忠仔麵 (良景廣場)

Open Now

Now Closed

係忠仔麵嗌咗個牛筋牛腩油麵（+惹味甜辣汁、牛腩汁、多蔥） 凍檸茶💰37牛筋牛腩好食～37蚊包埋野飲黎講好抵！😁惹味甜辣汁唔算太辣🌶️唔食得辣嘅朋友試試都OK份量夠飽！但我女仔食完夜少少會肚餓～依個外賣自取價好抵食！🫰🏻😋

今日平日到咗忠仔麵嗌外賣～甜酸齋、豆卜、腐竹米線🍜加腩汁~加埋佢哋嘅凍檸茶（+$4）都係$37🫰係限定外賣嘅幾個餐先有咁抵💰好抵食😋味道都好好！簡簡單單又一餐嘅好選擇！🫶🏻🫶🏻佢哋自製嘅凍檸茶冇一般嘅凍檸茶咁甜，有啲澀味～感覺健康啲🤤👍🏻嗌外賣好快就有！見佢哋堂食都full晒😬趕時間想快食外賣都可以考慮吓～～

1. 車仔麵味道 OK，蘿蔔偏咸。2. 自家製檸檬茶好難飲茶底無茶味。3. 兩支檸檬茶，竟然可以甜度不一。4. 飲飲下發現底部有粒葱，感覺好唔衛生。5. 叫個職員諗住同佢講，唔知佢係咪聽到我地講緊支檸檬茶，佢叫我等等，等左好耐，然後無理過我地。6. 我忍唔住過去埋單時同佢講，佢淨係回應左句「唔好意思呀下，可能同事整野嘅時候整左落去」。」咁就完左件事啦。。。。。。其實而家做飲食業嘅，而家仲用呢個態度的話，不如唔好做啦！

今日同朋友約咗去屯門行山，路程唔算長，大約一個鐘多啲就挑戰成功落山之後，大家都有啲攰同肚餓，朋友仔帶我哋去咗附近一個屋村小商場「忠仔麵」食車仔麵醬汁主要分招牌辣汁同甜辣醬，朋友平時譚仔係食小辣嘅Level，佢揀咗秘製大辣汁，佢話個辣度都算幾辣。我唔係好食得辣，揀咗個惹味甜辣汁，個辣度對我嚟講啱啱好，真係幾惹味，好食麵底質地正常，車仔麵用嘅蔥比較特別，佢哋係用大蔥，好有口感 但係真係不得不讚吓佢車仔麵啲餸，我哋前前後後揀咗10幾款唔同嘅餸，款款都感覺到製作好有誠意，非常好食推介：關東煮蘿蔔，蘿蔔唔係炆到好軟腍嘅質地，偏爽嘅口感，食到甜甜嘅關東汁，好好食 牛腩揀選嘅係靚部位，肉質爽脆，甚至比好多粉麵檔都出色豬皮爽口，師傅揀選咗豬皮某啲位置先用，而且竟然將size切到差唔多大小，感覺到師傅連豬皮呢啲細微位置都處理得非常用心估唔到喺屋村內嘅車仔麵，竟然食到令人驚喜嘅車仔麵，真係令人回味無窮溫馨提示：美中不足係無水吧，所以只提供樽裝或罐裝飲品

今日做野經開良景邨，突然好想食車仔麵，係開飯搵到忠仔麵，咁就試下啦🏃🏾💨綠色趟門口🚪幾有80，90年代既感覺，入到舖頭裏面見到一幅香港電車嘅牆壁相🧱，廚房位旁仲會有一幅類似九龍皇帝大字🖌️都幾特別。🕐中午時間都唔係好多客，位置可以自己選擇🪑🪑🪑🪑店員比左張點餸紙，自己落單，咁我就叫咗豬皮，雞翼，魚蛋，河粉小辣，唔洗10分鐘已經送到過黎，第一口食魚蛋好大陣雪味😅，豬皮好食值得推介👍🏽，雞翼有點鹹🥴最後埋單54蚊💵💵下次有機會可以再黎試下其他唔同餸同小食👍🏽👍🏽👍🏽

今次試左三餸麵啲款多到眼都花😆豬紅 蘿蔔 墨魚咀 粗麵 清湯腩汁+甜辣汁麵底煮既時間岩岩好，唔會好硬亦唔係散晒。反而個湯可以再濃啲，或者辣汁再辣啲，會更加入味！不過唔好睇佢以為係清湯，但係飲落都好重味精，食完碗麵會好口渴🥵豬紅口感唔錯，唔會一咬落就散晒我第一次見車仔麵有得叫墨魚咀，感覺好新鮮，亦冇令我失望。咬落去好爽口，份量亦多，感覺好抵食😂反而蘿蔔最令我失望，雖然佢夠淋夠入味，亦都冇嘜筋。但因為佢用關東煮湯黎煮，本身個蘿蔔已經吸晒啲關東煮嘅甜湯味，而唔係車仔麵本身嘅清甜味。感覺好奇怪，同本身碗車仔麵嘅味道格格不入😞外賣+$1 總數$43賣單，如果住附近既可以再試下因為佢係我暫時頭3位見到咁多車仔麵餸既款式，而且味道都唔算好差，下次可以再試其他😋

