瀰月屋 (Closed)

同朋友食完生日飯意遊未盡，心血來潮想食糖水行過活方記得有間同事說過D日式甜品幾得的食店，同老公兩個就行左入去好野以為個場無咩人啦，點知都有十多人在店門外等中！不過一D都唔悶，店外有D得意野可以影下相，又等下等下，咁就到我地2個啦！睇下menu先，有好多都不明是mud東東???有個好好既侍應妹妹，解說了兩款幾好的果子！我好like佢解說囉，佢話卡通片中見到一串串三個色的年糕，就係果D啦！叮明晒！成件事可愛左十倍，我真係覺得我就是小丸子law!hahahah先來個月錦果饌真係果凍五粒，賣相不太特別。不過好like佢用呢款叉！有草苺味，巨峰，蘋果。。。。忘了清甜又有煙煙靱靱，都不錯！一口氣食晒！另一款都等了成十幾分鐘 燒丸子來啦！真是同卡通片一樣ga! 面有糖燒過，使到丸子有D脆口，入面D年糕煙煙靱靱，熱熱地！點D紅豆醬，將粒丸子成為紅豆丸子。都係一口氣食晒！埋單看來有D貴，不過有得玩有得食，都OK啦！

朋友的推介~我地一行3人在平日下午黎到~~ 成間店都冇客人! 我地任揀位坐~~ 哈哈梗係坐最有特式的tatami 啦!!! 我地睇完個餐牌都唔係好知即係食d 乜~所以就問店員, 佢都好有心機咁介紹俾我地!最後叫左宇治醬抹奶酪燒, 葛軟磁-荔枝+黑糖味同埋花見丸子宇治醬抹奶酪燒我覺得呢個奶酪燒麻麻地....... 個好似格仔餅的東西好硬.... 好難咬呀!!! 葛軟磁-荔枝+黑糖味呢個好味~~ 好o岩夏天食~ 凍凍地的葛軟磁, 好似蒟蒻咁~~ 可以點綠茶粉同黃豆粉~~ 不過一個人會食唔哂呀!! 食食下好飽~~花見丸子3枝串燒三兄弟咁~~ haha 其實係3隻唔同色的湯丸咁點紅豆醬食~~~ (好似可以揀芝麻醬)不過我地大家都覺得白色o個粒好硬! 同埋覺得大部份都比較甜~食完好想飲水!

以前係天后時已經好出名....係尖沙咀開新鋪就梗係去試試!!!order最有名既apple pie,等左好耐...因為係即焗既,大約15-20mins!!!一上台真係勁勁勁香!!!!蘋果同個"so"皮味真係好似好正!!!!連平時完全吾食apple pie既我都心動!!!切開，裏面係有CUSTARD的！！點知一試............................十分失望味道普通到不得了!!!跟本一切開，個"so"皮同個果肉就分開晒......爛晒一樣一Ｄ都吾好食莫講話有咩特別......................可能期望太高啦!!!真心覺得無咩特別.....

同友人都係鍾愛咽UN口感, 上網見到瀰月屋既丸子好吸引, 馬上要黎試試ORDER左丸子同蘋果批丸子要選擇配醬(紅豆/芝麻), 我地要左紅豆, 如果上埋芝士會更好丸子微甜, 加上芝麻同紅豆, 口感滿分!等左好耐...因為第一個焗燶左,唔緊要!!最緊要味道搭夠 賣相好靚, 香脆酥皮外層, 中間蘋果肉唔會好硬, 正合我心意加上裏面既CUSTARD更好味估唔到蘋果焗熟又幾好味一定會ENCORE

真係要讚一讚佢既裝修真係幾有日式風味眼見有地道日本人去食相信風評應該唔錯口感幾有趣有少少糯米糰同芋園既FEEL加上黑糖比較清淡加少少抹茶粉就好好味喇食落口酸酸甜甜咁不過我就食唔出有幾多士多啤梨既味道賣相方面真係唔錯聽朋友講之前並唔係配米通可能咁O岩無哂貨啦嗯~普普通通之作上OPENRICE見咁多人讚好諗住叫黎試吓點知就中伏喇之前有人話D蘋果硬…佢今次真係軟到呢…真係有少少核突既感覺…除左外面層酥皮外真係完全唔掂…如果大家想食吓氣氛貪得意既可以去吓至於D野好唔好食就真係要試過先知我相信佢有部份野食係唔錯亦都見佢地擺唔少心機只係……真係有待改進囉…

約左朋友喺尖沙咀食飯早左到，本來諗住去Starbuck飲杯野等，但諗諗吓咁多人，不如去之前嗰間瀰月屋食住甜品等。點知失望而回！今次因為得一個人，所以想單叫一個甜品試，點知好多樣喺Meun既野都話無最終叫左個綠茶燒奶酪，其實係一個綠茶芝士醬配窩夫食。個醬得一個迷你雪糕球咁大，芝士同綠茶味都唔特出！仲有嗰6塊窩夫，迷你size都無所謂喇，實地似餅乾，好鬼硬，一啲都唔脆。絶對相信係現貨成三十幾近四十蚊的一個甜品，雖然話物價高漲，但都俾啲誠意。去附近知名餅店食件Cake 好過

