萬豚屋

Open Now

Now Closed

是日又係等男朋友放工之夜🥱 又係尖沙咀食咩好呢～行下行下經過呢間平時好多人排隊，今次竟然無人就入去食了～餐廳都full,咁岩有張吉台。日本餐廳主打麵食 有幾款湯底揀。今次嗌左個牛肉烏冬配濃豬骨湯底。 呢間餐廳個湯係另上，咁就唔洗驚烏冬浸到脹哂，呢樣野值得一讚 牛肉都好好食，唔係普通一般肥牛，食得出真係用了日本牛肉做材料 個湯底我個人就覺得濃得濟😂 唔想咁濃味嘅可以選其他湯底～我地仲叫左個小食 木魚鈺子燒～ 餐廳無將佢切開，一大塊上碟，我就prefer 切埋嘅，因為食得有啲唔方便，要自己用筷子分。鈺子燒入面係有餡的，但我唔記得係咩～哈哈 雖然食起上黎無咁方便，但呢碟勝在夠大塊～總結 呢間成日經過都多人排隊，今日一試覺得牛肉確實唔錯之外，其餘都average 。未食過嘅，都可以不妨一試嘅～

點了 厚切豚肉石煱手打烏冬，及牛肉石煱手打烏冬，兩碗都係上豬骨湯，跟熱辣辣嘅石煱，還有餃子6隻及燒帆立貝2只。食物好快就上菜，滾熱辣嘅湯在石煱內滾滾起泡，加上半生熟牛肉及厚切豚肉，應該會色香味俱全。餃子普通。帆立貝有芝士白汁燒，不太差但又不過如是。到石煱烏冬，以為招牌菜，但現實就係有落差: 湯底濃濃但冇味，烏冬不夠彈牙，或浸在湯太耐，更食不出手打烏冬質感，牛肉略老，豚肉是厚切但冇特別味道。總括來說，無乜特別！

<萬豚屋>係尖沙咀搜尋石鍋烏冬好容易就會出現喺瀏覽器第一次幫襯嘅時候都驚會中伏因為通常出現得多都未必好😂呢到主打石鍋烏冬有別於某啲店舖只係掛名，但呢到係堅石鍋而且烏冬質地煙韌加上十分掛湯算對得起個價錢👍🏻上枱果陣既炸炸聲好治癒如片所見，真係好熱啲湯對於貓舌頭👅既朋友表示要吹凍啲先可以放入口呢間可以話係暫時覆桌次數最頻密嘅烏冬店📍尖沙咀赫德道19-23號地鋪G/F, 19-23 Hart Avenue, Tsim Sha Tsui, KLN

萬豚屋係尖沙咀赫德道已經好多年歴史, 我自己本身係烏冬愛好者, 知道呢間小店出名食石鍋烏冬, 興起又走去再食! 餐廳座位數目唔算好多, 埋邊一排卡位, 有梳化坐幾舒服! 厚切豚肉手打烏冬 $92湯底: 香菌濃湯一上枱石鍋熱辣辣, 要小心辣到手! 香菌濃湯原來就係等於黑松露, 有一大羹係石鍋中間, 撈埋落湯底一齊食超級濃郁, 每啖都食到黑松露味, 而湯底入面仲有幾粒菇, 加埋食真係好香! 厚切豚肉有四舊, 唔算十分大舊, 但係肥瘦適中, 可以啖啖肉食非常好! 手打烏冬好彈牙, 吸收晒菇味極濃嘅湯汁, 味道一流! 吉列豬扒手打烏冬 $90湯底: 黑蒜油豚骨相比起香菌濃湯, 黑蒜油豚骨就冇咁濃! 豬扒係新鮮即炸, 炸到外脆內軟, 粉漿唔厚, 抵讚! 肉質咬落軟腍適中, 伴碟仲有蛋黃沙律醬! 同樣地烏冬一樣好彈牙, 好掛湯, 每啖烏冬都可以索晒湯汁食! 餐飲+$10, 可以揀汽水或咖啡奶茶, 揀左凍檸茶

我今日去到尖沙咀就想起食烏冬 跟住我就去咗 老字號尖沙咀嘅赫德道 萬豚屋入到去個環境非常好 好多豬仔 服務亦都ok 我叫咗個香辣湯底花膠海鮮 小辣 個味道出嚟的時候 香噴噴 啲花膠又彈牙又大塊超抵食 我朋友又叫咗一個 花膠鮑魚豚肉 香茵農湯 亦有黑松露味道 非常 好味 我食咗咁多間烏冬， 都沒有這間咁好味 還有 牛油果沙律 有大兜 又抵食 所以我覺得下次都會再嚟食 因為我覺得個石鍋出嚟的時候 好滾 好特別 食完個石鍋烏冬之後 出了一身汗 可以幫助我血液循環 一句講曬正

