八月茶室 (南豐中心)

Open Now

Now Closed

今日和朋友到荃灣買點東西，然後簡單的吃個晚飯，想到一間新開的茶室，叫八月茶室！其實是茶餐廳的風格但又比茶餐廳亮麗光鮮，食物也相當不錯👍🏻🔸中式餐湯大大碗，好飲！🔸瑞士汁干炒牛河：是不是瑞士汁的關係，特別好味，不鹹也不太甜，味道適中！河粉顏色炒得好靚，牛肉份量多👏🏻🔸川味水煮魚：叫了小辣，辣度非常好，少少辣可以食到魚的鮮味，份量多，魚肉夠滑！🔸椒鹽鮮魷：外面好脆，好香口，魷魚鮮嫩彈牙！

同朋友👩🏻‍🦰行咗入呢個商場，肚仔餓，見到呢間餐廳，朋友👩🏻‍🦰話睇落乾淨企理不如入去試吓，咁我梗係唔反對啦🤣$188「招牌酸菜魚」：飲啖湯先，湯底味道濃郁🤩；魚片白雪雪，肉質又嫩又滑，感覺好新鮮🤩；其他配菜包括 萵筍片、大豆芽菜、紅辣椒、芫荽、芝麻、薯粉等，都幾豐富🤩；「酸菜魚湯」仲可以撈飯食😋$73「土魷馬蹄蒸肉餅」：肉餅彈牙，肥瘦適中，好豬味🐷，加埋煙靭嘅土魷，更加好食🤩加 $12 有 「白飯+例湯」：大大碗白飯🍚，大大碗例湯🤣$71「瑤柱蝦米浸時菜」：菜心🥬大大條，新鮮爽脆😋；仲落咗好多蝦米同蒜頭，食落更加好味🤩$42「騰椒魚皮」：魚皮細細片，份量都幾多🤩，口感勁爽脆，非常辣🤩加 $12「凍檸茶🍋少甜少冰」：凍冰冰，配好辣嘅「騰椒魚皮」一齊食，超爽快🤣食完我話俾朋友👩🏻‍🦰知，我曾經去過佢另一間分店🤣

放假約咗朋友荃灣行山，lunch時間就落番黎南豐中心揾間餐廳醫肚。#八月茶室 餐廳位於南豐中心2樓，又鄰近地鐵站，大家搭車番屋企好方便架。餐廳環境寬敞，地方明亮整潔。適合一大班人聚會，現場見到唔少家庭客。菜式選擇種類有好多，西餐、廣東菜和川菜都有，就入內去試吓。❣️ “酸菜魚(小) ”$188即使屬於(小)但其份量屬於多，足夠2至3人份量。大量新鮮魚肉，肉質又嫩又滑，以薯粉做湯底，入口滑溜溜薯粉吸晒啲湯底，還有大量酸菜，萵筍等配料，系典型川式酸菜魚。非常豐富！❣️ “黃金脆皮蝦球”即叫即炸，上枱後嗅到好香咸蛋黃味，外皮炸得超酥脆香口，蝦仁又彈牙。❣️ “XO醬配四季豆”四季豆炒得乾身有鑊氣，好惹味，撈飯一流全部小菜加$10 可配白飯，飲品價錢半價，人圴消費價錢唔貴，無收加一服務費。

晚上途經南豐中心，想隨便食個簡單晚飯，見OpenRice上都有唔少好評，所以就揀左呢度。我地叫左一個麻辣海鮮炒意粉同一個牛扒拼雞扒。炒意粉先到，佢好多汁，我想像中既炒應該係比較乾身，呢樣都唔係重點，重點係佢超級鹹，自問本身比較重口味既我都頂唔順，要狂飲野。到個扒黎到，一切塊牛扒，個色水好奇怪，又淋到好似食緊鬆肉粉咁，完全冇牛味，淨係食到個黑椒汁味。以為塊雞扒會好啲？我錯喇。塊雞扒既肉中間有好多唔知係咩既麵粉類物體，所以我覺得自己好似食緊合成肉。奉勸各位試呢間野之前真係要有心理準備，呢個價錢附近有好多選擇。

