水木日本料理 (Closed)

網上預約12:00 一點餐 幾乎由前菜沙律 小食雞腎，主菜刺身拼盤$248 , 茶碗蒸及麵豉湯 所有食物一次過上齊 朋友點了銀鱈魚餐 都係等左好短時間便上菜 出菜速度實在超快食物新鮮 非常好 但到13:00 後 幾乎坐滿人 已經嘈到聽唔到朋友講咩 如果要傾公事 未必適合 嘈到好想離開但如果要吃好的 又想多元化同抵食 呢度就好啱

今次介紹呢間位於灣仔The Phoenix 2樓嘅一間日本餐廳，餐廳嘅裝修都好日式和風，乾淨企理，俾人一種好舒服嘅感覺。飯枱亦都好闊落坐得好舒服。🎑呢一間嘅午餐選擇都幾多🍱，今次就試吓其中一個壽司定食嘅lunch set$228，一共有八件時令嘅壽司🍣，同六件小卷，亦都配有和風沙律、小菜、麵豉湯、茶碗蒸同埋日式湯烏冬，🥹🥹另外仲有跟甜品，咖啡或茶。其實我覺得喺灣仔食lunch，呢一個價錢有咁豐富嘅日式料理食物，都算唔錯。🔆🍣🍣壽司嘅飯軟硬適中，亦都唔會一夾就散開，魚生亦都好新鮮，每一件都好甜美呀，其中我最鍾意食嘅係佢嘅海膽壽司帶子壽司同埋吞拿魚壽司。每一件都好肥美，口感入口即溶，我真係每一件都食得好慢🤣🤣🤣👍🏻🍜烏冬、前菜、麵豉湯都正常發揮，而茶碗蒸味道調校得幾好，口感都幾滑，最後仲有個抹茶布甸，食得太快所以冇影到晒。最後提提你，如果有興趣去食呢一間餐廳的話，記得要打電話去book定枱📲，因為始終灣仔食晏周圍都好full🫶🏻

在日藉友人的高度推介下，嘗試到訪了位於灣仔的水木日本料理，餐廳一入到去的感覺是時尚典雅集於一身. 小食先來富山寶石蝦，白蝦是活著的時候近乎透明但是帶著粉紅的光澤，死了以後肉身會變白色，肉身是白色的，吃起來鮮甘甜. 刺身拼盤由廚師推介，有時令肥美生蠔（令和の怪物）、大拖、油甘、海膽及赤貝，除咗正正正就諗唔到可以點形容. 鐵板龍蝦，汁多味鮮. 再用龍蝦頭煮味噌湯，家鄉情懷滿滿，美味い😋 真心多謝友人盛意的推介

之前嚟過一次，當時朋友推介嗰款水木便當，話個定食好大座好震撼。但係店員當時話要預約落order先有，而且每日限量十份，我地order得太遲所以試唔到，失望而回……今次再有機會嚟，所以一早打上去order水木定食，點知接線生話唔需要pre order，到時上去嗌就得。我心諗”唔係呀嘛"，但係佢講到咁樣我都冇辦法啦，唯有去到先order啦……最後上到去又order到喎，真係唔知佢地搞邊科 =.=可能係灣仔區餐廳食午飯既通病，上到去好多客人但係侍應人手不足。建議諗曬成枱嘅order先至叫侍應，唔好為難人地。水木便當上菜時真係幾大坐嘢，不過老實講，佢咁大座都係因為將啲食物一層層疊起來，到最後食嘅時候咪又係攤開嚟擺喺枱面，雖然個賣相又真係幾好嘅，起碼有人記得。呢度嘅食物平均都係中上嘅日本餐嘅質素，魚生好鮮味，壽司飯調味都唔錯，天婦羅又炸得脆。基本上食物方面都係不過不失，對得住個價錢嘅。另外，每樣食物份量都唔會太多，打工仔做嘢做到好攰喺度食午餐都會幾開心，又唔怕飯氣攻心。以灣仔眾多要排隊嘅餐廳當中，佢算係性價比唔錯嘅選擇，只係員工唔係幾夠人，服務冇跟到咁貼。見到啲員工全部都咁頻撲其實應該考慮加人手

已幫襯左水木好幾年,由舊鋪搬到依家新鋪都一直保持到,新鋪環境更舒適,坐得舒服,新鋪既PRIVATE ROOM比舊鋪更大更寬闊,最岩同一大班朋友聚聚.講番今次HAPPY FRIDAY同朋友黎食晚飯,一定唔少得既就係刺身壽司,叫左個刺身拼盤同鯛魚刺身,每件都新鮮肥美,而我最LIKE個鮟鱇魚肝,極開胃. 牡丹蝦好鮮甜!師傅會將蝦頭炸好,之後分開上.香脆可口(掛著食忘記影相..)今晚亦幾左幾款熱食,佢地既天婦羅,炸得剛剛好,蝦身極之JUICY.每次黎到都一定會叫既.再來一客燒鰻魚,入口即溶,超好食!!朋友們都勁讚佢地既壽司有水準,飯量剛剛好,灸燒三文魚大大件.最後來件日本蜜瓜作總結,大滿足既一晚! 

