緬甸招牌湯米線 (Closed)

香港為國際美食之都，但食黎食去都係中美日韓泰咁樣，有時真係五樣都唔想食。今日我又有呢個情況出現，結果靈機一觸早前去勝利道經過的一家緬甸菜餐廳，一於試試！由於假日瞓到夠先出動，所以到達時已過了午市時間，餐廳變得鬆動，可以寧靜享受午餐。朋友試招牌魚湯米線，而我揀左椰汁雞麵。鮮魚濃湯米線係招牌菜，湯底以鮮雞及魚熬製而成，顏色偏黃係因為加左黃薑，入口杰身濃味。要留意米線較為幼身，其實係緬甸米線，用料夠地道。配料方面有魚片/ 豆卜及豌豆餅，豌豆同米漿混埋炸成薄脆餅，夾著一粒粒的豌豆非常脆口。落單時店員先問我地食唔食芫茜，因為店員會加入大量芫茜炸蒜，攪拌一齊食，如果唔怕辣嘅可以小小辣椒粉會更惹味椰汁雞麵湯頭較杰身，但未而於杰繨繨嘅，味道香濃，椰香味重 ; 麵質有啲似拉麵，幾滑身，同椰汁湯底好夾 ; 雞件有好多件，肉質嫩滑又無骨啖啖肉，應該係雞脾肉，連同脆脆一齊食特別香口！咁都未夠，一定一定要加埋緬甸XO醬食先夠惹味，XO醬酸甜辣味都有，而且蝦味特別濃，好味到我問店員再添啲天口熱辣辣，又點可以唔叫杯特飲降下火緬甸珍多冰 & 青檸蜜瓜椰果梳打原來呢度老闆娘係緬中混血兒，所以所有菜式都跟足傳統食譜做，真

陪朋友帶寵物貓睇醫生後，在附近搵咗呢間緬甸麵店🇲🇲，店面好細，只有十多個位，桌椅簡單，只有一個女廚娘同一個女店員，牆上貼咗食物圖片，同介紹黃薑嘅好處Mohinga鮮魚濃湯米線（$48）賣相似喇沙，湯底黃泥色，好清香嘅薑味，同碗分成兩碗，米線軟身微微彈牙，半隻烚蛋頗老，魚片彈牙！豆卜無食！飲埋啲湯夠暖身！緬甸特產清香薑沙律（$48）撈完再食，好驚喜清香薑嘅清爽味道，只有薑嘅香味但無辣味，椰菜絲爽脆，蕃茄清爽微甜微酸，加上香脆原粒花生，增加香味！好味食物有特式兼好味，兩個店員有禮斯文，攞碗上菜都有笑容！第一次試緬甸菜，好驚喜！餐具同擺設都精緻

心癢癢,口痕痕....想在春末初夏之時吃點不一樣的lunch 來到小店,毫不猶豫點選hot item --招牌濃湯米線❤️❤️米缐一來到已眼見出湯底之濃郁,呷一口,味道剛剛好,濃而不鹹,少辣更有助提升其風味,難怪差不多每枱也有食客叫這個招牌菜👍🏻最欣賞湯底中黃薑的餘韻(不知是否人人都喜好這芳香),湯底絕對是整個米線的靈魂,因其他魚片/豆卜等只是中規中矩,米線口感也不夠煙靭,但湯底的美味為整體挽回不少分數!

記得以前去澳門, 會轉登去食緬甸菜, 因為果陣香港無咩地方有得食, 仲記得有個好出名的緬甸豬腦。不過E家香港都有大眾化緬甸菜色lu, 之前睇media 介紹, 今次經過何文田勝利道一帶, 可以一嘗其盧山真面目。緬甸招牌湯米線話就話係何文田勝利道, 不過其實由旺角行過去都唔係好遠。餐廳鋪位唔大, 開係間出左名的珍珠奶奶隔離,入面頂盡坐13/4人左右, 多人的話要等位。食物選擇以一間小店來說算多了, 一個人煮菜其實煮不了。我和朋友叫了招牌魚湯米線, 和蕃茄撈米線,大概5分鐘上檯。1. 招牌魚湯米線平常吃的廣東式和日式(例如同街另一間賣深海魚湯) 以清湯為主、奶白色, 但緬甸(塘虱)魚湯用了很多香料和黃疆粉去煮, 與平常吃開的很不同。不過可能是我的問題, 我分不開塘虱魚味與香料味, 當兩者混在一起我就只覺得很濃。至於碗米線, 稍稍覺得米線有點碎, 有點難夾起整條, 如果當米線版的risotto 還可能比較方便。另外還有2粒豆卜, 幾片魚片、半隻蛋和一片緬甸豆類小吃,  女士來說是夠飽的, 但男士可能未必足夠。總括黎講, 知道老闆娘一人在廚師工作很比心機, 以這個價錢、這種小店黎講, 誠意很可

