旺記冰室 (大本型) (Closed)

今日黎左油塘食旺記冰室，不愧係岀名嘅冰室，7 30食飯已經大排長龍，廚房係半開放式，d香味等緊都嗅到。我特登影左menu嘅相，對比返實物，d蛋一樣都係咁滑嫩。先講我個滑蛋蝦仁牛肉飯，係呢到嘅招牌菜，d蛋好滑，d牛肉一d都唔韌，而且好入味，d蝦仁都無雪藏味，甜豉油都好岀色，唔會太咸，送飯一流！而我朋友就叫左雜排滑蛋飯，個蛋唔配豉油汁，配白汁都一樣咁正，雞排同豬排都一樣咁厚，而且係即煎嘅，d排好香口！至於杯凍奶茶，我地就加大左，比平時嘅大杯，茶底嘅濃，入口都滑嘅，不過有少少偏甜。不過不失啦。埋單都係每人60幾蚊，唔係特別貴。如果分店多d，一定會成日幫親，畢竟依家係街好多時，60 70蚊都食唔到好野嫁麻。

來工作順便和舊同事吃飯, 在這個商場內有很多不認識的餐廳, 看見了旺記冰室的名字就直接奔上樓上去了點了他家的招牌滑蛋叉燒蝦仁飯, 亦推介給舊同事吃, 可惜這次的米飯像未煮熟的一樣, 又乾又硬的, 像是隔夜飯似的, 並沒有第一次吃到的那樣鬆軟蝦仁和滑蛋吃下去並不是太熱, 不知道是否廚房一早已經準備好把飯都已經放凍了..?老實說今次吃到的和上次吃到的避免有點大差距, 是因為分店不同? 還是因為真的退步了呢??最後它家的侍應還在抹隔離枱的時候把那個有重量的紙巾盒丟到我的腳上, 真是無言了

今日同朋友放工黎到油塘覓食，佢話想試下係facebook同instagram都好紅既旺記冰室，今次朋友帶隊，食下依間冰室！星期五晚上都頗多人去食，我地等左一陣位就有得入去食，店員仲安排左個睇到海景既位比我地，我地仲睇到好靚既日落同晚霞呀！！餐牌上面有飯餐同麵餐，我就叫左蝦仁牛肉滑蛋飯，加四蚊配薑汁奶茶。個飯餐其實係窩蛋牛肉飯既進化版，配以滑蛋、牛肉同蝦，加上煲仔飯鼓油。滑蛋非常滑，雖然係蛋餅狀，但口感好軟好滑。蝦係急凍但仍有蝦味，食得出有蒜味。另外，牛肉都頗軟，亦入味。成個進化版既窩蛋牛肉飯都好食！薑汁奶茶：從來未係茶餐廳飲過既配搭，野飲聞落已經好重薑味，飲落似薑茶，杯底有好多薑粒，驅寒一流。這間餐廳質數幾高，是一頓喜出望外的晚餐。

上次在尖沙咀旺记，排队排了快1个钟才吃到的美食，一直念念不忘。昨晚上网查询，发现油塘有一间，於是今天晚饭就过来了！果然不用排队！太好了装修很舒服😌冰室吃过这麽多间，最爱旺记！下次要来吃不同的餐！这次我还是点了滑牛肉虾仁🍤日本滑蛋饭！虾仁🍤真的是超级大跟超级新鲜，日本蛋🥚特别滑，牛肉也很嫩！加上甜酱油，一口饭一口菜，超级幸福🥰服务员💁态度也超级好，收盘子什麽的都满脸笑容😊生活是一面镜子，你是什麽样，外界就是什麽样子！我其实对滑蛋没有特别的感觉，不过经过今天的饱餐一顿之後，直接路人转粉。今後我是滑蛋控！而且最爱旺记滑蛋饭！配了一杯热朱古力，也是浓郁顺滑！瞬间就又充满了动力！吃饭时候，认真品嚐美食，生活便停在了当下！

