MOS Burger (Closed)

和牛漢堡超好味，跟餐仲有好多小食選擇，可以加粗薯條、炸南瓜餅、炸雞件、沙律，樣樣都好味道。跟餐除左汽水，仲可以揀咖啡、冷熱都有，仲有蜜桃茶，我最鍾意係綠茶奶咖啡，超好飲，面頭仲有超濃cream，絕配。

MOS Burger 最近改了名字，變了 MOS Cafe，可能是生意差了，也可能是想要有改變，但其實唔變好過變。叫得 Cafe，那當然要多花心思在咖啡上。在「自己一人寫字樓也有全自動即磨咖啡機」的今天，我實在想不到這杯咖啡有甚麼特別，即使美心，大快活，大家樂也轉了即磨咖啡十年吧？但他們的咖啡，和七十年代一樣，蒸溜而不好飲。本來是賣漢堡飽的，改了名之後有飯，但其實只是將漢堡飽那個飽換了飯而已，我真的不覺得有甚麼特別。整體質素真的很一般，我想他們應該要檢討一下，為甚麼要改變，但這個改變是比以前更差的。

每當爸爸媽咪去旅行，我便會出街食早餐及晚餐！記得早前有個星期六，我走到上環 Mos Burger 堂食早餐，嚐過即製的炒蛋火腿漢堡早餐，熱辣辣的炒蛋與漢堡！ 配搭口感一流！還是買返公司食吧！印象中，在朗豪坊試過抹茶牛奶；可是，早餐想飲抹茶牛奶都唔得！ 要午餐及晚餐才供應！跟餐轉飲 +$6早餐飲品包括：汽水、熱咖啡、凍熱奶茶、凍熱檸檬茶及粟米湯。當電子儀器閃亮，女店員便送上外賣給我，面帶笑容，給人良好印象！連收銀的女店員也有禮！火腿雞蛋漢堡早餐 $25之前嚐過的炒蛋是嫩滑可口，今次炒蛋卻是滿佈氣孔，明顯煎得薄而老！薄切火腿鹹度恰到好處！配料還有清爽的生菜，加入一點沙律醬，提味之餘，亦在口味上有畫龍點睛之效！ 漢堡烘過包質綿密鬆軟而暖暖地，比麥叔叔的貨色更勝一籌！整體配搭不錯！熱檸檬茶   選用 Twinings English Breakfast Tea 茶包，茶味清香，茶味清而不會像茶記的茶膽那麼苦澀，配上 3片新鮮檸檬，令人精神爽利又醒胃！

有一段時間冇食過mos burger，今日諗食什麼午餐時就經過Mos Burger門口。見新出左季節限定蝦天婦羅櫻花蝦珍珠堡$28，個名和賣相幾吸引就試下啦!圖片和實物果然有一段距離，都是意料中事吧!天婦羅炸蝦幾香口，但沒有蝦味，而且偏乾。有多點醬汁會好D。珍珠堡內加入櫻花蝦，增加了米飯的口感。但整體味道偏淡，試一次就是算了。還是以前吉列蝦漢堡好食D。跟餐+20 選擇左日式南瓜薯餅，外脆內軟，好味！至於咖啡就一般吧！

網上見到話Mos Burger新推軟殼蟹Burger，所以專程一試，但店員話三月初先有，所以轉食限定嘅蝦天婦羅Burger、抹茶雪糕加汽水set。由於過了晚餐時間，所以不用等位。坐下來不足五分鐘，店員就將餐送上。是次個set$52，雖然同麥記相比價錢差唔多貴一倍，但我覺得價錢還算合理，因為個飽真係幾好味，蝦天婦羅脆，獻汁配搭得宜，而且仲係rice burger，所以夠特別，不過食嘅時候就狼狽啲，因為本身個飽好熱，加上饀多，所以會邊食邊跌，冬天穿厚衫要小心，除咗件褸會較好，當然如果Mos Burger提供埋濕紙巾比客人就更貼心，不過暫時沒有。至於抹茶雪糕都幾滑，但茶味較淡，如果轉更濃味的牌子更好。整體感覺不錯，期待可以試埋軟殼蟹Burger。

返左成日工對住d關於burger嘅野，收工好想食個burger。唔想食老麥，burger皇又執晒，就去左摩思。叫左蝦堡+雞塊+ginger ale，49蚊。食物熱辣辣，即叫即整，包入面嘅椰菜絲唔係一patpat，成個包脹卜卜，賣相好好。雞塊+甜酸醬好食。可能食得麥落雞太多，反而摩思雞塊唔太厚，覺得仲正。