    老友Call出來 撐枱腳吹吹水！地點約在荃灣地鐵附近的南豐中心二樓「八月茶室」。奇怪為何不約我到大排檔或打邊爐而是來這間茶餐廳呢？   來到餐廳環境光亮整潔木系裝潢感覺舒適，而且頗人氣的。原來這裡除了一般的西式小食，ABC茶餐和常餐外，還設有川味糸列，鐵板系列，石鍋飯等供選擇。老友表示 晚市粵式小菜做得相當不錯！小炒，煲仔菜式特別有鑊氣！點了~川味小食～泡椒魚皮   42元這個涼伴菜很久沒吃過，今晚在這裡也可吃到。魚皮爽脆，味調得麻麻辣很滋味！豬肚炆滑雞煲  98元熱騰騰的上檯，好有鑊氣香噴噴！雞肉件件啖啖肉都好嫩滑，豬肚爽彈軟熟麻麻辣好入味！羗蔥， 芹菜，蔥頭等 。都一樣咁香口！紅燒豆腐班腩煲  72元個煲好有份量，魚件大大件外脆內嫩好香口，豆腐夠滑醬汁味道調得好惹味 。豉汁蒸倉魚  89元這條魚更有驚喜！足有十両重！肉質嫩滑！非常新鮮！廚師功夫了得！時間拿捏得好準確大酒樓水準！魚厚身肥美鮮香！幾道菜餸飯佐酒都一流！有點 可惜就是這裡沒有啤酒叫。每個小菜都可+10元配上白飯和例湯，跟飲品只收半價。例湯足料濃郁。超滿足！好味道！性價比高，晚飯小菜好選擇！

在附近上班，自從開左依間就日日lunch time都幫襯無他既，種類多，質素都ok最中意食既係咖哩飯，咖哩勁香仲有溫泉蛋撈飯再黎川菜系列都好食香辣土豆絲好惹味，餸飯一流不過有時會煮到偏酸，都要睇彩數仲有回鍋肉都好好食，香辣適中，都係餸飯既良品土魷蒸肉餅都好正，土魷比得好足，肉餅唔會實的的不過即蒸既要等耐啲時間，要預早啲時間叫先得。由於lunch time依間係一定要排隊，所以次次都係叫外賣拎返公司食就冇特別影相

荃灣地鐵站旁的南豐中心，各種民生小店一應俱全，八月茶室裝修簡約企理，價格實惠，很受荃灣街坊歡迎。侍應先端上晚餐例湯，熱騰騰的，抵讚！蒜香蜜餞牛仔骨：牛仔骨伴以洋蔥爆香，口感鮮嫩多汁，經過蜜餞和蒜香調味，微甜中的略淡蒜香，肉食愛好者的美味選擇。農家臘肉炒蒜苗：臘肉的鹹香和蒜苗的清爽相互融合，口感豐富，香氣撲鼻，讓人回味無窮。豉汁蒸鯧魚：鯧魚蒸煮後淋上豉汁，保留了鯧魚的原汁原味，鯧魚鮮嫩的口感和豉汁的醇厚十分美味。是一道甚受普羅大眾歡迎的地道菜式。想吃得健康一點，加了這度花菜豬頸肉，肉質軟熟，椰菜花爽甜，健康又好味！餐飲點了港式茶餐廳經典：龍鳳七喜，檸樂，還有菠蘿冰！

因為要去荃灣南豐中心樓上舖買嘢就喺附近搵食見到餐廳門口勁新望下餐牌又竟然有川菜一於試下當然叫我最鍾意嘅酸菜魚因為同行朋友其實食左豐富早餐所以就叫左雞扒米線餐呢度最好嘅地方就係多元化普通茶餐廳嘅野食有石鍋飯又有得食連專嘅川菜都有真係滿足晒你所有願望👍入返正題我朋友個雞扒米線餐正常發揮重點米線湯底竟然唔差餐有埋丹麥吐司貴嘢好抵食跟住到我個重點緊係酸菜魚想講一上枱嚇親賣相都幾好重要係好大兜我勁驚食唔晒佢嘅魚比出面都多係落重料湯底啱啱好唔會太酸或太辣不過我叫左少辣魚片新鮮重要有我最愛嘅寬麵呀係好好味食到唔停得口不過實在太大份量我都要叫朋友幫手連佢平時唔好酸菜魚都話好食我覺得應該其他川菜都唔會差下次一定要試其他知唔知最爽係可以飲到正宗茶底嘅凍檸茶一路嘆係正嘅下次都一定會再來

