魅廚 (Closed)

鋪位細細，大概有十多個位，多少有點逼，不過味道還可以。餐牌不算多選擇，有點似車仔麵，由湯底， 辣度，麵，餸，飲品，續樣揀。兩個人揀咗麻辣湯底和醉辣湯底。個人覺得醉辣湯底幾有趣，辣中帶有酒香，不過朋友覺得有啲啲怪，唔適合佢。麻辣湯底唔算好辣，但夠麻，那種麻香是我的最愛。至於餸方面，一碗選了花甲，豬手，金錢肚，另一碗選了花甲，大腸，牛腩，鹵水蛋和口水雞。主打的花甲品質一般，size較小，而且唔夠入味，反而口水雞幾滑。整體不過不失，可以再嚟～

週末下午茶 黎到屯門華都食花甲粉餐廳細細 得12個位 都算多人 食食下都有人要排隊等位望下餐牌先醉辣湯底花甲粉 醉辣湯底好特別 甜甜地 有好香既花雕酒味花甲就略嫌少左d 同細左d 不過對得住呢個價位麻辣湯米線呢個湯底冇禁特別 當正常米線食 都ok

呢間花甲粉都開左一段長時間，啲相關關注組推介左一段時間，今日機緣巧合下終於去試，點知竟然係伏到冇得再伏既級數⋯⋯🥲🥲🥲叫左個花甲粉，香辣湯，大辣。呢間餐廳係採取先付形式，俾完錢先有野食。平心而論，小弟都食過好幾間花甲粉，對花甲粉既要求都唔太高，但呢間真係呢⋯⋯簡直係一絕⋯⋯香辣湯，竟然可以做到唔香又唔辣，成個滾水湯咁，完全唔明點做到咁既質素，個湯啲色淡到呢⋯⋯真係不可一更不可再另外呢間餐廳啲飲品都食水都深，紙包裝檸檬茶都叫價$8，如果係沖既都算⋯⋯紙包都咁既價錢，真係⋯⋯餐廳既店員仲好落力咁叫人加錢要小食，但真係呢⋯⋯你不如認真做好碗花甲粉仲好啦⋯⋯有啲野真係一睇就知，一食就明

1. 酒香醉辣湯花甲粉 粉絲 小辣好有酒香味，偏甜，湯底幾有特色，小辣但唔辣🤣2. 魅廚香辣花甲粉 粉絲 小辣普通香辣，都係個句，唔辣！🤣3. 鮮甜魚湯花甲粉 米線 魚湯味唔算好濃🤔4 . 魅廚香辣花甲粉 河粉 小辣5. 口水雞 半隻幾抵食，4個人share都有啲多🙈不過啲雞有少少”鞋”推薦指數:⭐️⭐️⭐️⭐️/5店舖位置少，不過環境乾淨，粉同花甲嘅量比想像中多，花甲鮮甜，冇沙！仲好貼心咁俾左2個碗我哋裝花甲殼。不過都有1,2隻花甲未開哂🙈

2人行👭🏻家姐介紹我去食呢間花甲粉，懷住試吓嘅心態又發覺唔錯👍🏻，舖頭比較細位置唔多，當時係唔需要排隊，上菜嘅速度都幾快。叫咗2份花甲粉，份量啱啱好唔多唔少，價錢中等，幾抵食嘅😋佢有好多唔同選擇，唔同嘅辣味🌶️（麻辣、醉辣、魚湯）分大、中、小辣，可以加唔同價錢嘅配料，根據唔同人嘅口味揀返自己鍾意食嘅。本人揀咗魚湯花甲粉，轉左$5烏冬同加咗$8豬大腸。家姐揀咗醉辣小辣，轉米線，加咗$6牛丸同$10豆漿兩份飲最後兩個人賣單$125，係一間會再去食嘅花甲粉🫶🏻

