旺記冰室 (大本型) (Closed)

今日同老公又到東九龍一帶搵食😁 一直都想食旺記，聽講成日要排隊，所以見今日唔洗等好耐就係機會黎啦。雖然佢係大食代入面，但係係間左一個area 好似分店咁，安排入座唔洗自己搵位。座位數量都好多 （同時呢個唔係繁忙時間，食客都好多）。有飯有通粉餐選擇黎到梗係試下招牌滑蛋系列啦！ 我食左個义燒滑蛋，而老公就食左個滑蛋蝦仁。先睇睇呢個滑蛋义燒飯，滑蛋真係做得好好，好滑，生熟度岩岩好，唔會太熟而老左， 都無生過龍。义燒份量好夠，唔會食到底得番飯無哂餸，而且睇下下面張圖，大大舊！呢個就係滑蛋蝦仁飯🦐，蝦仁又大又粗！👍🏻黎到冰室梗係要飲杯熱奶茶，奶好香濃👍🏻

印象中，旺角冰室見得最多菜式應該係「叉蛋飯」。不過今次無試食到佢既叉燒蛋，而係試左「野菜蕃茄麵豉湯讚岐烏冬」。晚市時間，食客都算多，不過間鋪既空間尚算大，而座位都算多，座位間格寬敞。 落完單後，等左無幾耐後，食物就到了。 碗烏冬都幾大碗，而且野菜都豐富。 湯既味道有啲似羅宋湯，而且味道幾濃。 滑蛋賣相都吸引，味道不錯，亦很滑溜。 左邊就有一堆菜，加幾隻蝦，仲有啲火腿絲同飽魚絲，認真豐富。 食到最後，湯底可以飲埋。最後服務質素方面，啲姐姐同叔叔都好好態度，唔會「一田面」。 因為碗烏冬用叉比較難進食，而放餐具既餐具盒內又無筷子，於是舉手叫侍應姐姐拎，好快見到有人舉手就馬上走黎幫忙，很讚。

旺記既炒蛋咁出名，今次就黎試一試佢。多之前去過旺角果間分店，但因為實在太多人排隊，所以最後都係食唔到。今次黎到油塘，晚市都坐滿晒，但未至於要排隊，好快入得座。環境方面，Food Court既全開放式2設計，感覺好寬落開揚，燈光夠晒亮，照住『旺記冰室』呢個金漆照牌，哈。座位就岩岩好夠放一個餐，卡位就鬆動少少，無計喇香港寸金呎土。食物方面，叫左個雞扒忌廉麵豉湯烏冬佢主打個炒蛋，份量岩岩好，唔太多唔太少，如果太多會太利，未必係一件好事。個蛋幾重奶味，入口順滑。另外，就係大大塊既雞扒，食落都唔太乾，個皮夠晒脆。個餐有唔少野菜，都幾健康美味。個湯底不得不讚，比一般茶記既烏冬湯底都做得好，而且好濃郁，以及烏冬掛到少少湯，食落唔錯。

今晚決定簡簡單單吃一頓晚餐，就選了一間茶餐廳，但這間茶餐廳與傳統的不同，最大分別是它們比傳統的茶餐廳清潔及整理得多。而這間茶餐廳的特色招牌菜是滑蛋。。這次点了滑牛肉蝦仁併日本滑蛋飯，滑滑的蛋及牛肉配上餐廳特製的豉油，特別好吃。另外多叫一碗雞扒忌廉麵豉湯讚岐烏冬，雖然湯底比較咸，但與烏冬一齊吃味道又覺得剛剛好，而且嫩滑的雞扒，味道非常好，再加上招牌的滑蛋及配上雜菜，令至整碗烏冬非常豐富可口，令人回味。

每次午餐/晚餐黎都必點滑蛋飯，真的又香又滑。不過每次都要睇運氣，因為有時實在太多人，餐廳又唔多位，幸運的話等一兩個就入得，唔好彩。。。半個鐘都無得入。而且，價錢真唔平。。。

今天星期日天氣不太好，全日都下著雨，在家已座到發呆，亞媽又去左旅行無人煮飯，所以就陪亞爸去大本型吃晚餐，問亞爸想食什麼？他說上次同朋友食旺記冰室都唔錯，就是在油塘大本型內，去到已有位不用等枱，如要飲清水可自助斟水。亞爸叫了個雙拼滑牛蝦飯$58，飲熱鴛鴦。我就叫左個旺記雜扒飯$65，飲熱柚子蜜。是個套餐連飲品，雙拼滑牛蝦飯，D牛肉薄薄一片，有好多片肉質很滑，蝦就只有3隻都幾新鮮和彈牙，蛋都很滑時間煮到剛剛好不會老。而熱鴛鴦太多奶不是太適合我的口味。另一個餐旺記雜扒飯，雞扒和豬扒各一件，還有蛋和一些雜菜，我不喜歡它的汁所以改豉油汁，雞扒出奇地厚，真的好耐無食過咁厚的雞扒，肉質好滑應該是慢煮才會咁滑，而豬扒就韌左小小，但煎得很香，蛋一樣很滑，雜菜有小小沙律汁，食落會開胃些，飯一粒粒好似蒸飯咁好食，是日晚餐2人共$123不須加一，食到我們都好飽，還要在商場行下當運動。

