My Way Homemade Pasta (Closed)

第一次寫食評！食過好手工麵，這間店嘅龍蝦汁手工麵 原來用上龍蝦淆2天而成，皇帝脷的 好友說她平時養生，注重食物質素，卡路里控制得而，不過到這店便要忘我放縱一次，因它的龍蝦汁手工麵不能不吃，仲要店加多芝士每次到這店必定食之選！另外，吃完這個豐盛手工麵，試埋甜品，有心機鋪排，芝士蛋糕&馬卡龍，從不吃又甜又漏馬卡龍的我，第一次覺得馬卡龍 好食, 讚！隨後請店員幫手影合照，好搞笑，佢話我個位後面有人喎，再影，再影，好似朋友咁仲高要求過我哋，之後我見幅牆好靚，問可否幫我哋坐低影張相，店員話該枱客人剛食完，不如你哋移過去繼續食, 影相仲靚啦！好細心，好有心！整體感受：用心的良店, 細心的店員&好心的老闆娘！

已光顧第三次，感覺良好。環境OK、清靜乾淨;服務員細心有禮貌;食物有質量;價錢少贵，但工作辛苦對自己好一點吧！位於Mikki商場，如自駕也能享受$100三小時泊車優惠。(圖片為晚餐set，$168)

如果唔介意「港式的all day breakfast」都可以試下既，亦只提供港式咖啡奶茶。我個人唔太喜歡呢類all day breakfast，但既然入左去無所謂啦，最多都係試一次姐。味道方面，唔少茶記會煮得好食過佢。啲食材都真係好冇心下，睇下張相望下舊魚柳，大快活果舊比較下更有誠意。蛋冇蛋味，黑松路都冇味，其實冇一件野好食。呀，果舊燒波羅算係最好食。*呢個評語只針對all day breakfast，其他食物我真係冇試過，或者要去試既你地又試下其他野再係度介紹返。

Lunchtime 去搵食，點左個set lunch 吉到豬排烏冬。先送上餐飲，凍蜜桃茶，桃味都幾足，個茶唔錯送餐包 吉列豬扒分開上烏冬味道都算唔錯 （3.5/5分）成個餐連加一$75

放假帶埋狗狗出街 去左新浦崗mikiki 覓食同行帶住狗狗梗係去可以坐出面架啦 人同狗都輕鬆d 而mikiki既地下餐廳最好就係夠乾淨 餐廳仲好歡迎狗狗添行左個圈最後揀左呢間就係睇中佢話d麵都係自家製我地嗌左2個set首先黎既有熱辣辣自家制麵包佢話無落牛油架 係用欖欖油做既夠晒健康 仲可以比狗狗食添油鴨脾意大利飯個意大利飯 岩岩好（港式style）對香港人黎講 唔會太生 仲吸晒d汁落粒粒飯到 好食 有qq既口感個鴨就配番個濃味既飯所以係清清地 安格c肉醬意粉意大利麵好食 qq既 食得出落重蕃茄 真係原碟自家處理都好好食呀一個凍朱古力望到個杯已經覺得好靚同埋環保朱古力仲要勁濃超正員工仲好nice !! 係咪甘岩我地食左佢主打既野食唔係好明點解其他食評講到甘差🤔到底係我唔識食定佢地唔識食

前幾日行過新蒲崗，見環境唔錯又有商場泊車優惠就去試下。環境都算ok 唔會覺得迫，一班人坐底傾計唔錯！今次我兩個人叫左一份美式BBQ烤豬肋骨，配粗著條+$20轉做黑松露薯條(本人喜愛黑松露，但覺得無咩味唔加也可),烤豬肋骨多肉又好食👍🏻-牛肝菌忌廉汁意大利飯-餐廳侍應會問要幾”林”(意大利可選擇硬度)覺得咁都幾好，可以揀食”林”的，適合唔食硬飯既人，味道覺得可以重味少少，整體都ok ge -棒子咖啡-係有的甜既😖但欣賞用不鏽鋼飲管夠環保下次可以約埋班朋友再去試下其他

同朋友放狗經開，香港難得有可以帶狗狗去既餐廳朋友未食lunch就揀左呢間佢地叫set lunch 加凍飲$6，特飲加$12我叫芒果沙冰正價$42叫左先醒起，如果調轉我杯芒果沙冰跟餐會平d問左職員話可以改番，點知問完經理就話改唔到，係咁講話計番都係爭幾蚊，咁都無辦法既，原來成間鋪無乜人，改單係有困難既，可能部機問題啦，有感請個醒目員工，同經理都真係唔易。食物方面，朋友叫左意粉，好硬同咸，另一個叫 all day breakfast 都尚可芒果沙冰就係糖水啦，甜度極高，再加冰都飲唔到下次再黎呢邊會選擇試其他😆

