妹記大排檔

Open Now

Now Closed

大排檔一直比人感覺係污糟、炎熱、昏暗。呢間餐廳就一反傳統，營造出乾淨、涼爽、明亮嘅vibe。夏天成班人re-u又唔想食到成身汗的話，妹記係一個不二之選。-炸豬手份量足夠，最岩食肉獸。啖啖肉，仲有舊係連埋骨。 同班熟嘅frd食，又唔怕失態的話可以揸住黎咬，別有一番風味。但味道偏咸，食得多嘅話可能會厭。-煎蠔餅好重口味。但同時都好口香，用黎餸白飯一流。同豬手一樣，都係咸食得多會厭。所以建議一大班人食先嗌，咁就唔驚食唔晒浪費。-通菜煲啲菜偏乾身，可能係唔夠新鮮或者煲得太耐。唔會話難食但感覺一般般。-黑椒牛柳粒鍋氣唔夠。同埋太少牛柳粒，薯仔亦都唔夠淋，一般水準。呢間始終唔係地舖，鍋氣可能唔夠。但有時真係要取捨，想嘆住冷氣食大排檔就唔可以有太多要求。總結，鍋氣唔夠，但係煎炸野都係高質。希望幫到大家order嘅時候揀到啲岩嘅餸啦！

大排檔呢家嘢，當然係越多人一齊食越有氣氛啦~一來到我無諗過疫情都坐爆曬兼岀面坐滿住等枱嘅人，好誇張😂鬼馬油炸鬼$88🍤黑椒薯仔牛柳粒$158🐮妹記小炒皇$98🥜原隻脆皮豬手$208🐷蠔仔煎餅$78🦪魚香茄子煲$82🍆椒鹽鮮魷$92🦑豉椒炒蜆$98🐚黃金蝦球$128🦐整體來講，如果下次再來嘅話，應該會叫黑椒薯仔牛柳粒，因為係大排檔嘅classic之餘，個牛柳真係大大粒又軟嫩。之後就係脆皮豬手，點左泰式辣醬之後，無咁油膩，得返啖啖肉嘅感覺🤤

父親節快樂！今日咁啱經過旺角，感受疫情過後的情況。波鞋街的確係好多舖頭拉閘，女人街亦冇左以前的風光。上到妹記，估唔到星期日中午冇乜人來喎。仲要有$49的午餐。包例湯同飲品。肉絲炒麵，估唔到的好食。同一般茶記，酒店的味道不同，好難形容。鍾意食肉絲炒麵的要試。粟米肉粒飯，食材新鮮，正常，好食食。乳鴿，炸得好好，但食材唔得，冇乳鴿味。蠔餅，炸得雖然硬，粉略多，都可以。總結：整體來講，係好抵食。星期日中午有午餐，真係超值。我會再嚟！推介

突然約朋友食飯，附近有妹記就試一下。無訂位剛好有人離開即可入座，要搭抬同限時1.5小時。不過都足夠。但全程都基本滿座。叫了蠔烙，豬大腸，金沙尤魚，尖椒豬頸肉。哈爾濱啤酒。飽飽的離開。服務 ~ 咁忙啲侍應服務都到位比個讚👍🏻食物 ~ 蠔烙 剛放下就脆脆的。但放了一陣就變硬！不是我喜歡的做法。同行朋友都說第一次吃這樣做的蠔烙，最後剩下一大半太硬吃不了。豬大腸 這個值得推介兒時味道！金沙魷魚 這裡招牌菜 下酒一流。但炸漿大魷魚細而且不太新鮮。尖椒豬頸肉 偏鹹但下飯必選。三個人六支啤酒埋單唔使五百。滿足的離開。不過下次約會，不會是首選餐廳。

好耐冇食妹記，記得以前都真係幾好味，今次食返真係哇一聲，未食過咁難食嘅大排檔🌝。黑椒薯仔牛柳粒個牛柳粒同薯仔好似兩個獨立嘅餸咁，牛柳還牛柳 薯仔還薯仔 黑椒汁還黑椒汁。個蠔餅底嗰啲粉仲係好似小朋友啲糊糊咁。汪汪也不x🙂個飛天通菜啲菜都幾新鮮，已經係六個餸入邊最好味嗰個。椒鹽九肚魚唔知係未煮熟，定係條魚好有水份，入邊又濕又起曬潺。尖椒豬頸肉不過不失，食得出係尖椒同埋豬頸肉。當大排檔咁食，環境算幾好，服務態度都好好。但啲野太難食都拯救唔到佢