一直都想去瀰月屋試下日式和果子, 不過就係提唔起勁專登去北角試.星期六去行街時無意中俾我見到原來尖沙咀都開左分店, 更係要來試下.餐牌只得字完全無圖片對我來講都幾困難.最後選左個一人拚盤 ~ 瀰月三色當中有一個湯果子我選左甘栗, 茶巾同葛軟滋.其實單睇名字完全估唔到係咩來.等左一陣一小盤既甜品就來, 賣相已經好吸引好精緻!湯果子有得選凍/熱, 夏天更係選凍啦, 初時仲會想像係好似港式糖水如栗子糊... 估唔到係一個好似清水加幾粒栗子, 睇樣就覺得唔好食..不過有時真係唔可以睇樣這一個湯果子好特別個甜湯唔算太甜內裡應該加左梅去煮所以帶少少酸酸地, 成個甜湯最失敗係甘栗, 栗子只不過係本土貨式煮得唔夠淋偏硬.葛軟滋味道同賣相都似台灣既羊羹, 配上黃豆粉一起食都唔錯, 清甜!最後茶巾用左二款既蕃薯打成蓉而成, 應該沒有加糖所以只食得到淡淡既蕃薯味道唔錯.環境都唔錯, 可能商場人流少店又係商場既角位, 地方都幾大, 店有榻榻米或木椅坐位選擇

這店在天后時，有好多傳媒介紹，我已經好想去試一試。但天后始終對我嚟講太遠喇！近日朋友話我知尖沙咀開左分店，所以即刻去試下啦！這裏的環境同其他食店唔同，無實在的門口。但佈置真係好有日本feel。我同朋友三人叫左個瀰月三色及茶巾瀰月三色有湯菓子、葛軟糍、茶巾，湯菓子揀左紫薯糖水的紫薯唔係好淋，相信係想保持賣相，鍾意他們細心的將薑汁分開，客人可因自己口味而加多加少，個人覺得凍湯味道配埋薑汁啱啱好，唔會太甜。另外第一次食葛軟糍，有黑糖味及原味，醮上黃豆粉吃，質感爽口煙韌，好好味！夏天食啱食，好過食啫哩。茶巾係兩種甜薯，外表好靚，薯味重，亦唔會太甜，食得出是薯本身的甜味。如果同朋友食完飯嚟座吓都唔錯，食物味道唔錯，但個人覺得真係唔係好抵.

一個超級難忘的經歷，真係念唔到差到咁。女友各種甜品食了一啖就扁嘴但食物九流全場只有一位小姐做招呼和收錢埋單一共 $124個大洋，但連一杯水喉水都冇賣相非常唔惦，失卻了日本菜應有的風格。衰過一般的甜品館，睇到都唔想食。這個經典，可以從四款甜品醬中選擇三種 (焦糖、紅豆、黑芝麻或杏汁)。燉蛋完全唔掂，沒有 vanilla 的味道 (連香精都慳返) 和不夠滑，最大煲係D紅豆蓉變了都唔知道，照賣...只是一個包了酥皮的去皮蘋果和少許 pastry cream，內裹甚麼味道也沒有，而且蘋果很硬

本來開心食完生日飯，搵個地方食下甜品傾下，但換來非常失望，d食物完全唔得，真係言語難以形容 叫左個醬抹奶酪燒只係幾塊餅乾(仲要係可以係supermarket可以買到既包裝餅乾)加一pat無抹茶味既醬，要$38而朋友仔叫嘅烤團團，等左15分鐘，以為會好正，點知同擦膠一樣總之中伏啦!!!!!!!!!!!!!!!!!!!!!!!!!!!!!!唯一ok嘅地方係個decoration law

其實想來這裡很久了但一直冇機會原本是去天后分店的但因沒有開店所以就去左尖沙咀這裡很有日本風情令我好像在從前的日本由於友人覺得open所以就沒有選這裡我們叫了兩個定食分別是白月三色及瀰月三色當中有個甜湯裡面有山藥好好味呀每款三樣燒丸子甜甜地幾好味豆腐很有抹茶味但友人超不喜歡所以我ko了福餅也滿好吃工作人員很nice教導我們呢希望可以有機會再去啦

