村上鐵板日本料理 (Closed)

知道旺角通菜街兩旁食肆處處，可惜水準參差不齊。端午假期途經那裡，神推鬼擁被易拉架的套餐價錢所吸引，見到這一個四十元以下的一個「壽司套餐」，還妄想碰個運氣，結果就從各方面來說都是庸店一間，仍然給它們坑了這一次。所謂這壽司套餐，先來一大碗烏冬，其實我是來吃壽司的，也不需吃那麼大碗，最後結論是雖然吃得飽，可惜湯底內有大量味精，超市來貨的烏冬，口感不過不失，和日本風味差得遠了，反而近似茶餐廳的出品。主角壽司約有八件，先夾了那一件花之戀，內裡吃不著醋漬，三文魚片也不新鮮，至於其他的，不是飯糰來得鬆散，就是用料不新鮮；賣相固定一般之餘，其加州卷內竟然有含有肉鬆，早輪OR有食友談論過的「明X」勇者冒險記，提到過曾有紅豆壽司，現在這裡也用上肉鬆，論港式和食的創意，兩者也是不遑多讓。饅魚片的色澤實在暗淡，三文魚籽和蟹柳算是最正常了，玉子，實在得啖笑，臨尾送上一杯凍利賓納，也是超甜的水平..................這水準質數，理應歸入喊面，但價錢也實在平，連上貼士也只是三十八元，加上侍應還算有禮貌，阿Q地同自己說，還算填飽個肚，但要嚐味的話，還是便宜莫貪。

個日有2個朋友一齊,睇完戲咁就諗住試新野,咁叫到呢間野個樣都唔錯,價錢又OK咁就入左去我地就坐係樓上,咁佢有壽司,拉麵,串燒個d,但係冇手卷 好奇怪第一張單D野食就黎齊左ge但係出得好慢,同埋數量少左佢個牛肉薄燒份量真係好少,個雞肉棒d肉得外面有汁,裹面係乾架,雞軟骨,雞腎串燒完全冇味,我仲多手叫左碗拉麵同飯,佢係用屋企食飯個碗ge size,d壽司好唔新鮮第二張單開姑就漏單...至少有一半叫左ge野食係見唔到唯一只係佢ge服務態度ok但係真係冇謂去食

朋友生日話想食日式放題, 朋友介紹話呢到好~~~ 見到食評唔係咁掂都有d驚, 不過心諗介紹我黎呢到既朋友係旺角住又鐘意食放題, 全旺角既放題都食過, 唔好都唔話係飯堂啦, 所以膽博膽咁就同成班朋友黎呢到慶祝生日. 之前一日打電話黎訂枱, 本來我係諗住訂7點半, 不過佢哋話7點前後有座價錢有分別, 如果我咁多人既話早d入座可以慳好多. 咁我心諗食2個鐘, 就算有人遲黎都係食少半個鐘都無咩所謂啦. 所以我就留左7點前既位. 當晚6點11就報到. 勁肚餓, 坐底就即刻點野食. 唔知佢比我哋點人數以外幾多倍既野, 所以我哋一落order咩刺身都寫30件睇下佢黎幾多. 第一次因為我哋點得好多唔同款既刺身, 所以就算佢每樣都只係比少少我哋都有一大盤, 而且仲擺得好靚tim. 不過數量真係差好遠喇, 甜蝦第一轉黎左十條左右.....除左刺身之外, 其他order佢都有上齊, 無漏單既情況出現. 但係佢d野既質素就真係....... 我第一次食花之戀係得一塊魚生, 仲要包唔住舊飯. 感覺似係三文魚壽司既向橫版! 仲有海膽, 個顏色好奇怪... 係黃色嫁! 我條腸不嬲都懶, 成日無厠所去, 嗰晚食完之後

未試過一間日式自助餐禁樣第一去一定要上openrice睇下先啦,都係好壞參半,咪試試lor,頭盤寫五樣嘢,只係黎咗碟刺身,重要你見我地兩個人比咗兩件三文魚兩隻甜蝦(我寫每樣5件)OK,我盤住自助餐,你漏我單我咪order暴佢,點知我地食嘢佢食單平均有80%都漏,食咗個幾鐘都唔知食左D咩,重要樣樣都無味,建議D禁無質數嘅商戶你地諗請楚先去

試了牛仔骨和鴨胸炒雜菜套餐，真的是非常的難吃！！！牛仔骨就是薄薄的四片，配菜一股焦味。加6蚊的中華沙律味道十分奇怪！真的是很久沒有吃過這麼難吃又讓人生氣的一餐飯了！

朋友聚餐, 見呢間放題裝修唔錯, 價錢又唔係貴, 就走入去啦飲料:有麒麟啤, 清酒, 唔飲酒都有汽水同柚子蜜果D食: 款式較少刺身不過不失啦, 係D翡翠螺好似"梅梅"地咁叫左兩個鍋, 一個清湯牛肉, 一蕃茄唔知咩, 都OK壽司都OK啦, 但居然無手卷!! 呢個真係超失敗!!炸物天婦羅都OK串燒就真係完全唔食得!! 雞腎, 雞翼...全部好似無落鹽咁!! 仲要係苦架!! 反而果條咩雞肉腸就咸到咩咁.......雖然呢度服務都OK但D食物質素就真係唔多得有D野可以揀既話, 真係一生人一次就夠

