小蟻人 甜品西餐 (Closed)

放工後想食埋飯先歸家，我一於約埋同事去試下新開既餐廳，由於係公司附近好就腳，所以算係方便咁啦。首先叫杯橙汁飲下，估唔到係鮮炸橙汁播，仲有粒粒係裡邊，最緊要係唔會太甜，而家健康幾咁緊要，杯飲品算有誠意。跟手叫左碟黑松露帶子炒飯，差不多每粒飯都有黑松露痴住，另外仲有兩片黑松露，所以成份炒飯好香呀，用料都好足。帶子切左粒粒，細細粒好易趙呀，而且咬落好爽滑，同黑松露香味好夾。最後食埋份甜品，係某大牌子既雪糕加馬卡隆。雪糕好特別，外型似西瓜但食落唔係果回事，紅色係士多啤梨，綠色係開心果，黃色係檸檬，裡面仲有埋果肉添，真係睇得又食得。

琴日約左個fd去tst食飯，見小蟻人menu ok, 門口又有人介紹(有禮)，就入去食喇~係地庫，要落樓梯。一入到去，哇！入面環境好令，令過門面咁多嘅?! 好優雅嘅感覺2個人有大枱，坐得都好舒服。waiter好有禮貌，服務都好好，即刻針水放餐具。我嗌左煙三文魚蟹肉墨汁銅模意粉，因為我中意食意粉，同海鮮~ 本來冇咩特別期望好好味，因為都好似普通dish黎姐。點知上到枱，一食，勁正!!!!!個意粉嘅煙un程度係perfect!! 彈牙，但唔會難咬或太un. perfect lor! 個味都好正真心，有忌廉芝士汁嘅味，加真係一片片嘅芝士咸香，好夾! 煙三文魚就正正常常冇咩特別~ 蟹肉就夾住啲汁，但蟹味都好重尼個真係必食! 另外，我簡左salad, 要求汁另上。上枱好令，食落都好fresh,有烤香嘅雞肉粒，好味開胃~ 我要左跟餐嘅士多啤梨果茶，好香，飲落唔太甜，天然岩我~ 不過個fd轉左個杯藍莓柚子沙冰仲正，估唔到個柚子味都幾特別，真係2種生果味都好balance! 之後叫左甜品，strawberry綿花冰, 吐司盒，同焦糖燉蛋~ 尼度所有甜品都好大份好足料! movenpick雪糕不嬲冇得輸

吹水之友是夜喜又聚頭，當中有人大愛雪糕甜品，大顆兒選定了小蟻人，皆因聽聞這兒的甜品是用Movenpick雪糕做的，想來不錯呢。甘荀忌廉湯很滑，味道溫和，甘荀或忌廉都不算太搶，飲完亦不會太漲胃，作為餐湯是合格的。沙律菜亦爽，溫度有點落差，嫌暖了些。沙律汁偏酸醒胃，不過不失。烤黑醋羊架配粟米餅，羊架雖然以意大利黑醋及迷迭香醃製，羊肉羶味猶存。據說羊架燒至七成熟，感覺雖卻像是煮過頭，羊肉還好夠腍有汁，論肉質是挺好的。芝士汁瑞士豬肉丸配紅米飯就好多了。外貌像是咖哩，但原來是芝士及蘑菇弄成的汁。豬肉丸沒有雪味，軟腍而入味，芝士蘑菇汁很香，稠杰恰到好處，配合粗糙的紅米飯吃相當合襯。三文魚卡邦尼意粉亦是一個不錯的菜式。意粉軟硬適中，每條都掛到奶味濃厚而滑溜的卡邦尼汁，本身已極其滋味。香軟的三文魚更增添了層次感，錦上添花。主菜還有大蝦燴飯。燒蝦擱在焗飯之上，頂上有些芝麻菜。蝦肉未至於太實，但說不上十分爽口。焗飯濕濕潤潤，有嚼勁，不油不膩，頗為清新。完成了主菜，接下來的甜品環節才是戲肉所在! 雪糕芝士夾心乃必試之選!  用雪糕及芝士做成西瓜片般，而西瓜核的真身是朱古力粒，在軟棉的雪糕之間還有脆脆的馬卡龍