二月廿六日(星期日)久聞瀰月屋大名好一段日子，總是沒有抽身前往在尖沙咀開了分店，更大更就腳，以做日式傳統甜品為賣點，看過網友食評，知道店子裝潢很有日本懷舊風味，更加吸引我們決要一試!是日三時許，店子剛開門不久，人不多先看看環境坐下，心一直想著那出名的蘋果批，誰知店員告知暫缺唯有再看看餐牌，想試多種款式，店員介紹了白月三色一人前其實包含了多款甜點包括燒丸子伴芝麻醬,紅豆宇治豆腐和褔餅顏色鮮艷奪目，有紫色和白色兩種先用火槍將丸子輕輕燒了一會，面層帶點點焦脆吃下去，口感煙韌，但吃不出兩種顏色的丸子在味道上之分別點上芝麻醬吃，效果會更佳芝麻醬很香濃，比芝麻糊稠，應該說是芝麻膏吧!塗不完，單吃芝麻醬也很滿意芒果茘枝褔餅感覺滑溜，入口彈牙，味道鮮甜不做作無論是芒果或是茘枝味，味道也十分清新，很有吃生果的感覺紅豆宇治豆腐豆腐質地不太滑，吃落有點實豆腐黃豆味豐，紅豆和抺茶兩者都味道突出，唯口感有進步空間店子由裝修至食物都有日本特色掛著日本的朋友們可在此望梅止渴

雜誌報紙電視經常見到它的出現，無奈..天后太遠，人太多，失去了那股去的衝動。新開的尖沙咀店，雖然位於人流極少的Woodhouse，但總比過海好。一場來到，叫了燒丸子，顏色夠鮮豔，未食已經先興奮，食落煙煙韌韌，可以蘸上炒黑白芝麻或紅豆蓉，個人是偏愛芝麻的。另外，叫了期間限定的士多啤梨大福，粉紅色的賣相很girlish，包著紅豆蓉和原粒士多啤梨，食落感覺酸酸甜甜，好過癮。見隔雜台有燒紫薯和蘋果批，仲有一個綠色正方形的東東，賣相好吸引，可惜已食不落了.. 唯有下次再試。一間唔只得裝潢的甜品店，價錢亦算合理，難怪天后店人氣如此旺盛，但願在Woodhouse也能夠保持這一貫水準吧!

在天后的日式和子店瀰月屋，最近來到尖沙咀的活方商場內開設分店。老實說，只來過這商場數次，因為它的地理位置比較差，要找餐廳吃飯，附近有較大型的國際廣場或K11，想吃甚麼菜式也有不少選舉。加上活方商場內商店不多，絕不會貿貿然進內。這夜跟食友吃過開年飯，大家想拎合想找個地方吃甜點，便提議來到瀰月屋。瀰月屋位於商場的角落，來到門前，右邊是一排榻榻米座位，感覺比天后店的更寬敞。往內走，有多張木桌木椅，地方的確較大較舒適。而裝飾佈置，同樣充滿懷舊氣息，貼了不少舊海報及和風貼紙。一行多人，點了數款甜點共同分享，先是黑糖味葛軟滋，原想吃冬日限定的冬梅味，可惜已經售罄。正方粒的葛軟滋，$38，帶少許半透明，口感煙韌，配上抹茶粉，可按自己的喜好沾來吃。微微甘苦的抹茶粉與香甜的黑糖味也很相配，個人也挺愛吃。燒丸子，$38，熱烘烘的丸子表面充滿油光，一串三粒，紫白兩色相間著，外層燒得微微焦脆，入口煙韌軟糯，韌性比葛軟淺的高。單獨的吃丸子沒有甚麼味道，附上的有芝麻醬點來吃，但味道酸酸的，有點奇怪，芝麻味亦不夠香濃，個人不太愛。雲米花爆谷，點了店員推介的咖哩味，$35。黃色的爆谷，入口不夠香脆，有點軟稔，但帶著

原來已經是前年的事了，記得 2010 年尾當位於天后的本店開幕時，瀰月屋的確引起了一眾甜魔的注意，可是當各人蜂湧而至品嚐後，評價卻不如期望，因而令自己有所卻步，加上地理上的先天性缺點，雖然店內環境的確吸引，但也未能挑起我到訪的意慾。到了最近從報章上得知，瀰月屋在尖沙咀開了分店，對住在九龍區的「檸茶」來說簡直是個大喜訊啊！瀰月屋的尖沙咀分店選址活方這個翻新形象後卻仍然未能改善人氣的商場，除了蘭芳園和自家烏冬較有人氣外，其他商店都缺乏人流，瀰月屋的進駐很可能會對這個商場增添一些活力。從商場正門一直往前走，走到盡頭右轉，再一直往前走到盡頭，經過自家烏冬和蘭芳園後，整個範圍便屬於瀰月屋了。首先見到的是該店的特色座位之一 － 榻榻米，再往內進便是專為不想脫鞋顧客而設的普通圓椅座位，同時包括兩個半開放的榻榻米房間，方便喜歡少許私隱度的顧客。到訪瀰月屋，當然不少得店內充滿和風的懷舊佈置，顧客們定必拿起相機和手機拍照一番，但可能礙於圖則和裝修的規限，整體環境並不及天后本店來得全神，未能令顧客有仿如置身日本的感覺。餐單早已被店方放置在每一張檯上，假如想要一張新的餐單作為留念，當然可以從掛在木柱上的那疊餐