小蟻人 甜品西餐 (Closed)

尖沙咀厚福街出名多野食，要贏取食客口碑要、突圍而出，除咗要食物美味之外，餐廳環境，甚至服務缺一不可。今次想介紹嘅，就係位於厚福街地庫嘅《小蟻人》。由於位置於地庫，地面入口擺放了banner。沿著樓梯向下走，就會見到餐廳。餐廳裝修潔淨光猛，牆上除了有鏡面裝飾，增加空間感，亦有有一幅以維景作主題的燈箱，一眼望去，真係以為係星光大道食緊晚餐。食物方面，分別為西餐和甜品，兩種的選擇亦很多。今晚二人晚餐，我就揀咗前菜拼盤，黑松露三文魚薯蓉湯，小鍋肉醬意粉。飯後甜品方面，我就揀咗柚子荔枝沙冰，以及法式至尊。前菜拼盤$118,分別有無骨釀雞翼，雞翼走了骨，中間釀咗蔬菜條，咬落啖啖肉，而且雞皮煎得香口，一口一隻。中間係煙三文魚沙律，煙三文魚煙燻味濃，配上新鮮的沙律菜，吃時淋上酸醋，清新醒胃。黑松露三文魚薯蓉湯，將黑松露mouse拌均勻，令薯蓉湯每一口都傳出陣陣黑松露香氣，薯蓉湯香滑，加埋三文魚，既可當湯，亦可當餐前小吃。小鍋肉醬新意粉$88，雖然和坊間的肉醬意相似，但勝在無得輸，小鍋熱辣辣，既可保温，賣相亦精美。柚子荔枝沙冰$20，荔枝味突出，中和了柚子的酸性。而且亦有荔枝果肉，令每一口都增加了咬口，

厚福街咁多間餐廳黎講呢間外表唔算太吸引，但入到去裝潢的確唔錯，好似對住個維港咁。服務方面都令人覺得好高級食物方面:柚子荔枝沙冰-好清甜新既感覺，加埋荔枝果肉 感覺好FRESH 但真係甜左少少Parma Ham Caesar Salad-用左好香既欖油黎整，加上Parma Ham 油脂分佈比例平均 食落一D都唔油，反而覺得好健康珍寶三軍雜扒-三文魚扒、雞扒同西冷牛扒既配搭，再配以薯條同少少沙律 賣相同份量都好高分味道方面: 叫左七成熟              三文魚夠入味 不過煎耐左少少 皮有D硬 肉有D易散              牛扒略為UN左少少，但即使唔配醬汁都好JUICY              雞扒表皮夠香脆，肉夠滑 同醬汁亦好夾

之前食過荃灣店既小蟻人~幾好味! 今日食尖沙咀店! 佢有d set lunch都幾抵食呀! 但我就散叫因為朋友請...哈哈! 食多d! 我地一行2人叫左個前菜拼盤、咖喱牛腩配南亞薄餅、煙三文魚蟹肉墨魚汁意粉!前菜拼盤有帕爾馬火腿、挪威煙三文魚、露荀雞中翼我唔客氣喇好豐富既頭盤 仲有新鮮沙律菜伴碟！雞翼煮得好入味！出面既雞翼煮念起骨！釀左啲露荀同埋蘿蔔係入面好爽口呀！帕爾馬火腿、挪威煙三文魚夠新鮮！最衰冇哈蜜瓜啦!!! 咖喱牛腩配南亞薄餅好耐未食過咖喱牛腩! 佢既咖哩好香呀! 而佢唔會辣! 好多牛腩仲有薯仔~而薄餅點咖哩係好好味既一件事黎架! 煙三文魚蟹肉墨魚汁意粉好creamy~d 汁好味呀! 而佢既墨魚汁意粉好爽口~ 好多蟹肉~好味呀! 甜品方面我叫左芒果布甸同埋綠茶拿破侖~芒果布甸近日芒果當造, 超甜! 而佢既布甸入面仲有好多芒果汁汁, 好味呀! 綠茶拿破侖超多配料, 又有彈牙小丸子, 又有紅豆又有生果~~主菜既綠茶拿破侖有勁多綠茶抹茶鮮吉士醬....正! 今日食左一個好豐富既生日午飯~yummy~