又到一星期一次和同事們出街食lunch，今日31號出糧，本來想食隔離間日本料理沖繩，但因為和10個同事食飯，無位，見呢間My way一個人都無，室內裝修又ok，所以博一鋪，試下！叫左一個個All  day  breakfast E餐，$88加1，成百蚊埋單！凍飲就加多4蚊！價錢係其次，最緊要好食！🤤🤤不過，以成百蚊食個lunch 嘅質素，算係差！薄牛扒仲衰過茶餐廳d西冷牛扒！又細塊！如果價錢係58$會合理d！沙津太乾，只有芝麻醬配沙律菜，沒有小紅茄和沙律醋，好一般，雖然有薯餅，但上菜時並沒有提供茄汁，需要特別詢問才有！我朋友食左個$68 意粉天使麵，分量相當少而且味道很一般！不可一，不可再！唔能夠take two！🌚🌚🤦🏿‍♂️🤦🏿‍♂️🤦🏿‍♂️🤦🏿‍♂️

返工返得咁辛苦，有時下午都要食得好d。依間店鋪主打Homemade pasta,午餐黎講係商場食都要差唔多一舊水，午餐包一杯桃茶。食物睇得出有用心機整，蟹肉意大利飯既蟹肉都有好多，絕不敷衍。肉醬意粉就普通簡單d，無咩特別。

嚟開呢頭揾食，見電視介紹過，又係handmade意粉咁有誠意，所以試試佢！叫咗個特色海膽幼蛋麵做主菜嘅餐，包麵包、湯同飲品！（$268）呢個自家製麵包味道ok！跟住呢個湯，我估佢係南瓜湯，因為一啲味都無，所以係估，就好似有顏色嘅水咁！呢個蜆叫做最正常嘅一道，有小小香茅味，蜆都新鮮嘅！期待咗好耐嘅自家製意粉終於到，份量有啲少，都唔緊要，一放入口已嗅到有啲臭味，放入口，勁腥🤢！麵又無咬口，真係好失望囉，咁嘅價錢食碟咁嘅嘢，單點都要$208，真係自己買板海膽食無咁嬲，當堂無哂mode🤧！呢個意大利飯都係咁細碟，味道較淡(本身都已經食得清淡），都有少少龍蝦汁味嘅！埋單$4xx，總括嚟講：一個字，「伏」🤬🤬🤬！完。

老公好鐘意食麵食，意粉當然啱，佢睇咗大台嘅飲食節目介紹呢間餐廳，話影得好好味，就想嚟試試加上呢度商場可帶狗隻，梗係帶埋「亞仔」嚟試佢最想試就係個海胆意粉，我哋仲叫咗安格斯牛扒還有一份魚柳（共三個餐），晚餐包前菜及餐湯，前菜有三款1）凱薩沙律；2）香茅酒煮蜆；3）芝士年糕，我哋有三個餐咁就每樣一款試晒佢好可惜，希望越大失望亦越大⋯⋯首先嚟麵包，冇咩特別，個湯我冇試但同行嘅人話唔好飲跟住嚟嘅蜆，都算大隻，味到我覺得可以（因為我唔太喜歡香茅，唔太濃）但友人話香茅嘅味唔出🙅🏻‍♀️再嚟芝士年糕，都係放題食開嗰款，而沙律都係基本嘢，全部無驚喜好啦，熱切期待嘅海胆意粉嚟啦，嘩～～～細碟到呢（請睇相）。我問老公大台影係咪咁嘅份量，佢話多啲喎，而海胆只有一瓣而且好腥，意粉餐$268㗎，即時有中伏感再嚟嘅係份魚柳$208，我食到陣味有啲石油味，有啲怪，已經唔太想食落去，基於珍惜/尊重食物，我哋食埋佢最後就係塊扒$268，見到係薄牛扒已經（無影相，因為已經無心情），開頭下單店員問幾成熟我係叫medium (5成）但來到是7成以上近乎well done（全熟），唉！啲肉好韌會有渣埋單呢餐$800多近$900元

好多年冇黎呢個商場, 發現多左好多新食肆,中式, 港式, 日式, 德國菜, 西班牙, 泰式, 素食, 應有盡有.以前我多數去果間賣麵包GE西餐廳食lunch,今次想試新野, 就試左呢間, 佢地GE特色係自製的幼蛋麵,滿滿的海膽醬汁, 味道很豐富. 海膽只有一小撮(起初期望是一排的). 幼蛋麵方面, 我個人覺得口感偏淋, 吃到中途覺得有點膩.調味上又係幾好, 可惜risotto有點軟淋.全日早餐包括埋咖哩烏冬, 很有趣的組合. 除了薄牛扒出奇地好味之外, 其他都只是一般, 炒滑蛋煎成蛋餅, 司華力腸沒有香烤的味道.最有特色係枝環保飲管了.佢地GE服務很好, 姐姐們都很有禮貌. 但另一方面, 餐廳音樂很大, 比酒樓更嘈雜.

