Video
Above information is for reference only. Please check details with the restaurant.
Signature Dishes
食依個牛霸四寶小食（$50 送飲品一罐）絕對可以當正餐，有牛筋、牛丸、牛肋條、牛柏葉🐮一個女仔嚟講好飽，同味道正常幾個人share嚟食嘅話真係好唔錯甜酸齋（$31）都OK，但係就食唔晒！拎走放喺雪櫃，遲啲拎出嚟食就可以
continue reading
1. 車仔麵味道 OK，蘿蔔偏咸。2. 自家製檸檬茶好難飲茶底無茶味。3. 兩支檸檬茶，竟然可以甜度不一。4. 飲飲下發現底部有粒葱，感覺好唔衛生。5. 叫個職員諗住同佢講，唔知佢係咪聽到我地講緊支檸檬茶，佢叫我等等，等左好耐，然後無理過我地。6. 我忍唔住過去埋單時同佢講，佢淨係回應左句「唔好意思呀下，可能同事整野嘅時候整左落去」。」咁就完左件事啦。。。。。。其實而家做飲食業嘅，而家仲用呢個態度的話，不如唔好做啦！
continue reading
今日同朋友約咗去屯門行山，路程唔算長，大約一個鐘多啲就挑戰成功落山之後，大家都有啲攰同肚餓，朋友仔帶我哋去咗附近一個屋村小商場「忠仔麵」食車仔麵醬汁主要分招牌辣汁同甜辣醬，朋友平時譚仔係食小辣嘅Level，佢揀咗秘製大辣汁，佢話個辣度都算幾辣。我唔係好食得辣，揀咗個惹味甜辣汁，個辣度對我嚟講啱啱好，真係幾惹味，好食麵底質地正常，車仔麵用嘅蔥比較特別，佢哋係用大蔥，好有口感 但係真係不得不讚吓佢車仔麵啲餸，我哋前前後後揀咗10幾款唔同嘅餸，款款都感覺到製作好有誠意，非常好食推介：關東煮蘿蔔，蘿蔔唔係炆到好軟腍嘅質地，偏爽嘅口感，食到甜甜嘅關東汁，好好食 牛腩揀選嘅係靚部位，肉質爽脆，甚至比好多粉麵檔都出色豬皮爽口，師傅揀選咗豬皮某啲位置先用，而且竟然將size切到差唔多大小，感覺到師傅連豬皮呢啲細微位置都處理得非常用心估唔到喺屋村內嘅車仔麵，竟然食到令人驚喜嘅車仔麵，真係令人回味無窮溫馨提示：美中不足係無水吧，所以只提供樽裝或罐裝飲品
continue reading
今日做野經開良景邨，突然好想食車仔麵，係開飯搵到忠仔麵，咁就試下啦🏃🏾💨綠色趟門口🚪幾有80，90年代既感覺，入到舖頭裏面見到一幅香港電車嘅牆壁相🧱，廚房位旁仲會有一幅類似九龍皇帝大字🖌️都幾特別。🕐中午時間都唔係好多客，位置可以自己選擇🪑🪑🪑🪑店員比左張點餸紙，自己落單，咁我就叫咗豬皮，雞翼，魚蛋，河粉小辣，唔洗10分鐘已經送到過黎，第一口食魚蛋好大陣雪味😅，豬皮好食值得推介👍🏽，雞翼有點鹹🥴最後埋單54蚊💵💵下次有機會可以再黎試下其他唔同餸同小食👍🏽👍🏽👍🏽
continue reading
今次試左三餸麵啲款多到眼都花😆豬紅 蘿蔔 墨魚咀 粗麵 清湯腩汁+甜辣汁麵底煮既時間岩岩好，唔會好硬亦唔係散晒。反而個湯可以再濃啲，或者辣汁再辣啲，會更加入味！不過唔好睇佢以為係清湯，但係飲落都好重味精，食完碗麵會好口渴🥵豬紅口感唔錯，唔會一咬落就散晒我第一次見車仔麵有得叫墨魚咀，感覺好新鮮，亦冇令我失望。咬落去好爽口，份量亦多，感覺好抵食😂反而蘿蔔最令我失望，雖然佢夠淋夠入味，亦都冇嘜筋。但因為佢用關東煮湯黎煮，本身個蘿蔔已經吸晒啲關東煮嘅甜湯味，而唔係車仔麵本身嘅清甜味。感覺好奇怪，同本身碗車仔麵嘅味道格格不入😞外賣+$1 總數$43賣單，如果住附近既可以再試下因為佢係我暫時頭3位見到咁多車仔麵餸既款式，而且味道都唔算好差，下次可以再試其他😋
continue reading