牛一 (始創中心) (Moved) New Location

見牛一有期間限定紫薯雪糕，即時衝去啦。本身中意食壽喜燒湯底，見到期間限定椰子雞湯底，即時選擇困難，唯有加$18蚊兩樣要曬。壽喜燒湯底仲跟人頭送雞蛋，抵，湯底甜甜地好味。個椰子雞真係有椰子片同雞塊，椰子片有椰子甜味，雞亦滑。牛肉都有牛味，但超薄。豬比較厚身，但偏瘦，肉質稍鞋。都係丸同多款菜出色d。有款豬肉丸超爽口，必試。去到重點雪糕，大拿拿有4款，紫薯，奶茶，桃味乳酪，原味乳酪。紫薯雪糕好香，又滑，奶茶雪糕堅似飲梗奶茶，好味。相對桃味唔重既乳酪，雪糕完勝。人均一舊水都唔使又打邊爐，又有多款雪糕食，滿足。

雖然旺角有很多餐廳的選擇，但說到實食得飽&高質&抵食，牛一是要大推的。之前只食過尖沙咀樂道分店，今次就來旺角始創這一間試試。午餐時間來到，有兩款選擇: 90分鐘任食肉類和配菜or 60分鐘一碟肉加任食配菜。我不大食，還是選了60分鐘，包一碟豬的餐。湯底方面，選了今期限定的椰子雞湯。這就是椰子雞湯，選這個湯其實非常好，因為裏面還有四件雞件，混合椰子湯底非常清甜而且雞肉很嫩滑，其他湯底就沒有雞件了，可惜唔知這個湯底幾時完。牛一的任食配菜一向都很豐富，還不時有驚喜。之前有一次食到有貴價菜冰菜，今次就有蟲草花和羽衣甘藍。較特別見到有淮山同紫薯，都有分別攞左一件來試試。雖然紫薯打邊爐是有點奇怪，但配上這個清淡的湯底個效果出來竟然十分不錯。特別推薦的配料有麻糬魚腐，順道一提牛一有個熟食咖哩和牛炒飯，都是推介的菜式，飯炒得粒粒分明，即使放在恆溫電飯煲一會兒也很好吃。另外，套餐中的豚肉質素也不錯，有八大片，個人推介一定要試下點牛一的柚子醋來食豚肉，味道會即時提升的！另外，牛一最為有名的就是他的乳酪雪糕！比起街外專賣乳酪雪糕的店一點也不遜色，酸度非常到位，還有很多toppings可以加，就算60分鐘不多

我们点的是248日本和牛放题，旦所有追加的都跟第一輪的都不一樣，質素差很多，同普通肥牛没分別，有欺騙顧客之嫌只有第一輪D牛肉入口即溶，之后的都系又厚又韌，是不是無奸就不成商呢？

今日唔知做咩好想打邊爐上網睇左好多間邊到有午市火鍋呢間最就腳，原本睇食評都驚驚地因為見到好多話啲服務員態度好差但我想將佢最嚴重既問題講左出黎先！一開始我地揀澳洲和牛頭一輪已經食落覺得口感差.....到我地追加... 佢黎左4盤其中兩盤先真正係我地嗌既澳洲牛另外兩盤係質素較差下圖左同右食落去口感係好大分別的但店員會將靚個盤放面頭！搭住唔靚個盤係門口睇完餐牌係寫60分鐘$148澳洲和牛，下午4點49分先正式行入去，但佢就話要5點45分還台。入座後見到自助吧有好多食材！飲品種類都唔係算少既...其實澳洲和牛味道係幾好但佢夾雜其他低價錢選項既牛就好欺騙食客服務質素唔係好差但係佢係無服務囉

又來唔湊仔去打邊爐😏今次來近近地太子牛一來到都2030，可能平日，唔洗等.揀左中間既澳洲和牛，番茄龍蝦湯😋😋牛同豬係order既，其他丸/菜/飲品/雪糕自助湯底正常水平，其他都係普通常見牛既質量真係唔錯.一共叫左3轉，每轉都好新鮮😋😋甜品乳酪雪糕《—我至愛😝😝好好味，都有十幾款topping 揀紫薯雪糕無試，我老公話之前係阿華田應該期期唔同😏

近排天氣持續寒冷，食火鍋是指定動作。牛一係我唯一一間食完會再光顧的火鍋店。因為早上吃了豐富的早餐，沒吃午餐，所以今天提早吃晚餐。牛一係5pm前入座都係以午餐價錢計，好抵架! 我們點了90分鐘放題，都只是$128 加一 !湯底是壽喜燒，牛肉薄薄的一片片，沒有很多肥肉，所以會食得好放心。另外出面自助的其他食物也有很多款式，有鱈魚丸，牛丸，花枝丸，苦瓜片，皇帝菜，冬蟲花，乌冬，紅薯粉，等等。最尾一定要食埋雪糕作完美的句點，通常有4款揀，我今次食柯華田雪糕，再自己加朱古力碎及花生碎做toppings ! 仲有棉花糖及爆珠等等。