試過幾間花甲粉，呢間「魅廚」絕對係最好味😋花甲粉超大碗，熱辣辣先$48，仲要可以再加唔同款既餸😝我加埋豬手、牛肚、聖瓜🤪連埋野飲都唔洗$80，豬手超淋🤭牛肚好入味😍湯底有得揀香辣、麻辣⋯⋯仲有唔同辣度，食完都唔會覺得口渴👍🏻👍🏻粉麵揀咗粉絲，入面本身有啲金菇芫茜🥰見到仲有好多小食，例口水雞、麻辣金菇牛肉、鹵蛋…..可惜太大碗已經試唔到其他小食，雖然向屯門，不過值得一食再食😋下次要留肚再試多幾款唔同既小食！

琴日係一年一度既冬至，梗係要一家人食餐好第一下就諗到魅廚出左個花甲雞煲之前食過幾次堂食都覺得好正今次就即刻決定要訂因為要早一日訂 但我又好晏先決定食佢係夜晚8點幾膽粗粗敢試下有無得訂啦好好彩又俾我訂到。訂左當日6點去拎到左唔洗等就有得拎一拎起手仲係熱辣辣仲好有重量添架😋番到屋企打開有驚喜因為花甲既數量俾我想像中要多應該都有超過30粒都算對得住個價錢既最重要係個味真係好好味阿食過番尋味阿😋😋😋下次一定會再幫襯

今日去左屯門華都商場地下既一間小店-魅廚，舖頭唔算大，但入到去都唔覺得迫😆呢間小店主要以酸辣為主😀食物選擇都有唔少，可以先揀定左海鮮、之後再揀湯底、粉底、配料之後就可以落單，唔夠喉嘅話仲有其他揀其他小食我就點左花甲粉魅廚香辣湯粉絲加腩肉鹵水蛋，朋友就食風味粉魚湯加牛腩墨丸生菜，另外加左個小食-醉辣金菇肥牛😍上菜係用錫紙包住，大大份勁足料，用錫紙嘅好處，可以更加保存到食物溫度😛湯底有差唔多10隻左右花甲，豬腩半肥瘦，小辣湯底對我黎講辣度啱啱好好開胃，朋友叫既魚湯都好鮮甜，唔食辣既都有得揀！香辣金菇肥牛就細細碟，但勝在肥牛夠多，辣辣地好香口！平民價錢食到花甲粉，超級大滿足，下次再去要試埋東風螺粉！

10.12.2022 星期六 午魅廚星期六中午度度都係人，見呢間花甲粉未試過，之前喺OR見過好多好評，所以經過坐低試吓。地方不大，十多個座位，少少迫但坐一陣食過午餐還可以。好似車仔檔咁，有張飛仔自己揀餸好方便。首先選擇海鮮，有風魅粉（＄30，即係淨粉）、花甲粉 （$48）和東風螺粉 （$58）。最特別有東風螺，下次有機會要試試。之後選湯底，有四川麻辣湯（小辣，中辣/大辣）、酒香醉辣湯（小辣，中辣，大辣/走酒）、鮮甜魚湯（唔辣）和爆茜皮蛋湯 +8。再者選粉底，有粉絲、河粉、米線、菜底和烏冬+$5；難得有菜底，我呢隻食草（菜）牛當然揀菜底。😂配料有廿四款，普通食材，例如魚蛋、牛丸、貢丸等等，同平時車仔麵差唔多。另加罐裝汽水或豆漿。除此還有小食，鹽水雞、口水雞、豬手、豬大腸、雞翼等花甲粉$48、鮮甜魚湯、菜底秀珍菇、芽菜、唐生菜、芫茜、另加$18花甲、低糖豆漿（合共$100）今次先試花甲鮮魚湯，菜底，加了幾款食材，以為自己叫咗好多，結果來到並沒有想像中豐富。打開錫紙，首先見到芫茜，薄薄鋪滿碗面，份量算多，其他秀珍菇、芽菜和唐生菜正常份量。本身主要是試花甲粉，所以仲加多一份$18花甲，打開睇好

鮮甜花甲粉偶然經過屯門華都，發現一家店面不大的花甲粉店。自從屯門巿廣場food court開了花甲粉，對這款美食一試愛上。貝殻類海產向來都是受歡迎的海鮮，但蜆、花甲、沙白又有什麼分別呢？原來蜆外殼的坑紋較明顯，有花紋；花甲則花紋均一，外殼較光滑；沙田的外殼光滑，體形比較大。話說回來，這一家魅廚花甲粉採用車仔麵式的點菜方式。花甲比較大，粒粒肉厚鮮甜，沒有沙，大概一碗有十來隻左右。麵食方面我選了粉絲，煮得剛剛好，有適當的口感，不會太過熟而軟爛。總括來說，價錢定價實惠，我看也有不少學生來午餐，經濟好選擇。

