妹記大排檔

Open Now

Now Closed

🔹🔹🔹🔹🔹🔹🔹🔹🔹🔹🔹🔹朋友仔啱啱坐完21日隔離監話想食小炒喎佢又唔習慣咁熱嘅香港呢個有冷氣嘅大排檔就啱晒啦秘製鋼鍋雞個雞好入味 ， 好似打雞煲邊爐食雞煲咁，啲雞斬到細細件 女仔啱食, 男仔可能覺得太細舊。乾炒牛河味道偏淡 牛肉無乜味同鞋口 無鑊氣 賣相都見到爭啲。紅燒乳鴿個皮合格嘅，都算脆。肉身都唔乾有肉汁。啫啫炒通菜擺碟好大排檔，唔好要求佢鋪好啲菜起個煲入面， 上枱時都有啲啫啫感嘅。食到大排檔風味 餐廳雖然係室內，但好嘈架 真係要嗌破喉嚨講嘢。如果人少少傾計就唔啱。氣氛適合一大班人飲酒。整體好食指數：🤤🤤🤤（3.5/ 5）🔹🔹🔹🔹🔹🔹🔹🔹🔹🔹🔹🔹

間野位於旺角餐廳旺區，樓上大排檔黎，比起普通街邊大排檔而言，環境相比較乾淨，衛生、燈光明亮、夠冷氣。男朋友話以前係附近番工，成日黎呢到食lunch，野食好味，選擇種類多，價錢適中。今次同朋友一齊黎，共8人。可以叫唔同嘅餸，試下味～入面食嘅野同大排檔種類一樣。蠔仔粥：本身都好鍾意食蠔仔粥，雖然話係粥，其實係湯飯黎，蠔仔份量多，大地魚味濃郁，好夠味，算係正宗！黑椒薯仔牛柳粒：薯仔炸左，最後先擺上碟，可以自己點醬汁食。牛柳粒咬落軟腍，夠味，薯仔粒炸到外脆內軟，味道唔錯！青椒炒肉片：呢味好家常小菜feel，同平時食開嘅味差唔多，唯獨青椒無去籽，超辣，完全食唔到，最後自己手動去籽，先勉強食到，食唔到辣嘅人士請注意呢味餸。腐乳通菜：有鑊氣，味道正常。生炒骨：個汁ok，肉炸得夠脆，味道正常。椒鹽鮮魷：魷魚彈牙爽口，炸漿偏厚，略嫌份量有d少。整體都ok，感覺良好，最鍾意佢有大圓枱，可以一大班朋友一齊坐，唔洗拆散坐，可以開心咁食飯共聚。如果想食大排檔，但又驚大排檔環境差，絕對可以揀呢間試下。仲有，呢到地方大，人手唔太夠，每次order都要等好耐，服務態度都係普通咁，我叫做接受到。

講到讀u回憶 一定係一班人食妹記😋 妹記係食回憶 但食物質素都ok!畢左業之後就同朋友一齊食！點少得啤酒🍻呢 🍺4個人叫左兩隻藍妹 之後叫左妹記小炒皇、黃金魷魚、炸蠔餅！仲有叫多左既乳鴿😆😆😆味道依然！都係食佢個風味🍻🍻🍻🙉

旺角人氣大排檔 — 妹記大排檔▫️椒鹽九肚魚平時呢一味小食係去大排檔必食！口感外脆內軟，一咬爆曬汁😍不過有啲咬落係有啲空心😟▫️炸大腸呢一款好重口味！好咸😵‍💫不過咬落好酥脆！油香四溢！真係世界級邪惡！▫️沙拉蝦球略嫌有少許油膩感！炸粉唔夠薄，有啲厚，咬落有啲淋🥲▫️蒜香骨外層炸得有啲燶，咬落唔夠軟熟，有啲鞋同韌😣▫️乾炒牛河牛肉冇味，又韌又鞋，河粉味道都係比較淡，難怪旁邊配左醬料😂▫️整體來講，如果同樓下嗰間女人街食飯公司相比之下，後者會好味啲，感覺整體比以前差咗，好似之前食都冇咁難食咁，而且賣相麻麻🥲▫️地址：妹記大排檔 (旺角)旺角通菜街1A-1L威達Deli 2商業大廈2樓B舖

