奇蹟拉麵 (Closed)

屯門紅橋嘅奇跡拉麵，早排疫情嚴峻，新開了一段時間，想試但冇開，昨日終於食到。.今次揀咗原味和烏賊濃味拉麵。湯底算厚身，但唔算好濃味，筍幾好味，蔥再多啲就更好。味玉唔夠入味亦做唔到溏心，慢煮薄切叉燒食落軟嫩，亦食得到豚肉味唔錯，可惜只得一塊。而麵嘅份量略嫌少咗啲啲，女士可能剛好，但男士應該會唔夠飽。而烏賊濃味拉麵湯底跟原味一樣，但味道多了一個層次，比原味濃湯好一點。.性價比都ok，口痕想食碗唔錯嘅拉麵應該可以滿足到。

話說小弟都叫半個拉麵控 咁聽啲同道中人交流後 發現屯門有間拉麵店幾推介 咁就試試佢啦係門口等咗大約5分鐘就入座 雖然店舖麻雀雖小，五臟俱全枱面上有傳統拉麵店會提供既冰水 係啲大熱天時下 即刻飲返一兩杯消暑先 然後剔咗個推介拉麵一飲個湯 以小弟既味蕾應該係魚介豬骨 濃厚既湯底但不油膩 如果都覺得油膩 枱面有枝昆布醋 加少少會中和油膩尷既感覺麵底雖然嚟係至愛既博多細麵 但咬口都有嚼勁 唔錯 蛋既都做到有溏心效果 但小弟認為如果用上醬油漬效果會更佳

呢間拉麵店真係幾唔起眼，同無咩人講🙈但有日諗唔到食咩就試左，都唔錯😛🔸鴨胸拉麵 🍜呢個係1月限定款，湯底清甜，有淡淡鴨香味，鴨胸肉好滑！係第一次食鴨做湯底既拉麵，都幾有驚喜😗下次可以去試其他款口味😛📍#奇蹟拉麵 (#屯門美食)屯門新墟青桃徑3號安麗大廈地下15-16號舖

「因為老公無帳號，代佢出個食評」以下係我老公既體驗虹橋區一間新開的店，之前初試業時，已經有去食過，真心好前街既丸京。食拉麵好多年，我係好中意食拉麵，食過好多間，但都推介呢間，原因？因為佢地用心去，會聽食客意見調整食材，試過之前有一晚去食，佢拉左閘唔做生意，佢地唔係傳流東京老派，大大舊叉燒，咸到死既湯底，反而慢煮肉走清新路線，我覺得好好食，當然，份量同傳統底有分別，但其實真正拉麵，係預你飲埋D湯。其實我覺得份量都適中，岩岩好。近幾年好多拉麵都係慢煮派，不再絕對濃湯粗麵等等，但其實越薄既叉燒係越難整，但好多都整得好難食。食過幾次，雖然唔係每次都記得影相。今次推介兩款我愛既。一個係清湯醬油拉麵。(第一次）佢既流心蛋都幾好食架（第二次）佢地為求保溫效果更好，令麵更好食，專登搵日本碗，換過晒之前既碗，睇到佢地小小地方既用心，我好欣賞。(好味！！)前後食過兩次，一次係佢地初開鋪，醬油咸味重d, 之後佢地綜合過客人意見，就食材再調整，第二次 食，煥燃一新，清新得黎保留醬油味，魚介味 兩者好夾，我係醬油怪，我都好接受呢碗，無論你鍾唔鍾意醬油拉麵都好，都可以試下 。「追加叉燒肉」其中有一次係食原味濃拉麵

見到新日式拉麵店，近屋企，就決定去支持新店，奇蹟拉麵！兩個人，試食左一碗烏賊拉麵，一碗混麵，本來想叫埋餃子但宜家無賣…唔知遲啲有唔會有呢？整體味道唔錯，麵係幼麵，麵質比丸京好，夠硬夠彈牙！湯濃淡適中，唔會太杰，烏賊拉麵係有墨魚汁！另一碗混麵即係撈麵，加啲醋撈一撈幾清新，都幾好味！份量唔算大碗，唔會太飽我反而鐘意！應該會再食，下次想食原味，或者清湯醬油！環境方面，新店新裝修，算係乾淨光鮮！鋪面比較細得三張枱，一張四人枱兩張二人枱，唔知會唔會好似上一間咁門口/旁邊加開臨時枱…