向都好多特色餐廳，而且仲可以望住海景用餐，真係環境舒服又有情調!今次我地就嚟試左間高質嘅泰國菜!🦀蟹肉奄列- 奄列有滿滿的蟹肉🍍菠蘿海鮮炒飯- 炒飯炒得非常香口，而且海鮮都夠足料,份量亦都好足夠，三個人食完全冇問題！🐔泰式青咖哩雞🥖蒜蓉包- 青咖喱雞夠晒味，吾辣配蒜蓉包簡直係一絕！🥦鑊仔炒雜菜🥭芒果糯米飯- 非常有驚喜，有三色糯米飯，煙煙韌韌配出清甜嘅芒果，喺我泰式甜品嘅致愛！💕

識飲識食老友安排今日來到這位於蘇豪東海旁食街的泰國越南菜館探店，原來店員全部操外語人士，正好練一練英語😂👏全開放式望海店門，開揚舒服，門前路旁放有雅緻花槽😀侍應殷勤安排坐於門口位置，再送上一瓶暖開水，服務態度到位😃一場來到一於分別點泰國越南菜式各一 ，首先來一個:越式黃咖哩雞，賣相討好， 去骨雞肉嫩滑可口，入口啖啖肉，汁底香而不辣，配菜內有栗子， 車厘茄，薯仔， 更增添味覺及咬感，伴熱騰騰的白米飯增添胃口😋😋再來一道:泰式馬莎文紅咖哩炆羊膝， 紅紅醬汁， 似辣而非辣，羊肉炆得绵滑，入口溶化， 配菜量夠，又是佐白米飯的好餸😋😋見到美味咖哩汁，決定追加兩碟白飯😋😋飽餐主食不忘來個泰式地道甜品:泰式芒果三色糯米飯， 擺碟悦目，芒果甜味中和， 果味香濃， 三色糯米飯團各有口感，粘點甘甜椰槳味道更好😋值得回味的泰、越菜👏👏

餐廳位於鯉景灣，食完飯可以到海邊散下步，十分寫意。店內環境充滿氛圍感，侍應服務態度非常好泰式柚子沙律呢個有好多柚子😍咬落又甜又多汁，旁邊仲有一大塊炸紫蘇葉串燒沙嗲有6️⃣串，揀咗雞肉➕牛肉，每一串都好大串，好抵食，雞肉及牛肉都唔會燒到太乾身，點上沙嗲食，十分美味青檸香茅蒸盲鰽魚條魚唔算太細，本身以為唔辣，食落味道酸酸地辣辣地，魚肉嫩滑，冇腥味Thristy Pomegranate🈶好大塊橙，飲落酸酸甜甜，味道以鳳梨汁為主椰青椰青唔會太細個，飲落好清甜，椰肉鮮嫩

▫️天氣熱特別想食啲酸辣開胃菜🥵 今晚一於去蘇豪東食泰國x越南菜🇹🇭 對正海邊環境靚之餘仲有海風吹下無咁焗😌🥗 傳統海鮮粉絲沙律 $108▫️粉絲索晒酸辣汁超醒胃！海鮮都幾豐富，有鮮蝦、青口、蝦米，其中最欣賞魷魚，煮得軟淋入晒味🦑🥬 泰式豬肉碎生菜包 $148▫️豬肉碎辣辣地，炒得好惹味🌶️ 生菜爽脆新鮮，包住一齊食好滋味😋🦀 泰式黃咖哩蟹肉配蒜蓉麵包 $198▫️原本以為淨係得面頭幾粒蟹肉，點知一𢳂發現係超多蟹肉係入面！🤩 黃咖哩椰汁味濃，仲有蛋絲，加落蒜蓉包食一流🤤🧄 蒜蓉包 $58▫️配咖哩嘅蒜蓉包唔夠喉😂 散叫多一碟有5件🤭🥭 芒果糯米飯 $98▫️三色糯米飯分別係原味、蝶豆花、紫米🍚 淨係賣相都夠晒靚😍 糯米飯溫熱，芒果當造超甜好好食！😚🍷 Red Wine Sangria $78/🍺 Asahi $68/🥥 Young Coconut $58▫️每日11:30am-8pm都有happy hour🙌🏻 所有酒精類8折🥳 趁8pm前整返杯Sangria😎 其實水果香甜味幾出幾好飲，但覺得泰國菜都係襯啤酒/椰青多啲😝