My Thai Bar & Restaurant

Open Now

Now Closed

每次走進 my Thai，都有走進泰國皇室餐廳的感覺，裝修很亮麗。金色嘅琶蕉扇裝飾🏆，配合紅色的牆，加上燈光，高貴之餘沒有老土的感覺。仲有彩色吊燈🌈 同木做的大型佛臉畫，很有異國風情。🥭越南鮮蝦芒果米紙卷 $88米紙卷好特別，好似食緊薄薄嘅河粉紙，𥚃面有越南粉、大蝦、少量芒果，味道清新。還有那蘭花，賣相很漂亮，切合泰國皇室的氣派🦑燒原隻魷魚 $118每次必點，大大隻魷魚有半截手臂咁長，燒得好柔軟，食得辣嘅一定要點墊佢嘅秘製泰式醬汁。🦐冬陰功大蝦湯 $198選了小辣但都好有後勁，顏色火紅，越飲越上癮🍍菠蘿炒飯小朋友至愛，仲係原個菠蘿上，好足料。炒飯滿滿的，有大蝦、果仁、肉鬆、豬肉粒，好足料如果同爺爺嫲嫲食飯，我哋多數都嚟 my Thai ，真係好多款式，每個人都有啱口味嘅野食

肉碎生菜包：肉碎生菜包是一道簡單又美味的菜式。用新鮮的生菜葉包裹著炒香的肉碎，口感清脆，肉香四溢。這道菜不油膩，吃起來很清爽，適合想要輕食的人。可以根據個人口味加入一些醬汁或配料，讓味道更加豐富。總的來說，這道菜是一個健康又好吃的選擇！！

到咗黄花风铃木开花嘅时候啦🌼🌼我今日喺东涌同我啲姐妹喺度过咗一个上午，去年嚟嗰时冇咁多花开🌼 然後差唔多要返嘅时候，就拣咗一间喺地铁口🚇附近嘅餐厅食午餐啦，喺地铁口出去行大概十分钟🔟就到位置好搵，就喺蓝天海岸商场嗰边 不过我同我姐妹嘅食量唔系好大😯所以即使睇到菜单超级多好食嘅泰国菜之後，都系决定咗拣海南椰青焗饭同原只芒果糯米饭🤩 因为椰青焗饭样子好正！！😆一大只椰子里面满满的，唔单止赏心悦目，仲食得好开心。 我姐妹点嘅就系你哋喺图片里面可以见到嘅，有一大只整个芒果同黑糯米嘅甜品饭。呢个睇起来都好有泰国菜特色！😋 真系唔使去泰国都能够食到咁正宗嘅泰国菜，真系好开心🥰🥰服务员态度都唔错，环境都挺阔落。下次再嚟东涌玩，我一定仲要嚟呢间食！！

最近放假諗住遠離市區，所以去咗東涌行下，順便搵埋食😁經過間泰菜，見到menu都幾多選擇，價錢又唔貴，所以就入咗去食啦～主菜叫咗生菜包同炒金邊粉，兩樣野食個味道都非常唔錯，夠味但唔會咸 （之前食過一間咸到我返去飲咗成L水😓）生菜包嘅份量好多，食晒啲菜都仲有肉淨。而金邊粉就酸酸辣辣，好惹味。飲品叫咗椰青，正常發揮。下次再心血來潮嚟東涌嘅話都會考慮再食呢間泰菜呀👍

好耐冇食泰菜，係屋企附近搵到間好似唔錯嘅就去咗試啦～食物味道唔錯 色香味俱全，份量都幾大 同朋友share食就啱晒啦🤩叫咗咁多樣嘢食最鍾意嘅係串燒，炭香味好足，啲肉都唔會燒到好柴，附送個醬汁簡直係將成道菜昇華呀😍服務不錯，店員都幾熱情同有禮貌～環境非常舒服，唔會坐到好迫👍總括嚟講今次個體驗非常好，下次夜晚唔想煮飯嘅話會再黎呢度食！

