滿軒新派粵菜 (Closed)

今朝一早同媽媽去飲茶，我地出左尖沙咀飲，去左呢一間位於厚福街既滿軒新派粵菜。佢地個場吾算太大，設有卡位，而且坐位闊落，坐得好舒服。我覺得環境比起一般酒樓，自是平靜，可以坐下傾下計😊一坐底，店員就問我地飲咩茶，以為都係普通果啲野，原來有特別，店員介紹有 陳皮普洱，法國玫瑰花茶，水仙。我地選左陳皮普洱，因為未飲過。個茶入口甘香，好香陳皮味，加埋普洱既茶味，非常好飲👍🏻👍🏻店員重即時介紹我同媽媽Facebook 打卡，因為會送乳鴿😍😍乳鴿上菜熱辣辣，好香，平時食既乳鴿，吾係凍既，就係無肉。今次呢隻乳鴿，勁好味。重提供埋手套比我地，好細心。其他食物方面，有好多選擇，我地叫左三個點心，一碟炆伊麵。我地叫左 蟹籽燒賣皇，龍皇鮮竹卷，紫薯天鵝酥同埋瑤柱海參炆伊麵。個紫薯天鵝酥真係做得好靚，一層層酥皮，入面包住暖暖既紫薯，甜甜地，好好食，睇得又食得👍🏻真係吾捨得食😂個蟹籽燒賣，都好好味，大大粒，同媽咪一人一粒岩岩好。龍皇鮮竹卷個湯好香海鮮味，連埋湯一齊食個鮮竹卷，勁好味👍🏻👍🏻個炆伊麵更加好味，啲海參炆到淋晒，而且啲伊麵吸晒瑤柱同埋海參嘅味道，好好味。出面有啲炆伊麵，會炆到淋晒爛晒，但佢地炆得入味之餘

足料，創新，美味，好客，用心。強烈推薦，希望始終如一。入座的時候，無論老闆、經理或是侍應都非常之熱情。他們熱情地講解菜單上有什麼值得一試的菜式，食物也非常吸引、創新及美味。我們入座時，是下午茶時間，除了燒賣和蝦餃（$26）外，全部點心一律$20。但是，我真心覺得那些點心不只是值$20 。這$20表示了廚師經理、侍應和老闆對客人的熱情。下次再有機會，一定會再試。希望老闆無忘初衷，用心待客。如果香港多幾間呢啲商家就好了！

尖沙咀厚福街H8 大廈1樓新開了一間很有日式設計亦具備中國風性的新派粵菜酒家，名為「滿軒」。裝修設計以藍色為主，有卡位及4人枱，而且亦可靈活配合為6人或8人大枱，老闆設計相當好機靈。茗茶方面，選擇有陳皮普洱/鐵觀音/苿莉花茶或法國玫瑰花茶，今次揀選了法國進口的玫瑰花茶滋味一下，花味夠十足，啖啖清新香花味。點心亦多款式，自家製作，即叫即蒸，點心寫裡包括有巧手點心，新派小食，甜甜蜜蜜，即燒明爐燒味，健康之選及特式飯麵。始終都喜歡吃點心，即叫即蒸，耐心等候，多款心儀推介美食。水晶鮮蝦餃 - 皮薄餡靚，晶瑩剔透，蝦肉爽脆，餡料十足。蟹籽燒賣皇 - 傳統點心風味，蝦肉及豬肉香口彈牙，味道不錯。潮州蒸粉果 - 餡料豐富，皮薄煙韌，大大件好抵食。野菌金魚 - 金魚賣相十分吸引，裡面是多款野菇，滿口清新。餃蝦兵蟹將餃 - 蝦蟹兩樣口味，鮮味滿佈，真材實料。太極馬拉糕 - 鬆軟綿綿，芝麻味及原味都一樣好吃。金龜叉燒包 - 賣相可愛，外脆帶甜，內裡不單有叉燒，還有菠蘿粒，很特別。香茜叉燒腸粉 - 腸粉皮很滑溜，芫茜及叉燒都好夠味，蘸點豉油更添滋味。

嚟間新派粵菜到底有幾特別食過你就知！環境裝潢跟一般酒樓大有不同，以藍白色為主調，有和諧的感覺。先嚐兩款前菜：藍莓鮮准山准山爽口，藍莓汁酸咪咪跟准山好夾。冰鎮話梅涼瓜夏日炎炎最佳涼伴，涼瓜爽脆，又酸又甜，另胃口大增。龍蝦湯浸千層竹採用了龍蝦餚製，湯底清甜美味。一層一層的腐竹吸盡龍蝦湯精華，夠入味，有創意。金沙脆蝦球外層漿衣薄脆，蛋黃起沙，惹味！蝦隻又大又爽，多吃也不膩。每一道菜都經過心思配搭，不錯！