忠仔麵 @屯門(良景廣場) 澱粉質怪獸真係好鍾意食車仔麵同米線🤩同大家介紹下呢間都幾抵食嘅車仔麵另外，鍾意@mirrior嘅鏡粉必去啊，舖內有個小corner放左好多12子嘅裝飾品，可以去打打卡睇下。 ⚠️逢星期一至日下午 2:30至5:30仲有下午茶優惠⚠️惠顧三餸一麵或以上，送（可口可樂）玻璃樽裝汽水一枝 💥 三餸一麵 HK$42墨魚頭~關東煮白蘿蔔~滷水豬腸~米線底•加腩汁&多蔥•招牌大辣汁🌶🌶🌶墨魚頭唔會食到雪味腥味👍有咬口呢個蘿蔔必點👍真係好好食😋夠淋夠甜豬腸都係必試👍佢唔會太肥，洗得乾淨，又夠入味至於辣汁，本人食得辣，所以覺得唔錯，如果第一次食嘅朋友仔怕辣，可先點惹味甜辣汁試左先🌶👍👍🏻 評分 : 7/ 10 💥 三餸一麵 HK$42韮菜餃~瑞士雞中翼~生菜~米粉底•惹味甜辣汁•馬拉沙嗲湯🌶+$2韮菜餃入面豬肉唔太多，韮菜新鮮好香瑞士雞翼都幾入味，唔好煮到（爛溶溶），好食👍湯底加左$2要馬拉沙嗲湯👍好好食好惹味，好香唔會好濃郁，剛剛好，大家不妨可以試一試😋 👍🏻 評分 : 7/ 10 忠仔麵 @屯門(良景廣場)📍屯門田景路31號良景廣場2樓L204號舖

呢間忠仔麵好多人都話好食 咁就入去試吓啦😜老實講湯底係幾好嘅 叫咗牛肚豬皮豬大腸河粉😊我覺得車仔麵嘅水準幾好 啲餸都係入味嘅 不過我覺得呢一間餐廳嘅服務態度，真係麻麻🥵因為幫襯完呢一次之後 我仲去多咗一次 本身第一次食都唔覺有禮貌 不過街坊餐廳不嬲都係咁上下 都可以接受 但係下一次去嘅時候 其實當時佢入面係有位 咁我諗住入去同佢講幾位嘅時候 店員即刻呼喝叫我哋出返去等 我地就閘刻走左無食 其實我覺得禮貌少少嘅話大家都會舒服啲🤣就算碗麵幾好味都好 服務態度唔好嘅話都係唔會再幫襯🤣中評係比碗麵既🤪

車仔麵一向是港人至愛😌但現在車仔麵價錢愈來愈貴了，一個餸也差不多10多元，試過一次朋友吃車仔麵差不多上百元了🤣而位於屯門這間車仔麵店便不同了，3餸麵也是40元，現在已經很小有這個價錢的車仔麵了，大家也來試試吧🤪🍜今天叫了3餸米粉，朋友點了鹵水牛筋很淋很好吃，牛柏葉也不韌，魷魚很爽口，加他的招牌大辣汁，爽哦🤩🤩最後加了一碟腐乳通菜，很久沒有吃腐乳了，真懷念🤓還有很多餸大家選擇，快點來試試吧😆😆忠仔麵屯門田景路31號良景廣場2樓L204號舖

之前看到網民來這間粉麵店，前來一試，原來有一個位置張貼了應援及佈置了公仔，鏡粉必到🤓 我點了一碗清湯烏冬、配瑞士雞翼、陳皮魚蛋及菜芯苗，特別一讚陳皮魚蛋的味道濃郁😋 店員還送上骨碟，非常細心☺️ 3餸麵只售$40，非常抵食🤑

身為屯門牛的筆者當然有加入區內飲食的關注組，好留意各個最新的飲食情報。近日就見到有不少街坊推薦這間「忠仔麵」，趁住幾日聖誕假期，即刻過來試一下！進店後見到這個mirror區域好驚喜，店主放了各個mirror成員的公仔和大量應援background供鏡粉們打卡。價錢方面都幾相宜，$35有2餸1麵。豬骨清湯底加配了他們自家秘製辣汁的甜辣汁，味道變得帶辣感更惹味。配餸方面，有些款式都幾特別，例如有打冷墨魚。當中最欣賞關東煮蘿蔔，煮至腍身，入口好甜好入味，就是滿滿的關東煮甜香味。另外還點了一份雙拼水餃，分別有韮菜餃、雲吞。水餃包得飽滿，內餡都頗足料。

