妹記大排檔

Open Now

Now Closed

已經幫襯過好幾次，食過午市同晚市，下面就係分別兩次食晚市叫嘅餸，呢間名副其實就係大排檔，樓上鋪，環境相對乾淨同衛生，間野有好多特色菜，而且價錢合理，味道都唔錯，適合多人聚會嘅餐廳以下係比較推薦嘅餸菜1. 蠔餅2. 黑椒薯仔牛柳粒3. 椒鹽豆腐4. 炸九肚魚5. 豬手6. 瑤柱蛋白炒飯7. 蠔仔粥黃金蝦球同聖子就好失望，可以唔使叫，通菜正常發揮，鴨同豬大腸都OK大部份菜式都係水準以上，可以放心叫😊已經幫襯過好多次，環境食物同價錢都滿意！

今日叫左六碟餸，一碟黑椒薯仔牛柳粒，還可以，一碟椒鹽鮮魷，粉醬太多，一般，一碟黃金魚皮，可以，一碟妺記豬手，味道唔錯，可惜太咸，一碟煎蠔餅，份量可以，一個啫啫通菜煲，份量太小，略咸同幾油，另外叫左d特飲，冇乜味，大失所望

天氣炎熱，陽光直灼大街小巷，我跟一班好友決定尋找一個地道的香港風味餐廳來消暑。終於，我哋搵到咗妹記大排檔喺旺角嗰間分店，聽講呢度嘅鬼馬油炸鬼、黑椒薯仔牛柳粒同炸豬手係佢地嘅招牌菜式，所以我哋就急不及待咁走咗去。店內佈置得好有特色，滿牆嘅香港老電影海報同懷舊廣告，令人彷彿回到咗舊時嘅香港。嗰刻，我哋已經完全跟住食物探險嘅心情。大家都肚餓難耐，我哋馬上叫咗招牌菜式：鬼馬油炸鬼、黑椒薯仔牛柳粒同炸豬手。唔耐得，食物上黎啦，熱騰騰嘅香氣即刻彌漫喺四周，令人垂涎欲滴。先黎試試鬼馬油炸鬼，外脆內軟，食落酥脆好味，加埋入面嘅餡料香辣鮮美，真係振奮呀！黑椒薯仔牛柳粒亦都非常吸引，咬落去牛肉嫩滑多汁，配埋香濃嘅黑椒醬汁，令人欲罷不能。至於炸豬手，就炸得酥脆，外皮香脆內裡嫩滑，每一啖都令人鍾意。呢次嘅美食之旅唔係完美無瑕。我哋有啲擔心店員嘅衛生情況。畢竟，環境雖然有特色，但地方有啲擠擁，睇落可能需要更多嘅清潔同整理。唔使講，總的嚟講，呢次嘅妹記大排檔之旅係留低咗一段美好嘅回憶。風味獨特

今次朋友提議我過嚟呢間妹記大排檔食飯,發個入邊人客比較多,等候時間有一點點長，由於中途加入所以有啲食物嘅相都沒有影先講講蠔餅，9/10分。蠔餅新鮮炸的，用料充足，唔會話太厚粉，是係值得推薦的一道菜豉油銀啊炒麵:8/10分。價錢嚟講是一分錢一分貨，配埋佢嘅辣醬都容易入口的，每台送都建議點一碟試試沙爹粉絲金菇牛肉煲:9/10分:沙爹味特別濃郁非常好送飯。而且牛肉質素正常唔會似係沙爹牛面嗰隻蠔仔粥同豬手都係試左少少，質素正常

特色風味嘅大排檔，呢度人流都很多，坐位都係比較狹窄較逼，但氣氛都還好！餐廳上菜好快，呢個係 金沙蝦球，外脆 沾滿了淡淡的鹹蛋鹹香， 裏面就係一舊蝦， 爽爽的還可以。脆豬手，見到好多枱都有叫，外邊脆卜卜，皮硬硬的 很有口感，豬肉鹹鹹香香，配杯啤酒應該會比較好啲。炸蠔餅，ok 香香脆脆。豉油王炒麵：味道好夠濃郁 ，熱辣辣香噴噴。喜歡佢個面嘅質感 幼幼地咁。小炒王：個人覺得比較好食的一款菜式，香口惹味炒通菜，ok 啦，鹹香熱辣辣。

