旺記冰室 (大本型) (Closed)

今日去開油塘，行左陣街之後有d肚餓，於是就去左food court 果邊，然後就被旺記冰室個招牌吸引，一入去店面都幾寬敞明亮，望落去幾乾淨衞生，印象分唔錯。打開menu，映入眼簾既就係佢既招牌日本滑蛋飯，出於好奇，就叫左個招牌既滑牛肉，蝦仁雙併日本滑蛋飯黎試下，$58，價格中等，無話特別便宜或者貴，但勝在佢夠大，大大碟，如果係飯量比較少既女生，兩個人食一碟都飽。滑蛋同配料很多，鋪滿成碟飯，面積甚至比d飯大，非常足料，算係幾驚喜，因為好多時候好多餐廳d餸都會比飯少。 一入口，蛋幾滑，牛肉同蝦仁都幾嫩，最重要既係d蔥幾香，蔥味完全無被蓋過，加上佢秘製既甜豉油，其實入口岩岩好，所有野加埋都算係perfect match。 加左杯大杯既凍檸檬茶，埋單一共$63，都算不錯！下次有機會會想試埋佢其他野食，個蕃茄湯午餐肉通粉望落去都好吸引P.S. 佢既甜豉油真心配飯不錯

今日放假行下搵下有啲乜嘢食，之前經過見到呢間位於大本型foodcourt出面嘅旺記冰室都有唔少人食，仲聽聞啲滑蛋好好食，星期日都有下午茶餐，所以一於試下。🤣等咗一張枱就入得，週末下午都幾滿座，環境算幾舒服，啲枱都唔迫，侍應亦幾有禮貌。下午茶餐有7️⃣款揀，唔算太多選擇但都有唔同款式，價錢亦幾大眾化，餐已包熱飲。我就叫咗B餐嘅鮮忌廉雞湯鮑魚火腿絲通粉餐($38)，配鮮牛油麥包多士🍞同4.3牛奶炒日本滑蛋🥚。個通粉嘅質感好好味，一啲都唔淋，最重要係佢個湯真係好好飲，好正，雖然唔係creamy果種但好入味，佢寫湯頭係用鮮雞🐔淆製的，我亦都覺得真係無味精。多士同炒蛋都好食，多士特別在係用麥包，而且熱辣辣好鬆軟；炒蛋都好香好滑份量仲唔細。我呀爸呀媽就各自都叫咗F餐炸南乳雞髀餐配薯條($38)，雞髀🍗Size都ok，唔算巨型，但略嫌乾身咗啲唔夠Juicy，味道我覺得都唔錯，偏淡嘅南乳味，不過我爸媽就嫌唔夠鹹。伴碟嘅炸薯條炸得好脆，而且仲有啲沙律🥗菜添。👍🏻👍🏻呀爸加咗$10要椰汁紅豆冰，佢話都唔錯，好濃椰汁🥥味，而且上面果啲好似係椰汁沙冰，夠哂冰涼。總括嚟講，大眾價錢，性價比高，回頭率大。😁😁😁

經開大本型，今日就黎到旺記冰室食個午餐。尼度選擇唔係太多，不過食物水準都唔錯。我地今曰叫左黑椒白汁雞扒飯同蕃茄湯午餐肉通粉。白汁雞扒飯，雞扒大大件，雞肉好滑外面岩岩煎好，唔錯。略嫌白汁味道唔夠濃。蕃茄湯通粉值得一試，蕃茄味濃郁，午餐肉有再煎左再煮，通粉有彈性，每一啖都充滿蕃茄既香味，酸酸地好開胃，最後連湯清哂。另外，蕃茄湯通粉會包埋一個炒蛋同多士，多士脆口，好香牛油味，雞蛋抄得岩岩好，唔會太熟，入口即溶醫完個肚，就滿足甘番去喇。

自從醫師搬走咗，#小秘書 已經有一段日子無嚟 大本型 (Domain)。呢日 #小秘書 約咗個住喺 #油塘 嘅 #朋友仔 食飯，佢話 #商場樓上 最近開咗間 #冰室，提議一齊去試吓😉 ... 原來係 Mon Kee Cafe Domain -旺記冰室 油塘大本營店- 開咗喺 #Republic 正門一個角落😌 #旺記 使用開放式嘅 #餐廳設計，就連 #廚房 都無遮無擋，好彩 #抽氣系統 做得唔錯，唔使食到 #小秘書 成頭煙💨💨💨呢間 #油塘旺記 嘅食物款式同 #鰂魚涌店 比，概念上有啲唔同，當然我哋依然喺 #餐牌 上仲搵到 #旺記最拿手 嘅 #豬潤通份、#叉燒炒蛋飯... 不過另外就多咗啲 #豉油西餐 嘅款式，例如我哋呢餐有份叫嘅 #什扒飯🍴 #餐牌上 📖大大隻字標明食物配以 #旺記自家製洋蔥汁，#小秘書 係有啲期待嘅... 不過實物就似 #師傅 落錯 #生粉水 煮到杰撻撻咁😅而且味道亦唔見得太好😅😅 #朋友仔 之後主動加單，加咗碟 #叉燒炒蛋飯，我覺得ok嘅，但係佢又話啲飯再煮得太濕🤪 #飯後甜品 就以$18正價加咗個 #奶油豬 嚟 #開心share😉 但係個包嘅質感又唔係咁似我平時