今日黎食午市，見佢唔係好貴就入去試下，反正未試看。入去既時候都唔算好旺喎，大概只有半滿多D。佢本應安排左我地坐入邊，點知個侍應又倒瀉野，跟住就叫我地坐另一邊，但係個度好大陣味，抽煙系統麻麻地，我地又要求調位。最後安排左我地坐近門口既位置，不過其實對正冷氣口好凍，但我都唔敢出聲啦。><午市好似有大概10款選擇，我地就叫左一個雜錦魚生飯同埋一個清湯牛肉鍋，就跟麵豉湯同飲品。不過個麵豉湯好鹹呀，而且入面無咩料，得幾塊紫菜，最後我都因為佢太濃味所以無飲哂。雜錦魚生飯其實一D都唔雜錦，我望黎望去都剩係見到三文魚同玉子，其他咩魚生都唔見。間唔中有一兩粒八爪魚出現，不過係靱到完全咬唔到，所以幾乎係無魚生可言。再講佢D飯都唔好食，溫度係微暖，好淋無口感，唔得呀~~~清湯牛肉火鍋係正常既，但就真係好清無咩味，不過眼見個湯底好似好多油咁。佢材料有好多，蟹柳，魚蛋，鳴門卷，金菇，黃芽白等等，全部都唔難食但都唔係特別好食，就係無咩特別啦。主角牛肉過熟，所以又係好靱，而且無咩牛味，雖然明白咁既價錢唔會有好野食，但食落去都真係麻麻囉。雖然價錢係平，不過我都係覺得唔好食幾平都無用，所以唔會有下次啦。

上星期晚同老公喺旺角揾嘢食，見到有間放題$148就話不如試吓啦，本來老公都冇興趣，不過一聽到清酒任飲，就立刻撲咗入去，不過大失所望，啲清酒好似加左水，完全冇哂啲酒味，倒不如飲番汽水算。講到食，出餐的時間都算好，唔似得有啲放題食就食兩個鍾，等出餸就等半個鐘，而且啲刺身都算新鮮，而且還有翡翠螺，大隻得嚟好鮮甜，咁嘅價錢單食刺身都抵番。更可况值得推介是天婦羅，尤其是蝦，肉質很爽。至於以為會好味的芝士焗蠔和煎羊扒就很失色，完全唔覺自己食緊蠔，而塊羊扒我就嬚太穌廉不林。本來嗰番茄牛肉窩都唔錯，食得太飽之餘，飲碗番茄湯消消制，但是嗰窩實在太大了，起碼可以夠七八人食，我和老公兩個人又不想浪費唯有頂硬上。如果大家有興趣試吓，尤其是九時後平十元的關係，記得book定位呀！

以前其實已經想試,,,,,但上個禮拜因為好多人......冇位....仲話"睇下有冇人唔到la,就可能有位留畀你地"所以就打電話book左先.......講下d野食.......刺身堅係唔多新鮮.......樣樣都係......特別係0個個咩川翡翠螺.......有沙.....仲要有d "lim"液,,,,,=.=串燒有幾樣野冇~好似雞串,洋蔥,蠔0個d但又冇人同我地講.......都ok 既....燒物我諗燒魚係最食得入口既野.....-.-花魚幾好食...鐵板燒都係普普通通..........竟然有mc記既豬柳.......即刻cheap晒囉個feel.....-.-仲有想講.....我都明任點任食係唔可以要求d咩好好質素.....但都唔係差到接受唔到........我寫既數字根本冇意思....我點4件,又畀2件點10片,畀得5片....想點先.....咩叫任點任食?真係好唔得囉........野食又唔得.....服務又係唔得........又唔加茶......又唔換碟.......下次搭車遠d去番中環吉壽食算.....仲平=.=呢d咁既食物+服務~收人$148...仲加1....

朋友生日, 想食日本野, 睇到comments都ok, 所以就去試吓囉......7點幾去到已經係全埸full哂, 仲要係有兩層架喎~~~~見到點野食既紙都有幾多款揀, 又有汽水任飲, 真係唔錯~~~~ 魚生/翡翠螺 - 都係一般, 無乜味~~~ 天婦羅 - 幾好....d粉唔厚 :chopstick :串燒雞腎/雞軟骨/青椒 - 好好味 串燒雞翼 - 超乾身...好似食柴咁... 牛肉厚燒 - 好鞋~~~ 芝士焗蠔 - 朋友話麻麻地 吉列豬扒 - 都係有少少鞋 餃子 - 超好食 炒飯同烏冬都係麻麻地....總括來說都可以一試既,因為都唔貴,都係$158再加一