想去好耐因為好多人寫話似大排檔，但點睇都無一樣似。一坐低就比兩個例湯，到點完餐又問飲乜，都比左啦，眯即系吾可以叫其它啦，定想我另外加錢哩？鼓椒鮮魷飯（$57）2分- 睇落系好大碟，其實系汁多，真系太多，食到一半就水汪汪，好似湯飯，- 飯比較硬同散收收，餐廳來講好吾掂。- 魷魚份量偏少，有d靱。- 食完都吾飽京都豬扒飯（$49）3分- 豬扒份量算夠，但好奇怪落美極。- 米飯一樣就吾講啦- 性價比OK食完半個小時左右好口乾，可能好多味精。

今日同朋友去食，好耐以前係尖沙咀食過，今次去旺角食，點知係後悔既開始，由落柯打到食飽，都只係半個鐘，坐又坐得唔舒服，開左好多大枱，令到要搭枱食已經唔多開心，見咁多人食以為好好食，點知又係一次中伏體驗，3分鐘已經上第一道餸，仲要係炸椒鹽墨魚嘴，見咁快到都已經心知不妙，點知食完之後既感覺係兩個字"難食"， 炒蟶子同沙薑雞都係白烚完之後先落汁，完全冇味，最好既已經係炒通菜，豉油皇炒麵只係乾身，但係得個咸味，冇其他味又唔夠香，都唔知點解仲有咁多人去食，經過今次之後依間真係終身唔會再食

好耐未食過港式大排檔了，所以今日去到油尖旺就食返一次妹記。妹記食大排檔小炒一直都好出名，今日就叫左幾個餸。首先有蒜容絲瓜粉絲，蒜味勁香配埋絲瓜好入味，粉絲都索哂D汁好好味。之後仲有沙拉骨，沙拉醬好多好香甜，排骨肉量都好豐富，勁好味。仲有椒鹽鮮魷，呢個餸就辣左D，俾辣味蓋過一切，有少少失色，但都解魷都炸得唔錯。最後仲有啫啫雞煲，雞都份量都好多，而且好夠味。叫左咁多餸，緊係叫返個飯，就揀選左福建炒飯，汁就有點兒「傑」，但係料就好足，蝦、肉都好多。反而我呢度想提議一下，個炒飯實在太大啦，最後都係食唔哂，所以希望妹記可以出「半份」既份量，因為細飯只得碗裝白飯，完全冇其他選擇。

大排檔通常都是一大班朋友聚在一起食飯，人數不少。妹記定價不高，每款餸大概100，可惜份量偏小。每碟餸一上枱都令人感覺，細碟到嘩嘩聲，性價比低。不過，當日店內已經滿座，有不少顧客捧場。炸物非常出色，送啤酒一流椒鹽豆腐椒鹽鮮魷蠔仔煎餅西蘭花炒帶子，普通貨色。沙拉骨，排骨包裹著沙律醬，酸酸甜甜，頗開胃。啫啫雞煲，熱辣辣上枱，味道不錯。如果妹記在份量及定價作出適當的調整，一定有更多回頭客。而其實深水埗有很多大排檔，供大家選擇。

嘆住冷氣🌬️食大排檔，格局同普通大排檔一樣都係一張張圓枱🟤🔸原隻脆皮豬手 💲208 🔸黑椒薯仔牛柳粒 💲158🔸黃金蝦球 💲128🔸西蘭花炒帶子 💲108🔸大肚婆炒飯 💲98🔸沙嗲粉絲雞球煲 💲92🔸椒鹽九肚魚 💲92🔸鬼馬油炸鬼 💲88🔸咸魚茸飛天通菜煲 💲88🔸脆皮炸大腸 💲82🔸蠔仔煎餅 💲78🔸金沙卜卜脆(魚皮) 💲68👍🏻必叫 「招牌菜原隻炸豬手」豬皮炸到好脆，肉部份一啲都唔乾；「鬼馬油炸鬼」外香脆但完全唔油膩，入面係墨魚滑非常彈牙😋，配埋甜酸醬更加好食；「咸魚茸飛天通菜煲」味道香濃惹味好有鑊氣，通菜爽口新鮮😚；「脆皮炸大腸」外脆內嫩，保持到過往水準；「黃金蝦球」入面充滿蛋黃，而且蝦球非常彈牙；「沙嗲粉絲雞球煲」粉絲非常入味，雞球亦好嫩滑，送飯一流😍👎🏻「大肚婆炒飯」入面有蛋白、乾瑤柱、翠玉瓜，但飯唔夠乾太濕，而且薑味太重服務質素: 🌕🌕🌕🌑🌑回頭率: 🌕🌕🌕🌕🌑

