小蟻人 甜品西餐 (Closed)

其實我覺得自己都有小小公主情意結，不是說我有病喇，就是有種想成為公主般優雅和就是喜歡那種典雅的、英式的環境地方而已。今晚用餐的地方位於地窖，一走進內，就有種歐陸式貴族的風情，無論是裝潢，桌椅，或是牆上的裝修和掛畫，予我有種像是走進了城堡中的感覺。城堡中上網幾乎不行，還好餐廳有提供免費wi-fi,下次可以帶埋部腦，再來tea番一整個個下午先！雖然呢度地方骨子，想不到價錢又幾親民喎！我點了的 炭燒安格斯肉眼扒配忌廉薯已經是最貴的一個set dinner了，收費都是228元，包了餐湯或可選沙律，再包多杯餐飲，收費算好合理。如果唔食朳，普通來個飯呀意粉呀咁，都是100元鬆啲已經有交易，環境和收費完全不成正比。非常推介小情人來呢度拍拖食飯。做男仔嘅又唔洗擔心個荷包，又可以帶到個女朋友去靚小小的地方食晚餐，個女朋友見到呢度環境有格調夠，最正是呢度連甜品都冧死女㗎，一定會好高興！個咖啡我加了20元轉了做latte,味道夠濃不過奶方面不是好夠，同普通咖啡無分別，下次我都是慳返20蚊罷啦，還好有再提供全脂奶，口感立刻順滑曬！至於磨菇餐湯尚算可以，菇味都夠，又食到有微量的磨菇肉，忌廉和湯的比例亦處理得唔錯

厚福街一帶一向多野食,今次想食西餐,黎左呢間地下餐廳,小蟻人餐廳間格同裝潢令人坐得好舒服。侍應有禮講番今日set dinner。一望到有得食扒,立刻眼前一亮。炭燒美國極黑豬鞍扒全穀養殖既豬,美國入口,豬鞍扒肉厚,建議7成食肉質會最好。豬鞍扒好大塊好厚,另外有蘋果果蓉醬,紅菜頭醬,同沙律菜。兩個醬味道都好特別,蘋果果蓉醬酸酸甜甜,豬鞍扒肉沾上,胃口大增。而紅菜頭醬係呢間餐廳既特色,味道自然特別。主角豬鞍扒肉肉質鮮嫩juicy,厚厚的肉,差不多3cm。青蘋果柚子沙冰清新既青蘋果配上淡淡既柚子味。最底還有果蓉mix埋沙冰。層次好豐富,而且這組合味道好新鮮。泡沫煙三文魚黑松露大蒜薯蓉湯湯的面層有泡沫,增加口感,泡沫口感好輕盈,有好重黑松露香味,加埋大蒜味,層次感提升。加上薯蓉唔會一嚿嚿,好滑。法式甜品賣相好靚,三款甜品,各有特色。朱古力蛋糕特濃朱古力, Brownie奶凍,侍應放上枱時,奶凍已經彈下彈下,動L動L焦糖燉蛋面頭層焦糖好脆脆,,燉蛋好滑每份甜品份量剛好,每種都balance到口感。

友人知道我愛鍾意四圍去試新餐廳, 今次佢帶我去了尖沙咀厚福街的小蟻人甜品西餐食晚飯. 這裡裝修幾精緻, 帶點公主感覺, 我相信女仔見到一定鍾意.坐下後, 店員先奉上芒果雪芭, 幾清新, 好適合依加的天氣食.接着, 我點了法式香濃青蠔湯和海鮮有機意大利飯, 而飲品點了熱莫卡咖啡.愛食蠔的我, 見到有青蠔湯就想試下.我自己鍾意飲熱辣辣的湯, 這裡的湯夠熱, 啱我心意.而蠔味尚算香濃, 若再濃一點就更好味, 湯中混入了忌廉, 所以入口幾滑身. 海鮮有機意大利飯.材料幾豐富, 當中有帶子, 青口, 蝦和墨魚.意大利飯軟硬度適中, 外層軟身, 咬開時帶有少許硬身, 這是我鍾意食的質感.而帶有芝士的醬汁混入飯一齊食, 多了一份芝士的香味.幾款海鮮材料也幾新鮮和爽口. 當中最愛食帶子, 夠彈牙, 煮的時間剛好, 不會硬身.食完飯, 飲番杯嘢飲.莫卡咖啡都幾幼滑, 我鍾意咖啡多奶, 所以叫佢再俾多一點奶我. 友人提及過這裡的甜品不錯, 愛食甜品的我, 當然要試一試.這裡的甜品款式有很多, 不論中式或西式也有.最後, 我地選了草莓窩夫配草莓雪糕.上枱時已被的賣相所吸引.份量也夠兩個人食用.窩夫外層夠香脆