平時去開厚福街都係食西餐或者飲糖水多。。。今次見新開左一間中菜廳，見新開同屋企人黎試吓，服務好好，侍應不停換碟，而且食物都好有水準而份量都非常適中，而且價錢合理！尖沙咀值得推介的粵菜，大家可以試下😍 推介菜式有燒鵝，乳鴿和花膠湯👍🏻👍🏻👍🏻食物都好好食而且穿上菜速度好快又坐得舒服，有房有卡位。呢個價錢係尖沙咀黎講算好抵食，新開餐廳要支持一下，希望可以保持水準，下次會再黎試下食點心，好似好精緻

路過厚福街8號H8 😀 睇睇 好多食店見到呢間「滿軒新派粵菜」坐下來，與職員傾吓計，原來是最近新開張環境不錯... 藍色，吊燈裝飾用雀鳥，好看時間尚早，似是只有我倆，寧靜舒服點了幾味小菜及冷凍小食素食煮意： 龍蝦湯浸千層竹$108有創意- 鮮腐竹壓成塊狀，（吸收 浸泡）著龍蝦🦞煮成的湯汁伴著 西芹及大隻蝦乾滋味 👍😋鮮味金沙脆蝦球 $128惹味咸蛋黃 包住彈牙🦐球脆脆好味海參花膠煲 $168材料：豆腐乾（條）、冬菇、蔥海參略為硬，感覺味太濃（咸）冷吃： 藍莓鮮淮山及話梅苦瓜開胃冷盤平常不吃苦瓜，但是 這個好味，開胃最後，免費甜品： 椰汁糕，不太甜，可以😄

係尖沙咀諗唔到食咩通常都會去H8，之前一樓既韓半島原來已經執左變為中餐廳，咁就索性飲個早午茶☺️店員服務熱情周到，一見我地入去就介紹佢地與別不同既茶類，有鐵觀音、陳皮普洱、玫瑰花茶等，我地要左陳皮普洱呢個新鮮既配搭，出到黎真係頗濃陳皮味幾有特色▪️ 蟹籽燒賣皇（7.5/10）💲20/2粒燒賣頂部有些少蟹籽，包得扎實，彈牙鮮嫩▪️ 水晶鮮蝦餃（7.5/10）💲20/2粒蝦餃厚薄適中，略帶煙韌，而且內餡好飽滿，鮮蝦口感夠曬爽口🦐▪️ 竹炭流沙包（6.5/10）💲31竹炭其實係得個色無咩味，一咬開就有流心既奶黃漿，不過若包身可以再軟綿一點，同埋餡料多啲沙沙口感既鹹蛋黃就好了🤤▪️ 鮮竹牛肉球（6.5/10）💲23牛肉球稍微腍身，如果可以彈牙返啲，同埋落多少少爽口馬蹄會更好🙈▪️ 酒香寶貝鴿 （7/10）💲38見到寶貝鴿係朝早十一點到晏晝四點期間有每隻$38既優惠價，感覺都幾抵食就要左一隻😍店員問我地想一開二定四，為左方便進食揀左後者，上菜時會比埋手套夠乾淨🧤寶貝鴿表面有油光，但又唔會話好油膩，個皮食落微脆香口▪️ 千絲蘿蔔糕（7/10）💲讚好Facebook免費送店員話讚好Facebook有千絲蘿蔔糕送🙃

好耐無食中菜，平時會去傳統酒家食晚飯，貪佢選擇多份量大！今次大鄉里出城試下新派中菜，揉合傳統與新款元素製成的中菜，又有傳統元素，又有新式製法。厚福街H8不嬲出名多選擇，一樓嘅滿軒開左個零月，裝潢用了我最愛的海洋藍，寧靜舒適，唔似舊式酒樓咁嘈吵。二人點了一隻酒香寶貝鴿，鹵水鴿再炸，熱騰騰香噴噴，動手吃最滋味。，飲個靚湯先，柯打左蟹肉海皇燴花膠，鮮拆蟹肉再加海量元貝，海量鮮蝦，同埋海量花膠，超級足料，啖啖海鮮非常鮮甜。黑松露帶子炒滑蛋份量夠，啖啖黑松露香，依舊是海量帶子，性價比超高！金榜醬燴安格斯牛肋條是另一道色香味俱全靚餸，醬汁似沙嗲醬配上軟淋牛肋條，非常開胃。大胃王食肉獸，再點一個翡翠炒象拔蚌加一點青綠，脆肉瓜青脆，唔會過淋，象拔蚌新鮮，爽脆。經理推介原來午膳有點心，而夜晚更有廚師發辦，下次真係要一試。

