八月茶室 (南豐中心)

Open Now

Now Closed

茶式味道可以，衛生一般般，其中有碟菜有異物要換。店員態度極差，講菜名不肯落單，一定要人講號碼，車仔撞到人對唔住都冇句，新開張生意好也不是這樣吧，不会再去，希望老闆見到可以改善下

放工正諗緊食咩好,同同事經過南豐新開嘅餐廳見好多人排隊,就決定食呢間。餐廳裝潢精美,以木系為茶室主調,高掛住月球十分吸晴,再加上特色川菜和港式茶餐,好適合一家大細嚟,我哋兩個叫咗一款川菜和扒餐試下招牌酸菜魚魚肉夠滑啖啖肉,份量又多,配料仲有大量芽菜,金菇,萵筍,酸菜,寬粉等,用料豐。叫左BB辣又唔太辣,寬粉滑滑的吸晒啲湯底,同魚肉一樣咁好味,仲越食越滋味什扒餐扒餐有齊牛扒,豬扒,雞扒,腸仔配意粉。牛扒叫咗七成熟,啲肉鬆軟非常易切開,牛味濃。另外雞扒和豬扒都非常厚,煎到有點脆口,內裡肉質嫩滑配上蒜蓉汁好香呀芝麻黑糖醋骨呢碟糖醋骨炸粉厚度刚好,哟排骨食落啖啖肉,淋上黑醋味濃嘅糖醋醬,完全冇影響排骨嘅香脆,而且一啲都唔油公司三文治三文冶份量十足,脆脆多士入面夾住雞蛋,火腿,蕃茄,芝士,青瓜等,配埋酸甜秘製沙律醬,口感層次豐富茶餐室嚟講食物真材實料,绝對唔係劣食,難怪咁多人排隊,值得再幫襯

呢晚又係荃灣醫肚，試下呢間剛開八月茶室位於荃灣南豐新之城，除左晚飯小菜，呢度川味菜式都幾多選擇！安排座位有個月亮裝飾，影相打卡都唔錯！藤椒魚 $188藤椒魚比較難搵，藤椒香氣突出，辛感相對無甘重～採用黑魚片大大塊，嫩滑無骨底部有酸菜及薯粉～孜然牛肉 $76 非常吸引而且好夠鑊氣，牛肉大塊唔乾柴好香孜然又唔辣+$10 可配白飯及例湯 是日冬瓜湯岩晒消暑茄子豬頸肉煲 $74切成條狀豬頸肉好Q彈, 茄子調味惹味很下飯奶油多 $15夜晚硬係想食下呢d，不過多士略嫌不夠熱！龍鳳可樂 $13龍鳳七喜 $13點了主食，任何飲品有半價優惠龍鳳意思是有齊晒咸檸檬同檸檬，好喜歡餐廳無加一收費

放工趕時間落荃灣做拔罐，治療之後就搵餐好嘢食，最緊要坐得舒服，附近南豐中心多了很多新食肆，其中被八月茶室 的酸菜魚吸引住。室內環境光鮮，卡位闊落，餐牌多選擇，店長推介川菜精選，一於坐低試吓 特色川菜 和鑊氣小炒！招牌酸菜魚招牌酸菜魚賣相色彩繽紛，十分吸引，魚肉香稔軟嫩，十分新鮮，味道酸酸辣辣，十分開胃的味道酸爽，特色酸味回味無窮。一口下去就能感受到清新的酸爽口感，酸菜與魚的搭配鮮美，新鮮的魚肉，搭配上其他蔬菜。魚肉本身的鮮甜與酸菜的酸度相互融合，香料和辣椒微辣的風味，刺激開胃，食慾大開，舌尖上香辣美味的享受。魚肉的鮮嫩搭配蔬菜的脆爽以及酸菜的酸脆，十分香口惹味，口感都能帶來層次，回味無窮。瑞士汁乾炒牛河瑞士汁味道獨特豐富，牛肉稔香軟彈，非常新鮮，份量多，乾炒香脆，搭配上瑞士汁，味道鮮美而多層次，濃郁的肉香，鬆軟的口感，增添了食慾。土魷馬蹄蒸肉餅豐富的土魷風味，馬蹄和肉餅的味道組合，讓人難以忘懷。懷念小時候媽媽的味道。濃郁的肉香味和海鮮風味，馬蹄清爽的口感，使整個菜餚更加平衡，個人非常喜好。紅豆冰、雜果賓治兒時獨特的風味，七喜汽水加雜果，大大粒紅豆。白飯＋例湯小菜可以+$10就跟白飯、老

