妹記大排檔

Open Now

Now Closed

同朋友好耐無見，相約一齊食大排檔。路痴既我跟住地圖去，最後都搵到，一上到去就發現同平時食開既大排檔吾同。平時都系地舖同埋環境無甘乾淨既。但妹記比到一種好舒適既感覺比我。幾條女一齊嗌左黑椒薯仔牛柳粒、椒鹽八爪魚咀、咕嚕雞球、 魚香茄子煲、蠔仔粥、豉椒炒蜆、粟米班腩同埋大肚婆炒飯牛柳粒配薯仔真系一流牛柳粒好煙靭容易咬開配上黑椒汁更加入味，側邊既薯仔更加系外脆內軟椒鹽墨魚咀吾系到到都有得食炸墨魚咀，心心念念之下叫左椒鹽味岩岩好。魚香茄子煲配飯一流粟米班腩同出面大排檔食既普遍都一樣，不過班腩都系脆身既。豉椒炒蜆蜆肉多又無乜沙，絕對可以一試。

第一次openrice寫評論 ， 不喜勿插 🙈話說疫前已經開始嚟， 同三五知己時不時過嚟酒杯底吹下水， 覺得呢度真係幾正。 衛生得嚟又可以食大排檔,又有戰鬥碗一流👍 最like佢嘅南乳香酥骨😋 間唔中行過都會一條友上去 吃個便飯， 點知咁耐冇去,今次上去不得了。 個出品燶個老闆娘塊面。 食完飯同老闆娘反映下啲骨有啲深到黑色， 佢嘅反應 只係扮聽唔到收完錢就算可能一條友嘅生意佢唔自在🤣🤣 有啲感嘆 留低咗咁多腳毛喺度， 越做越差😥 或者又 係多一間餐廳 只係賣情懷,唔係好太著重佢啲出品. the city is dying, so is the restaurant🤕

《妹記大排檔》朋友一早訂左位唔洗排隊等，店員同我地講18:30入座食到20:30，因為當日餐廳好爆場，而且亦安排我地5個人坐一張大枱唔洗咁逼。依間樓上舖嘅大排檔有少少難搵，係位於女人街條巷仔裏面。餐牌有好多菜式，有少少選擇困難症🤣，最後我地點左8道菜式，而且好快上晒菜，大約15-20分鐘就到齊。黑椒薯仔牛柳粒牛柳粒好淋好滑，配埋黑椒汁食落帶少少辣好惹味，另外薯仔炸到外脆內軟，呢道餸配飯一流椒鹽八爪魚咀八爪魚咀好大粒，熱辣辣上碟炸得啱啱好，配埋椒鹽嚟調味，鍾意食濃味嘅你一定要點咕嚕雞球食落酸酸甜甜好開胃，雞球炸得啱啱好，唔會好乾魚香茄子煲好香入味，配飯一齊食無得輸蠔仔粥份量好足料，有好多蠔仔係入邊，每食一啖都有一舊蠔仔係入邊，味道唔會好鹹，配埋胡椒粉一齊食辣辣地好好味豉椒炒蜆蜆肉好大粒，略嫌唔太入味粟米班腩魚塊好大舊，外皮炸到外脆內軟，連埋粟米汁一齊食唔錯👍🏻，又係配飯小偷大肚婆炒飯話明大肚婆炒飯當然好淡味，即係蛋白炒飯，重口味嘅朋友唔啱食，但連埋魚香茄子、粟米班腩嘅醬汁一齊食，個飯就好快食晒😂

大排檔絕對係香港特色，鑊氣小炒更令人一吃難忘有朋友到香港已完成隔離於是便帶朋友試試。依間上樓大排檔聽朋友推介了幾次，今次終於可以試試。依間大排檔位於商廈內，假期夜晚到全場滿座之餘連外面30多個位置的等候區都滿座，取票後等咗大概半小時才能入座。菜品單價不高，我們幾乎想下整個菜單最後我們下了6個菜再加一個飯，菜品陸續上，大概20分就上齊了。煎蠔餅蠔餅一定必食外層炸得十分香脆。依間蠔餅瀝油處理十分出色，即使蠔餅底部也沒有被油泡得發軟。🦪蠔仔鮮甜嫩滑，粒粒飽滿，沾上魚露更加將鮮味帶出，一吃就愛上黃金圍蝦 依個係朋友嘅至愛，圍蝦已處理頭腳可連殼一起吃🦐黃金蝦經煎炸恰到好處，蝦肉緊實，外層再包裹一層鹹香蛋黃醬，微微收汁令蛋黃醬可掛上圍蝦每啖都充滿鮮味。脆皮炸大腸顏色有少少似滷水大腸，大腸處理得十分乾淨，連一般入面的脂肪都併處理了，令怕內臟脂肪的朋友都愛上了整個炸大腸十分香脆，即使涼了都仍然保持脆皮口感再搭配上甜酸汁，可完美減輕內臟獨有味道。欖菜肉鬆四季豆 依款同樣係大排檔必點，越是簡單就越難做，並不是每間都好食。依間欖菜鹹香，四季豆爽脆，鹹香味已進入四季豆中，十分下飯安格斯牛柳粒另一個十分下飯的餸

