Miso (Closed)

話說同行有人有AE卡，喺度食飯有半價😛六點半嚟到，想話walk in，已經得返最後兩個位😦唔訂枱其實真係好難搵位🤐Setting一邊有即刻整壽司，一邊即刻整鐵板燒，menu多野揀，啱哂貪心嘅人樣樣可以嗌。Menu太多頁不能盡錄，求其影一頁等大家有個概念呢度係咩價位，三文魚壽司索價$50一件...蟹籽沙律，蟹籽非常足料，一般食蟹籽沙律都係青瓜絲多，呢個係菜同埋洋蔥底，加個wasabi味嘅汁，個汁啱哂我口味，但洋蔥太多太辣，仲辣過個汁。帶子壽司，好少見日本餐廳menu會寫帶子？講返味道，刺身都新鮮有光澤，帶子同蝦都夠厚肉有咬口，滿意👍🏻btw呢度啲wasabi好嗆辣，不宜落太多。呢個好似係叫蒜香和牛薄燒？入面包住好多蔥花，個肉冇乜味咁，成個卷都偏油，啲油絕對係燒嘅時候落好多，因為完全冇肉燒出嚟嘅油香😕可以唔嗌🙅🏻鱈魚西京燒，食得鱈魚一定要肥、有油先至滑，口感係好，但味道頗咸，如果宜家我食緊set lunch有個白飯我諗我會覺得ok，但就咁食就麻麻地喇。仲嗌左個軟殻蟹手卷同埋冷蕎麥麵，手卷包得唔好，出現食左半個已經變左紫菜包飯嘅情況，蕎麥麵亦只係一般貨色。埋單$5xx，以地點、裝修、食物嚟講

是日大年初五，新年假期後嘅第一個business day。相信大家假期間主要都係食d傳統中式賀年食品，係時候需要清一下腸胃換個口味，很有先見之明，放假前就揀好lee間日本嘢。Miso係美心集團旗下嘅，至少唔會太差，又近近哋。無須等位就直接坐低，喺中環食12點lee個鐘數，提前book位是常識。😛本來想試鐵板燒，聽聞很不錯，但又想清清哋，最後揀咗刺身.大蝦天婦羅。其他同事選擇各不盡相同，比較多人選擇了大蝦+肉眼薄燒鐵板燒。還有其他人分別點了香蔥免治拖羅飯、刺身.鱈魚西京燒，還少不了錦繡魚生飯，都是各有千秋的定食。環境不算太吵，各種飯局均適合。但是有鐵板燒的關係，會瀰漫著燒物的油煙味，外套難免會吸味喔～

中環美食林立，今晚放工就去就腳嘅Jardine House 享用晚餐 常黎呢度既原因係鐘意呢度環境有情調，D位夠哂spacious ，可以同朋友慢慢長夜傾計飲野食飯。 唔洗行上soho山咁遠又方便之後食完飯返屋企去香港站同中環站嘅 我與他雖然呢度menu上嘅價錢唔平，但係如果有AE 2個人黎有半價就抵好多㗎啦今晚我地半價佰幾蚊一個人咋今晚點咗呢度馳名嘅「銀雪魚西京燒」Order 西京燒配上一碗濃郁嘅Miso Soup另外呢度嘅鐵板燒同串燒都唔錯，而鐘意食鵝肝嘅我地就點咗 「鵝肝鐵板炒飯」第三個main就點咗「雜錦鍋仔烏冬」今夜另一小插曲就係我哋坐低後，侍應問我哋介唔介意調枱，由於我哋未開始用餐，所以就答應調咗，餐廳侍應都好好咁送咗雪糕俾我哋食

今晚有一個好朋友同我食飯。佢識揀呀。揀左揀咗呢間餐廳。本人幾鍾意呢間餐廳。因為地點都幾好，近地鐵。今日簡單啲點左啲刺身,沙律，海膽手卷同埋美味嘅甜品。sashimi沙律個汁Ok。d魚生有相睇。一睇都知，新鮮同好味。尤其是佢果兩塊肥嘟嘟嘅吞拿魚腩刺身，入口即溶。啲油係個口裡面，簡直美味無窮。同埋嗰個海膽手卷，真係幾好味架。脆脆嘅紫菜包住好鮮甜嘅海膽，同埋啲青瓜仲有少少飯一擺入口食，嗰個感覺簡直正。最後真係要介紹一下佢嗰個甜品-椰子布甸。個椰子味布甸香又有椰子味，仲有國椰子肉，簡直係好味過甜糖水店嗰啲。

Deep fried pork with egg rice but the pork was soul. Apparently, the meat was not handled properly. Then I asked them to change to eel rice and it's also disappointing. Regardless of the price, I don't think such kind of food shall be served to customers

