MOS Burger (荃新天地一期)

Open Now

Now Closed

認為這兒的環境唔會比客人有壓迫的感覺有點親切的feel設計簡單,不過幾clean＊因為從ｏｐｅｎｒｉｃｅ得到的＄５　ｃｕｐｏｎ，所以點了吉列蝦漢堡的沙律套餐，是超大塊的啦而且裡面滿滿的日或鮮蝦，完全無蝦屎呢回事超鮮甜又卜卜脆喔炸蝦餅的皮,炸得很金黃色呀^^唔會好咸之類~!!＊＊沙律，真係好大碟呀，份量很多！同埋千島醬汁配上車里茄，菜，真係絕配吧！！超喜歡的上菜速度同埋服務態度都很好呢～個漢堡的醬汁唔會太多＊＊周打蜆湯係好熱的～我加了＄５　周打蜆湯還有獨立包裝的ｂｌａｃｋ　ｐｅｐｐｅｒ，可以加入湯～湯的材料真係幾多，鮮味的啦！！用紙杯裝，真係幾特別呀Ｐ．Ｓ見個收銀職員真的很忙似的～要應付好多東東應該叫多１人幫手會更好呢～

日期：2009-06-09在"MOS Burger"(荃新天地分店)買了"摩斯芝士漢堡(MOS Cheese Burger)"($22)。在家用焗爐翻熱。MOS Burger是日本一家漢堡包專門店，始於1972年。2006年起於香港開設分店，至今本港已有10間分店。摩斯芝士漢堡---漢堡麵包夾著牛肉漢堡扒、蕃茄、生洋蔥粒和芝士片，配上肉醬、黃芥末醬和蛋黃醬(Mayonnaise)。麵包外脆內鬆軟。漢堡扒肉質細嫩軟腍，帶少許肉汁，牛味足夠。蛋黃醬和芝士味較淡，蕃茄鮮甜，肉醬蕃茄味濃，鹹味適中。

好多次經過Mos Burger ..但都因為覺得唔多抵食..感覺同m記有咩分別啫..仲要貴多十幾蚊喔..好唔抵lo..但今次一試..完完全全改變咗我既睇法!!!今次系試咗最平既Mos Burger ..配薯條可樂..$35個包包有好好微既醬料..我見到系有D洋葱粒同肉粒..個醬汁好惹味^^塊扒扒都好好味..一D都唔"鞋",,可以感覺到"真材實料"ga另外個可樂系好夠汽呀..直到我食完個包..杯汽水都系好似啱啱倒出黎咁..好正!!唔會好似<<m同肯>>嗰D咁..好快就冇曬汽..冇癮再要一講既系D薯條..我本身都唔系好鐘意食薯條既..但呢度既真系唔錯..外脆内唸..好有薯仔味..有人話淡..但我覺得啱啱好..唔通好似嗰2間咁..一味放好多salt入去..冇曬D薯味..總括黎講..依家真系愛上咗moz burger...雖然貴小小..但真系抵!!!!!!!!!!

MosBurger就係我ge處女作，第一次寫食評丫 hehe今朝老公帶左我去食初初諗住食飽>.<因為我地好小去街食野所以佢話食乜就食乜囉我地叫左蝦堡，鳳尾蝦，抹茶鮮奶，摩斯元氣漢堡，粗薯條，蜂蜜奶茶個蝦堡好彈牙好有驚喜初初見咁厚都唔知點入手點知一咬落去好熱好新鮮好脆，好好味丫鳳尾蝦唔好食好薄冇乜味得個脆字抹茶鮮奶好香綠茶同奶味，真係好正摩匙元氣漢堡，好多肉汁，又係好好味粗薯條，冇乜咸味一定要點茄汁囉蜂蜜奶茶，喱個冇試到總括黎講好好食，都會有下次

不經不覺荃新天地都開張一年了~MOS Burger也有慶祝活動! 荃新天地店限定$30的蝦堡套餐，但薯條可樂不能加錢轉其他~由於此包之前大獲好評，所以怎能浪費這個優惠呢? 雖然由媽媽外賣回家而不是堂食，但也不擔心質素，因為包包都是即製的~這次的包也是暖暖的，可是沒有以往可以稱為"熱"的溫度，而且包有一股極濃的牛油味，實在是太濃.....濃得像garlic一樣..而包的主角---蝦餅，內裡的確有不少原隻蝦，但並不彈牙，沙律醤也太少，令整個包都有高不成，低不就的感覺~薯條也是一貫的淡味~只是今次也只是微暖，不禁帶來點點失望還好只是$30，如果付正價去試我怕會相當失望..