又到放工同同事聚會時間，今次終於唔係去食泰國嘢啦。今次呢就去旺角嗰邊啦近油麻地嘅大排檔食，但係呢就唔係喺街邊食喎，而係上樓食有冷氣涼住嘅。講返個環境啦，同大排檔嘅形式就真係一樣嘅圓枱嚟嘅，都係啲正常大排檔格局咁，所以都係複製返成個大排檔嘅樣貌喺度啦，只不過呢就係變咗上樓舖，有冷氣咁樣。今次呢就食返平時大排檔食嘅嘢，有乾炒牛河、炸墨魚咀、啫啫通菜、牛柳粒和炸豬手。乾炒牛河呢就普普通通，碟底算小油，牛肉都係冇乜味個炸墨魚嘴就大大粒，不過炸漿唔厚，而且咬落有咀嚼口感。 牛柳粒就麻麻地，肉好韌，薯仔就都唔錯通菜就正正常常水準。反而個炸豬手就ok，我幾欣賞，佢面皮就鬆脆，但切開裡面肉質依然juicy今次餐飯就冇乜特別驚喜，只是不用熱住食排檔咁解。

大排檔係香港嘅一個獨特飲食文化，而呢間大排檔絕對係一個令人回味無窮嘅好去處。佢哋嘅菜式豐富多樣，有燒味、海鮮、炒飯、炒麵等等，每一款都有佢獨特嘅風味。而且，餐廳嘅菜式份量十足，價錢又實惠，非常適合一班朋友一齊去食。如果你鍾意燒味，餐廳嘅叉燒、燒鵝、燒鴨等等都係非常出色，肉質鮮嫩、味道豐富。如果你鍾意海鮮，餐廳嘅煮蝦同煮蟹都係非常新鮮美味，令你嘅味蕾大開。餐廳嘅環境非常熱鬧，氣氛好舒適，讓你可以盡情享受香港大排檔嘅風情。最後，餐廳嘅服務快捷好貼心，令你用餐嘅過程更加順暢。總之，呢間大排檔係一個非常值得一試嘅好去處，如果你想體驗香港嘅美食文化，一定要嚟試下佢哋嘅菜式！

同好耐無見既妹妹們食飯 ，話食大排檔，選左係佢地既旺角妹仔記。🥬飛天通菜煲夠鑊氣，d通菜口感爽口，有蒜香加少少辣香吊下味，但唔會好濃同咸～好食🐙椒鹽八爪魚咀八爪魚咀炸得外面脆得來入面有咬口，好有椒鹽味，熱辣辣好好食🐔雞肉粉絲金菇煲D雞肉都好滑喎，d汁既味道調得啱啱好，轉頭同辣味好香好口又唔會鹹~~🐮黑椒薯仔牛柳粒先炸過既薯仔再同牛柳粒一齊炒，食落有咬口又唔會太淋。牛柳粒份量都好多，一d都唔韌，啖啖肉黑椒味好入味~有d伙記唔識聽廣東話，同個環境真係幾嘈，想傾下計會難d，好難聽到對面嘅朋友講咩。不過d野食就真係幾好食～😊

講到香港大排檔又點可以唔食妹記。其實今次已經係我唔知第幾次食妹記啦，經常朋友聚會，一大堆人都會選擇妹記大件夾抵食。真係合埋眼都知道要order咩野食。1.黃金炸豆腐：呢個送真係超級驚喜，外脆內嫩，而且被椒鹽包圍，一大兜一粒一粒好快食完，加上啤酒，真係好享受。2.薯仔牛柳粒：薯仔係預先炸過然後再炒，所以食落去特別香口，唔會太淋。不過就因為咁有小小太油，可以留意番。牛柳粒份量好多，啖啖肉，而且唔韌，好juicy3.黃金鮮魷：呢個黃金鮮魷一上桌就好大陣鹹蛋黃味，超級超級香！鹹蛋黃起沙，炸到好脆，好滿足！見到好多人都有叫呢道送，真係必食4.另外仲叫左通菜煲，鬼馬油炸鬼。不過不失，鬼馬油炸鬼可能唔係即炸，上桌已經有d凍，影響左口感。小小失望整體來說呢間大排檔個菜式多，味道有驚喜，而且價錢唔貴，份量足。而且氣氛很好，值得推介和朋友一起聚會食！

服務差態度差到冇朋友，重點係每一個都差，嘢食好唔好食已經唔係重點⋯⋯我個人就食唔出咩味，好迫、好噪，差！仲要亂收費放咗蛋糕唔切都要收錢😫咁嘅食市完全影響香港🇭🇰