厚福街咁多間餐廳黎講呢間外表唔算太吸引，但入到去裝潢的確唔錯，好似對住個維港咁。服務方面都令人覺得好高級 食物方面:柚子荔枝沙冰-好清甜新既感覺，加埋荔枝果肉 感覺好FRESH 但真係甜左少少 Parma Ham Caesar Salad-用左好香既欖油黎整，加上Parma Ham 油脂分佈比例平均 食落一D都唔油，反而覺得好健康 珍寶三軍雜扒-三文魚扒、雞扒同西冷牛扒既配搭，再配以薯條同少少沙律 賣相同份量都好高分味道方面  叫左七成熟 三文魚夠入味 不過煎耐左少少 皮有D硬 肉有D易散              牛扒略為UN左少少，但即使唔配醬汁都好JUICY 雞扒表皮夠香脆，肉夠滑 同醬汁亦好夾

星期日去邊都咁多人，所以睇戲係最好嘅娛樂，睇完戲梗係要醫肚，尖沙咀最多食肆非厚福街莫屬芒果雪葩 - 呢款沙冰係店家welcome甜點，一坐低就已經有得食，芒果味雖然唔太濃，但係感覺好清新，為今晚非常熱嘅天氣降一降溫火雞沙律 - 火雞一向俾人感覺係有少少'鞋'，不過呢個可以唔駛擔心，因為竟然非常滑，唔韌，重好香煙薰味，而且佢個沙律唔係用醋，而係改用金巴利汁，者係專用嚟沾火雞食嘅汁，酸酸甜甜，好開胃磨菇忌廉湯 - 有粒粒磨菇碎，呢啲磨菇湯係最好味，香磨菇味之外，重有啲咬感安格斯牛柳粒 - 好淋，一啲都唔韌，重好香牛肉味舢舨炒飯 - 其實咩原因會咁叫呢，先唔好理，佢個炒飯好香薑味，而且隻蝦好大隻，而且好爽口咖哩海鮮配南亞薄餅 - 個海鮮唔太濃椰汁味，我鍾意，另外個薄餅好鬆，唔會好油膩

早前曾經到過荃灣新開的小蟻人，感覺上不錯的，食物也不錯，故今晚來到尖沙咀店，食個晚餐才回家。當到達時，門面較細小，很容易忽略，但是在食廈H8 前一點，便可見到入口。餐廳環境很西化，有點歐陸式的裝修，座位以梳化為主，枱與枱間也較多空間，坐得舒適。當中幺粉紅色為主調，柔和得來也感舒適，而且燈光足夠，很光猛。餐牌都幾多的，其中包括午市及晚市套餐，糖水餐牌等，而主餐牌則以散點為主，包括先看到的甜品，餐湯，主菜意粉等，亦有飲品供應。其中甜品佔了餐牌很大的篇幅呢！泡沫黑松露三文魚大蒜薯蓉湯（四十二個大洋）從來就是喜歡食三文魚，以三文魚做湯屢見不鮮，湯頭打成泡沫，加上黑松露及大蒜薯蓉，令餐湯曾添不少食材。入口當然有種黑松露的芬芳氣味，亦有大蒜和薯蓉的口感，三文魚亦不失其鮮味。珍寶三軍雜扒（一百四十八個大洋）雜扒包括了雞扒，西冷牛扒及三文魚扒，有別於美式雜扒。其中雞扒表面做得香脆，內裡柔勒且有嚼勁；牛扒則外脆內軟，仍保持肉汁在內，柔靱度適中。至於三文魚，則很鮮味柔滑，魚皮也很香脆，而且魚皮中的脂肪也較少。雜果香蕉船配 Movenpick 雪糕（八十個大洋）來到甜品時間，每次看到香蕉船，都會覺得很邪惡，

喜歡吃西餐又喜歡吃賣相精緻又美味的甜品，所以朋友帶了我來厚褔街的小蟻人午膳中午12時左右，店內客人不多，但隨後卻開始滿座，所以最好早點到來用餐，可避免等位啊!午市套餐定價親民，只是$48-$58不等，還要免收加一，以尖沙咀區來說，真的是很便宜呢! 而且環境也相當舒適，店員態度亦很友善，怪不得吸引如此多食客~柚子荔枝沙冰 (跟餐轉配加 $20)天氣炎熱，選了這款透心涼的沙冰，味道調配得很好，酸酸甜甜的沙冰打得幼滑細緻，實在是消暑佳品!藍莓柚子沙冰 (跟餐轉配加 $20)友人則選了這款顏色亮麗的藍莓柚子沙冰，說味道清爽怡人，同樣吸引. 馬來沙嗲雞肉串 ($48)半打雞肉串只售$48，定價相宜. 即叫即烤的雞肉串，充滿焦香味，不過肉質略為乾硬，幸好香口惹味的沙嗲醬為它挽回一點分數. 旁邊的青瓜及蕃茄等，吃點有助解膩呢!挪威三文魚自家製青醬銅模扁意粉 ($58)三文魚份量很多，用上青醬來煮的扁意粉，更為清新怡人，而且扁意相當煙韌，掛汁能力強，令整道意粉更為滋味!香草砵酒燴羊腿肉配紅米飯 ($58)羊肉是比較貴的食材，但餐廳沒有將貨就價，羊腿羊有數件之多. 而且以香草砵酒來燴的羊腿肉，配上煙韌有

