Video
Opening Hours
Mon - Sun
11:00 - 23:00
Above information is for reference only. Please check details with the restaurant.
Review (24)
今日我幫家姐兩個人慶祝生日,原先諗住book八仙居,but fully booking. 再打嚟呢度,訂咗七點半.準時嚟到,放眼望去,坐滿一半,並不熱鬧.我地見有兩個二人套餐,兩個都係鮑參翅肚套餐,一個$398 同另外$298,分別在於,一個有小鮑魚,另外無.我地點咗$398的套餐,當阿waiter行埋去cashier到入單,佢好大聲話食$298呀, 應覺上都幾無禮貌咁, 我食邊個餐,你唔使哎出嚟俾全間酒樓裡面啲人知?(我同佢中間有兩張四人枱咁遠都聽到囉!)以前出面食,係逐樣上.but 呢度,我地湯都未飲完,佢就上鮑魚,我都唔知食邊樣好,又驚是但一樣凍咗影響味道.當我地吐骨個陣,無人主動幫我地換骨碟. 呢一間係潮州酒樓but個鵝片..................睇得出唔新鮮,因為有啲乾. 變咗深啡色,我食過咁多間,碟嘢似打冷舖貨色.我俾呢個價錢係呢間酒樓,諗住份量小唔緊要,起碼食物新鮮精緻,咁呢方面唔合格啦!後尾我地坐到九點半已經無人嚟,得番我地一枱,咁我地咁啱埋單有人入嚟,個知客(唔知係咪)好似唔知安排客人坐邊,又話呢邊off 咗冷氣,又話個邊咩......... 就算我地訂咗枱,佢初時都好似無諗定我地坐邊入到嚟一時話呢張一時話個張.客觀嚟講,俾$450蚊食盛八都唔差,食tonkichi都無咁貴,食中菜亦好多選擇,味道同食物新鮮度都較呢度好.結論: 唔抵囉! 如果你唔嫌貴可以嚟試.
continue reading
看完哈利波特, 一行三人到這裡試新嘢, 看到OR有18個笑, 對這一頓飯充滿期望。因訂了枱, 無須等候便安排了卡位給我們, 非常舒適, 三人叫了 :1) 鹵水三拼 - 豬手, 豬腸及鵝片, 鹵水味濃, 伴碟的豆腐嫩滑2) 蠔烙 - 蠔仔肥美, 沒有沙, 不太油3) 四喜炆魚鰾 - 魚鰾很大件, 不是碎濕濕的, 炆得很入味4) 川椒龍鳳球 - 珍珠葉炸得很脆, 又不油膩, 雞炒得很滑5) 椒鹽白飯魚 - 炸得香脆6) 醉雞 - 雞很滑, 沒有骨, 但也沒有酒味7) 肉碎蠔仔粥 - 很大窩, 大概有七,八碗, 方魚很香, 蠔仔肥美, 粥底很鮮甜連兩罐汽水, 埋單七百九十九個大洋, 以吃潮菜來說, 並不便宜, 加上我們沒吃了甚麼名貴的餸菜, 其實很有點貴, 不過........話說回來, 在尖沙咀區找一個傾計食飯的地方實在不易, 食物 + 地方 + 招呼...... 這個價錢還是可以接受的。
continue reading
因為 book左位,所以唔駛點等~ 但坐得好迫,好彩佢比左卡位我地坐ja~睇睇 menu, 每樣餸都比以舊價貴左 $10以上~酸菜好好味~好開胃,我一個人都食哂一碟,but 一碟要成 $8蚊!左上: 川椒雞 - 好味,唔SPICY /$78左下:椒salt 鮮尤 -好香口,GOOD右上:老水三拼 -味道 OK / $118右下: 蠔餅 - 好脆,蠔鮮左上: 潮州炒面 /$78右上:薑汁蛋白海鮮炒飯 /$88 左下:水晶飽6隻 /$28
continue reading