第一次用信用卡半價優惠食日本菜！ 位置方便，坐地鐵行5分鐘就到！餐廳環境比較暗，上落樓梯要小心d,比較多梯級！燒鱈魚： 魚肉厚身及肉質很滑！鹽燒雞翼： 都係好大件，不過比較油及口味略淡香蔥吞拿魚蓉卷：比其他餐廳的卷較大，好味！散點刺身： 吞拿魚、油甘魚、海膽吞拿魚必點！入口即溶！ 海膽零腥味！鮮味！油甘魚就一般，其他日本餐廳都食到呢種質素牛柳他他： 必點！醬汁加生洋蔥的配搭令人大口大口咁食！壽喜燒： 普通。仲以為係火鍋上自己慢慢淥，點知係一鍋上。原本都夠飽，不過見到好多食評都話椰子布甸紅豆雪糕必點，所以叫左一個試下。果然冇錯！全晚最好味最有驚喜就係呢樣！記住挑埋椰子肉+布甸+紅豆雪糕一啖咁食，正！總括來講，想搵間有情調的餐廳可以一試，不過要準備定銀包啦！

結婚紀念日本來打算到置地廣場的Cafe Landmark慶祝，但哪兒的服務實在太差，一杯清水15分鐘也未能送到，再追問時還看到侍應在一邊跟另一個侍應訴說客人的不是，而不是立即處理客人的需要，因此我先生一怒之下就到這間日本菜慶祝。這間日本菜之前已經試過很多次，質素也比夠穩定。首先我們叫了壽司拼盤，魚生也是比較新鮮，質素依然保持水準。蘆筍炒雜菇，雖然蘆筍的份量比較少一點但是炒出來的味道也是很香，菇跟蘆筍也十分嫩。芥末焗生蠔，這個真的十分美味，生蠔焗得剛剛好，不會過火，再加上芥茉醬不太辣的味道，令這道菜更加突出。鐵板澳洲和牛，一般澳洲和牛都比較沒有那麼濃的牛味道，但是今次的澳洲和牛的味道十分香濃，油脂也不算太多，不會吃到一口也是油，但肉質依然十分嫩。窩燒雜錦烏冬，有大大隻炸蝦、一隻剛好的太陽蛋及大大片牛肉，烏冬份量也不算少，兩人分剛剛好，烏冬彈牙，蝦都算有甜味，牛肉就相當嫩滑。最後再加多一個炸軟殼蟹手卷，軟殼蟹是新鮮炸的，十分香脆再加上蟹子，真的非常美味。這裏的價錢屬中上，但出品比較穩定，所以是一間可以信賴的日本餐廳。

琴晚去咗一間我好鍾意嘅餐廳 － Miso去係因為要告別將credit card，會少咗機會食，所以點都要食多次。呢度真係唔知食過幾多次，不過食幾多次都仲會好鍾意食，因為呢度有兩樣嘢真係好好好好好食第一樣係 鐵板炒飯第二樣係 焗椰子布甸呢度嘅鐵板炒飯，無論係海膽炒飯，鵝肝炒飯，定係蒜片牛肉粒炒飯都係咁好食，基於我一晚真係無可能一次過食晒三個炒飯，所以就淨係食咗海膽炒飯同牛肉粒炒飯，然後就另外叫一件鐵板燒鵝肝～～～呢度嘅炒飯非常之高質素，飯係炒到粒粒分明，非常乾身，又唔油，真係好正～～～～雖然兩個炒飯睇落好似差唔多樣，但係佢哋嘅香味真係唔同，各有特色，海膽炒飯味道比較輕，唔會蓋過海膽味，至於牛肉炒飯味道就香濃好多，好香蒜味同黑椒味，真係好惹味。燒牛脷串－唔算特別好食，不過都好食嘅，但係一啲串燒屋可能會仲好食，我始終覺得呢度係燒得唔夠乾。鐵板燒銀雪魚，魚皮非常之香脆，魚非常之滑 同非常之juicy。不過個青豆蓉就無以前咁好食。呢度嘅甜品又係無得彈，今次經過慎重考慮之下，揀咗抹茶奶凍，同我嘅最愛焗椰子布甸。抹茶奶凍，好食，不過食完70%抹茶雪糕嘅我，我覺得抹茶味好似唔算好濃，不過都好有味，個紅

第二次光顧Miso , 老實說今回有點失望。今次order了，枝豆，銀雪魚，澳洲和牛，帶子，海鮮烏冬，炒雜菜，脆脆冷豆腐。好好奇，冷豆腐是如何脆脆的，菜一端上，謎底解開，原來是天付羅炸粉醬脆粒伴豆腐加上日式汁。炒雜菜和枝豆，好快便上了，沒有問題，亦幾大碗。由於當晚實在太多人叫鐵板燒的關係，銀雪魚，澳洲和牛，帶子等了九個字才到，而和牛最出奇的地方是我們order 8成熟，內裡竟然是凍的，而且滲出血水定價高卻把守不到質素，叫人失望。反映之後換了一份，這次好了，起碼是暖的。銀雪魚，帶子也是普通，沒有太大驚喜。鐵板燒的食物上來也是微暖，這點實在摸不著頭腦，海鮮烏冬比它們還熱。海鮮烏冬是全餐飯中最滿意的，有中蝦，三文魚，湯夠熱，烏冬也帶點彈牙。份量足夠两人分享