今日約友人在荃灣小聚，並在南豐中心的📍八月茶室吃飯。餐廳採用了原木色結構裝飾，於人一種清潔、乾淨和溫暖的感覺，裏面的卡位闊落坐得舒適。🤗坐下看看menu有平常的早午晚套餐外，還有其他的菜式。如炒粉麵、鍋飯、煲仔小菜、海鮮類，西式的鐵板和意粉，連川菜都有供應，選擇相當豐富。先叫了一鍋的 💢 酸菜魚(小) $188，酸菜很爽口湯汁酸酸辣辣卻不會過酸非常之醒胃。一片片魚肉🐟很新鮮爽口肉質結實不會一挾就散，下面的配料牙菜和萵筍爽口，寬粉亦煙韌同樣之惹味。💢芝麻黑糖醋骨 $78，啡啡的糖醋骨上面鋪滿上芝麻，味道酸中又帶甜蜜惹味味非常，排骨肉質亦很嫩滑咬落不會覺得老，又是一個非常開胃的小菜。😋💢 鐵板肉絲炒麵🍜 $60，因為是用鐵板上的關係，麵餅經煎炸後上枱時仍然在吱吱作響夠曬鑊氣，食入口香脆可口，上面的肉絲炒來亦非常美味，混和炒麵同吃，口感香脆軟腍絕對一流。👍朋友還想一試它的甜點所以叫了一個💢流心西多士🧇拼薯角🥔 $39，西多士外表金黃香脆，内裡柔軟切開即流出濃香軟滑的流心，另外薯角亦很甘脆可口。😊💢 龍鳳檸七🥤$26不是很多餐廳有做這個飲品，咸檸檬配上新鮮檸檬加上7喜，有一種懷舊的感覺，在

自吃過蕃茄18 的焗豬扒飯後， 一直念念不忘， 也想找一間可以超越她的。 經過這間新開冰室， 又是較抵的下午茶時段， 所以決定一試。焗鮮茄豬扒飯$49我至愛的焗豬扒飯，外表焦香，應該下了合適數量的芝士。豬扒切件，方便進食，雖然不是厚切。但豬扒嫩滑不淋爛，有點調味炒飯底，雖然蛋味不算太出色，蛋香蛋味有點欠奉，但也炒得乾身，粒粒分明。而蕃茄醬也剛好，不會太多令飯太濕，味道方面，不會太酸，有點甜味，而不是死甜，還有點鮮茄味。 因為友人曾經在這裏吃過下午茶西多士配雞髀，西多士雖是新鮮炸起，而且是一口大小的，但中間搽的花生醬，店家搽較吝嗇，令其西多士大大扣分，所以不值一試，看見她們有提供流心西多士配炸髀，雖然我們倆對奶黃餡興趣不大， 但應該會比西多好吧？？流心西多士配雞髀外表非常吸引，金黃外表，再配上清新青瓜和蕃茄。軟淋的包，但也不會太爛，只是不是鬆軟，也未算很油，有淡淡的蛋香蛋味。切開「流心」西多，果然是不流心。奶黃的味道也不算太濃，那也剛好，因為我們沒有很喜歡奶黃。炸雞髀就是一般茶餐廳的水準雞肉嫩滑，沒有腥但有一個很致命的傷，就是中間還是未熟的。

我品嚐到了一道讓我驚艷的菜品－孜然牛肉。這道菜散發著迷人的香氣，口感豐富，絕對是一道回味無窮的美味佳餚。首先，孜然牛肉的外觀令人垂涎欲滴。牛肉薄片經過烹調後，呈現出誘人的金黃色，表面烤焦的紋路增添了視覺的吸引力。每一片牛肉都均勻地裹著濃郁的孜然粉末，使得整道菜散發出濃郁的香氣，忍不住優先品嚐。其次，孜然牛肉的味道令人驚喜。一入口，牛肉的鮮嫩和嫩滑感立即襲來，隨之而來的是孜然的香辣味道，讓味蕾瞬間充滿了滿滿的滋味。孜然的獨特香氣與牛肉的鮮美完美融合，每一口都帶來舌尖的刺激和滿足感。調味適中的辛辣度令人愛不釋口，又不會過於刺激，能夠充分享受這道菜的美味。孜然牛肉的口感也令人滿意。牛肉經過烹調後保持著柔軟的口感，每一口都能感受到肉質的鮮嫩和彈性。與此同時，孜然的粉末賦予了牛肉一層輕微的脆度，提供了絕佳的咀嚼體驗。整個口腔都被這種豐富的口感所填滿，愛不釋手。