最近，收到好姊妹在 what's app 群組分享美食優惠情報！ 正是 MOS Burger 為慶祝10週年！ 以 $12 優惠價購買原價 $25 的鰈魚漢堡！只限10月19日至22日！我當然不容錯過！由於，近日香港天氣不穩定！ 18日3號風球，19日黑雨更是嚴重到有些地方如柴灣水浸！21日即將有強颱風「海馬」吹襲！不是狂風就暴雨！還是選擇風和日麗的20日幫襯吧！付款時，男店員隨即給予一個號碼膠牌，等叫號碼！由排隊到取食物，等候 15分鐘。我沒有留意沙律也有套餐，以為是單點價 $18 而已！當我準備付款時，男店員跟我說：多謝小姐 $38！吓！我見餐牌單價： 鰈魚漢堡 $12 + 田園沙律 $18 + 粟米湯 $17 應該是=$47我多問他一句：3 樣都計哂？！他一句：無錯！直至我拿張收據一看沙律 套餐價 $23，原來加 $3 就有粟米湯！ 實在超值！鰈魚漢堡  + 田園沙律 + 粟米湯 $38鰈魚漢堡 $12 (優惠價)漢堡的 Size 跟麥當勞差不多，包身鬆軟度卻不同！我較喜歡 MOS Burger 的漢堡包質感！ 一塊炸至外層金黃香脆的鰈魚柳，咬落尚有魚鮮味不會乾身，配上蕃茄、生菜

星期六想去上環熟食中心試樽仔奶茶點知過馬路之前見到Mos Burger細佬話好耐無食 就改變主意食burger呢間分店座位頗多 環境闊落Weekend下晝4點店內客人唔多好適合hea細佬點左經典既摩斯芝士加$21 大薯條同汽水再加$2將汽水加大 兩個人share厚切蕃茄新鮮 我點左黑醋雞肉包大量椰菜絲 黑醋醬汁並非預期既意式黑醋汁酸中帶甜 有少少似照燒汁 帶一點菇菌味道雞肉有彈性 配合醬汁食 相當好味用料十足 食完個包已經好有滿足感唯一可惜係薯條灑鹽唔太平均有兩三條比較鹹

今晚喺上環文娛中心睇hku隊accapella - Mosaic 嘅ap!一放工趕過來，飯都未食!襯中場休息十分鐘，飛落去樓下間mos burger!餐牌用咗LD 電視顯示，清晰，一睇就揀咗新出個個櫻花蝦飯堡!攞了order牌，進入店坐!成間店好greenish!用了白磚綠牆做主色，加埋不同年代的burger海報!給人refresh又懷舊!整間餐廳充滿生氣!好多綠色小盤栽!舒服!relax~間隔亦好特別~有卡位又大圓桌!岩哂需要5同空間嘅group!等了5分鐘到來! 今次張餐紙印有mos burger concept!更加原始!更加貼近大自然!主角終於到!個包睇落5吸引!有2層米飯做嘅包!一大堆生菜絲!有類似黑椒嘅調味醬!仲有最緊要嘅櫻花蝦!味道方面，個啲生菜好生鮮好脆~但乾了一點!個汁就5夠濃!5夠惹味!個蝦炸得5錯!好香口但5重蝦味!咬落入面 大大粒個啲蝦就有味喇 又彈牙-!之後到個飯堡~個飯應該煎耐啲，而家仲係好淋 表層5夠脆 無飯焦 差一點點整體都滿意喇

在 9月尾經過上環皇后大道中，見到 Mos Burger 提早營業時間及供應早餐！  一於找天嚐試早餐！ 營業時間：8:00am ~ 10:00pm星期六，很少人要上班，而我公司則例外，除非我要請病假或公眾假期，否則無假放，照開工！ 早餐系列 $22 ~ $28付款後，店員隨即給予一個電子等候器，閃動時，店員會送上食物！ 摩斯早餐 $28包括：炒蛋、香腸、多士、沙律及飲品或粟米湯！ 意想不到早餐也有粟米湯，甜美又暖胃！ 烘多士香脆可口，既然面前有粟米湯，沾上粟米湯比塗上牛油更滋味！ 炒蛋充滿蛋香又嫩滑， 我不加上黑椒粉，也食出原汁原味！香腸原來是脆皮芝士腸，食出驚喜！ 比較麥叔叔的早餐更吸引！店內有不少小植物，綠草如茵環境下嘆日式早餐，清新又提神！

在 6月尾經過上環皇后大道中，見到原先 <紅樹林餐廳> 的位置，Mos Burger 即將 7月中進駐！上星期二經過，已經開了！由於 Mos Burger 新開的關係，平日午飯時段特別多人幫襯，完全搶走附近 Not a burger 的生意！ 恰巧，我幫同事到 Not a burger 買外賣，只是等三個號碼，不用5分鐘，比著之前，我曾經等上大約半小時啊！ 付款後，女店員隨即附上一個號碼牌，等候其他店員送上食物！ 服務貼心，他們卻是大海撈針！見到餐牌，令我心大心細，上環分店還推出限定照燒鯖魚珍珠堡套餐，況以優惠價 $40 選購，相當超值，當然不容錯過啦！外賣等上 20 分鐘！ 還送上一張汽水贈劵，留待下次幫襯用！上環分店限定照燒鯖魚珍珠堡套餐 $40 (原價 $45)包括：一個鯖魚珍珠堡、薯條及汽水 由於，我在上環幫襯開韓式飯堡店 Not a burger，覺得 Mos burger 出品的珍珠堡個子細些小而且較淡味，味道不及前者混合紫菜及芝麻的飯堡惹味！況且，鯖魚的醬汁濃了一點，有魚骨，食起來的確有點不便！除了鯖魚之外，還有一塊芝士，整體味道尚可！薯條是粗身，薯味十足