Video
Introduction
早期開設的新派上海菜館，供應傳統菜式之餘，亦不時自創新菜式。曾創下日賣過千隻小籠包，以及日賣400碗擔擔麵的紀錄。
continue reading
Good For
Group Dining
Opening Hours
Today
11:45 - 14:30
17:45 - 22:00
Mon - Thu
11:45 - 14:30
17:45 - 22:00
Fri
11:45 - 14:30
17:45 - 23:00
Sat - Sun
11:45 - 16:30
17:45 - 23:00
Public Holiday
11:45 - 16:30
17:45 - 23:00
Public Holiday Eve
11:45 - 14:30
17:45 - 22:00
Above information is for reference only. Please check details with the restaurant.
好耐冇嚟過鑽石山呢間金滿庭食下午茶，記得以前係都幾抵食，而且小籠包係好味皮薄餡靚，而且有幾種茶包可以揀👍🏻今日咁啱又嚟鑽石山做嘢，就試多次呢度嘅下午茶，發現佢價錢真係貴咗好多，之前係$60連加一，有一碗麵同追加小食，仲要係食得飽嘅，依家最低消費都要$80一個人，仲要唔飽👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻雲吞得兩粒，面仲要係極少 $38追加小籠包得三粒，但係好食嘅 $26追加兩隻雞翼超貴，仲要係細size擔擔面亦都係好少難怪冇人幫襯，下午茶時間得三台客仲要趕住收工一食完啲嘢就即刻收咗你個碗👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻
continue reading
🍲客流量極多，都是街坊為主，需要排隊，服務到位，有點賓至而歸的感覺，😋我最喜歡鮮肉小籠包，連平時不愛吃包點的我，都領略了一抹純正的上海味道！1。鮮肉小籠包：好好吃，皮薄餡多，飽滿的內餡及湯汁與其說是小籠包，我倒覺的用湯包來形容會更為貼切不過！🥢2。京燒羊腩：半肥的羊腩煎得兩面香脆，中間的肥脂羶香十足，每人吃一件也真的不太夠喉，必須吃兩件，嘻嘻😜！3。招牌松子魚：外酥里嫩，色泽金黄，微帶甜酸 ，10分開胃🤤！4。大孖X0醬鮑魚雞煲：雞煲份量大，雞肉嫩滑，有好多粒鮑魚，鮑魚入味彈牙，利用自家Xo醬➕醬油熬製而成！難怪那麼多街坊過去品嚐，簡直就是味蕾的盛宴 ！🍴🍽️🌟
continue reading
太耐冇一家人坐埋一齊食飯, 趁今日準時收工唔洗OT, 帶埋丫爸丫媽去咗金滿堂食dinner。環境乾淨企理, 平日晚都近乎爆滿, 什有人氣。入座隨即送上熱茶、熱水,多款菜式選擇, 其中見到張特價menu, 限每檯自選一款特價菜式, 揀咗【糖醋魚】HK$110甜酸汁醬平均包住每件糖醋魚, 入口皮脆但不會太厚, 不過魚質未算嫩滑; 配上酸尾尾多汁菠蘿、青紅椒, 送飯不錯。【鮮肉小籠包】HK$96 (8隻)小籠包熱辣辣上檯, 小籠包皮薄適中, 豬肉餡料鮮甜多汁, 整個放入口一咬, 仲會品嚐到爆汁滋味, 推介!媽咪見到呢張menu介紹金滿堂聯乘經營多年嘅醬油廠大孖, 推出了盆曬生抽同埋XO醬, 未知味道如何, 正好有三款菜式用上了呢兩款調味去烹調, 即刻order咗兩款試試。果然又真係幾好食!【大孖XO醬鮑魚雞煲】HK$298雞煲熱辣辣上檯, 四隻鮮味爽彈而不韌嘅鮑魚佈面更為吸引, 雞件份量為半隻雞, 煮得入味得黎又keep到嫩, 所調味嘅汁醬濃郁又不會太重口味, 有XO醬嘅微辣, 夠哂惹味! 【大孖醬油粗炒】HK$138雖然粗炒略有油光, 但不會過油, 可接受。粗炒份量多, 味道清香濃郁, 夾集椰菜、白菜食, 增添層次。食過後對呢set醬料評價唔錯, 丫媽決定買咗set返屋企大顯身手。最後order咗款甜品:【高力豆沙】HK$48外層軟熟, 灑上了糖粉, 入面有適量嘅豆沙同埋一卡仔香蕉, 整體甜度剛好。丫媽仲話放假會再黎食下午茶。
continue reading
原本想去荷里活廣場飲茶，諗住啱啱先11點半應該唔使點等，攞咗飛等咗半個鐘先叫咗兩個號碼。😥於是周圍行吓睇吓有冇啲咩其他嘢好食。行到呢度唔使等位，即刻入咗去，坐低睇睇餐牌，見到啲價錢已經少少滴汗😓。兩個人叫咗四樣嘢，兩個前菜、一個點心同一碟炒麵。連茶錢同加一要$440😢，我成日覺得如果好食，貴都唔緊要。不過今次就……回窩肉粗炒竟然係第一個送嚟😓，好彩都算係咁，呢個係今餐唯一okay嘅嘢食。平時食開雞絲粉皮，今日特登試吓麻辣粉皮，原來係伏😓，醬汁唔見得好好味，啲粉皮又唔係好滑。蒜泥白肉仲差，啲肉「嚡熠熠」，下面又係嗰啲粉皮，醬汁少到不得了，䏲相就明㗎啦。最後嚟嘅窩貼，個皮都算okay，咬開佢發現入面粒肉細到你會諗：「點解隻窩貼入面咁空洞洞嘅？」「空氣吞拿魚包」我食過，「空氣窩貼」都係第一次。😥呢餐lunch人均$220，唔單止係貴，仲一啲都唔好食，唔會有下次！
continue reading
好耐無到鑽石山，又好耐無食金滿庭，既然去到都8:15，正好尾圍用膳，無人等就食佢啦！一坐低隨桌茶芥小吃竟係醉雞，然後有小二誠懇奉上茶包供選擇，有帶位小姐禮貌通知截單和用膳時間，感覺良好~自行QR code落單後，人不餓但充滿期待，畢竟已10年無食，印象尚停留10年以前。一行三人只想簡單吃個家常便飯，點菜不多不複雜，美食好快上枱，（菜名只依稀記得）炸銀絲卷、陳醋海蜇頭、青菜煨麵、紫薯上湯浸豆苗、黑毛豬生煎包。由於係便飯一頓，無打算寫食評，所以無影相既雅興，就即刻起筷，然後......盡力收起停滯10年既期望🥹，努力調整味蕾，希望唔好俾自己對金滿庭既印象幻滅。但埋單一刻，6XX既價錢提醒咗我內心應該要對同樣質素，但一半價錢就食到既上海菜館 公平一啲，就以$138一碟陳醋海蜇頭為例，先不論海蜇頭既口感，陳醋都應該用上對得起$138呢個價錢的吧!一直對金滿庭印象好好，但已經係10年前既事，記得當年排晒隊要等好耐……10年人事幾翻新，無諗過會咁失望……如果唔嚟，可能我仲傻更更同人講緊：金滿庭好好食架！ 係既，10年前既事了。如果而家俾接近$700 3個人食上海菜，可以有更好選擇。是晚俾多既$350，就當係俾面9:45埋嚟善意提醒傾得興起既家人，佢地店面準備做清潔衞生，態度令人舒服。希望有日有人話我: "搞錯！佢其他分店仲係好好食的！" 係我呢個大愛上海菜既食客，最想認既錯🥺
continue reading