星期日都要係何文田返學，下午lunch就同同學去了附近的緬甸招牌湯米粉試新野。鋪的推介美食係門口都有相片介紹～就係緬甸香滑椰汁雞麵，因為鋪內太約有十二個坐位到關係所以要等位機會相當高，我就剛好有得入坐不用等。鋪內裝修都可以坐位舒服，我地看過餐牌都點了兩款推介食物～就係Mohinga鮮魚濃湯米線同上面講的緬甸香滑椰汁雞麵。我食的椰汁雞麵～食前要撈一下先，使碟內所有椰汁同麵條都均勻。椰汁雖然不濃但真係好滑，雞都好入味有小小辣～正。整體食物都滿意⋯⋯會再黎

提起緬甸菜，香港真的很少。上年8月搬至現址的緬甸小店，門面不起眼，裝修簡潔，當中有點點的緬甸裝飾，吸引我的是馳名濃湯米線。老闆娘是中緬混血兒，自小吃著媽媽親手做的緬甸菜式，也為了這小店，專程到緬甸取經及直接購入材料。招牌黃薑魚湯米線，緬甸傳統是用塘虱魚熬湯，再加上拆骨魚肉雞肉，用上黃薑及其他香料醃製，湯底濃稠啖啖肉，黃薑令湯底呈黃色但不要誤會是咖喱，一點也不辣，喜歡辣的朋友可以加些辣椒粉，檸檬汁令湯底帶清新，加上脆口的黃豆餅，風味十足，感覺從未在香港見過，真材實料，老闆娘極力推薦大家盡飲魚湯，因完全沒有味精，果然香甜，來自緬甸的米線比本地的幼身，吸收湯汁精華，口感層次豐富。老闆娘表示要煮好味又新鮮的菜式，堅持每天用多個小時熬湯，使用新鮮材料及不少香料也來自緬甸，看餐牌多道菜式也有興趣嘗試，紅燒肉飯、咖喱牛坑腩飯、香茅雞配椰香飯、緬甸雞絲撈冷麵「叻督」等，每道菜式也有誠意，推介。

由細到大都鍾意食麵多過食飯嘅我，知道有新野可以試就坐言起行即刻去啦！等埋Honey收工就搵食...之前上網睇資料都知道間店好細，不過就真係細到揸車行過咗都唔知，後尾搵到嘅時候先醒起上一手做泰國菜個舖位餐牌款色唔算多，可能係貴精不貴多嘅原故吧！我就點咗椰汁雞麵，Honey就點咗咖哩雞飯Honey 個飯好快就送到黎...而我個麵就等咗超過10分鐘先有，Honey都差不多食咗三分二，我先有得食，白飯就無咩特別唔講喇，而咖哩雞亦都無咩特別，不過不失啦！面我個麵，未黎之前我幻想嘅皮，係好似泰色椰汁雞湯咁，原來實際係一個 “獻”汁咁，其實椰汁味唔係好夠，個汁內有薯蓉，不過第一次咁樣食，但毫無驚喜而呢份雞翼最大特色係等超過半個鐘先有得食雖然係知道即炸，但若然一早知道要等咁耐的話，我係唔會叫味道方面好重黃薑味，其他味就食唔到，$45@5隻，除非好鍾意食黃薑，否則唔建議叫。黃薑特飲味道有少少似龍眼水嘅味道我同Honey總結係：未食過緬甸菜的話，試一次都得嘅...

悠閑的周未，一個人在家閒暇，到中午時份，食慾大增，便到附近走走找食堂。走到勝利道，食店林立的街，有着不同知名自家創作食品。沿街走着，除了食店，也有許多小貓🐱小狗🐶向你搖頭擺尾，走着走着，到了一間小店，店內座位不多，有兩三張4人桌和一張吧桌，我見剛好有空位，緬甸食品又未曾嘗過，便進店一試。因未試過，點了店內出名的魚湯米線。等了許久，可能是肚餓，感覺很長的時間，見有些座位已換了客人。其中有一位緬甸華僑，跟老闆娘寒暄幾句，盛讚其食品外，也反映跟緬甸老家的有所不同。我未曾試過緬甸正宗的魚湯米線，但湯有着清香的魚味，沒有濃濃的調味，能感覺到各材料的混合中的協調。雖然店子不大，但魚湯絕對能滿足我的胃口。