#妹記大排檔之前搜尋邊度有平靚正 #乾炒牛河 食，搵到旺角妹記，$50就有得食，係旺角算係抵食。之前探路都搵過一輪，原來係一個幾靚既商業中心2樓，地方都幾大。坐低馬上送上 #例湯 ，唔算大碗但足料，味道幾好唔係味精湯，係稍嫌唔夠熱。跟餐可以免費要汽水，或加幾蚊要其他飲品。牛河等咗一陣，份量都幾多，尤其係牛肉😀 賣相幾靚，有少許芽菜洋蔥仲有芝麻喺面。河粉係粗身炒河，都夠熱，味道唔錯。反而係牛肉覺得稍差少少，唔係嫩滑果種，有少少柴，牛味冇乜。可能地方大，員工都唔少，但集中係中間。我坐側邊就覆蓋唔到🤔估計晚市應該幾多人來食，有機會會來試吓🙂推介指數：6.5/10妹記大排檔旺角通菜街1A-1L威達Deli 2商業大廈2樓B舖@foodiehck2022 #港飲港食平靚正 #旺角 #午餐 #抵食

難得同老友聚頭吹水，就諗到去大排檔飲兩杯，炒下小菜。本身想去楚撚記，但要bk位，地點又吾多順路，所以最後揀左旺角妹記。7點左右到，吾駛等位，一坐低叫左枝大啤，再叫小菜。叫左碟皮旦餸酒，脆皮豬手，西蘭花帶子，鬼馬油炸鬼，炒麪。皮旦餸酒不錯，沾點砂糖食，啱我口味。西蘭花帶子，帶子不錯。脆皮豬手，份量好夠，皮脆，但略嫌乾身，肉吾夠juicy。鬼馬油炸鬼，個人覺得吾特別，可以吾駛專登叫，好一般。炒麵反而有驚喜，但價錢略貴。總括而言，味道ok,不錯，但略嫌缺乏大排檔風味。

兩個人去食大排檔，叫咗個通菜，炒蜆，炸蠔餅。每樣餸菜都好大份，所以兩個人食其實唔係好抵，亦都唔會食到好多嘢。但係嘢食嘅水準好高.首先嗰個炒蜆，唔會話殼多個肉，調味亦都非常唔錯，容易入口唔會太辣.通菜方面，菜洗得好乾淨，冇沙，調味亦都非常好，同泰式菜館有得比。.蠔餅，感覺好趣，少熱氣。但係又炸得好好食，唯一唔好嘅就係覺得入邊有好少蠔粒，同埋有啲食空氣嘅感覺。.最後都嗌咗支啤酒，配上餸菜真係一流，整體來講值得推介去試吓

平時食開佢哋嘅晚餐，叫餸食飯飲番一兩碗啤酒😋係疫情下，多左去妹記食午餐，因為地方夠大，而且座位數目都比較多，妹記大排檔嘅午餐可以講係平靚正份量又多，特別係食佢哋嘅炒粉麵飯，都係特別有鑊氣👍🏻好惹味😍味道都控制得好好😌今次我就食乾炒牛河，一碟乾炒牛河就已經有十幾塊牛肉喺入邊😂淨係食肉都食到飽😋佢哋炒嘅乾炒牛河都好有鑊氣，味道又唔會太鹹反而有少少淡，加咗少少辣椒醬，更加好食同惹味😋😋依家出去食一碟炒河至少$50至$60，而佢地嘅炒粉麵飯大多數都係$47或以上，仲包一杯嘢飲同一碗列湯，都算係性價比高👍🏻👍🏻 而家一個月至少去食一次，等我下次寫下佢地其他嘢食先😌⭐️生炒牛肉飯 💰$47⭐️乾炒牛河 💰$47⭐️滑蛋蝦仁河 💰$47

想約朋友食大排檔真係吾容易 地點通常都係吾方便 呢間餐廳位於旺角鬧市 唸住過來止住癮先老實說食物質素很普通 炸野既粉落得勁重手炸大腸好乾 蠔仔粥冇蠔味 反而乾炒牛河有驚喜！真係估佢吾到餐廳場內好迫好多人 坐得吾太舒服由其疫情時候食物普通但收既價錢偏高 我下次都係碌反去新界食真正大排檔算了