早排行街經過尖沙咀厚福街，見到呢間新開嘅新派粵菜叫做「滿軒」好似幾吸引，就去左呢度食晚飯！由於時間尚早，所以未有太多客人。餐廳裝修得整齊舒適，家庭飯局定係朋友聚會都適合不過手工菊花羹呢個湯羹賣相真係不得了，好靚呀！豆腐經過師傅精巧的刀工切琢成盛放的菊花，技術高超！呢朵「菊花」有濃郁嘅豆香，睇得又食得海參花膠煲價值$168的海參花膠煲份量都幾多，上桌時熱辣辣，香噴噴，店員仲會貼心地幫忙撈勻避免痴底！花膠同海參好夠味，香軟腍滑、且有彈性，充滿骨膠原的感覺！旁邊的雜菌、香蔥等等配料都好香口，送飯食就啱晒嚕金銀蛋浸莧菜莧菜碧綠又新鮮，入口軟腍，無菜榨，好鮮嫩！金銀蛋同清湯味道適中，感覺健康涼瓜帶子煎蛋角菜浦煎蛋角就食得多，我自己就好少食涼瓜帶子煎蛋，所以點左黎試試。苦瓜同帶子嘅份量都幾多架，苦瓜甘中帶甜，苦味並不重，同蛋嘅味道好夾，好食哦甜點最後仲有免費甜品：兔仔棉花糖。賣相可愛，充滿椰絲香又不會太甜

唔知做咩事最近成日去厚福街食嘢，H8差唔多成幢大廈都係食嘢，今次就黎試粵菜起初以為餐廳會係酒樓嘅格局，點知又唔係喎，裝修都比較新潮，地方都乾淨舒服咁就睇吓有咩食先，見到推廣酒香寶貝鴿$38，每位限叫一隻，餐廳仲可以幫忙一開四，所以我哋叫咗一隻試吓，隻寶貝鴿熱辣辣，個板脆卜卜，醃料味道有別於平時食開嘅紅燒乳鴿，因為佢帶咗酒香，所以都幾好味之後就到餐前小食炸豆腐，外脆內軟，豆腐超滑，加上即叫即整，食到停唔到口我哋都鍾意食海鮮，見到龍蝦一隻只係買$198，咁抵食點可以唔試，我哋揀咗芝士焗，中間$40加咗伊面底，龍蝦都幾大隻，又多肉，加埋芝士伊面真係好好味另外仲叫咗一個拔絲咕嚕肉，即叫即炸，並唔係預先炸定然後淋汁上去就算，所以脆脆地再加埋甜酸醬真係好食又開胃要飲食均衡梗係要叫返個菜，所以就叫咗個金銀蛋浸莧菜$86，因為唔會好油膩，用上湯浸健康好多，金銀蛋鋪晒喺面，味道都唔錯一般酒樓食完都會送下紅豆沙，但呢度係送自家製嘅精美糕點，有西式嘅芝士蛋糕，桂花椰汁糕同埋咖啡糕，三款都超好食，食完個甜品真係非常滿足，絕對係回頭之選！

今晚媽媽生日，而佢平時就最愛食中菜，所以特登搵咗一間比較特別少少既中菜餐廳，比啲驚喜佢。呢度特別既地方係菜式融入左啲創新元素，唔係到到都食到😀👍🏻媽媽亦表示覺得吸引。 一上到餐廳店員立刻熱情招待，好好禮貌，整餐飯都服務得好周到，值得一讚👍🏻《寶貝酒香乳鴿》$38乳鴿做緊優惠，原價$68蚊隻，所以好抵食。味道方面，乳鴿皮夠薄同脆，肉質入味唔乾，真係唔錯！《蟹肉海皇繪花膠》$128超足料！好多蝦肉同埋蟹肉，仲有大量蛋花，啲花膠就切成條狀，口感好爽脆，啖啖都好豐富👍🏻《黑松露帶子炒滑蛋》$118呢個份量好大好足料，超多帶子！！食極都食唔完嘅感覺🤣黑松露既味道都好出，但略嫌蛋炒得唔夠滑。《拔絲咕嚕肉》$108咕嚕肉就食得多，配上拔絲真係第一次😃拔絲效果有但唔算好明顯😅咕嚕肉肥瘦均勻，肉質有彈性，炸粉薄且食落都脆口👍🏻《澳洲脆米炒飯》$108份量好多！係3-4人份，好抵食，炒得幾香，但調味可以做得再好啲，偏淡。不過加入左炸過既飯粒食落更香口之餘亦提升口感👍🏻 尖沙咀黎講，呢問粵菜性價比真係幾高，大碟又唔貴，味道不錯，推薦一家人黎！