嗌左10個餸，得個通菜係正常，但都有點咸同好油。另外叫左蠔仔粥，送到嚟已經即刻食，但只係暖既，一啲都唔熱，好唔掂。蠔餅，椒鹽鮮魷 粉多到你地叫既話一定後悔，又係好難食。個豬手2百幾蚊，但咸到講粗口。仲有個泰式生菜包🥲🥲哇，未試過咁難食，無泰式風味，又無肉味，千祈唔好嗌，好伏。另外叫左條魚，要油浸，正常係啲魚肉會仲好juices，但佢overcook到啲肉硬哂，夾左2下就無食過，好難食。仲有椒鹽排骨，嗌左唔夠2分鐘就拎左出嚟，仲要暗亞啡色，一睇就知放左好耐又好乾🤦🏼‍♀️🤦🏼‍♀️🤦🏼‍♀️🤦🏼‍♀️🤦🏼‍♀️一定係好似啲2餸飯咁煮定係度再夾起比客🥲仲有個咩黃金圍蝦，還好啦，但都算難食傢啦😢😢第10個餸忘記左了。本身之前食過一次覺得幾好，今次個fd生日帶佢嚟食，但難食到我都覺得唔好意思🥲永不光顧了😟

早一個月前打電話book枱打算食晚飯，明明當時已經覆實左。之後到當日收唔到確認電話已經心知不妙，再想打電確認時又未到營業時間無人聽電話，之後到當晚預定時間去餐廳時竟然回覆已經坐滿同話無book枱記錄。

呢間大排檔睇落個樣好有特色，比較新淨新式。亦冇人排隊，放工後竟然可以直接入唔使等位。不過睇埋落去就明點解。煎蠔餅 $68 👎🏻蠔餅係煎得好脆，但超多粉，幾乎完全冇蛋嘅成分。一啲蛋香都冇，蠔嘅數量亦好少。可以直接當食炸粉。潮式蠔仔肉碎粥 $68(/碗) 👌🏻搵勻餐牌都淨係見到$108一窩，但係一窩好鬼大架嘛2人點食得哂。問到先知原來係有隱藏餐單，有得叫一碗！碗粥呢，就冇乜潮式感覺啦。唔夠香芹香茜味，亦唔夠個種胡椒味。佢嘅胡椒係另上比你自由落，但點落都感覺唔係潮式嗰種味道。食食下仲有蠔殼碎添呀！！不過如果當普通一碗粥食嘅話，其實個味道都好食嘅。生菜包 $88 👌🏻可能係我植入式以為會係泰式味道啦，我地都覺得好失望，因為d肉碎完全係中式嘅味道。一啲都唔辣亦冇檸酸味。 雖然有啲腻，不過味道算特別嘅，超重花生味。總結，可能叫返中式大排檔嘅食物會好啲~ 對其他食物不要抱太大期望。

旺角完全唔多人😱地下好多鋪都冇開😵‍💫話說上次星期日去摸門釘😭老公話好想去食，今日要去銀行搞卡，就特登岀去食…不過一啲失望😭食物菜遠牛肉炒河堅係有炒過！因為見到河粉啡色🤣河粉都好滑牛肉好香，不過唔算好滑，同埋我同老公都覺得今日淡咗啲..勁大塊牛肉肉絲炒麵個脆麵超級脆！不過都係淡味左啲…啲肉都好嫩！芽菜、肉絲、麵餅比例岩岩好環境依家呢個時勢，人唔多，但都叫滿場！大部分都係職安真漢子🤛🏻比較靜，地方闊落！乾淨！

大排檔而家已經唔係周圍有，今次小仙子帶左小🐷去妹記大排檔體驗下😛好多款小炒都好想試，而餐牌有”瞓身推介”，心大心細嘅朋友可以參考吓😂記住要點啤酒🍺用戰鬥碗特別豪氣，特別好飲👍🏻今次試左糖心皮蛋酸薑 ($4x): 傳統小食，唔係周圍都有，皮蛋好流心😍炸蠔餅 ($6x): 蠔餅炸得好鬆脆，蠔大大粒🤩好足料黃金蝦球: 呢款有啲失望，表面好濕，炒得唔夠乾身😅炒通菜: 通菜新鮮，無咩特別😂價錢合理，而且款式都多，overall質素唔錯👍🏻