放工實在爆累，又肚餓拿拿聲返荃灣同謙謙係新之城到搵食， 比我地發現原來開左間新店叫 八月茶室， 入內燈光光猛乾淨俐落， 我地搵位後就即叫野食。✡️ 咖哩焗薯仔豬扒飯 ～ 謙謙太愛咖哩每次見到都點， 這裡的咖哩又濃又香， 薯仔吸哂d 咖哩好正， 豬扒已切好肉質軟腍唔會硬實。✡️ 招牌酸菜魚～ 估唔到叫小都咁大盤，魚肉大片無骨又滑溜， 下面有配菜，包括酸菜，闊粉，大豆芽材料十足味道佳。✡️ 蜜椒薯仔牛柳粒 ～ 呢到小炒好夠鑊氣喎！牛柳粒又甜又香口， 薯仔都炸過，紅椒青椒好爽口，仲要有洋蔥，呢個配飯啱啱好。呢到的小菜加$10有白飯， 飲品就半價，呢間茶室食物款式都多樣化。

今次與在荃灣區工作的好友食晚飯,地點選在該區新開的餐廳八月茶室;好友在此前來過午餐,發覺價錢相宜,質素也頗高,就約同我前來嚐一嚐其晚餐;餐廳位於南豐中心2樓,極之鄰近地鐵站,以地理位置交通來說是十分方便;剛走進餐廳,整個風格以木材及紋路色調為主調,予人舒服又明快的感覺;由於餐廳新開不久,由裝潢到餐枱椅到餐具,都十分光亮整潔,而難得是沒有絲毫不討喜的油漆味,足證非冷氣抽風系統非常良好!侍應姐姐引領我們在靠近窗邊的位置坐下;時值晚飯當下,我倆旋即就拿起餐牌來商議點選食物,皆因其種類款式太多,一時之間未能立刻決定;最後集中選了川菜的小菜及餐廳的特色炒飯,就馬上落單;第一道先上來的--招牌酸菜魚,賣相精美有一定看頭,尤其是加上了數枝鮮藤椒,形成金白底色紅綠浮面;先夾起雪白的魚肉來品嚐一下,嘩非常鮮美嫩滑,而厚度剛好,入口已感到清輕的麻度及藤椒香氣,加上指天椒帶來的辣度給魚片有良好的層次!另有酸菜的味道與其天然的酸度很適中地溶於金湯之中,將魚片與金湯同食,柔和的酸度與油潤感令整體口感更加複雜,非常討喜味蕾!別小看這道酸菜魚貌似嬌小,但實際是非常豐滿!隱藏於魚片及金湯之下,爽脆的酸菜片,多款菇菌及

今晚來到荃灣南豐中心的「八月茶室」吃晚餐。地點方便，荃灣站A出口5分鐘內便可抵達。餐廳剛開業，裝修簇新，光潔亮麗。翻開菜單，除了各款港式美食之外，還有多種小菜，包括川菜，可供選擇。“豬肚炆滑雞煲”，熱焫焫滾住上，豬肚炆得腍軟入味，雞塊的口感不錯，有鮮味。“孜然牛肉”，孜然粉份量適中，酥香微辣，牛肉嫩滑無渣，加上新鮮即炒，夠鑊氣，香噴噴，是我最喜歡的川菜之一。“菠蘿咕嚕肉”，咕嚕肉選用半肥瘦豬肉，爽口彈牙，脆漿粉不太厚，即叫即炸，配上新鮮菠蘿、青紅椒及酸甜汁，十分開胃。如果加入多些菠蘿更合我胃口。“黃金脆皮蝦球”，用炸好的鮮蝦沾上鹹蛋黃，香脆可口，帶出不同層次的口感。再配上排好的西蘭花，賣相加分。小菜跟白飯和例湯， 只加$10，例湯是家常老火湯，有粟米、節瓜、豬骨等，非常足料。凡惠顧小菜，各式飲品還有半價優惠。這裏的性價比高，環境舒適，交通方便，是街坊用餐的好地方。