近排天氣涷，晏晝都想食啲熱辣辣嘅嘢，朋友提意去食自助日式火鍋。我哋到餐廳後揀咗每位$148嘅澳洲和牛小排，豚肉，職員安排我哋三人坐卡位，餐廳座位寬落，一位準媽媽大住個肚都唔學坐得逼。一坐低揀好湯底即刻出去拎嘢食拎嘢飲，牛肉同豚肉由職員拎比客人。食物方面我哋揀咗芝士味湯底，少少芝士味都冇，牛肉無味，相比豚肉出色得多，自助區食物擺放整齊，飲品無熱飲，有盒及罐裝飲品，甜品有自斟雪糕，感覺飲品同甜品比同類型火鍋店少，服務方面職員收碟快而且有禮。第一次嚟嘅牛肉，顏色靚，但食落無牛味。第二碟同之後賣相都好。豚肉比肉好味。自助區丸類及蔬菜，蔬菜多數都新鮮。我覺得最好味係雪糕。

12月26日，boxing day去食牛一。黎過始創牛一咁多次，第一次食到咁唔開心老公話以後去尖沙咀果間算。1. 11月時去過銅鑼灣分店食過一次，有個男侍應換左黎。係銅鑼灣已經係咁，不停係度大聲撩女侍應講野，行黎行去，黑口黑面，十分令人討厭。2. 不嬲食開鮮茄濃蝦湯，未試過咁淡嘅湯底！水一樣！3. 聖誕節，可能多人，做得攰。侍應唔多理客之餘，order左3次3碟牛，但次次都係攞2碟黎。驚我食蝕佢？4. 牛肉118加到128，我地就揀左148，不過牛肉都係冇以前118好食。唯一亮點，有聖誕版hite希望果個侍應唔好去尖沙咀分店，污染左間店！唔係，以後就要同牛一講88〜

昨晚去牛一慶祝還以為晚上9:30後有宵夜時段原來沒有😂不要緊，平日9:30後入座，人不太多，坐得舒適，服務態度亦很好XD。最重要是，回家後發現火鍋殘留的氣味不大!!! 到牛一食火鍋，真心推薦壽喜燒湯底!❤ 食物倒入鍋內，會盡得湯底精華，十分入味，不再蘸其他醬汁也可。這次選擇了HKD 158 (未加一) ，包豚肉，美國牛肉無限refill。牛肉口感不差，不太油膩! 同樣標榜來自美國，絕對比"為你做到100分"那些好😂常跟友人說，如果要吃平民價火鍋，要不自己買料家中吃，要不就選擇吉吉家。到大xx, 美x那些真的不值🙈 地點位置都方便的，在太子地鐵站附近。在迪士尼看過煙花後，9點左右才離開，9:40已到達並入座!

而家咁多日式火鍋放題餐廳, 但係成日都仲食呢間, 因為覺得佢野食質素OK, 選擇算多, 同埋有我鐘意食嘅麻糬魚腐. 之前關於呢間餐廳寫左篇"好不好吃除看餐廳還得看同行對象", 而呢次係我最後一次黎, 因為"好不好吃除看食物還得看侍應嘴臉", 呢到啲侍應真係接受佢唔到, 衰到我覺得唔用廣東話寫都表達唔出佢份衰格!其實食呢啲放題餐廳都唔要求啲乜, 呢到叫人攞肉同加水唔容易, 但係叫幾次等下最終有做都接受, 所以之前無提. 最後呢次黎食, 除左呢個問題, 作為侍應就算點唔鐘意啲客, 都唔好係其他客都聽到嘅情況下數臭其他客, 你咁有怨念, 真係怕你睇唔開係啲野食到加料, 而最離譜最接受唔到係, 食到最後畀啲侍應當乞衣咁趕. 我知呢到有限時, 如果係夠鐘前兩三個字有侍應提一提我, 我好樂意準備好離開還枱, 同埋好多時餐廳就算夠左鐘又有位多都未必要還枱, 我又試過Lunch黎食過鐘都無人趕, 但係呢次忽然有件女黑面神衝埋黎話"都已經食左成兩個鐘, 你去埋左單先". 其實我唔會自己計住食到夠鐘未, 呢個係你工作唔係我工作, 唔好一衝埋黎就好似我食多左你野欠左你, 命令我去埋單. 仲有又係佢話埋左單先

呢間係表弟之前食過話OK加見天氣轉涼, 約食飯地點就去左呢間好在早到拎左飛等一陣就可以入座, 通常到左七點後就要等好耐門口已掛出有邊幾款肉類級數價錢, 入座前接待員會問左你食邊款及要咩湯底, 慳番D時間我地今晚要左極上美國牛肉, 豚肉 ($178/位), 配昆布清湯鍋基本上牛肉及豚肉首次會每樣送上2盒, 切得好薄, 方便烚一陣就食得極上美國牛肉肉色靚仔, 唔會好肥, 食起上黎唔會嚡口另外個豚肉亦呈現嫩紅色, 亦都唔會有好多肥膏, 比牛肉烚耐少少已OK, 無豬"SO"味除左肉類, 其餘丸, 菇, 菜, 麵/烏冬/紅薯粉等就自己出去食材配料區拎蔬菜種類都算多, 連羽衣甘藍都有, 驚喜位有紫蕃薯及昆布結飲品亦係自己出去斟, 有汽水, 紙包飲品及菓汁飯品甜品係自助雪糕吧, 有4款味道比你選擇, 仲有配料比你自己加, 好滿足呀.................咁多野食, 90分鐘都幾快過, 總括黎講回頭率都幾高!