每次轉入厚福街，眼裡只有H8。直到H8的升降機前，腳步從不停下來。原來一直錯過了門面極不起眼的小蟻人。狹窄的入口，站了個穿戴整齊的店員。「小蟻人」一名，實在難以聯想到門口看進去的優雅裝潢。粉紅色襯白色的主調，牆上掛著花形的燈，營造公主感覺。即使位於庫，天花的設計造出空間感，一邊的牆做成假窗，在雅緻的環境，望著維港夜境用餐。相比a la carte，午餐相當抵食，不少＄50有找又配餐飲的選擇，除了西餐，還有台式肉燥飯和幾款小食。波蘭三角果茶包－山莓士多啤梨餐飲可選是日特飲冬瓜茶、汽水或熱的果茶，有山莓士多啤梨和黑莓藍莓。果味清香，微酸，都幾開胃。只可沖一次，之後店員再加水，顏色已淡得不能再淡，果味亦消失得無影無蹤。馬來沙嗲雞肉串賣相精緻的沙嗲串，中看不中吃。稍有燒烤香，肉偏鹹，欠肉味，不嚡但不嫩。沙嗲味道還好，有花生味，甜甜的，中和雞肉的鹹。每串只有兩口，我們二人份量就剛好，多人分享，一人一串的話，可能就太少了。有青瓜和洋蔥伴碟，可以清清口裡的鹹。這不值得試的小食帶來個壞開始。香煎鴨胸紅酒燒汁配紅米飯超大隻碟，派頭十足。純白色的碟上，整齊地放著飯、肉、蔬菜和醬汁，煞是好看。紅米混白飯，飯

今日行完科學館,已到下午6時鐘,係時候揾地方食晚餐,我朋友話厚福街好多嘢食,所以,就朝著這個方向去啦,沿途都好多人,終於到達。這條街很短,但全條街都是食肆,我們行了一圈,見到這間名字好得意,叫“小蟻人” 又不用加一,門口雖然不是好著眼,但因有個職員企在門口的,所以都容易揾到。落了一條樓梯,內裏環境和室外是兩個世界。這裏全白為主,好有歐陸情懷,牆是用了香港夜境為裝飾,很浪漫. 忘記了外面炎熱的天氣和擠迫的尖沙咀一坐下,侍應已奉上兩杯雪芭,很窩心,我二話不說就將它消滅,立時冰涼透心。“冷靜”後望下餐牌,這裏除了主餐牌外還有晚餐。這裏食物都好多元化,除了主菜,還有頭盤,特色的餐湯,仲有多款甜品 ,實在好難得。我們思量了一會,叫了兩個晚餐,就是炭燒安格斯西冷牛扒配黑松露汁,香煎鰽魚配燒薯蓉,紅菜頭忌廉汁. 今晚的餐湯是香茅南瓜忌廉湯,好特別的配搭,飲下好香的香茅味,但沒有搶去南瓜的香味,又不會太濃稠,這個不消一會,就飲完了。到主菜了...香煎鰽魚配燒薯蓉紅菜頭忌廉汁 .  鰽魚外皮煎得很金黃,微燶。好香口. 但亦有少許腥味. 紅菜頭汁紫紅色圍著鰽魚, 沒有很濃的味道. 鰽魚面頭鋪了數條炸香了的

尋晚同幾個朋友一齊食飯，又想食西餐又想食甜品......於是就揀咗呢間餐廳。我地4個人叫咗好多嘢食，叫咗一個魚柳配芒果汁，沙皇牛肉配紅米飯，一個三文魚忌廉白汁尖通粉。小食就叫咗鹽酥雞，安格斯牛柳粒同炸魚手指配薯條。餐湯係周打魚湯，好濃芝士味我個人好鍾意。沙律就一般唔太特別。魚柳煎得香周脆不過魚調味唔夠，有少少淡，沙皇牛肉好似唔夠軟。但係忌廉白汁通粉芝士味好濃，我好鍾意個味道鹽酥雞正常味道，無特別。安格斯牛柳粒好好食，唔孩口又夠牛肉，淋埋燒汁非常夾！炸魚手指好脆，魚肉爽口有d似蝦膠嘅口感，都唔錯。最後我地仲叫咗綠茶綿綿冰同士多啤梨綿綿冰。綠茶綿綿冰有茶嘅澀味，唔太甜，朱古力雪糕好好味仲有chips係上面！士多啤梨味綿綿冰就甜咗少少，但個雪糕都有果肉好好味兩個綿綿冰都刨得好薄又唔易溶，仲有d椰果，水果同爆爆珠伴碟，賣相幾好。總括覺得意粉、小食同甜品比較出色