看到評分有4分，評論又好，相片又正，冒名一試，怎知名不乎實。首先地點裝修一般，食物需然並不差，但只是比一般好少少，加上定價比同類貴了30%。總結有點羊牯的感覺！
continue reading
我爺爺係潮州人，爸爸同我係香港土生土長嘅潮州人， 但到我呢輩已經唔識講潮州話，亦不愛吃潮菜！ 今次飯局係一位尖沙咀工作嘅朋友推介，佢話<創潮樓>平之餘仲要好食！ 一行 6 人，正是單身派對嘅同枱 2 男 4 女組合。 由於朋友係熟客，酒樓方面預留一間貴賓房俾我哋； 房裡有兩張枱，冷氣溫度唔會太凍！還有一部電視機，正在播著日本地震群星賑災慈善活動。 雖然我哋坐房，但係侍應不時走入嚟為我哋換碟及收碟，服務幾好！ 由於有半枱朋友唔食牛肉，大致上菜色由呢位朋友發板，佢亦唔建議喺度食海鮮；所以呢餐絕對合大家口味！我不太記得所有菜色名稱，請見諒！功夫茶為潮州一種文化！尚未點菜之前，先有功夫茶，令大家清一清喉嚨！前菜有酸菜，酸菜灑上炸蒜粉，讓大家先醒胃一下！ 肉排春菜煲 呢道菜係好 common 嘅潮州菜，味道清淡！驟眼看好似一個加咗排骨嘅雜菜煲，以紅椒片作點綴，普普通通！排骨較嚡！似食緊湯渣！ 菜芯已變黃，食落比較腍！蒜頭炸過，十分香口！仲有白蘿蔔，夠腍夠入味！ 雜菌扒時蔬包括：靈芝菇、秀珍菇、草菇、冬菇、白菜仔。咸味恰到好處！ 呢道菜可算是健康之選！ 味道清淡！少油！草菇係罐頭貨色，淡味！ 冬菇用上鮮冬菇，相當腍尚算入味！至於，白菜仔煮得腍仍不失翠綠！呢碟係全枱最受歡迎嘅一道健康小菜！ 九肚南瓜烙起初打算叫煎蠔烙，恐怕有其他朋友唔食蠔，最後決定叫九肚南瓜烙。我呢個潮州人第一次食九肚南瓜烙，感覺清新！ 賣相不錯！煎得薄薄嘅一塊小薄餅，看似熱氣！又不太油膩！分開 8 片，方便大家夾嚟食！ 九肚魚又稱鼻涕魚， 白色滑潺潺， 魚骨透明軟腍腍！有時，媽咪會煮九肚魚粉絲煲，清清淡淡！講番九肚南瓜烙，九肚魚切絲，無味道；全靠潮州魚露調味。南瓜切絲，略帶微甜！蔥粒散發特有清香，全件確實不裕！ 上素太極羹侍應攞俾我哋望一望，幾大兜，趕不及影相！青白分明！做得好靚！ 侍應為我哋分碗上，以蛋白絲、菠菜攪碎，混合其中！味道濃郁！雖然係湯羹，但口感略似棉棉嘅粥。十分健康！值得一試！ 倉魚粥侍應為我哋分碗上，粥份量剛剛好！並不是平時食開爆米花嘅粥，而潮州粥係一粒粒飯， 感覺幾似湯飯。如果怕腥的話，千祈唔好叫！倉魚切幼絲，仍保持滑溜；以大量超幼、超長薑絲僻腥！ 仲有柴魚粒，增添惹味！ 鹵水鵝片拼大腸朋友極力推介呢度鹵水食物！ 做得相當出色！絕不馬虎！有鵝片、豬大腸、豆腐豆腐，另附上醋。上枱尚帶微暖！每樣夠入味！鹵水汁幾油！豬大腸成卷狀！將三件小豬腸放入一件豬大腸， 頗花功夫！真是一道功夫菜！我較少食動物內臟，食起嚟夠腍！可以接受！鵝片肉質嫩滑！份量不算少，以豆腐墊底，豆腐好滑，不試不可！唯獨豆腐份量少咗啲！玉蘭炒米粉以芥蘭、雞蛋絲、肉絲、蝦等材料，顏色配搭花上心思。 芥蘭莖切片再切開一半炒，雞蛋絲、肉絲、淡而無味兼有蝦腸嘅雪藏蝦。 米粉炒得夠乾身！感覺唔油膩！值得一讚！餐後侍應奉上功夫茶，香濃甘苦！好讓濃茶解膩！為呢餐潮式晚飯畫上完美句號。整體嚟講幾滿意，值得日後帶爸爸媽咪去！臨走去一去洗手間，女洗手間只有兩格，每格唔細，還有供應坐墊紙！鮮有酒樓洗手間見到！衛生程度可與大商場相比。
continue reading