呢晚又去文化中心聽concert 既然係假期 就要食個悠閒dinner～～小妹和友人來到尖沙咀站B2出口附近的地底餐廳——主打甜品和西餐嘅「小蟻人」飲品叫咗柚子荔枝沙冰 好少地方有柚子 因為唔係人人受到佢嘅酸味 但小妹就好喜歡... 呢度嘅柚子沙冰無加蜜糖 保留了原汁原味的柚子香 還加了薄荷葉 十分清新和開胃 ... 由於柚子的味道好搶 飲品裡面落咗荔枝肉 補充沙冰味道的不足 真有諗頭！小妹喜歡薯蓉 所以寧願唔叫dinner set貴啲都要點呢個湯！首先 底湯係大蒜薯蓉湯 食到濃濃嘅薯仔味卻一粒薯蓉都見唔到 原來磨得極幼滑！中間黑黑白白的一層是泡沫黑松露 很薄很薄的 浮喺湯面 像個小島 承托住上面嘅煙三文魚... 飲嘅時候 最好唔好攪勻 咁就可以試出其中嘅層次！主菜又嚟煙三文魚 XD 今次係蟹肉墨魚汁意粉 意粉應該用墨魚汁浸過好耐 所以個黑色係鎖住咗 唔會甩色甩到成嘴黑哂 XD 醬汁裡面有好多蟹肉碎 估唔到亦加咗蒜粒 令蟹肉汁更惹味最後 甜品係靚到dum一聲嘅雪糕芝士夾心！一份有三塊貌似西瓜嘅雪糕蛋糕和三件macaroon（小妹一向不喜歡macaroom所以無食）紅色嘅係士多啤梨雪糕

朋友前陣子推介小蟻人這間餐廳，今天難得放假便相約好友一同前往一嚐究竟。一踏入此餐廳，發現這間餐廳的環境優雅，而且挺寬敞，相當舒服。侍應生安排我們坐在一旁的卡位，便提供餐牌讓我們點單。經朋友推介下及預先看過此餐廳的食評，便二話不說點了套餐F. 煙三文魚蟹肉墨魚汁銅模意粉配沙律。套餐是可以配餐湯或沙律的（由於本人吃的份量不多，故此點了沙律）。套餐包括一杯汽水，但看見餐牌中的特飲都不錯，於是加了$20點了一杯「青蘋果柚子沙冰」。點單後不久，沙律便上菜了。賣相都不俗，三文魚的造型像一朵玫瑰花。三文魚都挺新鮮的。吃的途中，飲品亦隨即奉上。一看到賣相便急不及待嚐一嚐，好清新健康的感覺。想不到青蘋果與柚子都挺夾的。杯子旁邊的青蘋果亦相當爽脆。不久，主菜亦上枱了。伴碟都挺精美的，旁邊的是莎莎醬，喜歡的話可以混和意粉一同吃，但其實意粉的味道本身都很濃郁。意粉質感彈牙，份量都正常的。三文魚切成絲狀，容易入口。另外，我們亦點了一個小吃「炭燒水牛城雞中翼」。上菜時，侍應生為我們介紹：雞翼可以配柚子沙律醬。雞翼的表面香脆，肉質鮮嫩。配上沙律醬，又是另一種風味。略嫌份量太少，未夠喉。正所謂甜品是女人的第二個胃。我

經常走去厚福街食野，因為呢條街實在太多餐廳，行到去一定可以㨂到你想食既。見到有一間甜品+西餐廳新開張，就㨂呢一間。一入去，店員好有禮貌，而且主動介紹今晚既set dinner，講得又清𥇦，又有耐性，like!炭燒水牛城雞中翼雞翼燒得外脆內熱，即叫即燒，好熱好脆，水牛城味道好香好入味，而且帶少少辣，好惹味咖哩牛腩配薄餅咖哩味好香濃，咖哩辣度適中，帶少許椰香味同洋蔥味，咖哩入面既香料好香好濃，正！牛腩好有牛肉味，林林地，好香。至於個薄餅，好香好脆，而且厚薄適中，點上咖哩，好夾！士多啤梨果茶好香好香既士多啤梨味，而且帶好少既甜味，好香好正朱古力木糠布甸好香濃朱古力味，而且布甸好香好滑，而且唔會好甜，再加上士多啤梨movenpick 雪糕，超正，雪糕香滑，啖啖士多啤梨果肉，好有口感，凈係食個雪糕已經值回票價是次用餐，除左食物質素好令我有深刻印象外，呢度既服務真係一流，而且又好細心，層次高啲既員工，係真係值得層次高啲既人工，店主任應記一功

係尖沙咀真係好多嘢食 但係都唔平 好難揀得落手 今次竟然俾我發現左間隱藏小店 佢門口係個街 不過鋪頭就係地庫 入面好光猛好服舒 而且價錢又唔係好貴咖喱海鮮配南亞薄餅⭕️好多海鮮 有帶子有魚 有青口⭕️咖哩唔辣 人人都岩食⭕️薄餅好香脆❌得一塊薄餅 唔係好夠喉 雜果桂花烏龍茶 ⭕️有落梳打水 好fresh 好解膩⭕️濃淡適中 微甜⭕️豐富雜果 ❌無烏龍茶味士多啤梨拿破崙⭕️賣相非常好⭕️中間嘅cream好多❌酥皮唔係我鍾意個款 呢隻落咗太多牛油反而冇咗酥皮本身嘅texture 其實呢間餐廳好適合同朋友休閑地食傾計環境又舒服 酒店嘅服務 因為食完前菜 待應會幫你換餐具 抺枱 又會問你想幾時上主菜... 呢個價錢食dinner真係好抵