很久沒有與一位大學好友聚首，今晚相約在旺角食飯。因我倆都是酒鬼，每位收費$138，有串燒、刺身、壽司、天婦羅、鍋料及日本酒任飲任食，可算是抵。但這餐廳只接受六點半或九點半的電話預訂，筆者與友人根本不可能趕到，所以自好walk-in。但七時半到達時，結果等到八點半才有位。一向以來，筆者對放題食物沒有太大期望，可是村上日本料理卻給筆者及友人一個驚喜。任食壽司居然有海膽及三文魚子，質素尚算不錯。熟食的燒蠔及日本酒同樣不差，上菜速度特快，服務態度很好，可說物超所值。原本兩小時任食，因大家高高興興地進食，約一小時多便食飽。然而根據筆者經驗，新開業餐廳贏了口啤後，食物質素很快便下滑，如大家有興趣一試這任食日本料理，筆者建議大家盡快在平日一試吧！http://hk.myblog.yahoo.com/chicken-goal/article?mid=3392

同女朋友行過女人街,見到門面幾靚,就入去試下睇落幾多野食,飲品算多落完order,d野等好耐先黎,飲品就即叫即黎三文魚刺身好薄,甜蝦就幾好食雞軟骨唔錯.雞腎唔多夠熟餃子做得不錯,其他牛肉,豬軟骨等都係一般絛秋刀魚有小小硬,魚皮脆脆地,同埋唔多夠熱!最搞笑係last order 我order多兩件豬扒,佢將一件扒一分為二當兩件咁上總既來講野食一般..一次就夠了

今日中午有事做再經過女人街，睇到尼間餐廳門面大，於是入去試下。裏面面積還可以，檯大小適合，系旺角黎講所唔錯。服務態度不過不失，熱情招呼入黎坐低後便冷落一角，這也是香港餐廳通病。我點左個清湯牛肉鍋＋凍檸茶，牛肉鍋牛肉好少，湯也不算鮮甜，似味曾水多D。反而白飯有一大碗，食到最後竟然唔夠餸，為左唔浪費，只好乾啃白飯。檸茶質素也低于一般茶餐廳。總的黎講，不過不失。

碰巧經過時剛好下午2時, 侍應小姐出來拉客, 2時後全部午餐減5元...聽落幾抵, 所以走入去一試...咁樣減5元真係好過直接出多個下午茶餐牌...店內裝修倒不錯, 傳統日式食店柚木色為主...不過與其說是鐵板燒店, 倒不如說是像居酒屋, 再睇一下牆上的新店開張告示, 方知原來這個是放題店, 怪不得...店中的鐵板處理部份以透明物料(太遠, 睇唔到)密封了, 應該是怕店子油煙味太重而設計, 睇到入面師父煮食, 卻失了其他鐵板店的近距離親切感, 總覺得怪怪的.點了一個牛肉火鍋定食.麵鼓湯好咸...但冇乜麵鼓味...白飯水氣太重, 不過可能係因為過了午飯時間, 焗得太耐而致牛肉火鍋牛肉味濃, 意料之外...最初仲以為係D冇味牛肉來...火鍋配菜有椰菜, 竹輪, 嗚門, 蘿蔔等等...整體份量十足.湯就...細味下有小魚干的味道, 當然少不了一點點味精, 但屬可接受程度.食物都ok的, 不過最令我滿意的是服務.其實餐廳整體服務應該只屬一般, 唯獨一位叫Micky的侍應小姐值得一讚.由我入店時開始一直觀察, 侍應小姐已經係長掛笑容.帶位後會留在客人位置附近等待客人叫餐, 但企位並非貼在客人身旁

冇book台, 19:00去到, o岩o岩有一張台, 唔駛等位!!!即o黎點o左幾樣o野:- 熱清酒: 差, 唔知點解釋, 總之唔好飲!- 麒麟啤: 得呢隻啤酒任飲, 冇咩特別.- 刺身:大部份都點o左D, 一兩年打算試下, 點知o黎埋D冇點到o既, 仲樣樣都有成4-5件, 好食就話jei, 唔好食/唔想食o既都擺埋, 浪費食物!!!三文魚: OK啦, 冇咩味, 不過口感OK o既吞那魚: 唔新鮮鱆紅: 都冇點到, 又o黎o左, 麻麻地!甜蝦, 翡翠螺, 希靈魚: 正!!!- 串燒:整體味道一般!!!青椒, 冬菇, 翠肉瓜: 一般粟米: 麻麻雞肉: 差!!!雞軟骨, 雞腎: 串燒位前面就燒燶晒, 後面就o岩o岩熟 ... 差!- 鐵板燒:肉類唔好食!!!芝士蠔: 味道唔錯, 都OK!牛肉: 冇味!豬軟骨: 太燶, 不過味道唔錯!!!羊: 勁蘇, 差!!!壽司, 前菜呀 ... 一般般啦!!! 主要係咁, 冇食其他喇!!!總結: 服務OK, 食物唔得, 一次夠了! 唔會再去!!!