早幾日同老公去左太子果邊行街，行到咁上下就梗係肚餓啦，因為近來天氣涼左好多，所以成日都好想打邊爐😂，大約20:30去到，都已經冇咩人啦，即刻就可以入去☺️☺️，環境舒適，坐得好舒服😌服務員都好好，我選擇左$178個餐，湯底就要左壽喜燒，但呢個湯底我覺得麻麻地，因為本來壽喜燒係帶甜既，但可能想減低成本，所以冇咩壽喜燒個味，下次要試第2個😝，牛肉好薄，所以放左落個湯到，會比較容易變到好細，因為碎哂😂，所以唔好咁大力，但個牛係好食既，有牛味，而且，追加牛肉都好快，唔使等好耐，所以我地2個人都食左8盤牛肉😝，而另外一個就係豬肉，其實一定以黎，我打邊爐都唔係咁食豬的，但呢個ok,唔太多肥肉，但又唔會太靱，其他配菜就一般般，略嫌野飲款式少左d,總括黎講，係可以再去，價錢都唔太貴

之前都係去尖沙咀嗰間食開，午餐$118，90分鐘，真係好抵食。而且試過好多同類型既限時任食火鍋，牛一真係最多選擇，所以亦最鍾意今次終於黎太子分店試試，因為3:30pm關係，等左10分鐘就可以入座，入座時經過火鍋醬料，汽水櫃，火鍋配料，真係好急不及待我地試左季節限定既杏汁鰹魚湯底，仲好怕會好大陣杏汁味，e...冇喎，唔太咸太濃，ok..我地揀左最普通既牛，都好靚架，唔會肥膏多過肉，呢個價錢真係值架到野飲，有3種熱茶，汽水機同汽水櫃(盒裝菊花茶，山楂蘋果汁，檸檬茶，青檸梳打水同啤酒)，仲有2部雪糕同乳酪機，傍邊仲有配料好似Q果，朱古力粒等等到醬料，都好多選擇，有柚子醋，胡麻醬，日式醬油，辣黑蒜醬油，一味(辣)，蒜泥，辣椒，蔥粒同大蒜等等到火鍋配料，有麵筋，豆腐卜，豆腐，腸仔，芝士腸，麻糬丸，海膽丸，牛筋丸，板丸，魚旦，萵笋，籮白，海帶，南瓜，蕃茄，粟米，大蒜，羽衣甘藍，白菜，生菜，木耳，魔芋，芽菜，甘針菜，菇等等，真係多到我都唔記得呢到真係岩哂我地啲咩都鍾意食少少試少少既人，種類真係比好多同類型既火鍋店多，總有野岩你食

又帶爸到牛一擦番餐, 因為佢好喜歡食牛肉邊爐, 而且地點方便, 近港鐵站, 不用老人家跑到老遠去食晚飯。之前因為他們肉的質素有所下降, 第一碟不錯, 之後的肉質就比較差, 所以停了半年沒去食, 今次由於有積分換$60晚餐券而且用分換了免費雙拼湯, 所以便多給他一次機會去試試有沒改善了! 我們選了極上牛肉, 因爸提供了長者咭, 就只是$138便可食90分鐘放題, 所以好抵食呢主角上場了, 第一碟肉質嫩滑, 第二碟, 第三碟到第9碟都保持水準, 果然有改善呢!而豚肉亦都又薄又軟又有肉味, 今次性價比很高今次我選了限定版的杏汁鰹魚湯跟壽喜燒, 每次叫壽喜燒都會送每人一隻日本雞蛋, 而且煮耐了都仲好夠味, 是我的首選, 但杏汁鰹魚湯就選錯了, 無里味道, 反而限定綠茶雪糕就好濃味, 希望長期有得食啦！

平時最鍾意嘅就係食午餐放題，因為價錢真係平晚餐嘅一半有多。而我今日就同朋友食我經常食嘅豚肉火鍋放題，＄62包括左一碟豚肉同其他配料任食。仼食配料選擇都多，有魚蛋，花枝丸，墨魚丸，年糕，豆腐，同各式各樣嘅粉面，仲有和牛咖哩炒飯。花枝丸彈牙，美味。我最欣賞既仲有粒魚蛋裏釀左年糕，好煙un。飲品無限添飲，仲有綠茶雪糕同乳酪雪糕任食，加上好多toppings， 好抵，加埋一都只係＄70。不過呢個火鍋放題只能限食60分鐘有，有d趕，但質數唔錯。