旺記好多款食物都好出名，今日做完gym就黎食下個下午茶，果然無令我失望！南乳炸雞脾首先起視覺上已經好震撼，雞脾肉非常嫩滑，雞脾皮脆得很，淡淡南乳味起皮同肉中不斷滲出，惹味得黎又唔會搶左雞脾既肉味，一切味道岩岩好！一口奶醬西多士愈簡單既食物就愈難做得好、呢個一口西多士真係正到不行！每一粒西多士都好「索」，每口咬落去都索索聲！沾上甜甜既奶醬，一口西多一啖冰凍既凍檸茶，人生真好！印尼撈麵呢個撈麵好多人都識整，但旺記連呢個印尼撈麵都做得好好，每條麵都彈彈QQ，唔會太硬又唔會太軟，咁係煮麵者功力既表現！每樣食物都超熱辣辣燙咀式上檯，真係好正！下次一定要試埋佢既招牌叉燒滑蛋飯加甜豉油！

午餐點左一個鮮忌廉雞湯 鮑魚火腿絲通粉 個湯幾好味 普通雞湯清清地吾會太重味精通粉 火腿份量好多 鮑魚就相對地少 可以加多少少！炒蛋多士就有點失望😞吾似多士 似一塊麥包咁啲蛋都算滑同香另一個餐 叉燒蛋飯賣相不錯大大碟啲叉燒好味 有口感 啲肉好厚不過吾好放太耐會出水但吾食葱嘅朋友要注意⚠️啲葱係撈入去 所以吾知可否叫走葱整體環境比一般茶餐廳乾淨 可以自己去斟水 有tissue 提供職員都態度良好但座位太逼 要搭枱價錢都要$50-60 不過不用加一！

今日先知原來油塘都有旺記 真係好開心因為我好鍾意食佢個叉燒滑蛋飯今日公眾假期 瞓醒都12點幾 冇早餐決定去旺記！一坐低唔使講 叫個叉燒滑蛋飯先啦我朋友想叫秘製豬扒飯 可惜咁快已經賣晒好快叉燒飯就黎到 見到金黃色嘅炒蛋覆蓋住成個飯 令人流晒口水個蛋炒得好滑 配埋甜甜地嘅自製醬油 好開胃呀 加上啲叉燒好林 唔會乾哂硬哂食唔到一句講哂 正！食食下聽到廚房話叉燒滑蛋飯已經賣晒當時只係兩點幾 所以要食嘅就趁早喇順便睇吓下午茶個餐牌 都幾吸引以後喺油塘又多咗一個開餐嘅選擇啦

油塘高級茶記.油塘大本營food republic翻新過之後都未食過，今晚買外賣就諗起可以去試吓。.認得門口呢間旺記冰室有幾間分店，見佢門面幾光鮮新淨於是就試吓。.豬扒炒蛋印尼撈麵 $54所有嘢都係即叫即煮，所以等左5-10分鐘。連骨豬扒好大塊好多肉汁，煎得好香不過有少少多油。炒蛋都估佢唔到幾好味，外賣盒焗左半個鐘都唔會老哂，堂食應該更唔錯。印尼撈麵有少少乾得濟，但味道係好味嘅indomie.😀其實佢仲有好多唔同嘅選擇，叉燒炒蛋，雞扒等🤓下次可以再試

朋友系油塘果面放工，我們相約去附近既大本營商場內食晚餐，來到位於3/F的位置，大半層的空間都做成Food court ,內裡有十多間食店，中日意韓什麼美食也有，我們行完一圈後決定選擇食中菜，我們揀左招牌金光閃閃發光的旺記冰室用膳，這裡地方寛敞，服務態度友善有禮，前台員工們儘使巳工作了一整天，但臉上仍然見到保持笑容，我和朋友睇完menu 後，我選擇了爽口蝦仁日本滑蛋飯，配飲品熱杏仁霜，朋友就點了雞扒忌廉麵豉湯讚岐烏冬，配飲熱檸水，落單後五分鐘左右，我的蝦仁滑蛋飯便來了，面頭有些豉油汁，食落甜甜地的，塊蛋面積大到可以將飯全部蓋住。朋友的雞扒讚岐烏冬，睇落份量不是很多，但移走雞扒及滑蛋後發現有很多蔬菜在下面，朋友說烏冬很滑很彈牙，個湯底奶白色咸咸地，味道都幾得意，加上塊雞扒很大塊，佢差點食到食唔落，所以份量是非常足夠的，食到我倆都捧著個肚離開。