在尖沙咀下班，約了伴侶午飯，知道這店新張不久，所以順道到訪。向下走的樓梯，有點相熟的感覺，可是淺粉色的裝修，有點像女孩的童話般。枱椅配合著裝修，有點像童話中的公主房間。枱面墊枱用的，卻非常特別。牆上展示著維港夜景，東主似乎很喜愛香港，有點本土特色。簡單的點了照燒汁雞扒配紅米飯，豬肉丸依雲士配白飯，飲品原配汽水，可是也可選擇花果茶，我們選了黑莓監莓果茶，山莓士多啤梨果茶。照燒汁雞扒配紅米飯，雞扒剛好熟，並不太老，還有點點肉汁和雞油，紅米飯軟香可口，並沒有太硬的感覺，並沒有太大突破與驚喜。豬肉丸依雲士配白飯，反倒有點特別，一隻長身的碟子，再加上一個碗。濃香的白菌汁配著什菌，雖帶點鹹，配著什菌及白飯則剛好，豬肉九是西式的，將豬肉碎做成一個丸子，味道不錯，口感卻粗糙，並不太滑的那種。兩杯花果茶並沒有糖，卻有著濃濃的香味，感覺相當健康。淺粉色的裝修，給人並不刺眼的感覺，飯後稍息一會，又或下午茶相聚一下，的確是個不錯的地方，而且午餐時並沒有加一收費。

在尖沙咀附近返工，約左3個朋友食飯。睇食評呢度好似幾好，就約左係度食夜晚。set dinner 唔係飲湯就食沙律。我地4個女仔都叫左沙律。個沙律汁好食，但我唔記得左個名。個啲雞肉係方型，好有嚼口。仲有個醋好正，唔會好酸，有少少甜。質地好得意，係傑傑地嘅汁。我同朋友A叫左食咖哩牛肋骨配南亞薄餅，佢配白飯。另外兩個朋友就食炆羊肉配紅米飯。我試左少少羊肉，個味都Ok，但羊好羶... 有啲失望。食返自己個咖哩牛，如果辣返少少更好，幾惹味，味道偏濃，啲薯仔好焾，好好食。個餐旁邊有啲配菜，好開胃，蘆筍好窈窕，食落好脆，幾鮮甜。本來好期待個薄餅，但佢好油，好薄，用叉吉唔到... 有啲麻煩。餐飲揀左果茶，因為得兩款揀，冇理由揀汽水，唔通加20/30元飲特飲咩... 有個朋友飲黑苺藍苺，其他都飲無花果布冧，我地分黎飲，試下味。3個朋友都喜歡苺茶，我本身都唔太好苺茶，所以我覺得無花果布冧好飲啲，服務生都話布冧多人揀。之後終於食甜品啦～ 未食主菜我地已經諗定食咩甜品。我地叫左3款甜品：芒果綿綿冰配Movenpick 士多啤梨雪糕。綠茶窩夫配Movenpick 朱古力雪糕芒果底。雜果拿破崙。最先解決綿綿冰，因

之前向新聞見過呢間野既介紹，星期日晚誤打誤撞就入左黎試下,環境間隔得好好，分左好多唔同既卡位，小角落，唔會有好迫既感覺，坐得好舒服。佢既賣點之一 - LED 維港景，即刻令到成個餐龐個氣份唔同哂，空間感大增!跟住就叫左2個SET DINNER~