在香港可以食到正宗緬甸菜，選擇唔多，可能十隻手指數得晒。 我未去過當地旅行，卻就聽去過的朋友說當地菜式味道不錯，算是對胃口，因為緬甸飲食文化融合了鄰近泰國、印度、中國等地的特色，對我們來說不算太陌生。 在旺角「勝利道」有一間新搬來的小店，賣香港少見的正宗緬甸菜。店子細小，兩張四人枱。緬甸招牌菜「魚湯米線」，湯底用雞肉和魚肉去熬，味道濃，配緬甸特產較煙靭的米線。 女店主是中緬混血兒，媽媽是緬甸人，她堅持保持傳統風味。其實緬甸料理以涼拌為主，很少有熱炒，運用的香料和泰國、印度都很類似，例如檸檬、香茅、魚露、蝦醬等。 必食的「Mohinga 鮮魚濃湯米線」$46，每日限量，賣晒就冇： 黃色魚湯粉是傳統緬甸菜，此湯頭以蒸過、去除骨的魚肉和雞肉熬煮，加黃姜粉、檳榔心、香茅、黃薑粉、紅椒粉等調味，鮮甜，完全沒有咖喱味的，風味不錯。 上菜時會配搭黃豆餅，豆腐卜用來吸湯，原理就像我們打邊爐叫響鈴用來索汁。湯頭濃到看不見魚肉；聽說以前此傳統菜引起客人疑惑，究竟有冇魚㗎？所以後來加了魚片，亦成為必備的配料。 「緬甸茶葉沙律」$42 緬甸的沙律是沒有沙律醬，用發酵過茶葉去提香，味道

今次嚟到何文田既緬甸菜式小店覓食😚印象中好似冇嚟過何文田，原來係旺角行咗幾步就到😱#Mohingo鮮魚濃湯米線 ($46)😋好味指數：(7/10)原來呢個鮮魚濃湯係加入咗 鮮魚同雞肉整成，個湯底都幾稠下😚不過可能可咗黃薑嘅關係所以遮咗魚味😣另外食落去味道都係比較清淡，食完都唔會覺得口乾😚仲有魚片、碗豆脆、豆卜做配料😛米線比較淋，都幾掛湯咖，不過份量比較小😭#五香手撕雞 (+$8)😋好味指數：(7/10)碗米線份量真係唔係好夠飽肚😭叫個手撕雞食就岩岩好喇(濃味嘢岩我🤣)😚手撕雞嘅份量適中，上面有好多蒜喺度😆如果覺得米線比較清淡可以叫呢個食😛#緬甸風味咖哩雞飯 ($48)😋好味指數：(7/10)碟飯既份量唔算多唔算少，唔係好大食都應該夠🤔另外啲雞既份量偏少，得好幾舊😢而啲咖哩汁就唔算太辣，適合唔係好食得辣既朋友仔😆同埋整咖哩汁既過程加入左黃薑，食落都比較健康😎👍🏼黃薑可以提升免疫力、增加血液循環、有助排毒等功用😳#緬甸珍多冰 ($20)😋好味指數：(7.5/10)杯野飲都唔算好大杯，不過勝在唔算太甜😆但係冰方面都算多，可以要求少冰，避免整淡杯野飲🤔#玫瑰桂圓紅棗茶 ($15)😋好味指數：(

早兩日經過太平道見到呢間野好多人排隊 今晚食飯諗住平日一定唔多人 所以去博一博 果然真係冇咁多人 我地去唔使等位即刻有得坐低添其實間野真係好細架 大約只係坐到12位 唔怪得知平咁多人排隊 好就好在佢哋係即叫即做 但係都好快有得食 好味既排一陣都值得既一到去見到個個人都食mohinga 鮮魚濃湯米線 佢仲係廚師推介添 所以點可以唔試呢雖然係魚湯但係佢唔係平時食開奶白色嗰隻反而佢有啲似喇沙湯底咁既色 其實係因為佢除咗有雞有魚去熬呢個湯之外 仲有黃姜粉 所以第一啖就感受到嗰陣黃姜粉嘅味 好特別一開頭我咬左一啖都知係咩嚟架 直到我食到粒豆先知道原來係炸嘅豆餅 好薄同埋好香脆囉 但係大家唔好剩係掛住飲個湯先 要快啲食左呢個炸豆餅啦 如果唔係好快就會比個湯浸淋左架啦仲有呀 佢嘅魚片比一般食到既爽口彈牙 有驚喜我另外叫咗個緬甸香滑椰汁雞面俾我男朋友其實呢個本來係我既 不過我太鐘意上面個碗湯啦 所以安排左個男友食呢個😂呢個係一個椰汁味好重嘅忌廉汁撈麵 三個雞好大舊而且用質唔鞋 配上好大量嘅炸蒜頭所以勁香口