尖沙咀厚福街係餐廳集中地，菜式應有盡有 。今日就揀咗呢間開張冇耐中菜，試試佢... 酒香寶貝鴿肉嫩多汁。肉香四溢。龍蝦湯浸白菜苗白菜爽脆。但湯底有一點點略淡。椒鹽白飯魚非常香口但又做到唔油膩。很適合做前菜或送啤酒。黑松露帶子炒滑蛋滑蛋是家常小菜，但難做得好，不是炒出水，就是炒得過生似蛋糊多過滑蛋。呢度師傅做到滑蛋一層一層的往上叠，生熟剛剛好。星洲炒米港式炒粉麵的代表之一，無論在茶餐廳、大牌檔或酒樓都會吃得到。呢度師傅做得又香又夠味，而且不油膩。咖啡千層糕  & 桂花椰汁糕Q彈爽滑 !

中菜傳統用圓枱舖枱布，這餐館用方枱及卡位，感覺上會 「年青」及「有活力」。看似平凡，其實這是玫瑰花茶，中西合璧，好清香!波蘿咕嚕肉食過不下數十次，菠蘿總會有渣，肉也總會有些少根，今次兩樣都冇，而且非常脆口，係有驚喜。花枝片片得薄，不用花，跟翠肉瓜爆炒，好爽口。個人非常欣賞醉香BB鴿，真的非常脆。而且很少餐館是會將 pat pat 位切除的，頗為細心的。牛肝菌燉雞湯，足料兼夠火喉，加上不肥膩，平時少飲湯的我也添飲。甜品是贈送的!

厚福街8號H8是一幢以食肆為主的大廈，今晚便選擇了以新派中菜為主打的一間新開的食肆。店內以藍色為主題，座位寛鬆，燈光柔和，令人舒服。而且自設魚缸，令我蠢蠢欲試海鮮，是否新鮮。陳皮普洱$10位陳皮味道濃郁，而陳皮具有通氣健脾，消滯健胃的功能，所以喝完胃部都會覺得舒服。酒香寶貝鴿$68，乳鴿炸到外脆內軟，肉汁豐富，乳鴿味十足。食肆還提供一次性手套，方便客人進食乳鴿時可以用手拿著，這種服務很窩心💕，因為我覺得拿著吃比用筷子夾著吃，味道稍勝一籌。芝士焗龍蝦每隻$198，另加伊面每份$40。濃濃的芝士，覆蓋着龍蝦及伊面，龍蝦是本地的，所以肉質嫩滑，爽口彈牙，龍蝦味十足。外面很多食肆的龍蝦都採用波士頓，因為價錢比較平，不過滿軒採用本地龍蝦，價錢都是$198，真的很低吃。伊面吸收了芝士和龍蝦汁，味道更惹味。清蒸老虎斑$168/1條廚師蒸魚的時間拿捏得剛剛好，魚肉剛剛離骨，嫩滑又有魚味，以這個價錢，非常超值。Asahi 罐裝啤酒$23罐裝汽水$12 飯後還有兩款甜品，感覺貼心。女侍應態度熱情，服務到位，值得一讚。👍

今晚名副其實黎左食海鮮餐，點完餐先發現全部都係海鮮，無一道係有肉的😅完全不是刻意要點海鮮的，慶幸身體無對海鮮過敏反應😆我們今晚點的菜式係出面都無食過的，估唔到粵菜都可以做到fusion菜既特色，仲要係味道不錯👍🏻連侍應姐姐都稱讚我們識得點菜🤪還有她們每一個既服務態度非常周到，收碟同加茶速度都相當迅速，而且仲會同我們寒暄幾句👍🏻👍🏻🌟黑松露帶子炒滑蛋 $118🌟帶子既份量十足，黑松露加蛋係無得輸既組合，如果配埋白飯，簡直一流👏🏻🌟脆皮百味豆腐 $45🌟以為係一道普通小食 - 百味豆腐，但食落豆腐質感好滑溜、一啲都唔會過咸！🌟金榜醬蝦球墨魚麵 $128🌟因為侍應姐姐落力推介金榜醬海虎蝦既關係，就點了呢個金榜醬蝦球墨魚麵，又可以試到金榜醬之餘；又可以食到唔係度度有既墨魚麵；味道有啲似食緊白咖喱既感覺，幾特別，果然係必點之選🤤🌟龍蝦湯浸羽衣甘藍🥬 $86🌟最愛呢個羽衣甘藍，沙律就食得多，估唔到粵菜都有，仲要係熱食，見到餐牌有，毫不猶豫要點呢度菜😆🌟海鮮芋頭烙 $108🌟一路食一路講真係好似食緊蠔餅咁😂好香「蠔餅」味😂😂只係帶子代替了平時既蠔仔，哈哈