麦先

Open Now

Now Closed

<麥先>📍天后/大坑🔸 港島咁好味嘅拉麵竟然$100有找？😱😱😱🍜 🔸 物以罕為貴，一日做兩輪，只做一百碗 🍜餐廳只提供兩種口味嘅拉麵，分別係鹽味同醬油味，選擇確實有啲少。不過對於選擇困難症嘅朋友可能係一件好事。無論如何，食物質素先最緊要。 🤓餐廳12:00pm開始營業，早晚各一輪，每輪只賣50碗。我地12:45pm到埗排隊，已經係最後一輪。有麵食純粹靠運氣 😂😂😂🍀特製鹽味拉麵($98) — 拉麵上檯，趁熱呷一口湯頭 😲 「欸… 不錯喔！！！」湯頭底蘊而清澈透明。拉麵食落煙靭、有彈性 🍜 叉燒肉質幼嫩，份量頗多。每份拉麵都奉上一隻醬油糖心蛋 🧡🥹🧡佢嘅糖心蛋有真流心，本人覺得好感動。拉麵好食，不過撐到好飽。原來特製其實就係大Size 😂😂😂 下次叫鹽味拉麵份量少啲就岩岩好。餐廳無收加一，兩個人埋單都係$224 🤩 呢個質素真係抵到難以置信，難怪咁多人排隊食。不過只收現金呢方面就真係唔太方便 🥹🥹🥹（差啲唔夠錢比，要留係度洗碗）

由大埔山長水遠入到大坑，先知道售罄，極不建議特登入黎食呢間，因為你根本未必食到，遺憾連個味道都試唔到，不過我唔會再有下次，好彩入到大坑附近都多野食！！！！！！！全部item評3 星，因為根本體驗唔到