MX (海怡西商場) (Closed)

港鐵南港島線開通左咁耐都未坐過.今日老公放假,就一齊去鴨脷洲睇下有什麼變化.一落車.行咗去岸邊,就見到個無敵大海.到咗中午,又係醫肚嘅時候.行到海怡西廣場,見到美心快餐店.我哋叫咗兩個套餐.(1)無骨海南雞飯套餐,配上黃油飯和中式湯.伴碟還有青瓜.無骨海南雞又嫩又滑,咬落啖啖肉.好食.最怕係出曬血水.這家是沒有的.黃油飯有D乾,唔係咁好食.中式湯係南瓜蟲草花瘦肉湯,材料豐富.(2)义燒、菜脯炒蛋飯套餐.配上熱飲.叉燒太瘦,有點韌,菜脯炒蛋非常惹味.美心熱奶茶,茶味濃郁.好飲.

今日同媽咪呀妹去美心打邊邊，較啱時間享用佢個火鍋早鳥優惠，仲會送多一大杯汽水，早啲食又平啲又少人啲，識食梗係揀啱時段黎食啦！一個醉雞呀豬媽火鍋都有好多野食，以我記憶就包括有一碟醉雞啦，有豬肉有午餐肉有兩支滑(墨魚滑同好似係飛魚子雞滑)，有啲豬皮呀魚腐呀蘿蔔南瓜呀，仲有生菜同烏冬。我自問大食，但食完成個set都覺得飽飽，承惠$58，抵過晒其他連鎖店嘅火鍋，10分推介！

返工嘅時候電話响，原來嗰夜班同事忘記咗攞嘢走，要我同佢擺埋去，我話冇問题，不過我而家行緊去美心食早餐，等我食埋先啦，佢話OK，其實我係美心門口睇緊歺牌，最後要咗嗰牛扒煎双旦，加杯可樂，嗰餐都有麵包，牛扒味道麻麻，煎双旦都好差，係杯可樂同麵包好啲，因為可以加牛奶和花生醬，快啲食埋嗰早餐，同嗰同事做番啲嘢，费時佢冇咗1啲嘢入我數。

今日超級節目豐富，早上接肥髀見學校，見之前去快食個早餐，快餐店外落單，我試用自助落單機，用咗好多時間理解！成功落單，肥髀用人手落，快過我好多！落單出菜在外圍，攞食物入去型格座位區搵位，在大枱坐低，桌椅唔迫！脆嫩魚柳烚蛋（$31）幾開心有烚蛋呢個選擇，蛋係啡雞蛋，蛋白彈牙正常，蛋黃全熟無食，魚柳香脆，魚肉唔乾唔腥正常，麥包烘過但放咗一陣，淋咗少少！整體正常中國茶：呢排食滯下飲熱茶最好（頻撲中不宜飲含奶嘅飲品）水夠熱，茶只係茶包，味道正常肥髀食：火腿炒蛋多士：熱檸水：自助式所以無乜接觸！爽手極速出菜！有效率健康少少嘅嘅選擇

好少食美心，因為一來屋企同公司附近都會冇，二來覺得連鎖快餐店品質應該差不多到，所以對美心並沒有特別喜好。但今日黎到海怡，發現商場冇乜嘢食，所以就揀咗美心，下午茶時段叫咗一個迷你叉燒飯同咖喱三寶，出奇地滿意，野食份量剛剛好，叉燒係肥瘦叉，咬落好軟熟，中間夾雜着小小脂肪，口感一流，再有配上少少汁送飯，好快就食晒。另外咖喱三寶都不過不失，有魚蛋，豬皮同白蘿蔔，咖喱汁幾好味。整體來講覺得有誠意，有用心調配過醬汁和配搭。

港鐵南港島線通車咁耐都未搭過，趁清明節假期便搭了一轉，順便看看鴨脷洲海景。下車後，一直向利南道步行，看著個靚海，不知不覺行到駕駛學院，仲見到好多學神學車。回程去了海怡半島嘅海怡西商場的快餐店食午餐。原來海怡係好多人，好彩都仲有位。買了煎蛋肉醬意粉和咖啡之後，就要等一陣。【肉醬意粉和咖啡 $44】碟意粉都幾大碟。面頭隻太陽蛋個蛋黃郁郁下，忍唔住馬上啜咗個蛋黃。意粉好多肉醬，番茄味都好濃。咖啡是即磨，味道一般般。家下一個快餐四五十蚊走唔甩，好彩呢個餐份量都夠食。

今日去行玉桂山，所以一早到左海怡半島，見到MX, 入去試下佢個龍蝦湯螺絲粉早餐。龍蝦湯螺絲粉配上切片的香腸真是一款很好的組合。湯底係龍蝦湯，夠濃夠味，不是溝水稀稀的。 香腸煎到小小燶，帶出一點香味，與龍蝦湯平分秋色。螺絲粉軟硬適中，不會因為浸在湯裡而淋啤啤，咬落有彈性。粗麥包健康有益，適合緊張的香港人，搽上煉奶，味道一流。我個人習慣係去任何快餐店食早餐多士都一定要搽煉奶。奶茶應該係機沖，因為個面太多泡，有礙觀瞻。魚柳太太太太咸，好難入口。而且沙津醬太少，不能中和魚柳的咸味。魚柳係這個早餐的一大大敗筆。而且店內環境好嘈好熱。嘈係因為在餐盤回收處工作的店員好大力去放/丟啲刀叉、碟和盤（唔知係咪發脾氣）。熱係因為人多但空氣唔流通，店內與商場我估差兩度。