清大假入左去大嶼山行下. 唔係好想行山, 改去行outlet, 個商場真係好大下, 行行下都冇乜mood. 所以諗住去附近行下, 其實冇乜好行, 反而撞到個舊同事, 正想搵個地方坐低聚下舊, 見到間泰國餐廳, 唔算太大, 但裝修都幾特別, 顏色反差都好大好搶眼, 所以就試下佢. 環境其實都OK, 服務員都有禮貌笑容. 至於食物方面其實都算唔錯, 例如個菠蘿炒飯好夠鑊氣, 熱騰騰咁, 另外叫咗咖哩軟殼蟹農夫包, 呢個都抵食, 足料, 夠3-4個人分乾咖哩虎蝦, 都好大隻新鮮, 雖然都有少少貴, 但都值. 仲有個生菜包, 四個人食四個菜, 加埋飲品七百幾埋單, 就咁天南地北就傾左幾粒鐘. 

上星期去完愉景灣玩，就坐番車出東涌食晚飯！大家一致決定話食泰國菜，咁我即時揾吓邊度有泰菜揀！🤩🤩🤩登登登👉🏻比我揾到係《My Thai Bar & Restaurant》 大家都好肚餓🤤menu內最正除咗泰菜之外仲有西餐可以揀！唔駛驚小朋友怕辣食唔到都仲有多樣選擇！🪻泰式雜錦拼盤🪻鮮蝦柚子沙律🪻海鮮濕炒河粉🪻咖喱軟殼蟹農夫包🪻燒原隻尤魚🪻芝士焗通心粉⏩️我就最喜歡個拼盤，多款選擇又款款好食😋⏩️老公就話鐘意柚子沙律好開胃，個汁調得合到好處⏩️仔仔就緊係芝士啦，佢係「芝士🧀️人」丫嘛🤭所以一定係呢個粉最合佢心意⏩️細佬就話個濕炒河粉🍲最好食，滑流流嘅河粉又真係冇小朋友不愛⏩️契仔就竟然最愛燒尤魚😍我諗佢食咗半碟😆佢話好香口，仲要唔靭小朋友先容易咬開呢度好似好遠咁，但其實我哋黎開東涌行街shopping完，或者好似我哋咁，去完愉景灣個playhouse玩，都可以過嚟一試！由東滙城行嚟好近架咋！

個日去左機場送機，所以係個邊揾左間食泰國菜既餐廳🍴個雞翼扎肉撈檬，D雞翼🐔炸得啱啱好，咬落去嘅時候D汁流晒出黎😋加埋魚露汁雞絕配，口感濃郁多汁另外，個無骨鳳爪沙拉都好開胃，酸酸地又冇雪味🥗❄️餐廳嘅環境整體上都唔錯坐得都幾舒服。結論：絕對可以encore！👍🏻

📍My Thai Bar & Restaurant (東涌)東涌海濱路12號藍天海岸商場地下9A1號舖==============================今日放假約埋朋友一早去東涌行outlet,行完就去搵野食，因為東薈城周圍都好多人，所以就唯有行遠d去到藍天海岸果邊搵野食，竟然比我地搵到呢間泰國菜，仲有戶外位坐，依家天氣涼涼地坐出面超舒服😌==============================泰式喇沙湯粉🍜呢款喇沙湯粉湯底好濃蝦味，微辣麵質彈牙，上面仲有幾塊蝦片,好有泰式風味🇹🇭蒜茸炒時菜半份🥬時菜揀左通菜，d菜都嫩唔會好多渣👍🏻自家製龍眼冰🍹龍眼冰好清甜，仲有幾粒新鮮龍眼😍