旺記冰室本身得一間鋪頭，到依加有好多分店，名聲不錯，出名食蛋包飯！！今日黎到油塘依個美食沙漠，就同朋友今日黎試下食旺記啦！佢位於foodcourt最前既位置。我地七點黎到，都好多人食，等左一陣，我地都有位喇。排隊既時候，睇到佢寫住鋪頭係用日本蛋，去整佢招牌既蛋包飯，唔怪得咁多人黎排隊！！入去坐低，就睇佢menu，佢有飯餐、公仔麵同烏冬餐，每道菜都幾乎有佢最出名既蛋！雖然依間冰室係以蛋包飯出名，但原來都有烏冬食，所以我就叫左佢野菜雞扒忌廉味噌烏冬($58)再加凍奶茶(+$2）。等左一陣，野食就到，塊雞扒係超厚同好大塊。個皮脆，明顯係即炸的，肉好淋，好juicy! 幾好食另外，亦都有旺記既滑蛋，雖然佢個樣似滑蛋，但食落去好似啜啲蛋汁入口，入口即溶，好好食！此外，烏冬亦有大量野菜，如青椒、木耳、芽菜等等，非常健康。湯底有忌廉和味噌，配搭獨得，惹味，再加上讚歧烏冬，充滿日式味道！凍奶茶：偏甜，如果唔鍾意太甜既奶茶一定要少甜/走甜總結：好滿意既一餐！好食冰室！值得一試！

一向都好鐘意食旺記既炒蛋，今日下午茶突然好想食，撘車都要撘過黎食呀。下午茶有好多選擇呀兩嗰人嗌左「鮮忌廉雞蛋飽鱼火腿絲通粉」「4.3牛奶炒日本滑蛋」「午餐肉雞蛋花生醬生菜烘三文治」「薑汁奶茶」同埋普通奶茶🤪🤪🤪「薑汁奶茶」好快到左，係我鐘意既薑汁味道，其他茶餐廳都無架，真係會飲上癮架，極速就飲左一半啦「午餐肉雞蛋花生醬生菜烘三文治」一上抬簡直好吸晴，其他食客見到都哇左一下，因為好大份呢🤩🤩🤩午餐肉煎到好香脆，配埋炒蛋同埋花生醬，好正呀😋😋😋「鮮忌廉雞湯鮑魚火腿絲通粉」嗰忌廉湯底好creamy，配埋煙煙unun既通粉，出色！「4.3牛奶炒日本滑蛋」又係我最鐘意既，炒蛋控表示好滿意哩餐下午茶

油塘大本營商場不嬲有個food Court，但係呢排好似新開左呢間，我之前去過旺角食佢嘅分店，估唔到喺油塘都見到佢。坐低我梗係叫我最鍾意食嘅滑蛋蝦仁牛肉飯，因為嗰日朝頭早好眼瞓所以即刻買多杯凍啡。佢嘅滑蛋加上據聞係自家製嘅豉油，已經成為佢哋最獨特嘅招牌菜。都唔係冇道理嘅因為呢一個滑蛋蝦仁牛肉飯同我心入邊嘅蛋包飯其實真係好似，所以係滿足左我本身嘅期望。大家食過旺記就知道，佢哋出名係啲汁同埋啲飯嘅比例係啱啱好，所以你唔會覺得太光或者太濕，尤其佢哋啲豉油唔係太淡或者無味，我之前就食過類似啲咁嘅時候，所以旺記都真係做得不錯。我真係食晒成碟㗎！

早餐做到11:30。最岩黎食個brunch。餐廳啲位算密不過唔迫。亦都有卡位。服務幾好。有侍應見到有個客撥涼主動問駛唔駛調位。以茶記水平絕對係優質服務。叫左午餐肉茄通+多士炒蛋+凍奶茶。茄湯好濃杰。似撈通粉多過湯通粉。有濃濃甜甜地嘅蕃茄味。通粉非常爽口。一啲都唔粉。午餐肉切到大大粒。同埋炸過有誠意。不過因為係預炸。上到枱時已經唔脆有少少硬。多士係用麥包。麵包密度高。唔會一咬就扁哂。炒蛋用4.3牛乳炒。食落滑就滑。份量亦都足。不過冇乜蛋香/奶香味。凍奶茶少甜都仲係好甜。下次應該要少少甜。係同區比較高質嘅茶餐廳。