我早兩日打電話去book枱，個呀姐都幾唔客氣，話full左叫我Walk in，就cut鬼咗我線😒作為小學🐽嘅我，當然打返個電話過去，問完佢幾點可以walk-in，又cut返佢線，條氣順返晒😂我哋一行三人5:30就到，早食飯其中一個好處就係唔多洗排隊，我地食飽飽都差唔多7:30走，走嗰時就真係好多人。講返嘢食，我哋三個人，總共叫咗六碟菜，一碟炒粉，同埋兩支啤酒。其實我嚟之前就已經食咗個好chill嘅下午茶打底，而叫咁多碟菜唔係我哋特別大食，係佢啲菜真係好鬼細碟，但係每碟都唔使過$100，好處就真係可以俾你試多啲嘢。脆皮炸大腸 $78 ☹️我真心覺得麻麻地，上枱嗰時熱辣辣，但係炸得over左，好似食緊薯片咁，都食唔到入邊啲腸，失望。椒鹽九肚魚 $78 🙂上枱嗰時都係熱辣辣，炸漿唔厚，鬆脆，入面嘅九肚魚好嫩滑，亦都唔會太鹹，伴啤酒食幾好，唔錯。帶子炒西蘭花 $98 😐份量好細，帶子好細粒，但好處係真係唔鹹，同我自己炒嘅差唔多，無感。生炒骨 $75 😐調嘅味係正常偏酸，但真係冇乜肉，剩係得舊骨，普通料。乾炒肉片河 $78 😐幾有鑊氣，肉片就唔好提，雪藏野，反而啲河粉得幾煙韌，可惜就碎左啲，個辣椒

係旺角好難搵到可以容納到小朋友坐嘅餐廳！老公搵到呢間又好食，又唔貴，最緊要係地方大，坐小朋友絕對冇問題！每次黎哥哥都係encore炒麵類，因為個麵底係脆脆，小朋友最鍾意食！最好就少汁啦，因為都比較重味。份量黎講，5歲嘅小朋友可能攰啦，肯食係可以食晒一碟！仲有例湯送，哥哥都好鐘意飲！凍熱飲係要加$3,汽水就唔洗。今次叫三絲炒麵，啲芽菜、肉絲都好多！大人食都會飽。我哋係下就去，人唔算多，就算我哋食得慢，伙記都唔會趕我哋走。如果有BB車，都可以放係岀面，地方都好大。係家庭客嘆飯嘅好地方！

因為疫情關係我已經好耐冇食過大排檔啦呢間位於旺角嘅室內大排檔我想試好耐 今日就同朋友放工兩個人嚟呢度食大概等咗20分鐘左右 一入到去就同普通大排檔冇分別比較迫同埋嘈不過氣氛幾好嘅因為兩個人食唔到太多我哋叫咗金沙蝦球同埋豉汁炒蜆炒蜆味道都OK但可以再多少少辣味 而金沙蝦球就好重鹹蛋黃咸香味 配埋飯就更加好整體來講我覺得不過不失 下次會試埋佢其他小菜

見有朋友試過 本著大排檔野食 點都唔會太差嘅諗法 咪食過晚餐點知唔係失望咁簡單 係我登自己個腎慘 食多多幾都會腎虧我叫左3 樣野黃金魚皮 梅菜扣肉煲帶子炒西蘭花因為我好鍾意食新加波嘅鹹蛋魚皮 所以我期望係差不多野 見佢張相都係乾身 點知黎到 係水汪汪唔熱嘅汁 淋落去魚皮到 味道唔掂 啲魚皮淋晒 唔明點解咁都係招牌菜梅菜扣肉 啲肉瘦到 好似湯渣咁 味道又係鹹到飛起 我第一次食梅菜扣肉 係會唔想食以為最穩陣嘅西蘭花炒帶子 點知啲帶子好似搵海水黎炒咁 鹹到苦我之後對左罐可樂 同食左杯雪糕 4 杯水 都沖唔淡我個口嘅鹹味