呢間入口隱蔽既餐廳，見個門口個侍應介紹，就行入去試下。西餐加甜品店，裝修仿西式華麗的裝潢。先來一杯子元芒果雪吧，送既。濃味道又新鮮既周打魚湯沙律一份，沙律蔬菜幾新鮮乾淨ribs 香甜+意粉呢道菜真係好正，ribs 煮得恰到好，豬肉與骨容易分離，而且非常較軟綿綿，絕對不靭。份量亦非常足夠，比足一隻豬仔既size，抵食。醬汁調教左係甜甜地的燒烤汁，無得彈。入口啖啖香濃既ribs既味道，我覺得好食過好多美式大型餐廳。意粉呢間餐廳說是特製意粉，但吃後又好像同普通的差不多，煙靱彈牙。到了招牌甜品，紅蟻屋movenpick 雪糕 ，就是士多啤利梨味既心太軟。心型蛋糕焗得香噴噴，整得好靚吾忍心切開啊。一切開，入面流心既士多啤梨醬慢慢流出來，味道幾甜既帶濃味，越食越好味。再加上朱古力味既movenpick雪糕一齊吃，雙重享受

之前收過呢間既傳單，見lunch set 都好實惠，今日一於一試。大概一點鐘黎到，唔洗等位，直入，門口只有一個招牌仔，唔起眼，但原來係落basement, 地方好闊，裝飾亦好靚，環境已經加哂分Lunch set 大概45蚊包埋野飲，好抵食叫左個燒汁豬頸肉紅米飯擺碟已經幾靚，豬頸肉有5大舊，每一舊都好厚，好肥美，但個汁就太咸，唔係好食到，只好豬頸肉點落白飯度食，中和番。餐廳好有心機，整左紅米飯，感覺好健康野飲係士多啤梨三角茶包，感覺唔求其下次黎試下佢既甜品先

其實喺囗福街食野咁耐都唔覺呢間餐廳嘅存在，直至有次有人派傳單，都要搵左陣先搵到。地庫嘅一間西式小餐廳，白色佈置都幾舒服，仲有免費wifi提供，如果得閒再過來食，我諗可以坐耐啲。今次點左蘋果汁吉列豬扒飯，豬扒乾左少少，不過都幾大塊，如果再多少少汁，豬扒感覺會無咁乾。下次得閒會再來hea下，上下網，wifi都ok快

今日約咗朋友收工一齊食晚飯,約咗係尖沙咀,好自然就去咗餐廳雲集嘅厚福街到搵嘢食。行咗一圈,發現有間新開嘅西餐廳, d set dinner好似幾吸引咁,於是就決定試試佢。間餐廳o係地牢,侍應姐姐好好禮貌咁帶我地落去坐低,可能因為係平日關係,唔洗等位。餐廳環境幾靚,而我一坐低就忍唔住影咗店內一幅維港夜景嘅燈廂相,遠睇好似真係o係有海景嘅餐廳到食緊飯咁,好搞笑!我地叫咗一個煎鰽魚柳同一個西冷牛扒share一齊食,一人一個跟餐嘅沙律,同一杯特飲。tongue首先嚟咗個沙律,佢用煙三文魚砌做花型,然後沙律菜就加咗黑醋酸酸地好開胃。一食完沙律之後魚柳就嚟到,好驚喜,因為個魚柳煎到魚皮係脆嘅!個魚厚得嚟d肉好滑,有啖啖肉嘅感覺tongue(本人係食肉獸)個汁係紅菜頭+忌廉汁,好特別!魚柳到咗大約兩分鐘之後個牛扒都到咗,5成熟嘅牛扒入口即溶,加埋黑松露汁,真係好滿足。tongue而且我好欣賞兩個主菜入面d配菜都好好味,有煎青瓜黃瓜紅黃椒同埋焗薯仔等等,點埋個黑松露汁真係好味到爆!特飲我叫咗杯柚子荔枝沙冰,幾好味,而且入面真係有柚子肉同荔枝,而唔係平時出面果d色素溝糖水。食完主菜之後我地就叫甜品喇~我