之前見到呢間冰室既尖沙咀分店，大排長龍，又想食又唔想排隊果次終於無食到，今日係油塘重遇，夜晚6點多小小，唔算多人，直接行入去食。睇完成個menu，差唔多每款都一定有跟雞蛋，仲講明係日本蛋質素應該有保証。我食最基本既滑牛肉日本蛋飯，飲特別小小既凍薑汁奶茶，T小姐食特濃蕃茄午餐肉粒湯米，配多士滑蛋，飲凍檸茶。我個飯好多牛肉，d蛋好似蛋包飯咁蓋係飯上面，好滑，好有蛋味，加埋甜豉油，撈埋黎食，飯又吸埋蛋汁，好好味呢個茄湯勁濃，掛哂d茄茸同湯係米粉到，d午餐肉粒真係一d都唔慳，勁大粒，仲炸到外面脆，好有口感跟餐個炒蛋多士，d炒蛋應該同我個飯果d一樣，多士就係麥包黎，健康過一般方包啦原來薑汁加奶茶咁特別，好味另外，我個人比較鐘意呢種不銹鋼杯，感覺上凍d埋單112蚊，呢間冰室d食物簡單，但特意用一d好既食材，平凡裡有點不平凡。

一個人食午餐，經過見到呢間冰室幾多人排隊，諗住質素應該OK，就入去試吓~ Lunch餐牌主打滑蛋飯，本身又好耐冇食過滑蛋叉燒，今次就叫咗滑蛋叉燒飯~~自家製叉燒 日本滑蛋飯餐牌寫住叉燒係佢哋自家製，望落又真係同出邊買嘅唔同，叉燒嘅肉質比較軟唸，咬落有肉汁唔乾身，比出面叉燒冇咁肥，最怕食到滿口油脂，起碼食落啖啖肉幾滿足~滑蛋炒得啱啱好，最喜歡滑溜溜嘅感覺，有蛋汁，而且食到香濃嘅蛋香，配埋佢哋自家製嘅時候味道更加突出，本身見到成碗都係豉油都有啲擔心會好鹹，雖然豉油多但係味道不比坊間嘅豉油鹹，反而同滑蛋叉燒嘅味道都幾夾，我覺得佢豉油嘅味道都啱啱好既~~熱杏霜好耐冇飲過了，杏霜都夠滑，起碼冇刺激喉嚨嘅感覺，最喜歡不太甜，淡淡的甜味反而更加食得出杏仁嘅香味~

約左朋友放工食飯，因為就腳所以揀左油塘食，咁岩朋友之前話食過間幾掂既冰室，平時其實我麻麻地冰室，覺得頹頹地，但朋友再三強調呢間冰室唔同，野食堅好食講到咁正一定要試下，一試不得了，完全係驚喜啊聽朋友講第一次必試招牌，即係封面既滑蛋叉燒飯，可惜晚市好似冇，所以叫左同系列既滑蛋蝦牛肉飯，一樣食到lam lam脷要強調下，呢個係我食過最掂既滑蛋飯叉燒同牛肉一樣配合得好好，食到唔停口，配上旺記祕製既甜鼓油，以前好驚送飯既汁會太鹹，呢個飯完全唔會，我成碟食哂因為朋友係蕃茄迷，去親邊度都會叫蕃茄有關既食物，所以今日叫左蕃茄餐肉米粉，個蕃茄湯幾濃，見朋友成碗湯飲哂跟餐仲有多士送，朋友建議加多八蚊升級做奶油多，的確更正跟餐會送野飲添，本身想試薑味奶茶，覺得幾得意，不過最後叫左柚子蜜，一樣唔使加錢另外要贊一贊呢度既服務態度，姐姐笑笑口，唔會黑面唔會趕人食快d，同一般茶記唔一樣一定有下次