2019年6月22日約左上朋友屋企玩。所以就諗住是旦食啲野就算。上去food court 同行友人話旺記個滑蛋叉燒飯好好食。見佢唔多人。我地就去左排隊。由於我地每一個人都係叫同一個。所以我冇乜點影相。好似燻蹄嘅叉燒可能因為我係食肉獸，所以好正！不過我覺得如果多啲汁，應該會更好食。我下次再食既話要叫多汁。如果第一次食。可以叫左原本咁試左先。凍檸茶。不過不失。正常野。本身諗住佢人咁多。啲野飲會唔凍。點知都夠凍

之前睇過某Youtuber嘅影片介紹過旺記冰室馳名嘅炒滑蛋一直都好想試奈何家住觀塘區，旺記冰室嘅分店同屋企都有點距離，加上佢哋嘅位置都幾吊腳幸好，今日有機會去油塘自取之前網購買嘅戰利品，而油塘又有旺記冰室嘅分店。仲洗諗？拎完戰利品即時去旺記試下我最愛嘅炒蛋！旺記設於頂樓個層嘅大食代美食廣場出面位置，都幾開揚，座位唔算多。但幸運地當時都有一半空位，可以唔洗等即時入座一早聞說叉燒滑蛋係晚市前先有供應，好彩問左侍應都仲有得叫等左5分鐘就到啦炒蛋部份整得幾滑，同埋聽聞係用日本蛋整，蛋香味好濃郁。叉燒肉質都幾鬆軟好食，蝦仁就普通雪藏貨品質。配上餐廳自家製既豉油甜甜地，仲有蔥花點綴，成個飯值90分

約左同事去上司屋企探佢個初生BB，第一次踏足油塘，原來佢地個大本型商場都幾大下，不過得個大字無乜野好行食肆都唔算多，數得出有邊幾間。本身想同同事去食丸龜，但見佢個場都幾多蚊仔飛黎飛去，加上炸物得返兩三款仲要唔啱食既....所以同同事行左去food court個層睇下food court門口有間旺記冰室，之前一直想試佢個叉燒滑蛋飯，見佢又唔洗等位，就拉埋同事入去坐啦餐牌唔多選擇，主打係炒滑蛋，同埋其實佢既豉油汁都聽聞好出色。本來想試叉燒滑蛋飯但職員話賣哂，咁就退而求其次揀左滑牛肉蝦仁滑蛋飯啦碟飯等左5分鐘就到嘩，炒蛋份量好多好多，係蓋過哂成個飯底牛肉同蝦仁份量都多，牛肉好滑無筋唔鞋口，而蝦仁就有腌過，有少少蒜味咁。餐廳標榜係用日本雞蛋，果然食落好濃好重蛋香味！同埋應該有落牛奶或者忌廉炒，食落好順滑炒蛋炒至七至八成熟，偏向薄身少少，但份量真係好足，我食完個飯底都仲有炒蛋剩個白飯底都煮得啱啱好，食呢類有汁有蛋既碟頭飯個飯底好重要！如果煮得太濕就影響哂成碟飯既質素同口感。個豉油汁原來係店鋪自家特製，食落少少甜，配合炒蛋同白飯食真係一流無得輸既餐廳環境普通，講真係美食廣場既環境就要求唔洗太高既，

閒日放假同啲要番工嘅人一齊食就係要早啲搵位，呢間一去到唔駛排，可能仲早，但朋友多次提我要早少少，我果下係諗駛唔駛咁緊張...點知過咗唔夠十五分鐘，坐滿，出面要排隊，堅料！望望餐牌，見到不停sell靚蛋，就試佢個芙容蛋飯，一試驚人，估唔到佢整得咁好食，難怪咁多人排隊。反而係個朋友食早餐，不過早餐都係正嘅，隻蛋特別正！通粉同牛連埋湯勁夾，可以再試