黎左華都買野，順便去搵下食咩先。揀左食魅廚，想試下花甲粉好耐啦。店內不大，十零個坐位左右。店員送上落單紙，有唔同湯底同配料等可揀，選擇都幾多。等左一陣個粉就黎啦，熱辣辣㗎。要左魅廚香辣湯花甲粉，加豬大腸同芫茜，一打開就見到爆多芫茜，茜味香濃。魅廚香辣湯真係幾香，要左小辣基本上完全唔辣，想食辣湯我估要去到大辣先得啦。花甲鮮甜無砂，一碗份量都唔少㗎。豬大腸滷得入味，厚切有咬口。麵底有粉絲、河粉、米線同菜底可選，揀左要粉絲，吸飽湯汁好正。另加了一支豆漿，夠凍幾好飲。

話說花甲粉喺香港興咗一段時間，見到屯門華都有一間新開嘅花甲粉，中午時間都幾多附近街坊幫襯，就拉同事去試吓佢！除咗花甲粉，仲有東風螺選擇！不過今次我地叫咗兩個花甲粉～湯底有香辣，麻辣同酒香醉辣湯🌶️配料我簡多一份我最愛花甲，金錢肚，一上枱已經好興奮，打開錫紙熱辣辣湯麵🍜花甲鮮甜味美，湯底夠哂鮮甜，金錢肚比得好大方！！一份數下都有成十舊～好滿足另外同事叫咗花甲烏冬，烏冬索哂湯頭鮮味，每一啖都係享受😎配料簡咗鹽水雞！鹽水雞值得一讚，嫩滑唔會太咸，伴埋青瓜絲一齊食夠清新唔夠喉～叫咗兩款小食試下！小食可以簡半份好適合樣樣都試下既我地。豬大腸滷得好入味，唔會韌～另外醉辣雞翼都幾特別，香辣滷水汁帶少少酒香😍

><鋪頭細細 光顧短短半小時訂單絡繹不絕 做到冇停手花甲粉($48)𝒮𝓉𝑒𝓅 𝟣: 鮮甜魚湯/四川麻辣湯/酒香醉辣湯 小辣～大辣𝒮𝓉𝑒𝓅 𝟤: 粉絲/河粉/米線/菜底𝒮𝓉𝑒𝓅 𝟥: 金錢肚(+$10) 豬手/腩肉(+$8)芫荽(+$6)一打開錫紙 香氣撲鼻本身配料有芽菜/芫荽/蔥花/金菇花甲有10餘隻喺底 鮮美冇沙自選配料就喺面 五花腩幾肥金錢肚爽彈 豬手骨膠原滿滿湯底下次要叫中辣 更惹味因為粉絲會吸盡湯汁><><><><><><><><><><魅廚屯門屯利街1號華都花園商場地下60號舖

花甲粉足料、夠味每星期都有心癮想去食一次個人唔喜歡酒，所以必定揀麻辣再叫個拼盤，入味多料牛腩豬軟骨都好好食下午3點去都要排隊較多人叫外賣純對值得介紹屯門小店美食

魅廚 位於屯門 平時經過 永遠見到排隊夜晚8點45 人流已散😏流程係 自己圈紙仔 就可以等食 鋪仔細細 選擇都唔小花甲粉：四川麻辣湯 麻辣口水雞 唐生菜 米線上枱時 錫紙包好 打開出煙 花甲都有9-10隻 重點係唔係細細的 無沙 米線分量唔小 金菇 芽菜底 keep住都係熱的麻辣口水雞只係+$15 價比高 大約6件雞 中size 醬汁唔算好辣花甲粉：魅廚香辣湯 粉絲 豬腸底料同以上一樣 係味道唔同 豬腸洗得乾淨 湯底味道 唔識形容 未試過 但係 係好味的 一啲都唔似平時食過的 大家可以試試快靚正 撞啱時間去 就係爽