入到嚟南區探親，其他人未到，自己一個人，肚餓又未食早餐，就入左嚟商場搵野食。去到MX，見到menu 上呢個龍蝦湯餐最吸引呀！龍蝦湯香滑濃郁，又鮮味，可以做到係螺絲粉上掛汁情況，配上幾塊厚切肉腸做餸，好好味呀，成碗湯粉食到一滴不淨。另外配炒滑蛋，蛋炒得好滑身，有蛋汁嘅，一啲都唔會好似平時係快餐店嘅死實實炒蛋。張嘅炒蛋放係烘得脆身嘅多士到，正呀！飲品叫左茶走，紅茶加煉奶，好香茶味。一早飲番杯高質嘅奶茶，簡直成個人叉滿電。呢個早餐俾到我好大驚喜，32蚊甘高質，抵食呀！

諗住睇戲之前快食晚餐，又唔想食煎炸野，所以就揀左MX，貪佢好快食完好快走得。叫左個燒汁牛扒，都差唔多要60蚊，上碟個樣都幾好睇，點知食落就出事，個肉好難咬，硬到好離譜，好似係煎左成個鐘咁，雖然都幾大塊，但最後真係食唔到，未試過食牛扒會食唔哂咁多。D菜就凍到似放左冷氣下好耐咁，凍冰冰咁都唔知點食，非常失望，早知食豬扒飯就算~另外仲叫左海南雞飯，呢個好味，D雞肉唔算好多，但每件都係滑溜，而且入口都唔會覺得好油膩，加埋辣辣汁就仲吸引。

平時好少落屋企樓下個商場食飯 今日媽咪lunch唔想煮 就同我落左去.美心裝修左又搬左位 變左MX新版本 黑色黃色標誌好有新鮮感 裝修都時尚左好多.我叫左去骨海南燒雞套餐 $51蚊係餐牌算係最貴果幾個選擇 包左冬瓜湯同埋沙律 賣相唔錯.柚子汁菜絲沙律作為頭盤幾開胃 醬汁好好味酸酸甜甜好開胃比人感覺好fresh不過就好似唔係好襯海南雞飯.油飯同冬瓜湯不過不失 係一貫美心嘅水凖飯粒顆顆分明 鍾意偏乾身嘅朋友一定會鍾意 冬瓜湯幾多冬瓜 不過味精味稍微重左啲.去骨海南燒雞同一般燒味部燒雞分別唔大 偏鹹唔推介有興趣可以試下滑雞 可能會似海南雞飯果種雞多啲

自從南港島綫通車，隊長第一次踏足海怡半島，去試下間新戲院，同埋行下海怡工廈outlet，未夠鐘睇戲，去醫下個肚先。可能我唔識路啦，海怡個商場都無乜選擇，2個人都無咩好食，唯有揀美心啦。呢期見佢係甘sell個「Sir滑雞」，講真，曾經食過美心快餐既海南雞，真係難食到無朋友，不過𥄫到附近幾檯人都食緊雞飯，應該都唔錯卦？而家既雞飯賣相都ok，同埋都幾大份，以前食過既美心既海南雞係勁生，出晒血水甘，今次見到係熟晒既，無紅色，甘都放心食～隻雞食落未至於好嫩，不過還可以啦，起碼隻雞都唔肥，同埋唔係凍冰冰，嫌無味又，可以點薑蓉、辣醬、黑豉油，伴碟仲有大堆生菜絲，怕油可以食番d減油膩感。至於個油飯，唔係好香，而且乾左d，要用少少湯淋面，等佢無甘乾。跟餐仲有個冬瓜湯，都係果d味精湯啦，不過d冬瓜都幾大舊。個餐都幾大份，而且令我對美心既雞飯有改觀，有進步！

真係估佢唔到，美心嘅海南雞飯性價比咁高， 雖然我加左$8換雞比～當你食高大家x果隻海南雞，你就知道呢隻有誠意好多！ 果黃油飯又大碗，又好有味，個雞又夠肥美最緊要係portion 夠左食得飽！！！ 大家x , 真係得4舊。 呢份，有8舊。

最近屋企附近商場開了一間新快餐海怡 MX，比一般美心 MX 走更年輕的路線，裝潢上亦有相關配合，感覺較時尚。食品方面，與其他快餐店大同小異，定價略為調高了一點。 一客海南雞飯，菜式賣相普通，嫩滑感及雞香一般，雞肉口味略略帶鹹，蘸點甜醬油吃效果最佳。隨海南雞跟上油飯及中湯。油飯香口固然吸引，但同時屬少吃滋味之選。中湯是清熱的瓜粒湯，內含大大件瓜粒最為吸引。 整體而言，餐廳的食品屬中規中矩，合乎預期。