放假訓到晏一晏直接食下午茶當早午餐諗起夜晚又約左人綠色線食飯於是就走遠啲 搵好野食今次搵食搵到去油塘 一睇相就俾佢個少滑蛋吸引住啦呢間冰室藏於大食代入面但佢有自己既間隔唔駛同人搭枱同人迫food court食物選擇貴精不貴多 但其實已經好夠一定揀到想食既野餐廳好有心思 除左常有既餐 仲會有期間額外餐單呢個拼盤有大有細 店員會細心提醒最後我揀左茶餐A 轉奶油豬 鮮薑汁奶茶先講奶茶 薑汁咪濃 好有驚喜 一飲就知唔係粉沖 如果怕太薑 啲冰融融下 就變左奶茶咪濃但又散發淡淡薑汁味奶油豬 奶油份量剛剛好 唔會太油 而且仲好脆個滑蛋真係不得了一睇就知幾爆蛋汁 超滑餐廳寫明係用日本雞蛋 唔怪得蛋味又濃又滑啦到左蕃茄濃湯通粉午餐肉係炸過既 超有心思又大粒厚切蕃茄湯濃郁好明顯用鮮蕃茄煲出黎 所以有茄醬感覺通常質感剛好 唔會太硬太淋唔怪得下午茶時間都坐滿人啦呢間冰室真係 特登入黎食都值門票價

行完油塘石礦場，友人提議旺記冰室食晚餐。原來冰室係food court到，好易搵，油塘大本營三樓就係啦。個人幾鐘意以木為主調顏色的設計，顯得時尚感。我地被安排入座卡位，寬敞舒服。欣賞餐廳餐具和水杯整齊有序，井井有條。聽聞滑蛋牛肉飯好味餐牌食物選擇唔算多，我地輕鬆地決定點了4樣野。熱檸樂煲薑(跟餐加$8) 4/5檸檬可樂薑混合體會係咩味，唔係怪味，而係出奇地好味，甜度剛好，夠薑味，少少帶甘個人看法認為呢類飲品用陶瓷杯盛載味道更正。雙拼滑牛蝦蛋飯$58 4/5嚐一口先，蛋的確幾滑，牛肉也比想像滑蝦有四只，雖然不大，但勝在新鮮。🐔扒忌廉烏冬($58)餐廳指湯底是雞湯，味道的確不錯，烏冬帶韌性，係道庭烏冬，而雞扒煎得熱度熟度剛好，肉質嫩滑。個人比較喜歡係烏冬或雞扒加d麻辣油 ，味道更滋味。話說冰室，廣州話用以稱呼冷飲舖頭，主要售賣冷飲、雪糕及沙冰等凍嘢飲嘅食肆，喺省城起源發跡。香港嘅冰室喺1950年代開始興起，舊時都有好多冰室，但隨住1970到80年代賣埋粉麵飯嘅茶餐廳興起，冰室已經慢慢式微，但宜家開心見到唔少冰室都經營得很好，食物烹飪得好，管理完善，為我地添口福😋對於冰室美食，歡迎大家與

話說已經有一整年沒有嚟過油塘「大本營」，咁啱今日係油塘附近參加完一個行山活動⛰⛰，有山友👥話試過商場裏面嘅「旺記冰室」幾唔錯，於是抱住一試無妨嘅心態，跟住山友👥嚟到呢度搵食。「旺記冰室」屬於商場美食坊「大食代」裏面嘅其中一間餐廳，位處商場三樓，門面位置非常吸睛👀👀，在「大食代」嘅最當眼處。由於剛行完山，消耗左好多體力，去到餐廳門外，見到餐牌，已經流哂口水。🤤🤤服務員安排了卡位座給我們，坐得幾鬆動舒服，座位編號牌亦設計得很時尚，細心一看，原來餐廳英文名叫「Mon Kee」，我想因為名字跟「Monkey🐵🐵」諧音相似，餐廳特意用了一隻「Monkey🐒🐒」馬騮仔圖案做logo，連服務員💁🏻‍♂️💁🏻‍♀️的服裝亦都印有這個Logo，感覺年輕活潑。環顧四周，餐廳裏面仲有兒童椅供應，非常貼心。💝💝餐廳嘅食品主要有十幾樣，基本上，係餐牌最後一頁已經可以看到，餐牌內就附設圖片參考。見餐廳有告示，指湯底用鮮雞製作，看來很吸引，於是就點了雞扒忌廉麵豉湯讚岐烏冬！🍲🍲食物上枱賣相非常好，🐥雞扒煎得香口，🐣🥚蛋嫩滑，配埋洋蔥、木耳、青椒、紅蘿蔔🥕、椰菜、粟米🌽、芽菜及香菇配料，營養十足。湯底有鮮雞及金寶湯味，令