對上一次食萬豚屋已經係超過10年 彷彿好似遺忘咗呢間餐廳 因為實在太鐘意試新嘢 所以好多餐廳都係食完就未必會再食 直到早幾日放工突然心血來潮 好想食烏冬 本身熱愛石鍋手打烏冬 所以最後搵到呢間萬豚屋 真係咩回憶都返晒嚟 記得之前嚟食晚唔想排長龍的話 最好都係7點前就要到啦！今次因為有3個人 咁就試吓book位 點會真係有驚喜 佢見我哋有3位就special 俾我訂位添！ 嗰日8點幾去到 門口都有幾個人等位！😆前菜 胡麻冷波菜不過今次都點咗啲新系列 就係大家都無點到石鍋烏冬 因為嚟之前本身係決定要嗌嘅 點知最後又轉咗 蟹肉脆煙肉卡邦尼烏冬 忌廉黑蒜炸雞咖哩烏冬墨烏炸蛋黑蒜咖哩烏冬呢3味都不錯 不過一定係主場石鍋烏冬最出名所以搵日一定要再嚟食吓 咪真係好唔心惜日式拼盤 味道有啲濃咗少少 可能因為配咗濃味烏冬所以食落去就唔係好夾不過始終呢間係老字號 所以對佢有信心下次再嚟就要食石鍋烏冬先

小店環境不算大，但是坐得舒適。食物方面除了主打的石鍋烏冬外，還有丼飯、沙律、小食等供選擇。厚切豚肉手打烏冬 ($89) + 柚子湯底 ($10)• 柚子味道相當清新自然，以魚介豚骨作湯底再於表面淋上適量柚子醬，攪拌後柚子味便會混入整鍋烏冬之內。• 烏冬口感滑溜帶點彈牙；豚肉充滿肉香、同時亦吸收湯汁的味道，令味道變得更濃郁及有層次。• 因為利用石鍋的關係，烏冬和湯底能保持一定溫度，要注意可能會燙口。黑胡椒煮活花甲 ($92)• 黑胡椒粉的味道相當突出，香辣的味道跟花甲相當匹配，花甲肉質彈牙，跟吸收了花甲鮮味的黑胡椒湯汁一併進食，十分滋味！

通常出尖沙咀又無idea 想食乜就會直接去萬豚屋食佢個石鍋烏冬。當年第一份工既同事介紹，要即日朝早book 定lunch先有得食。我最愛食熱辣辣既嘢，石鍋烏冬就最啱我，一路食一路傾計，食到最尾仲係暖架另外佢個蟹肉牛油果沙律好大兜，又好食，每次都必叫。然後又要叫埋個豚肉玉子燒，真係每次都飽到捧住個肚腩走

今日響尖沙咀好想食烏冬，上 openrice 睇左成個尖沙咀都無似樣烏冬專門店，最後好唔好彩咁揀左依間黎試，係好不幸嘅一次。去到門口見到門面睇格局都已經覺得伏伏地，英文名叫 mochi cafe, 完全唔關事，牆上有可口可樂套餐果 d poster, 我心諗，乜依間係茶餐廳？ 不過都硬著頭皮入左去試。。。一入到去店員即刻叫你嘟安心上路，要主動問先可以填收埋左嘅個人資料板，注意係資料板，姐係我係睇到曬之前客人嘅資料。(此處不予置評，讀者請自行評價) 坐低睇餐牌，第一個感覺就係貴。。。(響依一步我先不論食物質素) 普遍 items 都係90蚊上下，仲要加一。以及有第二個伏味濃嘅位： 餐牌上每一項都有兩個 option: "手打"烏冬，同埋貴幾蚊嘅稻庭烏冬。試問好地地你個烏冬正正常常，點會要分兩款比人揀。所以潛台詞係，我個"手打"烏冬係垃圾黎好啦到我落 order, 咁我緊係幾大都嗌稻庭烏冬，店員竟然同我講無，"手打"烏冬 o唔 ok? 我心諗，你有半個 menu 都係稻庭烏冬，你竟然響我想嗌嘅時候先同我講無？好。咁無計，最後我同友人都迫住揀左 the other option (aka

今日黎食，叫左個吉列豬扒魚介湯烏冬。未食之前見到有隻野赴吉列豬扒上面，應該係細既蟑螂，感覺很差！！！侍應就咁換左碟新既比我地就算數魚介湯烏冬 完全冇味！！唔講以為係清湯黎，懷疑根本冇加到醬料/汁，只得草青味，食完有想嘔既感覺冇下次！！！！！！！！！！之前黎食過柚子湯烏冬都覺得幾好食，但上級牛肉偏韌，完全食唔出係咩上級牛肉。估唔到今次黎食竟然見到有隻懷疑係蟑螂既生物起食物上面，絕對不能接受！！！！！！！！！！