夜媽媽同朋友肚餓去南豐中心覓食，2樓岩岩開左間新茶記，八月茶室，見價錢親民，食物選擇夠多，有鐵板、小炒、川菜、焗飯等等。就同朋友來到了品嘗一下。我們都點左好幾樣菜式，試下佢地既手勢。餐廳座位寬敞，地方明亮簡潔。有種輕鬆舒適的氣氛。【酸菜魚($188)(小)】酸菜魚個湯底呈現金黃色，飲落去有酸菜味好暖胃。魚片份量超豐富，好嫩滑完全冇任何絲骨，但係又唔會散，魚肉吸收湯汁，酸辣開胃。水晶粉口感彈牙。【自家製咕嚕肉($69)】薄切咕嚕肉配菠蘿真係絕配，炸粉唔厚，甜菠蘿都幾開胃，配多個白飯一齊食，真係大滿足！【黃金脆皮蝦球($69)】大大隻蝦球，外層咸蛋黃熱辣辣，炸粉唔算厚，食落酥甘香香脆。【紅豆冰($13)】【雜困賓治($13)】原來仲有長沙灣、粉嶺、呢兩間分店 ，咁樣可以隨時去邊度食都得啦！

哩個為主以前系太興，轉左哩一間chain，希望有更多新野食。今日先試早餐，7點左右去到，好舒服無乜人，裝修比以前光猛，早餐餐牌都系基本茶餐廳野，價錢同差不多grade茶餐廳差不多，當然同食開的福來村寶聲貴15%左右豬扒腸仔公仔麵（$44）3分- 落單真系2分鐘就有，好處當然系趕時間非常好，對我哩D 無所事事就覺得一早炸好曬吾夠熱/新鮮嘍。-豬扒外表金黃色，都幾靚仔，雖然帶肥，但瘦的地方有D 鞋，好在夠”琳”-腸仔都幾好，吾會死鹹，仲有小小肉味- 雖然吾系一丁，但個麵都幾有彈力。- 扣分系因為價錢比較高。沙茶牛肉熟蛋米粉（$39）3分- 沙茶味吾重，所以食到牛肉味，牛肉肉質都比較好。- 雞蛋正常- 米粉比較粗鞋。咖啡（4分）- 好似以前大記檸檬水-正常

  與朋友到荃灣南豐中心買電話配件兼晚飯，商場二樓有幾間餐廳選擇，發現在轉角位置開了一間還在試業的"八月茶室"，原木色系裝修，整潔光亮。於是內進一試，职员招呼坐在卡位位置感覺良好。多份餐牌選擇多元化，有早餐，午晚市精選，煲仔小菜，炒粉，面，飯，海鮮類，小炒，鐵板系列，意粉及長通粉系列，川辣系列，小吃，冷熱飲品.......等等。估不到連麻辣川味也有！發現在川辣系列中的小食~泡椒魚皮賣相精美！晶瑩的魚皮爽脆！切成絲状，泡椒調味麻麻辣的刺激又惹味！香菜也很新鮮清爽香口！非常好味！再Encore多一碟！黑松露雞肉磨菇意粉/套餐奉送：例湯和熱飲 /凍飲+ $ 3 / 罐裝+ $ 5 / 特飲+  $ 8黑松露飄香，意粉稍淋身了一點點，但味道不錯！例湯粟米豬骨湯，鮮甜味濃。乾鍋肥鵝腸夠鑊氣！熱辣辣的！賣相吸引！咸甜辣味調得恰到好處，鵝腸爽脆有嚼口！十分滋味！芝麻黑糖醋骨酸中帶甜蜜味道，排骨嫩滑非常醒胃。每樣菜式都好味道，滿意！價格合理，服务好，印像不錯！下次再來試試廣東煲仔小菜！

今晚在荃灣南豐中心樓上辦完事，順道和太太在附近吃晚飯，剛好發現這家新開的八月茶室，於是來試試水準。餐廳裝潢光潔明亮，位置空間感足夠，有大量卡座，可以舒舒服服邊吃邊傾。晚市有各種港式小炒、川式小菜、常餐、鐵板餐等，還有不同的鑊氣炒粉麵飯，亦有經濟的晚市精選。例湯散叫小菜加$10有例湯及白飯，今晚例湯是木瓜豬骨湯，天氣開始熱正好合時，生津止渴，真材實料絕無味精。泡椒魚皮 $42先點一客小食泡椒魚皮，一入口有泡椒獨有的微酸的辣勁，魚皮處理恰當，口感爽彈輕怡，份量亦足，十分開胃。啫啫豬潤滑雞煲 $72一上枱一股香氣撲鼻而來，一嚐雞件醬香馥郁，味道令人上癮，而豬潤大片而口感柔韌可喜，味濃醬香而不過膩。椒鹽鮮魷 $86椒鹽鮮魷外皮香脆，炸粉厚薄得宜，椒鹽調味鹹香惹味，而內裡的鮮魷厚肉，爽口彈牙，一咬透發出椒鹽奇香和非凡惹味。四川回鍋肉 $76當然也要吃點蔬菜，點了一客非常經典的回鍋肉，加入半肥瘦腩肉令香氣味道大大提升，鑊氣十足，油而不膩，賣相亮麗，色香味質盡皆佳妙，十分的下飯。奶茶最後跟餐點了凍奶茶及熱奶茶各一，奶茶真材實料製作，能品嚐到香濃茶香及幼滑奶味，十分有水準。