Happy Friday約左friend子撐檯腳~佢知我鍾意食蛋蛋就介紹我去佢屋企附近間冰室食蛋蛋飯~呢晚放工即刻飛去油塘搵佢~餐廳係大本型Foodcourt入面，非常易搵~👍7點去到雖然已經好多人但好好彩唔駛等位，睇Openrice繁忙時間好多人排，今日真係lucky~~~😝😝坐低望下Menu真係好多選擇，不過我一眼就睇中有牛肉同蝦做配料既滑蛋雙併飯~而friend子話好餓就叫左雜扒飯。跟餐有兩杯野飲。滑牛肉蝦仁雙併日本滑蛋飯我個飯黎左先~上檯見到成碟飯被滑蛋完美覆蓋住~上面既滑牛肉同蝦仁份量唔少!蝦都幾大隻，仲好爽口!滑牛肉夠淋唔韌~我心目中既主角滑蛋表現出色，夠滑又有蛋香味!上面有蔥粒增加左蛋既香味。畫龍點晴之處係個甜豉油，令成個飯唔會太乾之餘亦令味道提昇~旺記雜扒飯friend子既雜扒飯超大碟，雜扒係雞扒同豬扒，仲有滑蛋係隔離。兩塊扒都好大塊，佢評價話雞扒個皮好脆，肉質夠嫩滑，豬扒醃得入味唔鞋~配埋個洋蔥汁好惹味。本身都懷疑咁大碟佢食唔食得哂，點知佢食到一啖飯都冇剩。食下傾下就完左我今個星期既Happy Friday~

到附近的大本型尋找美食，原本對茶餐廳感覺一般的我，卻被這間旺記冰室的滑蛋圖片吸引，就決定試一試，果真不負所望！這個烏冬絕對不比日式餐廳遜色，很彈牙，滑蛋果然香滑，蝦仁也脆口，實在不錯！滑蛋和蝦仁已經評了，就說說那醬汁，應該是甜鼓油（雖然他們說是特調汁），十分惹味，與蝦仁及滑蛋很配，讚！因為我有一點感冒，所以點了這個熱檸樂煲薑，薑味濃郁，喝著喝著就感到全身發滾，很舒服！哈哈...總括而言，旺記冰室帶給我們滿滿的驚喜，雖然選擇的款式不多，不過很是不錯，下次要嘗嘗他的奶油豬和豬潤通！

好耐都冇行大本型啦，今日行開先發覺係food court隔離原來有間新鋪-旺記冰室。睇得出呢間鋪嘅裝修都係幾有主題，而呢隻嘅木色亦都係我屋企裝修嘅主色，所以一睇即合，雖然前面有幾個人，但係安排得好快，唔洗3分鐘就有位坐啦。唔夠三分鐘，就到我排前面啦。係等候嘅時間，我不忘立即手機search下openrice呢間野有咩好推介，一打開個食評個到，個個都推介呢個“滑蛋叉燒蝦仁”，我梗係都唔執輸啦，叫左呢個餐同杯熱檸茶。個餐牌仲有中英文，唔似得有地餐牌係中英文咁一版睇晒，搞到要睇英文個陣，地英文字就細到要用放大鏡先睇得到。準備拎定d餐具等開餐啦，排列都算尚可整齊同乾淨。唔洗5分鐘，登登登登，主角登場 色澤好靚，好juicy咁嘅款，蝦仁都好大粒，食落去仲諗住會唔會太咸呢，但原來唔會，係甜甜地，叉燒都好新鮮，鬆化，唯一不足的就是蛋唔知係咪被甜所遮蓋，冇乜蛋味咁。食過呢d咁juicy嘅野，固然唔少得嘅就係飲返杯檸檬茶黎中和下最後埋單，只不過係啱啱好60蚊。

星期日周圍都多人，成日係鑽石山食，食都食都悶，難得星期日爸爸放假，就決定去遠啲啦！今次決定去大本型，可以行下街，又多嘢食選！而且一去 Food Court，係門口就發現到旺記冰室，望一望餐牌，就即刻拍板決定食佢！「叉燒日本蛋飯」，爸爸係叉燒迷，係門口見到就已經話要食！我就覺得好好味，因為叉燒夠林，配埋滑蛋，加埋蔥花，我覺得係100% match呀！而因為細佬鐘意食蝦，所以我就揀咗呢款「蝦仁叉燒蛋飯」。我個人覺得蝦仁好味，但配搭落滑蛋，就冇咁夾，所以我就比4星啦！「熱奶茶」，去得茶餐廳，嶠媽都係鐘意飲奶茶，同埋我好鐘意佢地用呢啲保溫杯上，因為食完飯杯奶茶唔會凍哂！茶味適中，唔會太濃，都唔會有澀味，而且午餐包埋，唔洗另外加錢總結：假日食午餐，冰室都算多人，但唔洗排太耐隊，而且員工都好有禮貌。咁嘅食物質素配咁嘅價錢，超值！而且佢地係採用日本雞蛋㗎！