大排檔聖誕聚餐！我哋一早打定電話book枱，唔使排隊等位！環境比較嘈吵，枱與枱之間相隔唔遠，雖然切合大排檔主題，但唔太習慣要大嗌講嘢。椒鹽八爪魚嘴$85- 同我想像中嘅椒鹽有啲出入，我以為係炸粉上面黐左好多炸蒜、淮鹽，結果原來係似酥炸八爪魚嘴上面灑左炸蒜加公仔麵味精粉末。八爪魚嘴唔韌，食落口感仲軟淋淋。黑椒薯仔牛柳粒$158- 坦白講我覺得呢度嘅黑椒薯仔牛柳粒一般般，冇鑊氣，薯仔粒冇味道，黑椒味唔香，有其他大排檔煮得好味過佢。豆豉鯪魚炒唐生菜$78- 推介！菜嘅分量幾多，豆豉鯪魚好入味，因為味道偏鹹所以送飯食一流。蠔仔煎餅$72- 蠔餅酥炸得太硬，略嫌油膩同太熱氣，蠔仔尚算新鮮飽滿。生炒骨$75- 生炒骨一般水平，分量唔係好多。鬼馬油炸鬼$88- 好耐冇食油炸鬼，蝦膠幾彈牙，比起蠔餅好食啲，點埋甜酸醬就更加惹味，推介！金銀蒜粉絲蒸勝瓜$72- 上菜嘅時候熱辣辣，有大量蒜頭，蒜頭粉絲送飯食絕配！大推！白飯$11

又係新式大排檔 鑊氣小炒+舒服環境✨呢間妹記幾正！上菜超級快 ~10mins上哂冇限時 我同朋友坐咗有2hr多啲😆 唔洗趕住食～食物質素整體唔錯 性價比都高佢哋嘅啤酒係比碗飲 碗底隱約有個「勝」字 飲勝！-🍽【鬼馬油炸鬼】✨推薦✨油炸鬼釀墨魚膠 外層脆卜卜 裏面彈牙再加埋酸酸甜甜嘅醬汁好好味😋-🥩【黑椒薯仔牛柳粒】第一粒牛柳粒有啲實 但之後食嘅全部都好稔！黑椒汁好香 份量都幾多✨如果有蜜椒版應該會更正！-🦑【椒鹽鮮魷】呢個普通🙈 偏辣-🍲【枝竹火腩豆腐煲】冬天就係好想食番個煲😋好豐富 好多料 唔錯～-🥬【蒜蓉豆苗】蒜蓉菜一定唔會出錯😆😋-✨推薦指數：8/10💰人均消費：$116 (6人用膳)⏳等候時間：0mins (booked)

約一大班朋友聚會🥳十次有八次都係揀大排檔。妹記相信有唔少大學生食過，環境相對新淨整潔(少少)，油煙味都無咁重。🌟黑椒薯仔牛柳粒 ($138)食落係黑椒汁咁嘅味，口感同味道都一般般，萬發果個好食啲。🌟青椒炒肉片 ($68)味道正常，可嗌可唔嗌。🌟炸蠔餅 ($72)蠔餅一般😕炸粉太多而蠔仔好少。🌟妹記小炒王 ($88)好食 有鑊氣，唔會太鹹，送酒一流。🌟豉椒炒蟶子 ($128)蟶子好細而且空殼嘅都多🤔味道：🌕🌕🌕🌕🌑環境：🌕🌕🌕🌖🌑價錢：🌕🌕🌕🌕🌑

之前成日見到有人介紹「女人街食飯有限公司」諗住午市時間去試下點知部𨋢係按唔到佢嗰層😂所以上左去妹記食快餐由$43-52多款選擇當日中島叫左個欖菜肉鬆四季豆客飯隨餐會附送餐湯+汽水份量都幾足唔會話去到尾淨食白飯$43嚟講都算係平比起出面閒閒哋一個快飯都$50起跳仲要可能係細細碟或者好難食🙃—————————————————————≀ 欖菜肉鬆四季豆 $43≀ 芙蓉蛋飯 $47

等好耐好食唔緊要；但係羊腩煲已經唔係好多舊；淨係肥肉已經有三四舊而且好韌； 煎蠔餅係冇用鴨蛋 ；唔係煎係炸蠔餅 啲炸粉厚到阿媽都唔認得； 南乳骨又係淨係食到啲炸粉同埋肥豬肉； 我都唔知點解間嘢咁出名而且咁多人幫襯。