經過荃灣南豐中心2樓，發現同時開咗兩間新食肆，呢間八月茶室仲係試業中，下午五點幾嘅時間都坐滿一半人好熱鬧，本住趁熱鬧嘅心態食個early dinner。餐廳新開當然好新淨，仲好光猛，天花位有好多月球燈！揭開餐牌勁多選擇，小菜、碟頭飯、炒粉麵、煲仔小菜、川菜、中西式小食……應有盡有，成本Menu勁厚，食物價錢仲要幾實惠！招牌酸菜魚$1882人份量原來都好大份，一上枱就已經聞到好香，魚肉鮮嫩，酸菜嘅酸味和辣椒嘅辣味適中，湯底好惹味，令人胃口大開！底層有好多寬粉，索晒湯汁好入味！炸小饅頭(6粒）$38的的式式細細粒，當小食食，外皮酥脆，內裡鬆軟！加埋煉奶食真係好正！啫啫豬潤滑雞煲$72上枱時熱辣辣，個汁好濃郁，雞件同豬潤炒到入晒味，雞件仲幾滑，火候啱啱好！好啱送飯食！白飯＋例湯（跟餐加$10）呢度大部分主食加$10就有一大碗飯、是日例湯，當日係豬骨粟米節瓜湯，消暑清熱，清清淡淡唔似落咗味精！紅豆冰$13 （跟餐半價後價錢）雜果賓治$13 （跟餐半價後價錢）飲品係用不鏽鋼杯裝住，比起一般膠杯keep到冰凍感，雜果賓治另上七喜自己加入杯中，無加水架，夠味又襟飲！

荃灣新開的八月茶室，見到貼著試業, 已經有人排隊了首先裝修好特別，以木架為主，很多月亮在天花板，擺動招財貓也很可愛！餐牌食物種類很多，有中式餸菜，西式扒餐，下午茶餐，川菜都有！ 完全是一間高質茶餐廳，價錢豐儉由人，食物有鑊氣我們選了很少見川菜, 酸菜魚就食得多, 當然選些特別些.湖南小炒、乾鍋肥鵝腸、滕椒魚皮，,龍鳳可樂…… 食得辣朋友可以選菜講明(大／中／小辣 個人口味調整)最入味冷盤滕椒魚皮，我選小辣都嗆到好惹味魚皮吸收了麻辣味道好爽口，好開胃一個冷盤。主菜加10元可以變餐，有1碗白飯和1碗例湯例湯沒有味精，今日是節瓜粟米豬骨湯！湖南小炒，豬肉片軟臥和青椒，尖椒，洋蔥，蔥，紅辣椒乾同炒，鑊氣十足！乾鍋肥鵝腸 - 鵝腸爽口有陣陣甘香，辣辣地好惹味，乾鍋很多不同辣椒，正！ 當時很想喝啤酒，但餐廳未有酒類，所以選了龍鳳可樂。咸檸檬和新鮮檸檬令可樂提升不少！解辣

今晚天氣太熱，不想在家中煮飯，於是全家到附近南豐中心新開張的「八月茶室」吃晚飯。以前也曾幫襯過「八月茶室」其他分店，覺得它的質素有保證，川菜最拿手，京川滬粤小菜的選擇非常多。餐廳裝修簇新，以一貫的月球為裝飾，光潔明亮，坐位舒適，尤其是臨窗的一排卡位，很寬敞。我就點了幾個小菜：「枝竹豆卜火腩煲」，熱騰騰地上枱，份量不少，火腩肥瘦適中，炆得入味，配上枝竹、豆卜，十分惹味。「芝麻黑糖醋骨」，酸酸甜甜，加上黑糖特有的甘香，排骨肉質亦腍軟可口，獻汁開胃，特別適合送飯。「招牌酸菜魚」，材料豐富：鱸魚片、酸菜、芽菜、菇菌、粉皮等。魚肉鮮嫩無骨，酸辣適中，最合我口味。「四川回鍋肉」，即炒回鍋肉，香噴噴，豬肉肉質爽口，有肉味，醬汁微辣可口。這裏凡叫小菜可獲飲品半價優惠，白飯+例湯不過加 $10，性價比奇高。