自選三餸一麵 $40烏冬 + 豬骨淸湯 + 加牛腩汁 + 自家秘製惹味甜辣汁 + 多蔥 + 桂候牛肋條 + 招牌魷魚 + 關東煮蘿蔔外賣盒 +$1自選三餸一麵 $40油麵 + 豬骨淸湯 + 加牛腩汁 + 正常蔥 + 五香牛筋 + 滷水豬腸 + 咖哩豬皮 外賣盒 +$1上網見到關注組介紹呢間開設喺屯門屋邨商場的車仔麵，咁啱去開屯門就搭埋輕鐵過嚟試一試佢啦！😜原來又真係幾好食！叫咗幾款車仔餸料，每款都好入味！我自己特別欣賞蘿蔔！題外話，原來店主仲係鏡粉之一嚟嘅添！😘

成日經過呢頭，見到呢間車仔麵有唔少人幫襯，往往是過其門而不入。今日見有空檔，就zip入去試試……🎈店內環境好有老香港味道，有懷舊街市燈及街景，只係另一邊整ANAL同鏡仔的相，顯得格格不入。🎈餐牌設有不同套餐，車仔麵配料應有盡有，可滿足大多數客人的需要。✨3餸1麵，加底 $481. 招牌魷魚份量比市面為多，食落爽口，只係略嫌唔夠入味。2. 古法金錢肚感覺好似將點心個種金錢肚做車仔麵既餸，份量OK，味道唔夠。3. 柱侯牛勒條3個餸入面最濃味既餸，咬落啖啖肉，牛味濃郁。湯底：惹味甜辣汁最初食個時會覺得點解辣中帶甜，好奇怪。不過慢慢食落就接受到，同時覺得呢種味幾有趣。呢個湯底唔係做到死辣、死麻個種Feel，而係有種層次感帶出，一啖麵一啖湯係唔錯。🎈總結喺百物騰貴既市況，呢個價錢對得住份量。$40有3餸，加埋飲品 under $50 屬可接受水平。

· 三餸一麵 / $40每碗另外都加多咗一個餸，第一碗揀咗豬紅、滷水豬腸、招牌魷魚同甜酸齋，麵底係油麵。湯底揀咗豬骨清湯，好甜，飲完唔口渴，配自家秘製嘅甜辣汁好好味，十分惹味，鍾意食辣可以揀雙倍或者特辣。豬紅同豬腸都好入味，豬腸洗得乾淨冇臭味，魷魚爽口，甜酸齋就比較一般。另一碗揀咗蘿蔔、牛丸、牛筋同牛栢葉，麵底係烏冬。湯底同樣豬骨清湯，蘿蔔係關東煮蘿蔔，非常入味，而且煮得夠淋，牛丸會爆汁㗎，夠彈牙，唔係平價貨，牛筋硬身爽口同軟淋嘅都有，牛栢葉正常。所有餸嘅份量都好多，唔吝嗇🥹🥹抵食好味，會再去食！但位置唔算好方便，如果轉乘輕鐵，良景站落車後記得行巴士總站嗰邊入口，我搵咗好耐先搵到🥹

經過比呢間懷舊裝修吸引左 望咗兩眼原來係食車仔麵 鋪頭座位唔多收銀做到好似架手推車好可愛旁邊仲有Mirror相同公仔 睇嚟呢間老細都應該係鏡粉🤭韭菜餃 墨魚丸 響鈴卷 豬骨清湯加腩汁 加埋惹味甜辣汁 米粉 $40 凍豆漿+$8韭菜餃皮薄餡多大大粒好好味 墨魚丸都幾爽口彈牙 響鈴卷唔會浸到淋哂 米粉份量好多反而湯底好清淡 辣汁唔算辣 甜甜地如果湯底可以再濃郁啲就好啦😁鮮蝦雲吞 韭菜餃 廚師腸/芝士腸 $40 出前一丁+3 凍豆漿 +$8 食車仔麵應該好少人會改用出前一丁做底🤭 不過小朋友就係鍾意食出前一丁多過其他 所以變成一碗唔正宗嘅車仔麵🤣 🍜 忠仔麵 @mrchungnoodles 📍屯門田景路31號良景廣場2樓L204號舖舖#車仔麵 #良景商場 #屯門 #屯門小店 #港式 #懷舊裝修 #打卡 #mirror應緩 #hkig #親子kol #親子 #親子blogger #kidsblog #foodblog #hkfoodie #foodie #foodieblogger #foodiehk #blogger #hongkongfood #tuenmun