食完甜品, 本身已經林住走ga啦, 點知又俾我見到間想試左好耐的日式日漢堡店"MOS BURGER"...我又忍唔住入左去啦今次要左佢做優惠的"吉烈蝦堡餐", 個薯條唔同M記ge, 係粗薯條, 都唔錯ga...而最正的係個吉烈蝦堡, 個涵入面好足料, 有好多蝦, 個醬汁就係沙律醬加生菜絲, 配埋d醬汁食, 真係好正呢個餐仲送左個日本的梅子汁, um...我覺得呢個真係好唔得lor, 好重藥味, 我飲左兩啖就放棄啦

今天在"MOS Burger"買了"吉列蝦漢堡"($22)及一瓶"富之助~紀州梅物語(梅子果凍)"($25)。MOS曾於去年推出"吉列蝦漢堡"，今年5月它終於載譽歸來。1.吉列蝦漢堡---2塊麵包夾著吉列蝦餅和生菜絲，配上蛋黃醬(Mayonnaise)。吉列蝦餅外層香脆，內有大量蝦肉，肉質爽彈，蝦味夠濃。生菜爽脆，蛋黃醬酸甜醒胃，還有少許蒜香。整體質素非常好!2.富之助~紀州梅物語---玻璃瓶盛載著粉紅色梅子果凍，內有一顆日本和歌山縣"富之助"出產的"紀州南高漬梅"和一些日本"寒天"。由鮮榨梅汁製成的果凍，質感較接近水質，梅子味頗酸，要加點砂糖中和酸味。日本寒天口感有點像蒟蒻。紀州南高漬梅質感軟腍，酸甜中帶點酒味。據了解，紀州南高漬梅，起碼要$10一顆。

上一次在這兒吃早餐的美好印象，使我心思思要試它的MOS morning plate~今天約了爸爸下班來吃個早餐之後去買菜~爸爸問我吃什麼?當然目標明確要了MOS morning plate ($22)，爸爸也要了一個!餐有2塊厚多士，腸仔，炒蛋，雜菜沙律和餐飲~厚多士的確夠厚，但已經不熱了，相對burger的包包是遜色了腸仔外皮較彈，而且味道帶點鹹和辣，比廚師腸當然高一當炒蛋...這個竟然跟m記一樣...和上次的體驗差得遠雜菜沙律有蕃茄告生菜，而且有黑醋汁，$22的早餐有如此配套是抵讚的餐飲要了凍檸茶，糖漿自己加，茶味簡單都不錯的。爸爸要了熱奶茶，當然是日本茶包+奶...而茶味簡單的奶茶味道可想而知服務依舊的好，服務員會自動送上食物而環境也是舒適的，這店不像其他foodcourt店般open area，花$22來個cozy morning還不錯~用餐期間看見前方兩口子點了天使麵餐，份量少得可憐.....相信小學生也未必夠呢

今天在"MOS Burger"(荃新天地分店)買了"黑醋サクサク雞肉漢堡"($22)。日文"サクサク"是擬聲語，意思是"脆"、"Crispy"、"Crunchy"。(片假名:サクサク，平假名:さくさく)黑醋サクサク雞肉漢堡---2塊包夾著炸脆雞扒和生菜絲，配上以黑醋製成的醬汁和蛋黃醬(Mayonnaise)。炸雞外層香脆不乾硬，肉質軟腍。生菜爽脆。黑醋醬汁酸甜醒胃，還有濃郁蒜味，極之惹味。

成日經過呢度, 都想食, 不過次次經過都唔係食飯時間, 又唔肚餓, 所以一直都冇試過, 不過今日行經呢度, 又差不多lunch時間, 係荃新天地行一陣, 行到十二點半就入去食喇~~入到去見d枱都坐到七七八八, 好彩比我見到張2人枱, 我坐低之後就由老公睇下食乜先, 佢睇完番黎我就去睇, 但我見到原來有menu取, 我自己拎番埋位, 再同老公慢慢研究食乜好.........買完飛之後, 店員會比一個坐枱牌你放在當眼處, 然後會有專人拎餐比你, 真係啱哂我地d懶人...........唔駛比10%服務費都人專人服待你, 好抵........ set A + mos cheese burger : set A係飲品+細著條+包.................成個包好厚, 有1塊1-1.5cm厚的蕃茄+1pat我估係蕃茄洋蔥醬+1塊約1cm厚的牛扒, 塊牛扒睇得出係免治肉整成的, 而唔係M記果種, 佢有牛肉味, 不過我覺得唔係好夠牛味, 我一口係食唔哂咁多層, 唯有分兩口食, d包皮烘到少少脆脆地, 蕃茄又厚又新鮮, 好食............著條係粗身果種, 好有薯味, 不過唔夠熱, 只

今日既午餐唔知食乜。就黎呢度食漢堡啦，我都好耐無黎過食啦，所以都唔知食咩好。不如食黑醋雞漢堡啦，飲鮮奶紅茶。而家出示學生證仲有九折既優惠。黑醋雞漢堡個汁幾好食，酸酸地唔錯架。而個包好多新鮮既蔬菜，減低肥膩既感覺。而炸雞都唔錯既，肉質算幾鮮嫩。但雞皮俾汁浸到淋哂。整體上，個包都幾好食既。厚切薯條新鮮炸起好好食架，而且好有薯味。不過薯條有係淋，但都可以既。鮮奶紅茶其實唔落糖漿都得，因為有小小甜既。但我都係落糖槳。雖然無港式奶茶咁好飲，但呢個係汽水以外既其中一個選擇。其實呢餐都唔錯既，食物水準都唔錯，仲有九折優惠。實有下次既。