今晚又喺旺角度搵食好一段時間冇黎妹記今晚又黎會一會佢一上到去見到好多人仲以為要等位呀點知兩個人又唔使等可以即刻入座喇點左～南乳香酥骨呢個係第一次食原來係炸咗啲排骨之後有個南乳醬點都幾香口嘅整體都OK～蒜蓉粉絲蒸勝瓜都蒸得幾淋身而且有啲蔥花蒜蓉喺面頭幾香勝瓜下面有粉絲墊底啲粉絲吸晒啲精華又夠淋蝸其實好好味不過就略嫌油咗少少～椒鹽八爪魚咀特登叫呢個嚟送酒嘅黎到先知八爪魚嘴比想像中大熱辣辣上碟又唔會炸到太干**例湯今晚係菜乾湯我覺得幾好飲又夠熱呀

今晚約咗舊同事食飯，佢話想去妹記大排檔打冷，我哋嗌咗五樣餸，份量都好足。脆皮炸大腸炸得非常之酥脆，椒鹽八爪魚咀，呢個炸粉比起出邊薄身，八爪魚左一粒完整咁包住，味道本身都比較淡，主要靠少少椒鹽嘅香辣味作調味，啱晒唔重口味嘅朋友。妹記小炒王，同出邊嘅份量差唔多，味道都差唔多，不過不失我哋另外嗌咗個芫荽蠔仔粥，份量好足料，有好多蠔仔係入邊，每食一啖都有一舊蠔仔喺入邊。金沙鮮魷，嗰炸粉就相對比較厚身啦，鮮魷亦略嫌細粒。

因為疫情所以好小出街食晚飯！所以好少諗到會唔會嚟妹記食，今日經過發現原來佢有做午餐，立即同朋友一齊上去食！餐牌上睇到，除咗六個特色午餐，仲有好多唔同嘅炒嘢食，今日食咗豬扒炒公仔麵 及 梅菜扣肉飯！公仔麵火候把握得好好，梅菜扣肉非常軟腍👍👍👍地方又寬躺👍👍

大熱天時，朋友話想食大排檔嘅鑊氣小炒，我梗係我萬般不情願啦，點知原來大排檔係位於室內，嘆住冷氣食大排檔，咁又唔係咁講啦。首先係第一眼就睇中嘅煎蠔餅，好大份，成個碟咁大，可惜粉漿太厚，蠔仔太細，食黎食去都係炸粉咁，蠔仔變成配角，見佢唔到。跟住係椒鹽八爪魚嘴，呢個炸粉相對比較薄身，八爪魚咀一粒完整地包裹著，本身味道都較淡，主要靠椒鹽少少嘅香辣味，味道還可以。另一樣係主打黑椒薯仔牛柳粒，有啲失望，同我想像有出入。估唔到薯仔只係炸好放係碟上，再將黑椒牛柳粒放上，完全冇將兩樣炒勻，味道分散，薯仔無味，要靠自己將黑椒味點上，薯仔好似變左伴碟咁，我就唔識欣賞啦。

大排檔可以話係香港式餐廳既其中一個特色鑊氣 氣氛 環境都係大排檔既特點隨住時代既變化大排檔開始消失細細個大排檔可以話係周圍都係依家要真係食到大排檔我諗要特登搵先搵到而旺角呢到就有間妹記大排檔雖然氣氛根本比唔上但鑊氣依然十足今日叫咗個西檸雞同黃金鮮魷黎送酒因為小妹今日想飲下啤酒所以就叫啲可以送酒既野食好快餸就黎到 藍妹都黎埋妹記既酒杯妹特別唔係玻璃杯而係一隻戰鬥碗西檸雞既汁酸酸甜甜好好食而且炸完啲雞仲好嫩 炸粉亦都唔會太多太厚然黃金鮮魷既蛋黃都好多每件魷魚都澹滿咗蛋黃件件都入味好快都食完野飲完藍妹留低既只有懷念舊時大排檔既感覺同埋啤酒肚

大排檔一直比人感覺係污糟、炎熱、昏暗。呢間餐廳就一反傳統，營造出乾淨、涼爽、明亮嘅vibe。夏天成班人re-u又唔想食到成身汗的話，妹記係一個不二之選。-炸豬手份量足夠，最岩食肉獸。啖啖肉，仲有舊係連埋骨。 同班熟嘅frd食，又唔怕失態的話可以揸住黎咬，別有一番風味。但味道偏咸，食得多嘅話可能會厭。-煎蠔餅好重口味。但同時都好口香，用黎餸白飯一流。同豬手一樣，都係咸食得多會厭。所以建議一大班人食先嗌，咁就唔驚食唔晒浪費。-通菜煲啲菜偏乾身，可能係唔夠新鮮或者煲得太耐。唔會話難食但感覺一般般。-黑椒牛柳粒鍋氣唔夠。同埋太少牛柳粒，薯仔亦都唔夠淋，一般水準。呢間始終唔係地舖，鍋氣可能唔夠。但有時真係要取捨，想嘆住冷氣食大排檔就唔可以有太多要求。總結，鍋氣唔夠，但係煎炸野都係高質。希望幫到大家order嘅時候揀到啲岩嘅餸啦！