由於是熟人介紹，set 咗budget後由廚師直接發板，先來北海道薯蓉配留心蛋，薯蓉味濃加上蛋味甘香，酸酸甜甜，是一道別有心意的道開胃菜.刺身則有原條馬面魨 +矜貴黑鯥，魚肉彈牙鮮甜；有著天然的清甜滋味每日推介有清蒸日本響螺，味鮮Q彈.煮物有日式高湯鹿兒島A4和牛卷，牛味香濃而不膩.燒物是立鱗燒，酥香清脆，魚鮮滿滿.最後店主送上靜崗蜜瓜作為完美的終結

日の美食疫情雖然放援，但周圍都未飛得呀，好好想食高質日本料理，於是在旅居日本多年的友人介紹下去咗位於灣仔的水木日本料理. 餐廳設計時尚雅緻，感覺舒服，卸除了一天繁忙工作下的壓力. 今次訂了獨立包間，空間感大，6個人都鬆動自如，毫無壓迫咁，正😄

性比價高的日本料理限聚令放寬即刻相約朋友到日本餐廳聚餐已解鄉愁. 水木日本料理地方寬敞，壽司師傅為資深大廚，雖然是港人但擁有已超過20年料理經驗，在他推薦下我們嘗試了原條赤鯥，根據師傅所述 赤鯥. アカムツ. Akamutsu 旬：夏，秋深海魚的一種；由於口內呈現黑色，俗稱「喉黑魚」屬高級白身魚；脂肪充足，帶有甜味，有「白身魚肉中的toro」之稱可以刺身、炙燒、握壽司、燒烤. 我們接受師傅建議原條刺身上. 原汁原味，一個字 正 ！前菜三點全是日本地道小食，全都是不常見到的，小食有宮崎豚肉腸，汁多味鮮，外脆內軟有齊，主食有原條鹽燒豈知次，鮮味滿滿，成條都唔使$1000比起大酒店平1/3有多，所以話性比價高. 食完鄉愁全解，幸福滿滿

今晚同朋友去呢間日本餐廳食飯，首先叫咗個鱈魚片，重有我至愛嘅燒雞泡魚乾。飲咗個推介靚湯 - 立魚湯，呢個湯認真鮮味😋😋之後嚟咗個生蠔 （令和の怪物）好鬼大隻，又鮮甜，下次一定要再食過。跟著食咗個店長推介： 燒黑鷂魚 = 魔鬼魚面頰。香口的脆皮，軟骨位置又極富咬口，脆嫩彈滑，充滿骨膠原的黏身可口感覺。之後再嚟就時令壽司🍣，真係好靚好正。最後食埋個野菜和牛卷，真係食到舔舔脷，好豐富嘅一餐😋😋。好想去食埋甜品，但真係食唔落啦。

友人生日，在日本人上司的建議下去了位於灣仔的水木日本料理食晚飯慶祝. 呢度環境寬敞舒適，在部長的推介下先來一道北海道薯蓉流心蛋，賣相精緻不在話下，餐廳不惜成本用上三四倍價錢的正宗北海道薯仔及日本雞蛋，薯味濃郁加上特製配料配以胡麻醬，入口即融的薯蓉配上濃郁流心蛋，蛋白香味出奇的留在口腔中。原以為先來薯蓉加流心蛋會滯，意外的鮮甜加小小酸味，極之開胃。Encore左😋 刺身拼盤有馬糞海膽、大拖、帶子、油甘、深池. 馬冀海膽。賣相已經冇得輸，海膽鮮甜可口，全部刺身均入口即溶，齒頰留香.店家知道我們是慶祝友人生日，主動免費加大份量，好窩心👍🏻 炸物推介：日本海鮮豆腐唐揚，材料選用日本絹豆腐配以鮮蝦及秘製配料，再加溥漿脆炸，豆味濃郁兼起爽彈 廚師推介有立鱗燒：帶鱗而烹，別有風味。魚塊上的鱗片高高豎立，如花般綻放，酥香清脆；皮脂 Q 彈，有韌勁；魚肉柔嫩細滑，鮮美無比. 不能缺少的串燒，日本銀杏、薩摩雞翼、黑豚芝士年糕串，全部日本原產直送、味覺滿溢. 最後的食物推介是該店老闆家鄉秘製三文魚頭湯配三文魚燒飯團、色香味俱全，為這個生日宴配上完美句號。 此次疫後飯聚，滿足曬舌尖上的樂趣。感謝