勝利道食店多，已經不是新聞，今天朋友說帶我去食緬甸菜，仲話老闆娘是中緬混血兒，自小就跟緬甸媽媽學煮家鄉菜 ，所以味道一定有保證。Mohinga鮮魚濃湯米線，是緬甸人每逢節慶時必吃。老闆娘跟足媽媽的做法，特別加入塘虱來熬湯底，另外還有大量鮮魚、雞肉來增加味道層次。魚肉、雞肉先灑上黃薑粉炒香，再連骨、豌豆粉、芭蕉葉等多款香料慢煮一晚，湯底入口，味道不濃厚才怪。湯底濃稠，色澤質感就像咖喱，味道鮮濃，加上配料如魚片、豌豆脆，口感豐富。 至於米線就較一般粗身，掛汁又彈牙。曼德勒紅燒腩肉配飯，上枱時，賣相不錯，一口咬下，就知道腩肉是用了多麼費心的工序製成，入味不在話下，而且爆腍。緬甸特產茶葉沙律，發酵茶葉由緬甸進口，經過浸醃後口感似梅菜，再夾雜椰菜、生菜、 芽菜，以魚露、麻油等調味，爽口帶小辣，跟泰式沙律有幾分相似。 緬甸羅望子特飲，羅望子酸度調得剛好，開胃醒神。緬甸黃薑蜜特飲，淡淡的黃薑味，寒冬的一大推薦。

去到見到得幾個位。地方好細好逼。但為左食。無計啦！一心以為好好食。我地叫左魚湯米線點知湯係凍嘅。又”杰”係無魚湯既味。一定唔係用好食來形容！好失望！唔會有下次！地點又難去！真心唔好特登去！

✿╮❤╭✿ ✿雜感女生 好味日記✿ ˚*•✰。緬甸招牌湯米線．開胃茶葉沙律。✰•*˚ ✿✿舌尖上的何文田Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 如不是和朋友去買寵物，我也不知道勝利道有很多不同的寵物店 可愛的小狗小貓BB，都令人迷戀 附近發現一家小店，寫著「緬甸招牌湯米線」 緬甸的味道還真是未試過，決定入內一試 緬甸風味咖哩雞撈麵 辣味不濃卻很香的撈麵，麵質似中國的全蛋麵 夠索汁，緬甸風味的咖哩，很適合初吃辣的朋友，真心好吃 份量不少，足夠男士服用！WAKAKAKAK！ 緬甸特產茶葉沙律 好有特色的沙律，是緬甸地區的一種開胃菜 醃茶味道酸酸的，很開胃，花生、碗豆….第一次吃到原來有咁多脆豆 我覺得味道很好，值得一試呀！ 緬甸咖啡+緬甸龍眼冰 緬甸咖啡有點香濃的滋味，與我們平常飲的相近 緬甸龍眼冰與泰式的不同，用的是龍眼乾配上蜜糖，清甜滋潤 小評： 味道：★★★☆☆ 環境：★★★☆☆ 服務：★★★★☆ 衛生：★★★★☆ 抵食：★★★☆☆

今日同朋友去開旺角勝利道買寵物野，見到對面有間小店係食緬甸野，於是就入去試下，因為平時冇乜食開。必試這裡招牌菜 Mohinga鮮魚濃湯米線 放入多種材料，慢煮一晚而成，顏色看似咖哩，其實不是，味道濃郁又有鮮魚味，脆脆既豆餅，更見特色。緬甸特產茶葉沙律賣相似中式的梅菜。加了蕃茄、椰菜等配料，似花生非花生的硬脆粒粒，層次豐富。猜是用了魚露調味，鹹鹹酸酸的，加上新鮮蕃茄的清新，都幾特別。紅燒腩肉配飯，顏色很深，醬汁很濃，單吃肉有點鹹，配飯一整齊食就岩岩好啦！腩肉肉質適中，不會太難吃。脂肪層很厚，咬落去有點似啫喱感覺。由於本人都中意食肥膏，所以覺得呢個飯真係不錯的。緬甸多士配奶荼，勁脆口加好香椰香味，喜歡甜食既朋友可以一試。