尖沙咀野食多但人仲多 周圍要等位難得今日經過小蟻人唔洗等位有得入一坐低見到用左維港景色既牆紙佈置餐廳就好似望住維港一樣 夠晒relax!飯前先黎杯芒果沙冰 服務唔錯!食完剛剛好上菜嗌左個煙三文魚蟹肉墨魚汁意粉忌廉汁重 整碟意粉好juicy蟹肉夠晒多 食極都仲有 真材實料!鮮甜既蟹肉味令整碟意粉加分!!!朋友仲叫左炭燒安格斯西冷牛扒西冷牛扒配黑松露汁上碟 松露香味十足牛扒叫左7成熟 望上去少少黑 以為10成熟 切開先知紅紅地 滲出肉汁 大概係刻意鎖住肉汁煮出黎既成果食之前再沾上松露汁 完全唔會蓋過牛既味道 雖然食完飽飽地但見餐牌d甜品咁吸引忍唔住食埋甜品叫左個綠茶窩夫 面頭香脆 入面軟林林 唔硬食得出即叫即整配埋Movenpick雪糕雪糕有雲呢拿籽 特別香杯底仲有芒果肉 正呀朋友嗌左芒果拿破崙好香脆 味道拍得住酒店級水準!無論係主菜定甜品每碟食物送到檯上都鋪排得好細緻感覺到廚師既用心食牛扒個陣嗌左2杯沙冰柚子荔枝沙冰，藍莓柚子沙冰水果香味配上沙冰好鮮甜沙冰份量剛剛好飲晒成杯都唔會令飲品變淡最怕太多沙冰最後溶晒令飲品冇味!最後不得不提侍應既服務態度好 夠細心~基本上每食完一碟都會上前抹乾張

去親厚福街都係為左甜品為主，今次搵到間又有主食，又有特式甜品餐廳。今次朋友生日就嚟呢到試下。一坐底店員物送上一小杯芒果沙冰，可以清一清和降溫，非常甜心。叫了二個set dinner ，包餐湯或沙津，主菜沙津都幾大份，菜新鮮，還有伴碟，一點都不像跟餐的。主菜分別選了煙三文魚蟹肉墨魚汁銅模意粉濃濃不太濃稠忌廉白汁汁配上意粉加上芝和蟹肉。不會太油膩.這餐廳在伴碟方面挺有心思。黑松露雞油菇芝士意大利雲吞雲吞皮薄餡料好滿滿雞肉，一碟有五隻，份量對女仔來講是足夠。套餐是會送汽水，但被沙冰吸引加20元叫了特飲。粙子荔枝沙冰，清新，夏天一流。當日最主要嚟食就係甜品😋😋😋雪糕芝士夾心，雪糕是採用movenpick第一層是草莓雪糕，第二層是開心果味雪糕，這餐廳在伴碟方面挺有心思。最後一層是芝士蛋糕，造成西瓜般甜品。非常特別不會太甜。還配上三粒馬卡龍。

與女朋友在尖沙咀逛街後, 想搵個舒適的地方舒舒服服傾下計食下好野, 所以搵左呢價錢又唔係太貴, 又舒服的餐廳食晚餐....早來人不多, 可以擇位坐....這樣的環境, 女友也很喜歡....就在我們看餐的時候.......細心的待應遞上這個...係<芒果雪芭>, 淡淡芒果味, 冰涼透心~~ 特別係炎熱的天氣下, 一杯雪芭....可以話救您一命, 暑氣全消食完雪芭, 腦根都醒D.....好快就點了幾個食物.....首先來的係<黑松露三文魚薯蓉湯>這湯有濃濃的黑松露香...而且煙三文魚味道也不錯...薯蓉也豐富了畼的口感.....估唔到咁拼法....會有呢個幾好的效果~~待應同時遞上...<歐陸什菜沙津-帕爾馬火腿>和<蝦春卷><歐陸什菜沙津-帕爾馬火腿>....火腿很咸香, 而沙津菜和醋清新醒胃, 可以中和吃完帕爾馬火腿後的咸香!<蝦春卷>好脆, 配上沙津醬....香口而不油膩另外我們也點了...<什果桂花烏龍茶>今次算係頭一次聽....烏龍茶可以加上什果桂花.....烏龍茶淡淡