很久沒去南豐中心2樓，今日上去望吓，原來開咗間新嘅餐廳叫「八月茶室」，餐廳裝修光鮮，用上大量木質材料，感覺溫暖和乾淨。再望吓個餐牌，食物嘅選擇超多，西餐、廣東菜和川菜都有，立即入去試吓，果然冇令我失望。招牌酸菜魚我哋兩個人叫咗個小嘅酸菜魚，魚嘅份量比我哋想像多。先試吓個湯底，酸辣度適中，味道不單止又麻，又辣，層次之豐富絕對比得上大陸人氣嘅酸菜魚店。跟住試吓魚肉，肉質嫩滑，不易夾散，夠新鮮，真係冇得輸。原來還附上薯粉，呢個價錢來講，性價比極高。芝麻黑糖醋骨糖醋骨嘅份量也是十分之多，糖醋骨外層炸得鬆脆，但不油膩，內層肉質幼嫩，火候控制得好好。味道酸酸甜甜，好醒胃，食完一舊，就好想食第二舊，停唔到口，用嚟送飯一流。龍鳳七喜鹹寧+檸檬+7喜，真係絕配。食完辣嘢，再大大啖飲一口，感覺超爽。

今日同同事諗住近近地去呢間八月茶室試吓，其實種類都幾多，每日都有唔同嘅午餐選擇,同埋其他茶餐。我但係服務態度就一般啦。唔知是不是午餐時間，佢哋做嘢好急，水都唔俾杯你，仲要成日望你食完未好似想講你就咁，搞到我食飯都好大壓力。我哋叫咗一個吉列豬扒烏冬及一個豬扒米粉。個豬扒烏冬十分之鹹但是豬扒米粉就淡而無味如果兩個溝埋就啱啱好啦。

今晚想休息唔想煮飯，和家人到八月茶室晚餐。位於荃灣南豐中心，距離荃灣站行2-3分鐘就到，非常方便。晚市時間有套餐，包白色和例湯，價錢親民！我們隨意叫了幾道菜。招牌酸菜魚，一送嚟已經香氣撲鼻，魚片嫩滑而且麻辣鮮香，吃上一口酸菜十分開胃，底部還有河粉，索晒湯底的精華！椒鹽鮮魷，魷魚份量多，成個盤差啲唔夠位擺！椒鹽鮮魷外酥內嫩，配搭椒鹽惹味可口！西蘭花炒青衣魚柳，魚柳的香脆口感和西蘭花的清爽嫩滑，既有魚肉的鮮美味道，又有蔬菜的營養健康，是一道美味又營養的家常菜，送飯一流！飲品方面，叫了雜果賓治，係熱辣辣的天氣下飲好消暑！

今天晚上跟媽媽到荃灣撐枱腳，我們都想吃酸菜魚和中式小炒，最後選擇了八月茶室，價錢非常公道，環境光猛舒適，上菜速度快。招牌酸菜魚（小）可謂真材實料，絕無欺場。魚片份量充足，新鮮嫩滑，裡面還有萵筍、酸菜、雞髀菇、薯粉等配料，兩個人分享剛剛好。味道也很好，酸度及辣度剛剛好，而且不會太鹹，吃完沒有口渴的感覺。魚香茄子肉鬆我最愛的小菜！茄子鮮甜可口，中間散發著陣陣的鹹魚香味，豬肉碎新鮮，肉質軟嫩，吃到停不下來。奶油豬外皮香脆，裡面鬆軟，牛油甘香，配上煉奶可謂人生一大享受！如果煉奶可以多一點就完美了！紅豆冰熱華田