《製》#妹記大排檔《案》✎一九二一年，政府將小販分成固定小販牌和流動小販牌；✎前者稱「大牌」，後者稱「小牌」。✎「排」亦好，「牌」也罷，良朋相聚，不拘小節。《品》【#金沙鮮魷】$78🔸最香最濃郁的鹹蛋黃製品，一試難忘。🔸厚厚鹹蛋黃醬覆蓋每寸表層，帶微沙口感，一口入魂！🔸炸粉厚薄適中，保持脆身，內裏魷魚爽口彈牙，極品。🔎#老饕鑑鹹_上上品————————————————————————【椒鹽豬排】$68♦️亦是皮脆肉嫩，外層乾身而不油膩，肉質厚實鬆軟。♦️椒鹽香麻而鹹，濃郁惹味，極促食慾！🔎老饕鑑鹹_上上品————————————————————————【#炸豬手】$198♦️份量夠大，皮脆而不硬，斷裂聲清脆響亮，出色！♦️皮肉之間有薄薄膠質，脂肪不多不油膩，肉質嫩滑。♦️鹹味夠，炸得乾身，香口惹味，水準之上，大推。🔎#老饕鑑鹹_上中品————————————————————————【沙爹粉絲蝦煲】$78🔸粉絲均勻沾上沙爹汁，具其惹味，更濃為佳。🔸雖配上大蝦，整體單調，正常發揮，無功無過。🔎#老饕鑑鹹_中上品————————————————————————【#魚香茄子煲】$78▪️整體不夠濃，汁夠味

未食過咁難食嘅蠔仔煎餅，☹️☹️☹️應該改名叫做蠔仔煎粉餅吖嘛～成舊粉嚟嘅，D蠔又少！一咬落去全部都係粉，真係食卡樂B都冇咁嬲！呢啲就係所謂嘅招牌菜 - 豉椒炒蟶子😌得個十隻之餘，仲要大部分都係空殼！不如你唔好俾我啦… 五毫子嘅size…？仲要炒得唔好食，唉，建議師傅炒咗佢啦！我個位後面有好多caution,全部都變哂灰色勁污糟好可怕😖😖😖😖😖😖😖😖😖😖😖😖😖食一次就算，唔會再幫襯，唔明點解排晒隊？

雖然最近都好熱 想食大排檔就要搵間係室內㗎啦~🍴椒鹽豆腐 HKD58豆腐每粒一口大小 炸到金黃色 外皮夠脆 但略嫌少少厚 豆腐都幾嫩滑🍴沙嗲粉絲金菇牛肉煲HKD 78粉絲同金菇份量都幾多 牛肉醃得太over食落比較淋 沙嗲汁如果可以濃少少就更好🤏🏻🍴鋼窩雞 HKD108小菜版嘅雞煲 配料意外地有竹筍同木耳 雞件骨嘅部位偏多 雖有有好多辣椒但辣味唔算重 反而厭佢炒得唔夠香🍴妹記小炒皇HKD78呢碟就有小驚喜 炒得夠乾身惹味銀魚仔同蝦乾令到成碟小菜夠哂咸香 配啤酒一流💬另外嗌咗是日例湯 (金銀菜煲豬骨)HKD$20/碗 睇得出幾足料 但味道就偏淡 以呢個價錢嚟講絕對唔值得嗌💬除咗汽水同啤酒 仲有一啲特式飲品 友人嗌咗百香果檸檬烏龍茶 佢話都幾好飲喎☺️💬味道就普普通通啦 價錢都適中 現場好多都係一大班人 相信係聚餐嘅好地方👍🏻🚩妹記大排檔 旺角通菜街1A-1L威達Deli 2商業大廈2樓B舖