平時去油塘唔知有咩好食，嚟嚟去去都係果間，但今日行嘅時候比我發現咗原來有好出名嘅旺記冰室，咁緊係要去試下啦，位置又方便，一出地鐵站嘅大本型三樓。其實門口已經有個電子餐牌，可以睇下d野啱唔啱食不過講真，嚟得都相信係募名嚟食滑蛋叉燒飯，而且餐廳款式不多，所謂貴精不貴多仲好貼心咁有英文餐牌等我比大家睇下e個咁靚嘅滑蛋叉燒飯，蛋真係好滑，但唔會另人覺得一口油，配埋秘制醬油，掂呀👍🏻講真，份量真係好多，男仔唔怕食唔飽女仔細食嘅 兩個share一個都得但我今次要重點推介嘅，係佢地薑汁豬潤通粉，本身無聽過人推介，順粹見餐牌有個👍🏻，就決定試下，點知好有驚喜可能鐘意食豬潤嘅人唔多 所以無人察覺同佢，但我想講係我食過最好食嘅豬潤，無誇張，因為真係超超超超好味，唔鞋，仲好爽口，食過再想食，強烈推薦大家一試！

今日難得有Event出到油塘大本型附近，當然要搵搵呢到嘅人氣食店食返個豐富茶餐!每次睇blog經常見到灣仔一個非常吸睛的叉燒滑蛋飯，以及碟面印有旺記冰室已好想一試難得大本型大食代有分店，獨立舖位，檯面細心地有紙巾提供👍 由於這星期豬瘟問題，豬潤暫停，所以目標明確地決定試下同樣是旺記signature的下午茶餐主打: 特濃蕃茄湯午餐肉粒通粉整個下午茶餐份量滿多。脆炸午餐肉大大粒，脆卜卜而且香口，外脆內軟口感，是邪惡茶餐中的主菜，茄蓉味道濃郁，坑紋通粉既彈牙又吸味，每啖都滲入了茄醬汁的濃湯味，意外地比之前標榜蕃茄濃湯專門店還要濃！值得推介。另外只需加多5蚊便可轉奶油豬仔包包身烤得好脆、牛油同煉奶合二為一，上檯一刻那層煉奶超級迷人，見證住融入豬仔飽的過程👍4.3牛奶炒日本滑蛋，滑蛋帶甜味應該是加了明治牛奶一齊炒得香滑可口。最後一路喝著鐵杯保持冰凍的凍朱古力，下午茶餐飽足非常，能保持冰室質素又仍然受大眾歡迎的旺記下次一定要試試你的叉燒滑蛋飯😋👅美味: ⭐️⭐️⭐️⭐️/5✨環境: ⭐️⭐️⭐️⭐/5💫回頭: ⭐️⭐️⭐️⭐️/5💡性價: ⭐️⭐️⭐️⭐️⭐️/5💆‍♂️服務: ⭐️⭐️⭐️⭐️/5

旺記係我最喜愛嘅冰室之一，雖然無傳統茶記咁地道，但佢餐牌上食物配搭都不失特色😌以往食開鰂魚涌果間分店，今次第一次試油塘呢間，柯打左滑蛋牛肉鮮蝦飯同埋蕃茄牛肉出前一丁麵，愛爾蘭咖啡同埋熱奶茶。滑蛋牛肉鮮蝦飯，個蛋炒得剛好完全無overcook到一餅野，牛肉有口感，食得出無用梳打粉「拿」過；蕃茄牛肉丁出事位喺個麵度，食時見到過淋就知煮太耐，好彩蕃茄牛肉味道調得剛好，有點兒似星座冰室（但賣相比星座冰室嘅好....）愛爾蘭咖啡係伏伏地，唔知自己飲左啲咩，都係熱奶茶最穩陣

今天來到油塘大本營不知道有什麼好吃，看到美食廣場入口有一間冰室，便試一試。佢所有位置都好寬闊，不會感覺擠擁，整個環境都十分整齊清潔。他們的餐牌很貼心有中文版本，也有英文版本。我點了一份招牌沙嗲牛肉公仔麵，配上牛油麥包多士及4.3牛奶炒日本滑蛋，飲品我選擇了比較特別嘅鮮薑汁凍奶茶。沙嗲牛肉公仔麵入面嘅牛肉很大塊，而且肉質嫩滑，沙嗲味道剛剛好配上公仔麵，正。日本炒滑蛋見到已經覺得好滑的感覺，有少少蛋漿，感覺蛋味很重因為是日本雞蛋吧，所以這裏的滑蛋十分出名是有原因的吧。多士係用麥包感覺比較健康。平時的茶餐廳或者冰室都沒有見過薑汁奶茶， 原來薑汁配上奶茶味道都好夾，奶茶好滑又好香濃。餐廳有提供BB櫈，所以如果一家大細來這裏吃飯也很方便。