睇完J 台<搵食X團>介紹呢間餐廳，見到D食物整得好靚，D加拿大海膽又大大條再加埋龍蝦汁調製，同埋D手打麵望落好好味，隔住個電視都流哂口水，諗住去試一試。雖然晚飯時間嚟到全店只有三四台，不過一場嚟到都點咗個招牌海膽蛋麵同埋個鳗魚意大利飯，跟餐先上個包同埋雜菜湯，個包還可以，但個湯味道非常淡，好似湯粉開水似的。跟住到個鰻魚意大利飯上碟，坦白講，飯同鰻魚的味道都算好味，但跟電視節目入面鰻魚的size差好遠，感覺上我個條極其量仲發緊育。然後到最期待的海膽蛋手打麵，賣相十分吸引，但份量比較少，實在不夠飽，而海膽味道還不錯，另外麵汁亦吃不出有龍蝦湯的味道，而所謂手打麵麵身比較幼，味道只是一般。總括而言，廣告既野不用太認真，一試作罷。

之前一行十人去咗mikiki商場試新野。食物：✅自家製麵包🥯配意大利無花果醋 -果醋好特別，好味🆗黑松露薯條&水牛芝士辣味薯角🍟🤤🆗凱撒沙律🥗✅✅白酒羅勒香茅烹活蜆🤤🤤🤤 - 好有酒味、粒粒蜆肉又肥又大粒，好有鮮味✅✅日式卡邦尼蛋麵 - 自家製嘅麵好正，好creamy✅海膽意大利飯 - 海膽味好香✅八爪魚番茄麵 - 酸酸地好惹味✅牛肝菌麵 - 好香✅安格斯牛扒配紅酒汁 - 五成熟，好食，唔會overcook👍🏼✅燒羊架配茴香芥茉汁 - 羊肉好嫩，好正✅✅北海道豚肉配蘋果薑汁 - 推介👍🏼必食🤤🤤🤤✅BBQ烤豬肋骨 - 好惹味大廚👨🏻‍🍳原來呢間餐廳嘅主廚係曾經主理六星級酒店，唔怪之得啲質素水準咁高，價錢平民。服務💁🏻‍♀️職員態度殷勤細心❤️環境：🌖天氣涼涼地😌，坐室外好舒服，不過一定要預早訂定位。清潔🧹咁啱今晚佢哋提早收，9點鐘last order, 原來全間餐廳都大清潔🧽。歡迎攜帶寵物🐶如果坐室外，仲可以帶狗仔🐶黎一齊食飯。👍🏼👍🏼讚揚餐廳支持環保♻️，飲筒🍹都是用可循環再用的鋼飲筒。這一點比較讚揚！👍🏼泊車🅿️今晚我哋泊🚗係餐廳對面馬路，可以望到架車，唔怕俾人抄牌。或者當然可以泊商場嘅停

成個環境真係好靚🤩有室內同露天🌛食晚餐個feel好好招牌菜係主打人手handmade 既手工麵👍🏻日日新鮮製造-前菜麵包係老闆親手整架，焗到脆脆的配埋呢個橄欖油黑醋好開胃🤣-🐚白酒羅勒香茅煮蜆👍🏻超鍾意呢個呢個係必食推介⭐味道層次好分明入口首先係最濃嘅酒香味好突出，然後再食到香茅味，最後留低係蜆既鮮味✨✨所以第一味道係甘味，最尾先慢慢食得出甜味👍🏻係好特別既湯.🐙八爪魚番茄醬蛋麵 每一啖都有粒粒八爪魚肉碎🤩煙韌得來又唔會難咬，配上酸甜嘅蕃茄汁開胃得來又夾🍅好似隱約食到少少芝士味而且啲麵唔係軟爛或者太硬🔥岩岩好啊.🍄牛肝菌忌廉汁幼蛋麵好香既忌廉湯底🧀麵條吸晒啲忌廉汁入口細滑，牛肝菌分量充足👍🏻加重左本來的麵條同忌廉底既味道😍個人覺得佢比八爪魚番茄麵更加好食