(睇落幾好純粹本人影完有執相)🤢🤢🤢🤢🤢🤢🤢🤢🤢🤢🤢劈頭講句我未食過出菜係凍嘅所謂大排檔🤢都算啦你好食嘅話。。。🤢🤮🤮🤮🤮🤮🤮🤮🤮🤮🤢咁我講得就當然係唔掂啦🤢🤮🤮🤮🤮🤮🤮🤮🤮🤮🤢本身母親節加老逗就生日諗住食好啲搵間風評唔錯嘅餐廳哇真係一語成讖🤢入嚟見到排曬隊以為正啦實冇死點知伏到完全唔想再叫🤮------------------------------我特登擺第一張哇黃金炸蝦球招牌菜收我80定唔知90蚊出菜仲見到咁大隻蝦諗住正啦哇你老.味🤮蝦都還好，算幾大隻幾新鮮個皮油到飲油咁🤢我直情擺一隻入口用口咇曬啲油出嚟佢淨計油可以咇到2mm高嘅油落碗🤮唔熱都不在話下啦個皮真係唔脆仲要第一道上菜個心即刻慌左一慌😨死啦咁樣嘅喂😰第二道又係新奇有趣好玩我未見過沙拉骨啲沙律醬係膏狀痴上去當係嘅🤣🤣🤣食親都最少係搵油加啲果汁落鑊拉一拉先痴上去家嘛😅😅😅大佬鑊氣小菜食個鑊氣係常識掛😅凍就講左嘞入口又係一字記之曰：漏唉，等第三隻第三隻算正常少少但個牛唔夠嫩同埋又係一個凍上嘅我就真心冇食過凍上嘅薯仔牛柳真心講你唔講我以為落左潮州鋪食冷盤未完🙂三碟冷盤小菜收我4舊幾水犀利🤗叻呀👍🏻冇下次。

我第一次同朋友嚟試，等都唔係好耐同埋啲姐姐好友善。另外野食方面我都幾推介食墨魚咀頭同埋豉椒炒蜆因為唔太多粉同埋都入味，但我唔推蠔仔煎餅食完就食唔到其他野，因為會好飽。但飲酒我都係第一次用碗嚟飲酒，都幾特別

滿心期待去排頭位……可能期望太高真係會失望……😓一係太淡一係太鹹……可唔可以平衡一下~啤酒藍妹啤酒幾順喉~用戰鬥碗飲好過癮~個碗雪凍咗，啤酒倒入去即刻飲好爽！魚香茄子煲（太鹹，好油）椒鹽鮮魷（完全冇味！炸衣厚過m巾……）蒜香一字排（唔入味，得幾件）環境：位於旺角樓上舖，地理位置尚算交通方便，有冷氣的大排檔~但我地去當日坐近門口，冷氣好似壞咗，職員都有過黎睇幾次門口冷氣，可惜食到走都未整好，熱到成身汗……店裡面佈置算唔錯，少許cafe感覺~牆上貼滿招牌菜式~但位置較逼，同隔離枱好近，完全聽到對情侶對話和食乜餸~大排檔的精髓就係服務員真性情，呢方面算不負眾望，比較粗聲粗氣又唔算無禮，但又一定說不上親切~

7月30號晚同班舊同事相約去妹記大排檔晚飯，我哋叫了幾款小菜，碟蒜香骨真係唔落醬料係冇味唔知自己食緊乜，飛天通菜好出色👍八爪魚嘴係全晚最好食😋蟶子唔爽口仲要多沙，蠔餅就真係垃圾，暫時未食過又硬又多粉咁垃圾的蠔餅👎成碟都係炸粉好搵笨，最出名嘅豬手都唔錯！皮脆肉亂，最後就係朋友叫碟牛河，係有鑊氣嘅就係牛肉比較老一點點。整體上反而以前尖沙咀環境同食物都好好多。