好多年之前我好鍾意食萬豚屋， 個陣夜晚來黎食排曬隊， 就算大熱天時都會好多人等。 近呢兩年都好少夜晚過嚟， 唔知仲有冇咁熱鬧。今次係因為晏晝嚟開尖沙咀， 想帶男朋友嚟試下石頭鍋烏冬， 一如以往， 我都係點香辣麵豉湯海鮮手打烏冬， 由我第一次嚟食之後每次都係食同樣嘅嘢😂， 記得最一開始好鍾意， 後來覺得佢哋個湯越嚟越濃， 食到底會好鹹， 今次嚟又變左淡d, 進步咗!👍🏿不過一個石鍋烏冬其實已經好飽所以就冇再嗌其他小食， 除咗播嘅歌唔係太襯個環境之外， 其實我覺得呢度都幾令人滿意😂 限聚令既唯一一個好處， 啲人唔使坐到超級逼。

一入去個裝修已經好似去左日本既居酒屋🏮！同男友分別叫左個三味豚肉手打烏冬、海鮮手打烏冬、菠菜沙律&玉子燒菠菜》正常味道玉子燒》menu寫係推介食物，個人覺得味道不過不失，中間有啲肉，同其他餐廳既玉子燒係有唔同既，但就好易散開三味豚肉手打烏冬》味道不錯，尤其是啲豬大腸係有「老」過好入味，而且有去左少少大腸果陣豬騷味（當然唔會完全去曬），呢個有驚喜海鮮手打烏冬》正常味道，但花甲好鮮味烏冬口感正常，湯底我同男友都選左魚&豚湯底，味道唔肥，係唔錯既👍🏻

平時小編食石鍋拉麵就食得多，但石鍋都可以做唔同嘅菜式🤯，就例如可以做小編令一款喜愛美食，烏冬喇🍜。有一間馳名嘅石鍋烏冬，位於尖沙咀赫德道。平時行過都唔覺眼，係因為小編眼殘呀🙈！而餐廳去到食飯時間就會有長長嘅人龍排隊，呢一間餐廳就叫做「萬豚屋」。✦✦✦✦✦✦✦✦✦✦✦✦✦✦🎈上級牛肉手打烏冬(香菌濃湯) $92湯底方面可以有幾款揀，香菌濃湯、魚介豚骨、黑蒜油豚骨、香辣麵豉同香辣咖哩，小編就揀咗款香菌濃湯🍄。其實香菌濃湯就係黑松露，雖然一小舊黑松露，但整個嘅香味已經散發喺湯入面👃，非常濃郁，甚至乎小編覺得味道過份強烈，越食就越想飲野😣。而烏冬就偏向幼身，亦寫住係手打烏冬，而經過石鍋煲過後變得無咁彈牙🧐，但整體係可以接受。而牛肉上碟嘅時候係生牛肉🥩，然後再用石鍋慢慢去煲熟，咁就唔會因為過熟而變得太煙韌😎。✦✦✦✦✦✦✦✦✦✦✦✦✦✦有時候就咁食一碗清湯烏冬可以食到餐廳手打烏冬嘅功力，而加上石鍋就可以錦上添花🌸，不過有得就必有失。整體來講，無論湯底、烏冬口感、可以選擇既款式都相當吸引🤤，亦令小編再想返兜，依家小編就有多一個選擇😚，除咗可以食石鍋拉麵之外，仲可以試吓呢一間石鍋烏冬添👀。✦✦✦✦✦

呢間鋪頭最吸睛既就係牆壁畫滿好多隻唔同樣既豬仔🎨 設計好得意之餘款式同樣好多選擇👍🏻 主打烏冬🥢但係湯底同埋主菜都好多款式❤️⭐️ 厚切豚肉稻庭烏冬 🥓⭐️ 魚介豚骨湯 🐟豚肉肥瘦相間 食落好有油香 🧈口感岩岩好😍 稻庭烏冬亦都特別有咬口😋 配上豚骨湯好濃郁好入味🧡暖粒粒 濃而不膩⭐️ 吉列豬扒手打烏冬 🥩⭐️ 黑蒜油豚骨湯 🧄豬扒份量都幾豐富 但係好似炸得過火少少🔥 但係不至於太乾 黑蒜湯底比我想像中容易接受🤗 唔會太重口味 PS‼️雖然味道可以 但係衛生程度有待改善🌚見到有老鼠經過

外賣活花甲烏冬，盛惠$103，但打開其實係沙白。花甲喺街市買約$50/斤，大沙白頂盡$25/斤。湯底味道、烏冬麵質ok 的，但份量少，唔值成舊水。我就當商戶真心唔識分花甲同沙白，所以冇打算去海關舉報。希望店方有人睇到呢個comment，請睇睇呢條教學片：https://fb.watch/1GhPU7H5Qz/