集時尚典雅一身的水木日本料理，坐喺大吧枱前，一邊睇住師傅料理、一邊同師傅閒聊交流，為你度身揀選當日新鮮魚材。 前菜秘製醬汁長芋清甜開胃。今次師傅推介北海道紫海膽，紫海膽色澤為黃色，味道甘甜而帶有香氣，口感幼滑而略帶黏稠；大拖羅，肥而不膩入口即溶；北寄貝、爽甜脆；深海池魚/油甘魚/牡丹蝦，脆口清甜；金目鯛，經輕輕炙後，魚味香濃，入口回甘再來磯煮鮑魚，肉質鮮嫩彈牙，又可讓濃郁的湯汁裹住鮑魚，是夏日必備的下酒菜！燒油甘魚鲛，外脆內軟，魚鮮滿溢最後送來紅桑梅朱古力布丁，賣相精緻，香濃的朱古力加上酸酸的紅桑梅，味道出奇地夾. 此乃時令精選、可遇不可求

之前坐巴士經過呢度樓下，見到呢棟大廈睇落都幾decent咁，已經黎呢度睇下呢幾間餐廳係咩料，見咁多好評就心郁郁想黎呢間試下。上到黎見地方都闊落又唔太多人，同朋友坐低就點餐了；佢叫左壽司套餐。我就叫左自選三味餐。兩個餐嘅份量都幾細下，我同朋友係大食女士都驚唔夠飽，最後都真係叫剛剛好，唔算好飽（男士就應該唔多夠，建議叫大大份嘅吉豬飯餐應該會飽肚啲）。同埋我個吞拿魚蓉飯pat蓉個顏色睇落都幾唔新鮮下，不過食落口感同味道都正常嘅。最後黎到甜品，係抹茶布甸，真係幾好味，抹茶味濃郁，唔係揸流攤。服務就一般啦，食到尾時個場無晒侍應，得左5分鐘至有人出現埋單手。每人200幾-300蚊，坦白講唔算係平，食品性價比唔算高。

同事講起 先知道灣仔仲有一間唔錯既日本餐廳😙😙lunch time book左位 去到係間小房黎既 裝修典雅高級 🤗鹽燒鯖魚定食 （$148）等左無耐 就送上茶碗蒸 沙律 同埋前菜 柚子醋沙律 清新開胃 😋鹽麴南瓜漬物 南瓜 白蘿蔔同埋冬菇都好入味 用黎墊一墊肚 係唔錯🥳茶碗蒸 超嫩滑既蒸蛋 食落仲有唔少海鮮 有驚喜🤩鯖魚既外皮燒到脆卜卜 無骨 啖啖魚肉😇 唔單止淨係外皮有調味 魚肉亦有少少鹹味 加上檸檬汁 味道好清新👍 配上粒粒飽滿既日本珍珠米煮成既白飯 味道一流 係星期五慰勞自己 唔錯既lunch之選👏最後仲有甜品 紅豆抹茶布甸 抹茶味幾濃 好軟滑🥰

幫襯水木已經有好幾年，由佢喺灣仔未搬之前到而家已經嚟咗好多次。今日慶祝周年紀念，第一次沒有食套餐，自己散叫食物。說真的每一味菜都好滿意。由前菜、刺身、燒物、到最後的甜品都非常之滿意。會繼續幫襯！

可能因為灣仔比較少食日本菜既餐廳，呢間午市都好爆場，記得要提早訂檯🙈▪️ 女仕壽司定食 配 迷你烏冬💲178 (午市精選)前菜款式會定期轉，有食過微辣既彈牙牛舌粒、蜆肉雞肉粒、中華沙律等等🤫另外有開胃柚子醋沙律菜🥗仲有幼滑既茶碗蒸，有蛋香之餘，食到有唔少海鮮粒同蝦仔🥚🦐女仕壽司個size會比平時既細少少，款式亦估計係視乎當日供應而定，有食過吞拿魚、油甘魚、帶子、魷魚、劍魚、池魚等等，雖則刺身唔係好厚切，不過都新鮮可口🍣軍艦就長期係三文魚籽、海膽，真係估唔到午市都會有海膽，質素會飄忽一點😲迷你烏冬係普通海帶鏗魚湯底，若可以彈牙一點會更好🥢最尾仲有飲品或者甜品，次次都係叫我幾鍾意既紅豆抹茶布甸，質地比較軟滑身，抹茶味都幾濃，又唔會過甜🍵🍮整體質素唔錯，份量亦都令我感到滿足🔎 整體評分（7.5/10）