朋友前陣子介紹小蟻人 說好吃而且有轉盤玩 她轉到了五折 五人行才2百元買單 抵到暈不過應該是新張期間才有 我去已經沒有轉盤玩了我點了龍蝦汁大蝦扁意粉 跟西蘭花忌廉湯 餐飲加錢轉了杯Latte西蘭花忌廉湯 - 很濃滑 西蘭花已煮融 非常香口龍蝦汁大蝦扁意粉 - 龍蝦汁味淡 幾乎吃不出是龍蝦汁 吃下去反而似一般忌廉汁 大蝦肉質偏老 青口也淡然無味Latte - 咖啡迷的我只能說賣相和味道都不合格 咖啡底劣 奶打得差 拉花更不要說了…朋友點的跟餐香腸沙律 - 份量毫不吝嗇 沙律非常開胃 配以薄切腸 恰到好處焗豬肉飯 - 朋友說不過不失 但嫌飯太爛卡布奇諾 - 和Latte無異 劣…另外點了草莓窩夫配草莓雪糕 忘記拍照了窩夫有點軟身 未算很香口 雪糕搭救環境很光猛乾淨 坐得舒適 店員也很有禮貌整體來說前菜做得比主菜出色後來再問朋友 她說她當日點了羊肉 很好吃下次有機會再試下先

從居於 荃灣 的友人口中得知, 有一間不俗的西餐廳進駐 大鴻輝中心  我們決定前往一嚐究竟 ....先看一看門面的 menu ~因為新開張的關係, 餐廳設有 幸運輪 大抽獎 ~口啖啖, 先點杯凍飲喝 ....西瓜汁 $38喝得出是用西瓜鮮搾的, 味道天然, 甜度不高 ~Dinner Menu ~Dinner set : 是日餐湯/沙律 , 主菜一款 , 配餐飲 藍芝士火箭菜沙律蔬菜新鮮爽口, 特別在於有藍芝士, 而且其沙律醬汁有酸甜果味, 口味相當獨特 ~香煎比目魚伴紫薯蓉 配 芒果忌廉汁 $128賣相精巧而頗具 "日式西餐" 的風格, 無骨的比目魚, 煎得外皮香脆, 肉質滑嫩鮮美, 配上味道柔和香甜的 芒果忌廉汁 同吃, 更感美妙 ~ 紫薯蓉味道甜香, 紫薯味濃郁, 薯蓉打得幼細而不失口感 ~餐飲 : 雜果桂光烏龍榮 (餐飲轉特飲, 另加 $20)味道清香幽雅, 冰凍而少甜, 配上鮮雜果更感健康 ~總括來說, 食物有創意, 服務態度好, 價錢親民 本篇完 ~

小蟻人夾在眾多食肆間 簡歐風架鋪面尤為出眾 入到去 有waiter帶路 跟住點左優惠午餐啦 對比起主餐牌D食物 優惠午餐真係超抵la 味道仲幾正宗 可以值得一試

今日同完韓文班嘅同學聚會完，就同左個朋友黎呢度食埋甜品作個好結尾。呢度嘅環境好舒服下，以白色佈置為主，加上啲配樂，比到人一個可以好好享受食物嘅環境。草莓方磚配movenpick雪糕 $68呢一個就係我點甜品，個人黎講，我比較中意草莓係因為佢嘅酸，而呢一個甜品其實呢，唔係好酸架。反而我會想佢係酸啲會好啲。佢呢舊雪糕唔會溶得好快。咁當然會溶啦，但速度慢啲，所以可以慢慢咁享受下呢一碟甜品。我對於雪糕有好感，對於個方磚我覺得還可以啦。佢係做得幾好架，好脆下，但係自己唔多中意佢果種口感。相比起pancake果類，淋淋地嘅始終係我的最愛。份量黎講，一個女仔未必食得哂呢個甜品，即使我地兩個人都有剩低落黎。份量係比我地想像多左啲。呢度嘅好處係有得分享打卡玩轉盤，想慳下錢同聚下可以選擇呢個。今次我朋友手殘轉左去七折同多謝惠顧中間，呢度嘅經理都好好人肯比七折我地。所以呢度嘅服務係幾好嘅。