琴日打嚟Miso book位，原來間野都幾full，所以只係可以坐壽司bar， book左12點半，已經好多人，睇吓個set Menu，餐牌普遍既set lunch約二百蚊樓上，最後叫左刺身•鱈魚西京燒定食，配埋面豉湯。刺身每款兩片，有三文魚、北寄貝等等，非常鮮甜好味，值得叫的，鱈魚西京燒反而等得有點耐，上到枱都熱騰騰的，味道非常入味，鱈魚肉質鮮美，一set約二百二蚊，間中一試都唔錯！

由於家人有AE卡能有半價優惠，所以便試試這一間，看了評語大都說不錯很好食等，便抱著期待的心情來到，首先我們先訂了位，所以一來到便可以入座了，一入到餐廳，見到有個水池，裝潢不錯，但二人座有點小，食物都放不下了。首先來了刺身拼盤，老實說，日本菜的刺身新鮮是必須的吧，不新鮮又怎可以放上餐枱給客人呢，然後來了鵝肝，鵝肝入口即化，但其實高級小小的鵝肝都應有此口感，再來羊架，羊架是一般的半生熟，味道和口感也是正常應該有的，這三樣也沒甚麼驚喜可言，到了他他牛，之前看別人的食評都說好好食，賣相也不錯，但當我看到自己枱上那碟他他牛時，我已經感覺它算不上「好好食」，因為看上去已經知道煮得太過熟了，一入口好「銀」，真的太老了，很失望，到了蟹粥，是很鮮甜，但同時很重的味精味，吃完後要喝很多水，到了甜品心太軟，心太軟的火喉和時間都掌握得很好，朱古力醬入口不粘喉嚨，這是必須用好的朱古力才能做到，這頓飯總算有樣菜是滿意的了，但老實說，如果不是有半價，我不會來這餐廳，經過這次後，我也不會想來第二次，值得一讚的是，侍應們每一位的態度和服務都很好👍🏻

Miso 是美心集團旗下的日式餐廳，剛好朋友的信用卡有半價優惠，一試無妨。壽司拼盤款式都是經常會吃到的，沒有太大驚喜，勝在夠新鮮，三文魚肥美，吞拿魚嫩滑無筋，蝦鮮甜，壽司飯不會一夾就散。刺身拼盤跟壽司拼盤一樣新鮮，全冇魚腥味，而且全是厚切，分量十足，只是兩個拼盤都沒有海膽，有點失望。鐵板燒澳洲和牛粒看上去半生熟，應該口感不錯，可是有少少韌，牛肉味濃多汁。鐵板燒燒銀雪魚(忘記影相)只可以一個字來形容，滑！味道偏甜 壽司及刺身都鮮美，可也並非特別回味，正價實在太貴，如果不是半價，想來也不會選擇。

有amex張食野卡就唔可以唔去d間miso食二人半價餐, 因為半價左就抵食同埋兩個人可以嗌多d野食丫麻! 以前成日去miso食晚餐, 晚飯時間過左7點通常都要等, 所以最好當日5點前打去book定位. 我覺得miso雖然野食係好食, 不過服務唔多掂, d waiter個個行黎行去但成日等三四個經過舉到手軟先有人肯同你落單...每次都叫鍋燒烏冬, 因為個烏冬好彈牙, 個天婦羅蝦冇咩特別, 蛋同肥牛好食, 湯底好多MSG就預左架喇所以豪俾佢啦海鮮鍋反而冇我想像中咁抵食, 一大個煲好多都係菜, 蝦蟹係新鮮既炸蠔好好食, 炸得好脆卜卜但唔覺得太油膩, 個外層薄入面隻蠔好大隻下架, 好食好食我最中意最中意最中意既miso菜式就係d個coconut pudding, 好食到有時我係地間食到好飽都要入去miso淨係食個pudding, 個容器本身就係個椰子bb, 椰子肉係入面係用匙更貼住個殼邊連住椰子肉筆埋d布甸一次過食, 個紅豆雪糕好食好creamy, 食哂之後我通常會繼續食埋d椰子肉, 我覺得d個甜品好健康!

miso d set lunch選擇頗多，今天挑選了鐵板燒定食 $225+10%先來有野菜沙律和miso soup野菜新鮮，miso soup不夠熱，只是暖暖的，不夠好喝三選二我選了三文魚和大蝦 （另外也可選肉眼薄燒）三文魚肉質頗嫩 大蝦燒得很滋味 燒得很香口還有一個炒飯 飯炒得粒粒分明 很香口 不過其實我唔夠飽

I was at Jardine House this afternoon to see my dentist and was more than happy to report that the routine check-up went surprisingly well. No root canal this time!Now that my teeth have proven to be in excellent shape (I believe it's a little rare), I decided to have a little celebration dinner nearby. And since I haven't had teppanyaki for a while, Miso at the basement of the building immediately came to mind.It's been almost a decade since I last visited Miso here at Jardine House. Yes almost