一早同媽咪去晨操，去左荃新天地睇下有咩早餐食~記憶中呢間分店有早餐既，就黎睇下有咩好食!一入到去睇下個menu，下? $9起? 哦~原來每日都有1-2款早餐做discount今日就係火腿雞蛋漢堡同吞拿魚蕃茄漢堡~因為我想試哂兩個，就同媽咪一人一個餐火腿雞蛋漢堡($19 ---> $10):我先食呢個，個包烘到熱辣辣，面脆脆地~塊蛋好厚呀.....睇落好似去日本餐廳叫o個d燒玉子咁一層層疊住既，都有3-4層，比麥當當好好多火腿就係普通野~生菜份量唔算少，加埋凍冰冰既沙律醤，呢個包好好味呀!吞拿魚蕃茄漢堡($19 ---> $10):相比火腿雞蛋漢堡，呢個比較失色，可能因為tuna係凍食關係，覺得冇熱辣辣既蛋咁好食啦...同埋蕃茄冇平時咁大塊，感覺上差d啦另外跟餐仲有一杯飲品，飲橙汁+$3，我想加錢換抹茶鮮奶...但係早餐唔供應...店員推介粟米湯，話早餐唔洗加錢抵飲d，咁就試下啦......點知一粒粟米都冇.....飲完仲有d唔舒服咁.....下次都係飲返drinks啦...總括黎講呢個早餐真係好抵食，起碼唔係日日茶餐廳ABC餐先啦

在荃新天地看中了一個心儀的手袋, 好開心, 要多謝老公送個包包給我了。 然後往Mos Burger 吃晚飯, 今次揀未吃過的照燒牛油果芝士漢堡, 因為不餓, 所以只點了一份一起分享。落完order, 等了好耐, 這間分店出餐比較慢, 而且抽風系統比較差, 一室油煙味。一直很喜愛Mos Burger, 尤其她們的麵包, 甜甜的有很香的奶味, 吃過很多間漢堡包店, 暫時仍然認為她們的漢堡麵包是最好味和最合我心意的。生菜很新鮮, 漢堡扒一般, 但燒汁不俗, 不過那四片的牛油果却與整個漢堡產生不了化學作用, 兩者味道並不搭配, 而且沙律醬太多, 感覺很肥膩之餘吃得也狼狽。向來覺得她們的薯條很一般, 即使厚切鮮炸, 亦不覺得好吃, 可能不夠鹹或不夠油或沒醬汁太乾又或者是薯仔本身問題不夠薯味?! 不想深究, 總知想吃薯條時, 一定不會想起她。在我吃過的Mos burgers 中, 這個新包算是最不好吃的一個, 所以今次只可給個OK臉。

31.3.2009忙裡偷閒, 好想食漢堡包, 但又唔想M記就去食個MOS BURGER太肚餓一人食一個餐叫左辣味雞漢堡同照燒牛肉漢堡2個都配薯條明明唔係好多人都要等10分鐘左右辣雞漢堡實在食唔出有辣味我覺得同普通脆雞一樣味道就冇乜特別咁比我會揀黑醋個個._.照燒牛肉漢堡, 唔知係咪新呢可能都好耐冇食了一打開勁多生菜@@牛肉冇乜燒汁, 多d會更好牛肉本身幾好味, 唔會好實, 仲有肉汁的, 不過嘛嘛地熱入面有d沙律醬幾好味薯條冇加大, 粗條黎講都夠多呢個薯條好熱, 同個包差得遠又脆又熱, 點埋茄汁仲好味不過一包薯條得一包茄汁就少左d出去問佢拎又淨係比一包所以要拎左2次唔知係咪呢間舖比較少生意, d staff好似動作好慢咁我都係覺得朗豪坊個間好味d, 又快又新鮮

mos burger黎左香港咁耐,一直都未試過.今日終於試左.order了芝士漢堡配set b,揀左薯餅,再加3蚊要左個粟米湯.2點左右,間舖都有8成滿.於是坐左對window的高"木台".等左5mins左右就有人送個set黎,都算快.中途都見有唔少人再黎食,好似都幾多人幫襯咁.個包只有芝士和漢堡,唔算好大個,但塊burger都有肉味.而佢一送到黎的感覺都好似好fresh咁...杯粟米湯未開已經好有粟米味,不過成杯湯都無粟米粒的.夠熱.ok la.唯一想謙的係個薯餅唔油.good!.雖然唔算特別好食.整體我覺得ok.價錢沒我所想的貴.都只係俾麥當當貴少少.但可能我無試到佢招牌的mos burger,所以我又唔覺得特別好食.ok la.但食完好似唔係好飽咁....當然,如果要比的話,我會覺得triple o好食d,不過整體style都唔同.無得計.有機會試下freshness先...p.s.我覺得如果一個人,對住window坐個感覺都唔錯.岩岩望住citywalk個廣場.不過坐高"木台"就辛苦d.