旺記冰室聽就聽得多 但成日都以為佢得灣仔店 唔太多機會去試但今日同母親大人行行下油塘大本型發現大食代竟然都有旺記!!! 就毫不猶豫決定晚餐係度落腳間店都幾滿座 我六點九去到都要排5-10分鐘母親大人好鍾意佢木嘅設計 好簡潔咁雖然我個人鍾意冰室懷舊啲 但依度都坐得好舒服 卡位is good雖然都知一定要試佢嘅滑蛋飯 但都睇下餐牌有咩其他野值得一試最後我地叫咗牛肉蝦仁滑蛋飯同豬扒炒蛋印尼撈麵先講個飯 米粒質感好緊要煲得好好 一粒粒飯咁 唔會太濕食得好有口感 蝦仁都彈牙 成碟飯配上佢地嘅自家甜豉油 好味🤪而豬扒撈麵份量真係超大!!!! 一大塊花形豬扒 加double份量嘅撈麵超豐富🤪 豬扒唔會太硬 唔錯 母親大人加$4試佢地嘅薑汁奶茶 幾特別!我地食到勁飽 都只不過人均$60度 真心高性價比

Food Court 自從裝修後食店質素亦有所提升, 多了好多選擇，正！星期六中午嚟，排了一陣隊，好快有位，不過一定要齊人先俾入坐，一個都不能少。點了個招牌菜「叉燒滑蛋飯」同「特濃蕃茄湯午餐肉粒通粉」，點餐後唔洗5分鐘就上餐，快、靚、正！個叉燒滑蛋飯好大碗，足兩碗飯，半肥瘦叉燒加上自製甜豉油，食到一粒飯都無剩。通粉都好好食，酸酸地食到好開胃！以後嚟大本型，都有好野食了！

旺記係冰室界有幾出名都唔洗我講以前係灣仔番工個陣食飯時間總係大排長龍Even星期六日下午茶時間都係人頭湧湧所以咁耐以尼都冇乜點係平日番工放飯時間成功食到過本來以為佢就係得一間舖頭係灣仔點知應該係生意好既緣故愈開愈多分店 竟然開左間係油塘添家住觀塘區 油塘可以話相當近我於是某日放工就決定去一嘗美味旺記最出名就係滑蛋相關既料理滑蛋叉燒 滑蛋蝦仁 滑蛋牛肉炒滑蛋跟多士 連雜扒飯隔離都會有滑蛋作為雞蛋死忠粉 旺記簡直係開正我個範之前淨係食過招牌既滑蛋叉燒飯但原來夜晚menu係冇尼個選擇既然係咁 唯有襯依個機會試試其他嗌左滑蛋蝦仁牛肉飯 又因為想試試奶油豬所以揀左蕃茄午餐肉米粉 跟炒蛋奶油豬(本來係跟多士 轉奶油豬＋5蚊) 飲品就嗌左奶茶同杏霜本身覺得滑蛋蝦仁牛肉飯應該冇叉燒咁正畢竟叉燒先係旺記既signature 點知 出乎意料地超正！蝦仁好大粒爽滑 牛肉亦好入味同滑嫩滑蛋當然唔洗講咁正跟埋佢個秘製甜豉油 簡直食唔停口同滑蛋叉燒比 可以話係有過之而無不及至於個蕃茄午餐肉米 本身我並無太大期待但一尼到既時候 個蕃茄湯頭係勁濃稠甚至係有啖啖蕃茄茸 大滿足佢既午餐肉亦唔係普通茶記切成一塊塊而係正方形

唔知第幾次食旺記了🙈今次行完山去咗大本營，見到food court開咗間旺記，唔洗諗就入咗去🤣黎旺記每次都係叫一樣既野，自家製叉燒蝦仁日本滑蛋飯🥚🦐 ($60 跟餐飲) 叉燒肥瘦適中，都幾冧幾薄，仲好入味。而蝦仁好爽脆夠哂大隻，2樣都好好味，所以叫雙拼就冇錯😛而主打一定係滑蛋同秘製豉油汁，蛋炒得好滑仲帶點濕潤，而且日本蛋係真係濃味啲，加埋啲甜豉油係好食到難以形容，每日食都唔會厭😻🤤🤤最後跟餐叫埋杯熱檸水～