前幾日同男朋友去咗東涌行下，禮拜日商場啲餐廳排晒隊，唔想等咁耐就決定行出去試下依間朋友推介嘅泰國菜，又真係幾好食喎叫咗兩個主食同一碟小食，份量都幾多幾足料，一定夠兩個人食。扎肉雞翼撈檬好惹味，雞翼炸得啱啱好，唔會太乾爭爭，加埋魚露一齊食好開胃。海南雞飯最怕就係啲雞鞋拾拾，同埋有雪味，但呢度又唔會，啲雞食落去幾滑身，份量絕對唔少。杯青檸特飲唔會太甜，啱晒要減肥嘅我哈哈。 餐廳佈局幾舒服寬倘，啱晒一大班朋友食飯傾計！

前兩日Daddy生日，去左東涌outlet買野比佢，順便去呢到食飯，原來除左東薈城入面，行遠少少都有甘出色及既泰國野。我地叫左幾樣野，無骨鷄爪、海南鷄配黃姜飯、泰式乾炒河粉，價錢一定平過東薈城食，但就要行遠少少，位置都吾算難穩。講反D野食，無骨鷄爪酸酸甜甜，而且非常爽口，有時有D餐廳雪太耐、放太耐會有振怪味，但呢個完全無。海南鷄既肉質非常話滑，同樣都係無唔應該出現既怪味，個河粉都好有鑊氣，呢幾樣入面我最中意呢樣。總括而言，除左位置真係遠左少少響東涌，整體來講，環境、食物質素都極好，如果來開呢邊行街都不妨可以行遠少少，而且家父都好滿意。

早幾日”提早”收工，難得正常午餐時間返到屋企附近，就順便食個飯先返去。雖然唔係第一次食My Thai，但咁岩試左依碟炒飯覺得真係好得，而且佢地上菜幾快手，所以推薦俾大家。泰式雞肉菠蘿炒飯，金金黃黃好吸睛，飯量夠多有穫氣。中間混合青豆、粟米同拌碟蕃茄，感覺帶D纖維，好似健康D營養均衡D。雞肉量唔算豐富，但好嫩滑，唔會炒到乾柴。菠蘿酸微微，加入炒飯底減少油膩，就更加開胃。頂層加左不少肉鬆同腰果，食落更加惹味，亦都添加整個層次感。

泰國菜味道通常都會比較濃郁因為泰國有很多香料，讓食物的味道更加豐富所以間中食一兩餐就好，食得太多怕會水腫今天就來衝擊味蕾啦！其實我第一次食巴東牛展，不要看到小小的一碗，裡面有5-6塊牛展，而且是厚厚的，啖啖肉，味道有點辣，送飯一流最讓我驚喜的是很有牛肉味如果胃口大的要試一下。雞肉冬陰功湯粉材料豐富，喜歡冬陰功酸酸辣辣的，十分開胃，湯粉除了雞肉還有菇和泰式香料，而且有多款麵類可以選擇。不得不提餐點的份量都很足，雞肉和麵量都很多！值得再次光臨

嗌外賣，早上大約11:00am已落單，想12:00送到，職員話要12:15先到。諗住遲少少都ok就照落order。點知到12:30都未黎，打去問佢先話岩岩出車，等到12:52 先送到，足足遲左大半個鐘。我個lunchtime剩番15分鐘比我食… 你遲唔緊要，你送唔倒咪預早同我地講，我地最多cancel張單。好多機場區員工都會貪方便嗌呢間野外賣，但你送餐服務做到咁，點幫襯呀？個炒飯仲要勁少雞肉… 絕對唔會再幫襯呢間野

雞，全部都係雞~又食海南雞飯！香港今年真係熱得離譜，搞到經常都想搵D東南亞嘅餐廳，好似特別有feel咁。依間海南雞份量幾足料，望到啲黃皮已經加咗分。表面令面，雞肉、雞皮同脂肪比較夠平均。唔會肥膩，又唔會煮到乾柴，「鞋」肉。油飯色澤唔錯，乾濕比例好，算做到粒粒分明，唔似糊仔米飯咁濕淋淋。另上醬汁純粹當Bonus味道，因為主食本身已經入味，差在睇下個人係咪鍾意再重口味D。我就覺得唔沾醬都好OK~