尖沙咀厚福街新開左間西餐廳，望落裝修都幾好，大部分都係梳化位，坐得好舒服，而且服務員非常親切同有禮貌，一入去，感覺已經非常好。店經理細心仔細咁解答左我地對餐牌上的問題，精挑細選底下，我揀左個set dinner :周打魚湯一放低就聞到好香，飲落好滑好creamy，味道又好香濃，配上蒜蓉包粒，脆口得黎又好滑炭燒安格斯西冷牛扒配黑松露汁賣相非常靚，medium well 既肉質依然好滑，好濃牛肉味，而且肉汁豐富，黑松露汁好香，加上牛肉，好配合，正士多啤梨果茶用乾果製成，好香士多啤梨味，帶好少好少既甜味，不俗這餐廳整體質素高，無論環境及食物質素都很好，而且服務一流，服務員耐心解答提問，而且有效率，服務員應記一功。

行行下街 落大雨 咁索性早d食個晚餐。係厚福街附近 最多好野食。選擇困難症發作 在做唔到決定之際 小蟻人員工殷切的笑容吸引左我。餐廳環境好光猛 主要是卡位 坐得幾舒服。Set dinner選擇好多 意粉焗飯扒餐咖哩全部有齊。我們兩個人 點了一客小食 一份晚餐 一個甜品。水牛城雞翼肉質嫩滑 好juicy 亦都夠辣 焗的時間控制得好好 配上紫蘇醬和黑醋 食完胃口大開。蘑菇忌廉湯跟餐的。充滿蘑菇碎 好有咬口 亦都好香忌廉味。炭燒西冷牛扒份量頗大 七成熟 處理得恰當 肉汁豐富 牛味亦不錯。配菜有甜椒薯仔青瓜 兩個人食都夠曬。心太軟配Movenpick朱古力雪糕賣相好靚 心太軟的朱古力味都算濃 流心略為杰左少少。雪糕係movenpick 邊有得輸。仲有石頭朱古力 兒時至愛。山莓士多啤梨果茶好香士多啤梨味 而且侍應常常主動幫我們加熱水 好好服務 泡左三次仍然好香濃。P.S. 今晚食得最開心 係因為侍應的服務態度真係令人好窩心。

呢間餐廳真細心，餐前每位客人都送芒果sober比你清一清喉嚨滋潤一下。坐低左先知，原來餐廳係專做甜品的，成本menu大部份都講甜品，奇怪。但都有其他主菜食的。 餐湯絕對吾馬虎，有好多材料，仲有肉食，又有新鮮既魚味，ok 。沙律就係正常那種，若沙律汁多些感覺會更好。安格斯牛扒我要求5成熟左右，煎得時間都準，外層雖然未煎得好脆，但內層有肉汁，入口幾有牛味，不靭，易入口。醬汁係餐廳自己調教既，我覺得點芥辣會出味d。牛扒份量相當大份，足夠2個人吃啊！到餐廳既重頭戲甜品喇，點了一道movenpick 雪糕芝士夾心。先講賣相，好肉切開左既西瓜，有兩種口味既雪糕夾著芝士，兩重口味加上芝士味，感覺好新奇之餘，味道又好特別，味似西瓜+芝cheese cake ，非常創新。仲有馬卡龍，不太甜，做得較容易入口，真係要食多一次。

同朋友去尖沙咀行街 ,諗唔到食咩好就行左去比較多野食既厚福街尋美食去！呢間門口姐姐，一直宣傳得好緊要，見門面又幾靚，又話新開冇耐，見又有甜品，又有意粉就去試下一落到去呢幅Lcd既維景風景吸引住，地庫都有風景睇，真係幾特別望望餐牌，晚餐都幾抵食包野飲同沙律,沙律唔係求祈果種，好有心機甘，煙三文魚沙律，邊邊的是紅菜頭汁，加埋一齊食好新鮮，D沙律菜一D苦味都冇西瓜汁好甜好足料荔枝西柚沙冰呢個一飲好清新，唔係平時好假的果汁味，呢柸入面真係有西柚肉同荔枝肉香煎鰽魚， 魚皮煎得好脆，魚肉還有肉汁，連配菜都好用心煮，蒜蓉薯泥好好味，薯容充滿蒜香，青黃瓜配紅菜頭汁炭燒安格斯西冷牛扒五成熟 配黑松露醬汁，個汁真係一絕，黑松露超濃，牛肉味都唔錯佢呢間鋪頭算好重本，所有雪糕都用Movenpick， 士多啤梨窩夫，窩夫脆脆的，加最正的草莓雪糕朋友叫左個雪糕夾，賣相好靚，影相一流，我偷食。左馬卡龍有點甜兩個人西餐+甜品才五佰幾蚊埋單，坐得舒舒服服，去尖沙咀一定有下次