和朋友再到尖沙咀厚福街小蟻人食甜品,一睇餐牌有新甜品出,就是宇治金時系列。日本綠茶是老婆及朋友最愛所以是必試綠茶拿破侖,綠茶吉士醬有濃厚綠茶但不苦澀,再配合餐廳推介有百層之酥皮,牛油味香濃鬆脆綠茶芝士撻,綠士香味芝士濃郁,酥底香脆,絕佳配合綠茶慕絲,綠茶味香濃出色,慕絲幼滑壓軸登場就是“心呈”心呈內配有綠茶心太軟,綠茶流心,皮脆。再配熱溶朱古力球,又可以玩又可以食,正

唔洗book有好多空位其間個waiter抹左3次檯明明我地冇倒灑過水可能員工太得閒其實都幾騷擾嘩 一去到首先黎甜品甜品最後上是常識吧甜品係加錢換 所以唔會有雪榚球樣子整得幾好食落太多cream太少木糠感覺好漏海鮮有青口、蝦、蟹柳等焗飯冇炒底芝士汁有保證個汁配得幾好味有不少蟹肉意粉彈牙 顏色唔算太黑食完都唔會有黑牙齒沙律個汁酸酸地幾開胃檸茶＆芬達員工有問要唔要少甜少冰最後轉左個輪盤只要like Facebook page＋影相＋打卡就得走前先好轉呀因為轉左之後落order就冇折啦

同同事放lunch就去附近揾野食，呢間新開而且價錢都幾平就決定入去啦！行一條樓梯仔落去就嘩一聲，估唔到環境都幾靚下，好有貴婦high tea感覺 先黎個小食-水牛城雞翼雞翼皮好脆，咬落口又多汁，辣辣地咁好好味，同同事一人一串唔夠食呀同事既鴨胸飯，同事表示不過不失不過好大兜好抵食！匈牙利牛肉配紅米飯牛肉幾冧個汁撈飯好好味，個人覺得唔錯！ lunch set加30蚊有個甜品，我地就揀左芒果撻同士多啤梨撻。撻中間係滿滿既吉士，味道沒有特別，30蚊有點貴。

去完睇3D館，再去食lunch，沒有目標下，入左小蟻人，下午3點幾，除了tea set，還有lunch set。唔係太多人，所以可以靜靜地食野，餐廳裝修十分精美，特別中意壁燈，可惜唔記得影相。今次2人叫了1個lunch set-蘋果燒汁吉列豬排飯，以及1個tea set-青瓜蕃茄煙三文魚三文治配薯條。lunch set的份量好足，有2塊豬排，好脆。以$4x嘅價錢食1個lunch，算幾抵食。而個汁，幾特別，食落幾開胃。餐廳tea set以甜品為主，只有2款三文治及1款通粉，因為我地未食lunch，所以揀三文治，以$3x來講，幾抵食。三文魚的煙燻味比一般的輕，岩我口味。整體來講，三文治屬正常，無特別驚喜，如果薯條多d就更好。至於服務，都幾好，通常食完野食，侍應會執走碟及餐具，但呢到嘅侍應，除左執走餐具外，仲抹乾淨張枱，我地可以慢慢坐。唯一覺得美中不足，就係餐飲，要跟指定飲品，如汽水，咖啡，及3款花果茶，我想跟個普通嘅熱檸茶，都沒有。。。

星期五晚，難得有甜品舖唔洗等位，即刻入座la, 點知勁中伏！1. 明明客人唔多，但出菜仍超慢，等足廿五分鐘先上第一個甜品2. 個心太軟竟然附上小曱甴一隻🙀🙀🙀同店長投訴，佢竟然自爆「廚房成日都係咁」！未見過咁離譜既餐㕔，虧店長咁都講得出🙀🙀🙀真係唔會再有下次！